點鍋

营业中

休息中

呢到座位好闊落，好光猛 $279/位 邊爐任飲任食。叫左豬骨鍋，清清地但都好夠味，裡面仲有好多玉米可以食。另外每一枱會上一碟牛頸脊同海鮮拼盤，牛肉幾高質好好食，好重牛味碌一碌就食得，海鮮有蝦鮮蜆等。呢到食材好多款，而且每款份量唔多，好岩2人行去食。墨魚滑好好味，雞肉好彈牙好嫩滑。連咸蛋炸魚皮同紫菜響寧都係任食。炸魚皮係即叫即炸，仲可以就甘樣食，除左火鍋食材仲有加錢小食叫，款式都算多樣。最後仲有雪米糍食，記住要食埋先走。

點鍋 (旺角)旺角西洋菜街1號兆萬中心3樓301舖-❤️開心姊妹聚，又係轉季嘅時候！當然食火鍋會係非常不錯嘅選擇！😍 正呀！🔸酸菜白肉鍋因為唔係個個都食得辣，所以叫個酸菜湯底就啱曬大家，酸酸地好開胃😛鍋料仲有好多白肉同酸菜，好入味👍🏼🔸炸魚皮食火鍋叫炸魚皮是常識吧！呢度有幾款魚皮口味供選擇，試咗避風塘同黃金咸蛋味！個人最愛咸蛋味，咸咸香香，連酸菜白肉湯一起食，更惹味。😋🔸自家製餃子食火鍋最愛叫餃子！今次試咗兩色餃子，包括黑松露蝦蟹餃，同埋芝士紫菜蝦蟹餃！黑色同紅色幾得意😂大小適中，老少咸宜，值得一試！💛🔸自家手打芝士墨丸另外試咗手打墨丸，裏面有流心芝士！肉質彈牙，老少咸宜，值得一試！☺️🔸即炸午餐肉鍾意食午餐肉嘅朋友會大愛！呢度啲午餐肉勁厚切，因為係即炸嘅關係，外皮好香脆，唔會太咸！每啖都好邪惡😈但配上湯汁一起食係超 大滿足！😍🔸薄切新鮮肉類另有不同款式嘅肉類選擇，包括牛舌，豚肉同牛肉等。全部肥瘦均衡，肉味香濃，恰到好處。推薦！🔸炸物小食今次試咗炸雞中翼同豬勁肉，又係啱曬一班食肉獸😉普遍認為不錯，可一試！😁

近排見天氣開始涼涼地秋意來了好耐冇打邊爐決定今日去試下呢間喺兆萬新開嘅打邊爐唔單止非常就腳星期一至四仲有七折優惠上到去見到環境好舒適新淨又光猛坐得好舒服首先揀咗個湯底先今次我哋就揀咗蟲草花雞湯底個湯底都有唔少雞件 蟲草花味好香濃仲有啲雞油嘢食嘅擺盤好靚 會有個架放住就唔會放曬喺張枱好逼依家仲有海鮮拼盤同埋頂級牛頸脊係送嘅海鮮拼盤有蝦 蟶子 龍躉仔同埋蜆估唔到會咁豐富 海鮮非常之新鮮最鍾意就係食龍躉仔頂級牛頸脊肥瘦適中 切得好好牛肉味幾濃呢度嘅火鍋配料有好多款唔同嘅選擇 丸 餃 肉類 海鮮 蔬菜 菇菌 粉麵呢度嘅兩款餃都好特別又好味黑松露蝦蟹餃黑松露味濃郁 又足料 另外芝士紫菜蝦蟹餃 咬落去有濃濃嘅芝士同埋紫菜味好夾星斑片又厚肉又嫩滑羊肉片同埋黑毛豬腩片都唔錯 好新鮮芝士墨魚丸細細粒咁芝士味唔會太濃啱啱好 嗌完再嗌咗打邊爐最鍾意食蜂巢豆腐索曬啲湯底好味金沙鹹蛋炸魚皮無論就咁食定係放落湯底煮幾秒都非常之好食鹹蛋味好濃厚用同埋係脆嘅因為好鍾意食鹹蛋和所以嗌埋個小食金沙鹹蛋雞翼鹹蛋味好香濃 雞翼大大隻

