齊柏林熱狗店 (錦薈坊)

营业中

休息中

想食熱狗就會諗到齊柏林，今日行過見到有廣告牌寫住有新產品，係Burger呀！好奇之下再睇下，而家除左burger仲有埋自家烘焙既麵包賣！最後決定要試試就叫左個火炙芝士辣肉醬熱狗、澳式風情熱狗同經典牛肉漢堡！火炙芝士辣肉醬熱狗上面舖滿芝士，再加上秘制辣肉醬非常惹味，入面仲有黃芥末令辣味更有層次！澳式風情熱狗有芝士、煙肉、菠蘿、干島醬！係pizza既感覺呀，有埋菠蘿同千島醬酸酸甜甜好開胃！經典牛肉漢堡賣相一d都唔輸蝕，一層厚厚漢堡肉充滿肉汁，漢堡包又夠軟熟，加上新鮮蔬菜同蕃茄都幾正！套餐仲可以用優惠價追加小食同轉飲品！港式奶茶都好特別，茶香奶滑又唔會太甜呀

齋林柏熱狗相信好多人都聽過甚至食過🌭️ 之前聽過佢地推出自己嘅麵包，依家仲有Burger Line！咁就又多一個選擇😍💛超值套餐🍴經典牛肉漢堡 ($58)🍴薯餅🥤維他氣泡茶麵包皮食落好鬆軟，而且唔會乾。漢堡扒煎到焦香，充滿肉汁之餘又唔會柴，食到淡淡牛味夾埋芝士夠晒邪惡之餘又有蕃茄同生菜平衡番😚💛超值套餐🍴火炙芝士辣肉醬熱狗 ($58)🍴細薯條🥤野菜生活熱狗嘅麵包皮一樣鬆軟，上面嘅芝士多到瀉！辣肉醬辣辣地幾過癮，而且份量都幾多。粗荷蘭腸仲要有成100g，夾埋一齊食口感好豐富又滿足🤩 薯條係粗款🍟，炸到金黃色，外脆內軟。💛齊脆雞塊 (套餐+$15/6件)雞塊炸到金黃色，外皮炸到金黃色，咬落口仲熱辣辣。點埋醬食就令味道更豐富😋💛香炸燒賣 (套餐+$18/6粒)燒賣原來係燒賣皇后嘅豬肉燒賣。燒賣炸到好脆，表面仲加咗辣粉！唔食得辣最好走咗或叫少辣，因為都幾辣🤣

相信大家都對呢間黃黑招牌既熱狗店好熟悉🌭原來已經開業左8年，分店仲越黎越多，而產品方面都已經唔再淨係得熱狗，新推出左幾款漢堡，對於我呢啲漢堡控黎講真係一大福音🍔。屯門呢間舖頭除左有主打既食物之外仲有本地自製既麵包賣🥖而店舖入面仲有一塊好大塊既霓虹燈招牌🌈非常適合打卡用🐒齊柏林Double漢堡(Set)💰$72👉🏻細薯條👉🏻菊9汽-銀菊露味汽水+$8👉🏻炸辣雞扒(2件)+$24店舖中全部既包都可以單點或套餐，而今次揀左佢地既招牌Double漢堡🐮呢款重量級漢堡入面有漢堡扒，芝士🧀️漢堡醬，辣肉腸同生洋蔥🧅見到啲半溶芝士都流哂口水另外佢地都有幾款自家茶飲，而今次既菊9汽同burger都match🌼。🐒 田園沙律💰$24🐒炸魚手指(4條)💰$24除左套餐加配小食，我仲想健康啲，就叫左個新推出既田園沙律🥗套餐都可以用薯條轉，咁就可以享受美食之餘又可以均衡啲🤪

