鼎泰豐

营业中

休息中

香干馬蘭頭$66先嚟個前菜馬蘭頭，基本上次次食上海野我都會叫呢樣餸，因為所需嘅功夫太多，同埋唔係度度地方都食到，鼎泰豐嘅馬蘭頭的確幾出色，馬蘭頭爽口乾身👍🏻👍🏻-小籠包$66鼎泰豐嘅小籠包算係數一數二，熱辣辣送到，食落皮薄餡靚，咬開後啲湯流晒出嚟，非常鮮味👍🏻👍🏻-香菇素餃$66如果鍾意食素餃嘅朋友仔，相信鼎泰豐嘅香菇素餃一定啱你口味，唯一覺得個香菇味道唔夠重🍄-香蔥拌麵$56拌麵嚟講我覺得唔夠味，自己加左少少醬油後，你就即刻出曬嚟，拌麵麵質彈牙，配上香蔥非常香口☺️☺️☺️-菜肉紅油抄手$64我覺得冇乜特別，你就普通一個菜肉紅油抄手，性價比唔高🙈🙈-酸甜川子雞$108我覺得酸甜川子雞係我每次到鼎泰豐必食之一，酸酸甜甜熱辣辣嘅川子雞，味道非常香口惹味👍🏻👍🏻🥰🥰不過略嫌個價錢貴咗少少🙈🙈-荔芋小籠包$52最後甜品叫咗荔芋小籠包，用小籠包嘅皮包住芋頭泥，味道唔錯，不過鹹嘅小籠包好食啲🤣🤣🤣

唔知食乜就會食鼎泰豐😂今次試下銅鑼灣分店先～黑松露小籠包$190只係得六件，到底值唔值？答案係唔值🤷🏻‍♀️一上枱打開過籠同咬開嗰下都聞到好濃烈黑松露味。但食落只係普通小籠包加咗一匙黑松露喺肉餡上面。味道係同佢普通小籠包一樣，唔係唔好食嘅但合格囉雖然嗰一匙都真係好大匙，但食落去其實味蕾冇好大嘅感覺😔香干馬蘭頭一道好考功夫嘅菜式，菜同豆干要切得夠碎又搾得夠乾水先至叫做合格嘅馬蘭頭，鼎泰豐係做到呢個水準。少少麻油已經足夠調味，味道滿意酥炸排骨非常薄身 粉醬唔厚 炸得酥脆 熱辣辣上枱一下子就清晒🤩 簿簿長長咁要分幾啖咬蒜蓉炒通菜睇相都知佢應該用咗成噸油去煮🤷🏻‍♀️通菜本身已經索油仲要落咁多油🤦🏻‍♀️🤦🏻‍♀️蒜蓉味就真係食唔出 兩啖就不了清燉雞湯朋友叫咗盅燉湯，超級多雞件，但湯唔冇牛肉湯咁大碗。偏鹹似普通史雲生雞湯🐤 雞肉都煮太老少「鞋」成日食尖沙咀嗰間鼎泰豐但銅鑼灣呢間都係第一次食。好似水準爭咁啲🧐🧐連斟茶都要叫幾次先嚟🤷🏻‍♀️

因為落大雨，係physical做完Gym，就食鼎泰豐啦⋯⋯平時都有食開餃子，小籠包之類嘅上海菜，知道鼎泰豐係最有名的一間，所以再決定好耐冇食，再試一下！要咗一個紅燒牛肉麵，招牌小籠包，炒油麥菜，小窩雲吞紅燒牛肉麵- 雖然牛肉得四舊，不過一咬即溶，好林，好入味，個面都係爽口彈牙嘅，好食招牌小籠包-見到個皮係好薄，差唔多睇到入邊啲餡，加埋啲醋，係好味。不過對比其他食物，比較遜色，因為冇乜特別驚喜。小窩雲吞-個皮唔係特別薄，不過個皮食落有啲粉皮嘅感覺，幾有咬口，好特別！雖然一碗得六粒要成$76，性價比好貴，不過係好食嘅總結：叫咗四樣嘢，都成$350，又唔係食得特別飽，所以性價比好貴，未必有下次

