影片
以上资料只供参考，请与餐厅确认详情
久唔久都会食吓碗仔翅，今次食依个碗仔翅都算系有诚意嘅，点解？望落去个鱼肉觉唔觉得同其他大多数店唔同？因为佢肉同面粉比例系肉多过粉，所以唔会”白赖晒”，系近鲮鱼球色，食落去唔似面粉鱼肉咁，佢系有质感，依样已经够晒诚意，翅底唔会过稀/渴，调制控制得好，唔会好似外间咁开始时渴挞挞食到尾都唔会稀溜溜，有番上下水准👍🏻。后记，见楼上有啲师兄话店家态度差？我又唔觉㖞，嗱纯粹个人观感，唔关食物事～戴返头盔先，我觉得好唔好食≠你觉得好唔好食，好唔好食因人而异。
继续阅读
今日系呢间舖头买左个鸡翼尖，返到屋企一食发现奇辣无比。心谂都俾左钱试下食喇，食左五只真系顶唔住，我平时谭仔都食大辣，但呢个鸡翼尖真系食唔落去。忍唔住打电话去舖头问佢今日既鸡翼尖有无得拣辣度，鸡翼尖系咪出左错？佢竟然答我一句呢个叫辣味鸡翼尖👏🏻👏🏻👏🏻精彩！！！呢个应该系我听过最精彩既回覆👏🏻👏🏻👏🏻见唔少人都话呢间舖服务态度差，我心谂外卖店你都唔使佢有D咩服务态度，但原来真系可以咁差。其实一个电话打落黎都唔系话想做D乜，想问下你配方系咪有错姐，想嘈你既我直接落左铺头喇，但得到一个咁既回覆我心谂开呢间舖既人真系奇葩。真系祝你呢间舖长做长有👏🏻👏🏻👏🏻PS 你改佢个名做特辣鸡翼尖呀ma 咁以后无人嘈到你
继续阅读
落单会黑面，问有咩酱店员会当你弱智，会喝返你转头，好似唔休做，在此时势有如此霸气的营商之道，不得不佩服。同时令我以为自己去左澳牛，女店员气场不逊澳牛大叔。肠粉鱼蛋味道正常，价钱正常，的确有点似以前恒安街市肠粉，冇投诉。但服务态度差很远，没有了那份街坊风味，取而代之是嚣张的气焰，除非你想俾人寸俾人black face，否则贴钱买难受又何必。味道又唔系特别好，俾我再拣会帮衬其他铺，成个街市又唔系得佢有肠粉卖。
继续阅读
老公车紧我返屋企𠮶阵, 无啦啦话想食芋头西米露, 即刻喺Openrice search下马鞍山糖水铺, SO SAD全部都夜晚先开... 灵机一触我话不如去恒安街市碰下运气, 就算无糖水铺, AT LEAST我都可以买到椰汁+西米+芋头+冰糖li 4样材料丫.>行到去食街, 见到车仔面斜对面竟然有糖水铺, menu要抬高头望, 即刻打俾老公话无芋头西米露👉🏻👈🏻有....仲有.... 原来俾店内嘅妹妹听到然后佢嗌我话个menu喺隔离🤣. 仲话随便影个menu, 我要香芋西米露, 香芋紫米露, 喳咋3碗都系HKD64👏🏻>份量方面, 不得不提店家用嘅系平时买面𠮶啲大size发泡胶碗(我下次会带个盒装).>芋头紫米露 (HKD20)好浓香椰浆味, 甜咪适中, 紫米又多, 煲得爆哂米口感好好, 芋头靓而大件, 食落好粉呢! 香芋紫米糖水最好味系整体系浓稠而啖啖有紫米𡁻𡁻. 喺屋企食完晚饭黎碗足料糖水实在爽YY !
继续阅读
今日送完阿女去学野，同老公去撑枱脚。 恒安街市翻新过后，开设左好多食市，真系花多眼乱。见到呢间既早餐好平，又好耐无食粥，就简左呢间食粥肠粉。B餐烧卖鱼蛋肠粉，承惠$12, 咁平边度揾。湾仔外卖都要$18, 仲要无呢度咁大碟。肠粉真系超级热又滑。个妹妹仔好细心遂只酱问要吾要。👍烧卖卖相吾吸引，不过食落都 okay, 吾会好粉。 鱼蛋一般。A餐皮蛋瘦肉粥配肠粉$25个粥真系热到会烫伤，食完晒野碗粥都系食吾到，要一啖啖吹黎食。碗粥最食得出既系粥味，食完咁多酱料既肠粉，觉得个粥好清淡。粥餐配既肠粉好少，可能得两条。最后加个黑豆浆，清清凉凉。食完野买𩠌返去接阿女，安排得刚刚好!
继续阅读