齊柏林熱狗店 (錦薈坊)

营业中

休息中

滿瀉嘅餡料 仲有重量級嘅熱狗肉腸❗️-總有一間係左近嘅齊柏林，近年好似將Subway壓下去，係因為大家鍾意熱狗多過潛艇堡，定係因為鍾意佢嘅芝士多啲。-🧀火灸芝士辣肉醬熱狗 ($42)1️⃣海量嘅芝士鋪係熱狗上，火灸到剛剛溶化，微微焦香，一咬拉絲，夠哂邪惡。2️⃣以超足料辣肉醬取代醬汁，配上熱狗真係相當唔錯。👍🏻8/10🌭澳式風情熱狗 ($38)一樣有鋪滿芝士嘅熱狗，而呢款有田中最愛嘅千島醬同菠蘿，充滿熱狗腸嘅肉感之餘，更Fresh更開胃，超推薦。👍🏻8.5/10

齊柏林分店同locker一樣都係周圍都係，今次想講吓屯門錦薈坊新開嗰間😚 佢地舖頭有個好闊落嘅位可以企喺度食，仲有個細細嘅疑似霓虹燈位可以打卡🤪😋 澳式風情熱狗 $38😋 德國酸菜熱狗 $38😋 轉套餐（小食/汽水選2款） +$12呢兩隻熱狗都係用紐倫堡腸，即係白色嗰隻，比較韌身同埋偏鹹，唔係司華力腸咁粗，又唔係廚師腸咁幼，應該係炸過同燒過（偷睇咗製作過程），腸皮都係脆脆地😝 齊柏林啲熱狗出名足料同大份，澳式風情係小編最愛之一，有千島醬、煙肉粒、大大粒菠蘿同埋燒過嘅芝士，芝士燒到好鬼香，再多啲芝士就真係超正啦😆 德國酸菜熱狗都係勁正！勁多酸菜食到成口都係，仲食到燒過嘅味道，超惹味😗 配料仲有煙肉粒，熱狗外邊仲有嚿甜酸瓜中和下味道。醬就係茄汁同黃芥末，都好出色😛因為唔想飲汽水，兩份餐都叫咗粟米同薯條，因為外賣拎遠咗嘅關係，啲薯條都凍咗同淋咗，但都食得出好香嘅薯仔味，佢地嘅粗薯條都係正過金記嗰啲好多好多㗎🤣 粟米杯啲粟米就麻麻地，再多啲牛油會更好。

要食#熱狗 一定係#齊柏林熱狗店 🌭逆市開左咁多間 而家區區都有就知佢有返咁上下屯門市廣場又開多左間新分店今日黎買兩個套餐返屋企食🤤有八款熱狗選擇 全部都好似好正揀左兩款招牌人氣狗 火灸芝士辣肉醬同澳式風情每款入面條狗都唔同 自己鍾意澳式風情火炙芝士係面 加上千島醬菠蘿煙肉同紐綸堡腸勁多醬勁好食 甜甜地好開胃火炙辣肉醬就比較惹味另外加$12套餐可以揀兩款小食 勁抵要左薯條同牛油粟米杯🤤平民美食 又黃又好食 唔懲罰點得😌

Zeppelin Hot Dog Shop 🌭大家冇食過應該都聽過店員服務態度幾好 等大概7分鐘就有熱狗最平$30最貴$42加$12仲可以要兩款小食或者飲料我今次就order左一個火焰芝士辣肉醬熱狗🌭德國酸菜熱狗再加咗兩份薯條 一個菠蘿冰 同埋一罐可樂一共$104💰唔好睇佢好似細細份 熱狗面頭有厚厚嘅芝士所以都幾飽下 不錯不錯 快餐來講係一個不錯嘅選擇建議堂食唔好外賣熱辣辣新鮮食先好食😋

見巿中心新開熱狗店，梗係要趁機試試。新店係錦薈坊地下，鋪位有預設啲企位，可以俾人堂食。但我眼見都係外賣拎走。熱狗30至4x蚊不等，而且又可以加12蚊，有小食或飲品。我就叫左個澳式風情熱狗，加薯條同可樂。Total $50.心諗有少少貴，但食完係勁飽，所以值嘅。其實我好鍾意食芝士，但澳式果隻就得芝士粉就有少少失望。不過都係好好味，下次要問清楚加芝士先得。仲有我試完之後就出左個報導，原來係黃店黎。咁應該更加要支持下有樣不足就係企係街出面等外賣，係完全聽唔到叫咩number。報告完畢