齊柏林新推出左 Burger❣️而且麵包、漢堡扒及漢堡醬都係自家製，當然要去支持下☺️呢個新 Burgerdog 系列嘅三款漢堡中，我揀左 Double 安格斯漢堡🍔鬆軟而且微脆嘅麵包包住 Juicy 嘅漢堡扒，漢堡扒厚實但軟韌適中，同滿滿嘅芝士及漢堡醬一齊食，佳作👍🏻我都食左新推出嘅火炙芝士辣肉醬熱狗🌭爆餡嘅芝士 (有食開齊柏林嘅朋友應該知道佢地嘅作風🤭) 同惹味又唔嗆喉嘅辣肉醬，加上少少黃芥末，味道豐富有層次😋天氣愈來愈熱，所以我加左 $5 由細薯條轉配胡麻醬田園沙律；亦加左 $8 由汽水轉為佢地自家製嘅銀菊露汽水 (名叫「菊 9 汽」🤭)，味道清新又解渴🥤然後我連第二日嘅早餐都買埋😂事緣屯門呢間分店有賣佢地自家烘焙嘅麵包同 Scone，咁啱法式肉桂提子酥買一送一，所以買埋佢😆到訪當日我原本想試嘅奶茶賣晒😅下次一定會再買來試☺️

齊柏林熱狗🌭邊個未食過？咁齊柏林漢堡🍔呢？🆕新推出左漢堡呀，你地食左未呀？😏~•~•~•~•~•~•~•~•~•~•~•~•~•~•~•~•~•~•~• 漢堡🍔 / 熱狗🌭超值套餐(跟細薯條🍟 & 罐裝汽水🥤)麵包都係自家廠房製造👨🏻‍🍳用湯種製法，食落鬆軟軟熟😚.▪[𝐙𝐁𝟎𝟏] 齊柏林Double漢堡 ($72 • 套餐)(自家安格斯牛漢堡扒x𝟐 • 芝士x𝟐 • 漢堡醬 • 生洋蔥 • 秘製辣肉醬) 𝐍𝐄𝐖🆕新推出🎉 𝐌𝐞𝐚𝐭𝐬 𝐋𝐨𝐯𝐞𝐫必嗌漢堡扒𝐉𝐮𝐢𝐜𝐲，食落唔會實的的🥩雖然勁邪惡😈，但勁滿足🤭.▪[𝐋𝐙𝟏𝟐𝟎] 火炙芝士辣肉醬熱狗 ($58 • 套餐)(芝士 • 秘製辣肉醬 • 生洋蔥 • 黃芥末 • 粗荷蘭腸)條脆皮荷蘭腸有成𝟏𝟎𝟎𝐠🤩秘製辣肉醬好惹味 • 份量好足🐖但對我最重點係個層厚厚燒過既熱溶拉絲芝士🤤溫馨提示💕芝士一定要趁熱食🧀.以下𝟑款炸物都係脆卜卜💥▪細薯條🍟 粗身薯條 (配茄汁🥫 • 千島醬🧡)💪🏻𝐊𝐞𝐞𝐩 𝐅𝐢𝐭中既靚靚可(加+$5) 轉田園沙律🥗 / 粟米🌽.▪香炸燒賣 (套餐追加+$18)用冬菇豬肉燒賣，比魚肉燒賣食落口感更豐富🤓加左酸酸甜甜咖哩茄汁

好似間間齊栢林有嘅熱狗都有少少唔同🤔🤔今次嚟到屯門見到有burger就試下佢個burger 我就叫左個經典牛肉漢堡嚟試下 塊肉厚過麥當勞嘅好多 都好juicy 值得推介！

齊柏林本身出名食熱狗🌭️宜家原來仲有新出既burger系列仲已經on menu喇!!!!!!咁都比我見到梗係要試下啦.👅齊柏林double漢堡 套餐 $72Double顧名思義就係兩層牛肉漢堡扒再加上兩層芝士、漢堡醬、辣肉醬、洋蔥超足料!! 兩塊漢堡扒勁厚肉好重牛味之餘 煎過都仲好juicy😍 好開胃套餐配埋田園沙律 +$5、齊茶英女王 +$14健康之選👍🏻 唔想飲汽水既我揀左奶茶好香濃既錫蘭茶味 好飲👍🏻.👅墨西哥勁辣雞漢堡 套餐 $58炸雞扒一開二 夾係漢堡包中麵包軟熟 口感唔會太林炸雞扒脆卜卜 勁有口感仲有菠蘿片係入面 酸酸甜甜 加上煎香左醬汁方面有啲tabasco 辣辣地 勁惹味👍🏻👍🏻👍🏻套餐配大薯條 +$5、黑松露蛋黃醬 +$7、齊茶回憶 +$12薯條即叫即炸 真係冇得頂又香又脆 一定係最好食 加埋黑松露醬超香超滑勁邪惡回憶係港式奶茶 做到真係同茶餐廳一樣味道😱 世界級好飲啊