都有一段時間冇出旺角食飯啦!今日約左朋友黎好多野食的兆萬睇下想食咩!見到有間任飲任食火鍋點好似不錯，所以就上去試試。這間餐廳的好處是不用等電梯上樓，只要坐扶手電梯便可到達，可節省一點時間!餐廳裝修簡潔，除了醬油和飲品是自己拎之外，火鍋配料都是在平板電腦上點餐，既環保又方便!湯底我們揀選了咸酸菜胡椒豬肚湯及蟲草花雞湯，胡椒豬肚湯起初味道唔係好出，但煲得越耐越辣，湯的味道都好濃!蟲草花雞湯好香藥材味，而且仲飲到有少少酒味，湯入面都有雞件，雞肉嫩滑!海鮮拼盤，這個拼盤是送的，海鮮包括有海蝦、珍珠蚌、花甲同埋魚肉，全部都好新鮮鮮甜!頂級牛頸肩肉，這款牛都是送的，油脂分佈平均，好濃牛肉味，肉質鬆軟!火鍋配料都有多款不同的選擇!肉類都有幾款不同的選擇，羊肉、豚肉、牛脷等，而我是第一次牛脷打邊爐的，估唔到原來打邊爐都幾好食!黑松露蝦蟹餃、芝士紫菜蝦蟹餃，前者好香黑松露味，蝦肉爽彈，後者有少量芝士，口感幾特別而且幾創新!炸魚皮都有幾款不同的選擇，我們揀選了金沙咸蛋味，魚皮夠薄脆，咸蛋唔會太多太濃，唔會食到好漏!炸午餐肉好好食呀，再點少少湯一齊食，熱辣辣更加惹味!這裡還有幾款生麵可以揀，我揀選予菠菜麵，

好耐無打邊爐，最近兆萬呢度開咗間火鍋新店，叫做「點鍋」，搭手電梯上到3樓就見到啦！一入門口旁邊就有飲品櫃環境好闊落，坐得好舒服，大部分都係卡位呢度既特別之處，係喺平板電腦上點菜，好方便！唔需要下下叫店員幫手除咗罐裝同樽裝飲品之外，仲有自家製嘅薏米水同無糖檸檬茶！個鍋都幾大個，成6個人用都足夠了先上一盤海鮮，分量跟人頭比既食物好快就到～《咸蛋炸魚皮》滾過都仲保留到咸蛋味另外仲有《蒜蓉炸鮮魚皮》相對黎通無甘咸《芝士丸》芝士味非常香濃《鮮蝦水餃》、《芝士紫菜蝦蟹餃》同《黑松露蝦蟹餃》都不錯《星班片》既厚薄適中《雞件》好滑點左打邊爐唔少得嘅肥牛啦！圖中既係贈送既《頂級牛頸脊》！仲有我嘅至愛響玲，《手工紫菜響玲卷》都不錯👍🏻自家製，有心思竟然有油炸鬼！估唔到用黎打邊爐又幾好食，不過好飽肚《羊肉片》薄切，羊味重另外仲食左《冬瓜片》、《金針菇》、《油麥菜》、《蜂巢豆腐》等等，選擇好多。放唔哂所有既相片總括來說，呢度環境舒適，地方方便，有效率。所以食得好舒服。另外值得一提既係店主既心思，做左多款自家製既食物同飲品。2個人連加一都只需$500。cp值好高！

秋風起，火鍋好時機～最近發現旺角兆萬中心新開了家任食火鍋店，正好平日打折，就同朋友去拾下拾下！火鍋最怕就是環境擠迫之餘還弄得全身煙味。這家空間大，座位非常寬敞，亦不嘈吵，三五好友拾下拾下亦是不錯的。最貼心的是，他坐位下都有個小櫃桶，讓你放外套🧥包包，避免火鍋帶來的異味。湯底：蟲草花雕。湯料足，在下火鍋料前先喝一碗湯，無味精亦非常好喝！火鍋料選擇非常多及新鮮！特別一提其黑毛豬及滑牛片，肉味夠，正👍🏻海鮮盤 - 鮮味十足😍 任選三款口味雪糕糯米糍，作為火鍋後的甜點，十分完滿！

天氣轉凉食下火鍋，於是揾到哩間係兆萬中心新開嘅店試下。店內座位很闊落光猛，樓層够高，打邊爐唔覺焗。有幾款唔同鍋底選擇，叫咗個鴛鴦鍋底（蟲草花雞鍋&沙爹鍋），估唔到個沙嗲鍋勁好食，蟲草花鍋就好大參味，係好養生嘅，但味道偏淡。火鍋湯底上台之後，適應就送來海鮮拼盤和頂級牛頸脊，呢兩樣係店家免費送的，擺相好靚好適合打卡，牛頸脊係都幾厚身，脂肪少，但D肉又唔會太實，嚼起來好有彈性。一定要試下鴨血，口感超滑，入口超滑，食到不停口。芝士丸個芝士餡係甜嘅，唔係拉絲果隻芝士但，都既特別。牛肉羊肉片都唔錯，但牛脷就唔係咁好，嚼咗好耐實在係嚼唔到。除左免費任食的食材之外，都有要加錢的小菜和海鮮，價錢都合理。野飲方面，有適合打邊爐清熱降火的嘅蔗汁水，菊花茶及各式罐裝飲品，都算多選擇。