銅鑼灣 鼎泰豐嚇了一跳！面前這一碟海蜇皮，有没有再細 D? 味道只是普通，没特别。6.個小籠包也很细小，吃完連半飽都未够。味道嘛，算好，但未至於極好。記憶中，及不上台湾本店。而上海的普遍水准也比它好，而且包也大碼一些。没想到鼎泰豐會貴到這個地步？它在台灣，是平民食堂！在香港，貴到，啞咗。餐廳的装修很平實，像 canteen 而已， 不值這麽貴。餐廳很大，估計有 200 至 300 座位。地點是銅鑼灣，邊寧頓街口。這個是極度的三煞位，冇人做得長。鼎泰豐都算挨得！它的周圍都被欄住，紅綠燈等到頸都長。今天祗因避雨，才剛好跑進去。看價錢就住就住來點餐，也仍然頗爲出血。

到銅鑼灣鼎泰豐點了一個高湯炒芥蘭（$78），一放落口，芥蘭又老又硬，於是同侍應講，侍應回應‘我們這裏的芥蘭是特別硬的’，然後打算離開。於是我們說請找經理來，經理3分鐘後出現，然後又重複‘我們這裏的芥蘭都是比較硬的’。我可不是第一次吃芥蘭，應該是老的菜才會硬，於是他黑口黑面沒有尾音的說，‘得，幫你換’。以此推想，當我們去一間餐廳用膳，然後投訴餸菜有異味，酒樓的人就回覆，我們餐廳所有的餸菜都有異味。以前鼎泰豐服務細心有禮，點解會變咗而家咁樣😩

今日我銅鑼灣食神，又被派做神秘顧客，今日特登着到成個搬運工人咁，落去試吓佢啲服務水平都諗住今日可以寫個負評。點知今日每個環節都做得好好由一門口親切合格的迎賓，探熱同埋安心出行都有禮貌我入去叫咗幾件最普通嘅嘢食，服務員依舊專業殷勤。炸醬麵香氣撲鼻，小籠包就合格以上如果夾硬要挑剔，就蒸少30秒啦。鮮肉包都好味，配合我最愛嘅巴黎水簡直就係完美一絕。唔飲茶轉飲汽水收唔收茶位，佢話唔收咁就非常之好我like呢樣野因為其實唔係個個鍾意飲熱茶其實收錢凍茶我都可以再係咁啦!合格，通過評核！P.S.我睇車都好方便，呢個唔鼓勵嘅，泊上停車場啦！

掛念台灣而要品嚐台灣原味, 鼎泰豐也許是一個最便捷的方法之一, 港九新界也有, 以連鎖店來說水準保持穩定, 有台灣店的九成水準, 雖說台灣店和香港店食材已經是中央工廠處理, 但師父摺麵皮的力度和包餡的份量相當平均, 這也是遵從SOP的結果. 小籠包頂摺的數目劃一, 厚薄適中, 能讓筷子夾實之餘又不會乾厚, 側邊皮薄通透, 湯汁豐富而內餡肉腍中帶來脂香, 質素沒有可挑剔的地方, 只是九十元六件的價錢, 而台灣只是二百多台幣十件, 一個Double的價錢就是思念台灣付出的代價. (苦笑)炎炎夏日我也點了絲瓜蝦仁小籠包, 絲瓜清甜沒太多草腥味, 蝦仁口感爽實, 內裡沒有豬肉吸汁, 所以湯汁比一般小籠包更多, 只是在台灣吃的蝦肉和豬肉結合的內餡, 比只有蝦仁的有咬口, 口感也更有層次, 在香港和普通小籠包差不多的價錢, 但台灣價差不多要三百多台幣十件, 相對而言在香港感覺較為抵食.

