齊柏林熱狗店 (河畔花園) (已結業)

之前想係新城市分店食但人太多放棄左排隊, 路經河畔終於有機會第一次食到.隻熱狗夠熱, 小小辣好野味, 味道一流,  唯一係個包唔夠實淨, 一夾個包, D 汁會穿底食得有D "呢咁HEA" ..

踩單車路經沙田諗住食個下午茶補充體力，見到齊柏林熱狗記得好似唔錯，決定再食多次。河畔花園嘅齊柏林食熱狗，隔離仲有E.tea.我叫咗個澳式風情熱狗，除咗紐倫堡腸啖啖肉之外，配合左啲粒粒菠蘿，同千島醬，好fresh,清甜又好味，仲有芝士同煙肉，口感更豐富，煙韌又yummy~~朋友叫咗火炙芝士辣肉醬熱狗，肉醬辣辣地好惹味，腸仔亦都好大條，亦都有好多芝士，好滿足好好味！~下次有機會再食埋其他口味先，跟餐有薯條同汽水好似都唔錯～

終於可以試到大名鼎鼎嘅齊柏林熱狗啦！好多選擇，我就揀咗芝士肉醬熱狗，真心唔錯。先講麵包，麵包微脆，唔會係實的的嘅熱狗包，唔怕食到好飽，唔錯。肉醬用上大量蕃茄，配上芥末，非常惹味。鍾意芝士嘅人一定好開心，因為個熱狗真係好多芝士，用上高質mozarella，唔係坊間一般嘅片裝芝士，非常有heart。而友人揀咗澳洲風情，加洋蔥圈再配bbq sauce，都唔錯！絶對要番兜！雖然冇得堂食，全部都係外賣，不過返到屋企用焗爐焗幾分鐘就得，一樣咁滋味。

呢間熱狗專門店，之前我哋食過一次之後真係番唔到轉頭🤤真係好好好味道，非一般嘅熱狗店，今次專登再去，仲食咗佢哋嘅 #澳式風情熱狗 🌭️ 芝士多之餘，仲有好好味嘅菠蘿🍍，夾埋熱狗腸食，甜甜地鹹鹹地好Juicy💦今次仲叫埋佢哋嘅小食，原來都好抵，加$12可以揀兩款小食，另外加大個薯條都係比多$5，粗薯條脆卜卜，牛油粟米🌽超好味，勁鍾意❤️下次會再食

經過河畔，叫左個火炙芝士辣肉醬熱狗環境就無乜好講，因為只可以外賣。買完要行十幾分鐘先食，已經變左暖狗。首先要講既賣相同張圖係差唔多，認真睇落唔錯，個麵包摸落無咁硬，都有麵包香味，唔錯。成個熱狗食落有好濃既芝士、辣肉醬同腸味。特別係個芝士令人印象深刻，可以似Pizza Hut廣告可以拉到勁長。不過可能D芝士同辣醬太多又有D辣既關係，腸味就唔太突出。小食唔多講，因為我無買到。價錢黎講一餐連小食野飲夾埋60幾蚊左右。老實講係偏貴。味道算好但係熱狗唔算好令人難忘。叫做不過不失啦，個人認為唔太抵食。經過口痕可以試下既，食完唔會後悔。但係就無乜必要特登去食，因為質素唔算好突出。仍需努力

由於我發覺我飲親茶星人左近總有齊柏林熱狗店 所以我哋已經三日內食咗兩次<<澳式風情熱狗>>($38)因為本小姐真係覺得呢個pizza味嘅熱狗好好食🤗今次單買冇叫餐~~襯佢熱辣辣🌭一口氣🌬一次過食晒呢個...💁🏻‍♀️有少少燶邊脆脆哋嘅熱狗💁🏻‍♀️有適量熱融芝士同暖笠笠千島醬嘅熱狗💁🏻‍♀️有煙肉仲要係有紐倫堡腸嘅熱狗.I love Nuremberg Bratwurst🇩🇪

Chili Dog with Cheese 火炙芝士辣肉醬熱狗 $42Aussie Dog 澳式風情熱狗 $38Small frie細薯條 coins with butter牛油粟米 +$12呢間由荃灣開到區區都有嘅人氣熱狗店 要排晒隊先買到 首先鋪頭以唔同款嘅熱狗為主打 試咗兩個口味 先講火炙芝士辣肉醬 最面鋪咗一層火槍燒過嘅芝士有拉絲又煙韌 中間係辣肉醬仲有洋蔥粒同蕃茄粒加埋芥末個辣味不錯仲有啲酸酸地 下面就係好juicy嘅荷蘭腸 呢個味一開始食都唔覺辣但原來一路食落去個辣味會愈黎愈出 另外澳式風情一樣有燒過嘅芝士係面下面有煙肉加埋千島醬同菠蘿fresh小小冇咁漏條紐倫堡腸一樣juicy 個人會比較鐘意AussieDog因為唔係好食到辣啦🙈 薯條驚喜位去咗個醬度 係茄汁撈埋千島醬 正 牛油粟米冇得彈 雖然唔係好重牛油味但有比一般嘅乾同脆身有小小煙薰味 自己食咗成兜 暫時都未提供堂身 都見好多人會嗌外送 好彩開咗間係屋企附近地點都幾方面攞到返去都仲好熱嫁

