其实我都好少入去青衣,依到改左名叫美食街,我都真系唔知道, 不过睇落都几顺眼既咁岩系朝早既早餐时间,见耐无食过点心,咁岩则边又有间,咁我就叫左三个我最钟意既点心,分别系虾饺、烧卖、叉烧肠粉…首先讲讲个虾饺,一笼有四粒,虽然大细不一对我黎讲唔系好紧要,其实食点心真系要热先好食,不过佢个虾饺就唔太够热,已经扣左分。表皮都唔错,松松软软,唔会话好硬但又有少少咬口,个人黎讲系钟意,可借嘅系裏面嘅馅太多味精,唔够实,总结黎讲,皮绝对无问题,但个馅要有D改善。第二个点心烧卖,又系唔够热喇, 今次个馅好过虾饺, D猪肉虽然系机打,但都唔错, 今次就无唔够实既情况。最后一个叉烧肠粉:当然又系唔够热啦,个皮如果够热既话应该都几滑,有少许芫茜,我自己钟意食肠粉加好多甜豉油,今次都唔例外, 其实依个味道真系唔错, 不过真系成餐D野食都唔够热,系咪我咁唔好彩呢?…查看更多