每一次去到台灣既鼎泰豐從來唔會失望🇹🇼 從服務裝潢到食物水準都有酒店級水準👍🏻 因為無得飛 第一次嘗試香港既分店✈️ 食物質素大致都Keep到台灣水準😋 唯獨服務都係台灣主動同殷勤好多 可以改善😅⭐️ 紹興酒醉雞 🐔雞肉嫩滑唔鞋口💕 調味都值得一讚 酒香味唔會太濃🍸但係入口醇滑 唔會刺激喉嚨 帶淡淡的清香⭐️ 雞絲蝦仁春卷 🫔餡料好豐富有大大粒蝦仁🍤 炸得啱啱好酥脆 金黃色既皮隱約見到餡料🧡 代表皮唔會太厚😋⭐️ 小籠包 🍞80%似台灣最經典既口味🥰 皮薄得黎每一個既皺摺都好精緻🪞一咬口勁Juicy‼️ 滿滿既肉汁好溫暖調味又唔會太鹹🥩 比起普通上海菜館多了一份Classy✨⭐️ 排骨蛋炒飯 🍛看似好普通既炒飯其實唔簡單🤗 金黃色既米粒粒粒分明🍚 排骨酥脆但唔油膩😋 好食到唔記得單獨影了

平日兩點去用餐，已經避開午餐時段，但結果小籠包不夠熱，排骨蛋炒飯還ok，擔擔麵味道不濃郁。身為台灣人想帶外國朋友吃鼎泰豐宣揚台灣美食，想不到在香港的鼎泰豐與想像中有好一段落差😑

炎炎夏日，有咩爽過坐低飲杯凍豆漿，食下多汁既小籠包？今日黎到銅鑼灣鼎泰豐呢晚座無虛席，好彩我地係2位，只需要等一陣就可以入座首先緊係嘆返杯凍豆漿先，清新爽甜，豆香濃郁紹興酒醉雞，一上枱，酒香味已經散發出黎，雞肉嫩滑，啖啖肉小籠包份量多，有6隻外皮厚度適中，唔會一夾就穿，多汁黃金流沙包，奶黃香甜一咬開就見到入面好多奶黃流緊出黎，夠熱夠濃台式擔擔撈麵，麵條彈牙，上面佈滿好多花生粒，增添口感而且每啖都帶有花生味，微辣好惹味！香蔥拌麵，看似平凡，但食落口發現唔簡單蔥油味香口濃郁而唔膩，麵條吸收晒所有油香，令人食到停唔到蝦肉餛飩湯麵，餛飩份量同樣有6隻，好慷慨。蝦肉大隻新鮮，整體味道唔太鹹，不知不覺成碗就食晒

今日大食妹去醫院接老竇出院, 咁啱撞正食晏時間, 就去咗附近嘅鼎泰豐食少少野<四喜烤麩>大食妹同媽媽都好鍾意食烤麩鼎泰豐嘅四喜烤麩係其中一樣大食妹推介嘅菜式, 烤麩濕潤, 但有少少冬菇味道, 輕盈之選<原味水晶肉>呢份原味水晶肉係夏天嘅必叫菜式原味水晶肉用豬肉製成, 口感好似啫喱, 味道鹹鹹地, 凍食好舒爽<滷水牛肚>滷水牛肚都尚算爽口, 如果可以滷得再入味少少會更好<蒜香粉皮肉>蒜香粉皮肉嘅豬肉好薄切, 配搭秘製醬料同粉皮, 大人細路都鍾意<小籠包>跟住落嚟就係黎到鼎泰豐必食嘅小籠包皮薄餡靚, 肉汁飽滿<絲瓜蝦仁小籠包>相對正宗嘅小籠包, 大食妹就冇咁好絲瓜蝦仁小籠包啦雖然裏面有原隻蝦仁, 但配搭絲瓜, 味道有啲淡<香菇素包>好耐冇食過素菜包, 大食妹就嗌個香菇素包獨獨食鼎泰豐嘅香菇素包餡料唔算特別飽滿, 香菇佔嘅比例比較多, 裏面仲有啲小棠菜同粉絲, 比較清淡<台式紅燒牛肉麵>媽媽就食咗碗台式紅燒牛肉麵紅燒牛肉麵麵底同湯底都唔錯, 牛肉就略嫌唔夠肥美