沙田新城市那邊大多也是連鎖集團的餐廳河畔花園那邊較多小店值得支持剛巧從西貢那邊行完山，早一點下車便到達齊柏林一如既往的人多，等了剛好二十分鐘取餐很多熱狗款已經售罄順提店員忘記給餐具我吃栗米火炙芝士辣肉醬熱狗 - $42長期佔領熱賣榜第一位原片芝士直接放在熱狗上，以火鎗炙溶直接而成芝士不算太溶，還能保持原本的形狀，口感仍舊有融化的感覺中間還有加入大量秘製辣汁的肉醬，惹味之餘不算太辣更有足足120g的荷蘭腸啖啖肉麵包更在火爐炙一炙，增加麵包的溫度及軟熟程度套餐牛油栗米杯及COKE ZERO +$12栗米咬下去煙韌粉糯，牛油更能提升粟米的甜度，口感亦會變得更重奶油感

開左好多分店既齊柏林熱狗店，第一次食好似係兩年前係荃灣鱟地坊分店，食佢地薯條，好多醬汁，炸得好好食！今次終於試佢既熱狗🌭️買到返屋企都已經唔夠熱😕不過我用焗爐焗返幾分鐘，都ok😙🔸芝味熱狗🌭️三重熱熔芝士、粟米、蛋黃醬、法蘭克福腸，成隻都俾芝士包住🧀芝士愛好者要揀呢個。一個人食一隻我覺得都滯滯地，太多芝士😂🔸澳式風情熱狗🌭️芝士、煙肉、菠蘿、千島醬、紐倫堡腸，個人比較鍾意食呢個，無咁漏，啲材料食落好似食緊Pizza🍕好好味😆🔸洋蔥圈連芝味熱狗買有優惠價🤓炸野無得輸🤣

澳式風情熱狗 $38🌭: 芝士🧀、煙肉🥓、菠蘿🍍、千島醬、紐倫堡腸熱狗既面舖滿煙左肉碎同菠蘿再加上邪惡既🧀 成個組合已經令人流哂口水🤤 面頭既芝士同包底都有微微烘過 食落非常好脆 而菠蘿同千島醬既味道會偏甜 好彩有煙肉碎同重味既紐倫堡腸平衝返個感覺 整體食落唔會過鹹/甜 而且即使凍咗佢都仲係好好食😋評分: 8.5/10🌟芝士大薯條 $22薯條上面有一大pat芝士舖面又係十級邪惡系列😈😈😈買完外賣返去啲芝士凍咗會變咗一塊野 食落會有啲狼狽 但就算啲薯條凍咗淋咗都可接受 因為食到新鮮既薯仔味🤣 加上店家會俾大量芥末同茄汁俾客人配薯條 唔會食食下覺得好乾身～評分: 9/10🌟—————————————————————————齊柏林熱狗店 (沙田)沙田大涌橋路20-30號河畔花園地下5號舖

沙田河畔之福。🤩終於等到沙田開分店啦！Zeppelin Hot Dog佢地既熱狗真係無得頂，真係勁好食。之前沙田未開果時，每次出親街都會外賣返屋企，但因為路途遙遠，廢事加配薯條，以家沙田開咗，即刻加配埋薯條，好味🤤🤤🤤試過芝味熱狗、洋蔥圈同澳式風情，每款都好味，真係好難選擇，每次望住個餐牌都唔知選邊款好，樣樣都想食下。😂😂😂但最鐘意始終係佢地個澳式風情，堅好味😋個薯條配咗2個汁，撈埋一齊又真係幾好食喎

見到新開左熱狗舖就去試吓之後先知原來呢間舖頭有咁多間分店😳😳食完俾我最大感覺嘅居然唔係熱狗反而係$20 9件嘅雞塊🥰自從好耐冇食某舖頭嘅麥樂雞之後其實有時都好掛住嗰陣味 呢間舖頭賣得算平 雞塊嘅質地啱啱好 味道唔係太重 唔會太鹹 反而啱我口味下次一定會再買🤩🤩至於熱狗就反而令我有少少失望嗌咗澳式風情熱狗🌭佢個熱狗包唔太脆而係有啲韌韌地咁但中間嘅醬同腸係好食嘅😌

話說嗰日經過河畔花園，喺一個唔太起眼嘅位置，赫然發現開咗間熱狗專門店！貌似係沙田區第一間！ 於是就行埋去睇吓有咩食啦！話說在下以前從未幫襯過任何一間熱狗專門店！因在下並不十分喜好芝士，所以就隨心意揀咗款清淡啲嘅「田園風味」，再加$12揀咗兩款小食（薯條＋烤菠蘿）。當時外賣嘅人並唔算多，所以等咗十零分鐘就攞得。行咗15分鐘返到屋企，打開個外賣盒，見到隻熱狗賣相都頗為精美，但係已經變咗凍狗了，哈哈 幸好啲薯條都仲係微暖，同埋冇俾倒汗水影響到，林林地都幾好食。烤菠蘿超甜，但係就食唔出係罐頭菠蘿定新鮮菠蘿。以後經過都會多多幫襯！香港年青人加油！