突然好想食熱狗🌭️漢堡包🍔所以一於去「ZEPPELIN」醫肚😙餐廳入面有幾個座位堂食外賣都得⭐️澳式風情熱狗菠蘿好新鮮同多汁煙肉切成一粒粒好特別而且選用紐倫堡腸好有特色唔錯🥳⭐️混醬的包裏總有熱血的狗個名好正吸引左我order佢黎食😆四款醬汁加埋好配搭加埋芝士粉好香配上匈牙利腸 份量十足👍🏻夠晒飽肚⭐️經典牛肉漢堡除咗熱狗 仲新出咗burger系列$58連套餐好抵食😍成個包份量十足生菜及番茄非常新鮮牛肉好多汁多到流晒出嚟大滿足😊⭐️田園沙律及薯條沙律有火箭菜，粟米及車厘茄配上芝麻醬非常清新健康而薯條選用粗薯條炸得啱啱好點埋茄汁及千島醬一絕😃⭐️飲品兩款特色奶茶去到已經賣晒可想言之幾受歡迎😳好彩都試到銀菊露味汽水飲完好解渴仲有唔同味嘅「野菜生活」飲品健康一下😁

話說Emi係好鍾意食有菠蘿嘅野, 例如夏威夷pizza, 菠蘿蝦堡, 鳳梨酥, 菠蘿咕嚕肉, 菠蘿焗豬扒飯等等等等, 所以去到齊柏林例牌都係叫澳式風情熱狗, 就係因為佢有菠蘿🍍🤣.去得齊柏林都係食熱狗多㗎啦, 而家連burger都有得食, 唔知係咪得屯門呢間先有呢😳今次見到佢有幾個新嘅burger出咗, 就叫左個Double Burger試下🍔Emi覺得一個burger要好食, 除左塊肉其他配料都好重要! 雖然呢個Burger睇落好似平平無奇, 但係佢包嘅大細啱啱好, 唔會食到好捩棄, 芝士同辣肉醬都好配合到塊肉, 而塊肉嘅調味亦都岩岩好唔會太咸, 食到肉本身嘅味道, 攞左餐即刻食一咬就爆晒啲肉汁出黎, 呢個價錢黎講性價比都幾高🍟今次仲有少少特別嘅就係Emi將熱狗條紐倫堡腸轉咗做Beyond Sausage(未來素腸), Emi唔係食開素食覺得真係幾似手造香腸, 雖然冇咁挺身, 但味道都唔錯, 唔似係好傳統嗰啲好難食嘅素肉🌭既照顧到素食人士，又啱晒啲忽然之間想go green嘅人食，唔知遲啲會唔會有埋素嘅Burger呢🥬澳式風情熱狗配細薯條及飲品 $55齊柏林Double漢堡配細薯條及

我最愛嘅齊柏林熱狗推出新系列，由自家麵包工場P&D BAKERY生產漢堡包及自家廠房製作漢堡扒，包括齊柏林Double漢堡、經典牛肉漢堡和墨西哥勁辣雞漢堡。今日放工一於去試一試！🌭英女王港式茶底加入伯爵茶，使用7種茶葉沖調，調配獨特口味。伯爵茶獨特芳香味同時保留港式風味，而且無添加防腐劑,，十分好味！🌭火炙芝士辣肉醬熱狗新鮮出爐嘅熱狗，熱狗腸夠粗夠脆，而辣肉醬配芝士，味道十分濃郁，辣度輕微，兼夾有少少芥末嘅味道，非常惹味！🌭齊柏林Double漢堡酸酸辣嘅肉醬，加埋芝士如瀑布般融化，超邪惡！牛肉漢堡扒同樣厚身，而且鬆軟多汁，仲要有兩塊打孖嚟，食到我十分之滿足！🌭追加-齊脆雞塊、炸魚手指、大薯條全部剛剛好炸好，熱辣辣脆卜卜，唔會油淰淰阿媽個星期二返，夠晒飽肚！總結，熱狗同埋漢堡不得了，一定要大大力支持！