牛肉湯麵不夠熱，大忌。退回廚房後再出來時夠熱了，連肉都翻倍，不知是不是算道歉。小籠包皮OK，餡不夠緊實，味道不夠好。所有項目都有點退步，不知是不是只有鬼佬鍾意，覺得隨便做下都得。

以往每次去台灣都會食鼎泰豐，但因為疫情嘅關係已經差唔多成兩年冇去過台灣，最近又特別掛住鼎泰豐嘅紅油抄手。所以即刻同朋友相聚喺鼎泰豐見面，銅鑼灣呢一間鼎泰豐嘅座位都幾舒服，唔算好迫。同埋當晚都見到好多外國人喺餐廳入邊食嘢，睇嚟外國人都好鍾意食小籠包😂😂一場嚟到當然要叫招牌小籠包同埋心掛掛嘅紅油抄手！但因為驚唔夠飽所以我哋叫多一個炒飯，炒飯都好有驚喜，入邊有好多蛋同埋啲飯係粒粒分明嘅。最後臨走之前見到有一款芋泥小籠包好特別，就叫咗嚟試一試，味道都唔錯，可以當甜品。

#wetdodo_銅鑼灣香港既鼎泰豐我都係第一次食一向都明呢間整體偏貴既茶錢都要每位$10不過佢真係質素有保證咁啱見銅鑼灣分店竟然夜晚7點唔洗等不過食完8點左右都多人等位了—————————————————————🥢蒜香粉皮肉 $64😋：8/10呢個前菜可以一試個底汁似係調較過既豉油就算粉皮侵晒落汁麵完全係唔咸腩肉肥瘦均勻 切得好薄下粉皮麵好細塊同薄身整體味道都好夾🥢小籠包(一籠6隻) $66😋：8/10黎呢到點都整番籠小籠包食下～叫番佢最基本果隻味真係好細粒下不過好皮薄餡靚入面湯汁都算係超多 都啱啱好味道較清新 啲湯汁都係清清地咁點埋個醋食就啱🥴🥢蝦肉紅油抄手(一碗6粒) $68😋：9/10呢個真係值得一試🌟係連食唔到辣既人都會啱食🤪佢既辣油香辣 辣味唔係話好出 香味較多同埋睇落多油但食落唔油膩！蝦肉都好多同彈牙成粒餃子漲卜卜好飽滿～🥢炸醬拌麵 $58😋：6/10係一個好食不過冇咩特色既拌麵炸醬份量都夠撈麵入面除左肉碎 仲有啲蘿蔔粒、豆干同豆一如既往夠味但唔會過濃佢既麵條好煙韌 唔錯！🥢台式紅燒牛肉麵 $92😋：7/10呢個麵就有三大舊牛肉同一舊牛筋牛筋煮到淋晒同好入味真係阿婆妹兩下

銅鑼灣怡和街的台灣鼎泰豐，平日客人很多，假日人山人海，今天疫情下再加上平日，完全不用等位。我們先點了個小籠包，皮薄多汁但味道屬清淡一點，沒上海小籠包那麼濃湯味。菜肉蒸餃，完全不油膩，喜歡清淡嘅朋友啱晒。高湯炒芥蘭，細心地把部份較硬的皮去了，高湯清而不淡，芥蘭味厚。春菜肉絲湯麵，味道清新，不知怎樣形容吃著令人有春天的氣息。香蔥拌麵，香蔥煮得夠香卻不油膩，拌天氣熱吃最適合。合桃鬆糕，這個熱辣辣的食甜品非常驚喜，裏面有紅豆蓉也有原粒紅豆，味道有點像日式的紅豆蓉但甜度拿捏得剛好，配上香口的合桃又是另一種層次感，糕低煙韌實在令人一試難忘。