提起熱狗，「齊柏林」可以話係好多人嘅喜愛，近期發現佢地新推出咗漢堡系列，咁又點可以唔試下？新推出嘅漢堡系列有三款，分別係齊柏林Double漢堡、經典牛肉漢堡及墨西哥勁辣雞漢堡，套餐配細薯條及汽水。墨西哥勁辣雞漢堡 :喜愛食辣嘅我梗係要試呢個辣雞漢堡啦，漢堡包夾住辣雞扒、菠蘿及墨西哥辣椒，再加埋辣醬，食落真係勁辣，辣雞扒鬆脆多汁，菠蘿嘅酸酸甜甜令人更加開胃。混醬的包裏總有熱血的狗 :好得意嘅名字，混醬有茄汁、黃芥末、酸瓜醬及燒烤醬，感覺好傳統嘅熱狗，幾款醬混埋後味道濃得黎都好有層次感。炸辣雞排 :口感外脆內嫩，咬落好juicy，辣味十足，24蚊有兩塊都幾抵食。炸魚手指 :食落好鬆化，內裡魚肉唔梅，沾埋蜜糖芥末醬更惹味。齊脆雞塊 :呈金黃色好吸引，炸得好脆，外皮唔厚，比某大型快餐店嘅雞塊好味好多。菊9汽 :個罐好靚，第一次試銀菊露味汽水，好香菊花味，味道唔太甜，好適合食完咁多濃味嘢之後飲，飲完有種清新嘅感覺。呢度仲有好多烘焙麵包賣，仲做緊買三送一添，有機會真係要試下。

好耐冇食啦☺️唔知大家有冇發現 你屋企附近總會有一間齊柏林熱狗🫣🫣越來越多分店之餘 仲出左好多新野！原來而家有burger tim!!! 仲有賣埋麵包👍👍齊柏林Double漢堡套餐 $72經典牛肉漢堡套餐 $58火炙芝士辣肉醬熱狗套餐 $58澳式風情熱狗套餐 $55個人推薦選擇Double漢堡！因為所有份量都係Double！好滿足🤭而且仲多左有辣肉醬👍👍另外兩款熱狗都係大熱之選！我平時成日食架！夠多芝士又夠多醬❤️❤️兩款都各有特色why not both 🤪🤪套餐免費包細薯條/薯餅或者牛油粟米套餐飲品包汽水免費回憶港式奶茶 +$12PS: 見到買一送一咁平！買咗個法國雙重朱古力酥 $18 同法國牛角酥 $15 個人推薦朱古力酥 入面有粒朱古力，加熱溶化變做流心！好好食！夠濃～#Zeppelinhotdog#Zeppelinburger#Burgerdog#齊柏林 #Zeppelinhotdog #香港熱狗店 #足料#屯門 #hotdogs

餐廳用咗舊時嘅香港作為室內環境設計，用黃色嘅大鐵罐作為枱，霓虹光管作為餐廳招牌，牆上亦都貼咗港產片嘅海報，好有七八十年代嘅香港feel😎😝..➊ 🌭 火炙芝士辣肉醬熱狗 個熱狗非常大份，個size幾乎係漢堡包嘅兩倍，中間夾住條超大條嘅荷蘭腸，上面再鋪滿左邪惡嘅芝士辣肉醬🧀😍 辣肉醬味道辣度適中，芥末醬帶少少酸甜味，食落去較為清新，而包面用油輕輕咁煎過 ，食落更加有口感，只係食佢已經飽死😶..➋ 🍔 經典牛肉漢堡牛肉鮮甜鬆軟又厚身，唔會太鹹之餘，中間夾集住芝士，生菜同蕃茄，食落好清新唔油膩，令到味道提升左一個層次😙 ..➌ 🍟 薯條升級套餐加咗個大薯條，薯條係粗身嘅，放耐咗少少食都仲好脆😋有好多唔同醬俾你選擇，有茄汁、千島醬同蘑菇醬😍份量真係超多，兩個人食都食唔晒，如果怕食唔晒可以叫個細份嘅🤣..➍ 🍗 炸辣雞扒加$24追加左個炸辣雞扒，有大半隻手掌咁大，佢冇用到過多嘅炸粉去炸，而且肉質鬆軟，帶少少微辣，唔會太鹹😗.. ➎ 🥤 「回憶」港式奶茶 ｜「英女皇」伯爵奶茶我係俾佢靚靚嘅包裝吸引咗，好高貴🤣 味道唔算好甜，而且茶味濃郁 🫖 而家夏天食完啲咁熱嘅嘢飲番支真係舒服晒😜..仲發現咗原來

今次肥米趕住返屋企整散水餅，唯有啦啦聲買個快餐外賣返屋企解決個晚餐🤣樓下就係齊柏林，咁仲唔係佢！✨ 火炙芝士辣肉醬熱狗呢個好好食！😍芝士好多個熱狗包又夠軟熟🤤辣肉醬令到成個包好鬼惹味🤩個包都幾大個🤣食完一個，ok肥米飽左一半✨ 經曲牛肉漢堡呢個好似係齊柏林新出㗎！🤣出埋burger仲唔試下佢😜佢個牛肉又厚又多汁，夠晒juicy👍🏻個包同熱狗一樣咁大個✨ 田園沙律食完咁濃味要返啲fresh嘅嘢😂所以叫左個沙律！肥米要食草！！😤✨大薯條真係一份好大份嘅薯條🤣多到呢，佢炸得好鬆軟，加千島醬食又幾好食~✨ 齊脆雞塊呢雞塊唔會話好乾，都唔錯嘅👍🏻✨ 炸辣雞扒好耐冇食過炸雞扒，所以就叫咗🤣雞扒都算大塊，同埋好香口好惹味🤩見到有銀菊露汽水幾過癮，所以就帶咗一罐🤣個味係似飲緊有汽嘅菊花茶，係幾特別嘅🤣之後再加多個野菜生活，食咁多熱氣嘢，要食返啲蔬菜

💥齊柏林又出左新野喇📍齊柏林熱狗｜屯門📍人均消費 $ 6 X#CL屯門 #CL四圍食 ⚪️⚪️⚪️⚪️⚪️⚪️⚪️⚪️⚪️⚪️@zeppelinhotdog 出左新BURGER系列呀，呢日收工即刻去試下💟 齊柏林DOUBLE漢堡 $ 7 2呢個係重點想試既😍 兩塊厚厚既漢堡扒👧🏻真係一個口都咬唔哂呀👅漢堡扒有牛味唔會太肥膩，食得過呀💖💟飛天蝦堡 $ 5 3呢個係用熱狗包🌭️順帶一提佢地既包包係自家製架😎一個包大約有兩隻炸蝦🍤有埋條尾架～食既時候記得小心啲啦🧏🏻‍♀️💟炸魚手指 $ 2 0呢個係跟餐加配既～有4隻手指呀，炸魚唔會炸到魚肉好乾身，點埋沙律醬就PERFECT池☺️💟 跟餐小食、飲品本身想試佢嗰個菊9氣汽水🥤點知賣哂，就轉左英女王（伯爵奶茶）同回憶（港式奶茶）👍🏻兩個都好濃茶香🙉係平時既少甜，飲落去岩岩好dessss小食就叫左一個大薯條🍟同沙律🥗份量係兩個人SHARE都無問題，特別要讚吓佢個薯條！好脆又有薯味🥰🤟🏻不負責任點評好味道🌕🌕🌕🌕🌕🌕🌕🌗🌑🌑性價比🌕🌕🌕🌕🌕🌕🌖🌑🌑🌑回頭率🌕🌕🌕🌕🌕🌕🌕🌘🌑🌑（十粒為滿分）⚪️⚪️⚪️⚪️⚪️⚪️⚪️⚪️⚪️⚪️