今日去咗旺角行街，畢業之後好耐都無去過食任食火鍋，見到點鍋啲丸同餃都自家製，就決定入去試下😋湯有好多選擇，叫咗兩種，職員推介蟲草花雞同朋友選嘅鹹酸菜胡椒豬肚湯底比一般任食火鍋高質好多，真係好似湯咁👍送嘅海鮮拼盤同埋牛肉，材料都幾新鮮，唔會有雪味。其他點單都係用電子落單嘅形式，廚房出嘢好快，唔會怕唔夠時間食👍任食嘅豬肉羊肉同埋滑牛😊其他嘅配菜，特別推介鹹蛋黃炸魚皮，熱辣辣好好味😋另外自家製丸同餃都好新鮮，味道唔錯飲品一般嘅都有，仲有比較少地方有嘅Coke Zero同埋樽裝茶

最近天氣開始涼涼地，見好耐都冇出過黎旺角，特登行去兆萬嗰邊睇下有乜嘢嘢食😂😂見到3樓有一間新開嘅打邊爐，環境好乾淨，光線好充足，咁就入去試吓啦🥰❤️果然，正呀！依間餐廳落單都係用平板電腦落，好方便！湯底有好多選擇！我同朋友之後揀咗個黑松露雜菇湯，同埋麻辣湯底❤️❤️❤️黑松露好濃味，越打越濃，麻辣湯底就適中，唔會太辣！特別要讚一讚佢嘅配料，竟然有一啲平時都冇嘅，依間餐廳佢預備左啊！❤️😍👍🏼整體嚟講，所有嘅材料都非常新鮮，可以揀半份或者全份👍🏼👍🏼👍🏼🥰😍不過講到最欣賞佢嘅，一定係佢新鮮即炸嘅炸魚皮😍😍😍😍😍😍我哋叫咗蒜蓉味炸魚皮，黃金炸魚皮！🥰😍👍🏼👍🏼👍🏼👍🏼👍🏼兩個都做得非常之出色🤓🤓🤓忍唔住食多幾舊啊❤️❤️❤️❤️❤️

同朋友黎兆萬見到點鍋 有好多新開張優惠一於俾個機會食下呢間新野入到去好闊落好光猛佢有個好大嘅飲品櫃有好多唔同款嘅野食仲有兩個是日飲品一個係水果茶 一個係檸檬薏米 檸檬薏米 酸酸甜甜好醒胃佢有好多醬料揀 個四川辣椒好正 要試仲有好多出面冇嘅醬料呢度都搵到點左個南乳炸雞翼即叫即炸 好酥脆 雞肉好滑 啲南乳味係晒個雞翼皮度 小心辣口重點黎喇 我地嗌左鴛鴦鍋木瓜雞腳+咸酸菜胡椒豬肚湯兩個個味都好突出 入面仲有好多豬肚同雞腳贈送的頂級牛頸脊擺到好似Parma ham甘 岩晒打卡用仲有海鮮拼盤都係送嘅我地嗌左好多唔同種類嘅野食佢嘅款式比出面多用IPad點餐 方便易睇又環保幾中意佢可以點半份一份 兩粒 四粒 八粒甘嗌又可以試多啲款 又唔驚食唔晒會晒左佢嘅魚好新鮮好好食有好多唔同款嘅餃都值得一試

話說有一日行兆萬嗰陣 見到有張廣告話有放題binlo食 同朋友即興就入咗去試下 之前都冇見過呢間鋪應該係新開張-因為實在太肚餓 同朋友坐低之後就即刻用平板電腦叫嘢食 我哋先揀咗個蟲草花雞煲 初頭食落唔覺入味 煲煲下都幾濃郁 係我哋揀食咩嘅期間 就送上左海鮮拼盤同牛頸脊 簡單616牛頸脊就已經可以食 見到有台灣麻吉湯圓就喺度諗緊究竟係咩黎 點知原來係好似包住花生嘅湯圓一樣煙煙韌韌幾得意 仲有我最鍾意食嘅午餐肉 龍蝦沙律丸 芝士丸等等 食完火鍋仲有甜品雪米糍食

次次去親旺角食嘢唔係放題就係打邊爐 今晚約咗幾個朋友去旺角食飯 行行下兆萬見到有間新開張嘅火鍋店所以就入去試下***我哋一坐低之後就叫咗個蟲草花雞湯底 之後就可以開始用部samsung機落單 非常方便 仲有得揀份量兩件兩件咁上 ***除左會送海鮮拼盤之外 仲會送牛頸肩肉 涮幾秒就可以食得 只要你慢慢睇 就會發現有好多唔同火鍋配料 金沙鹹蛋炸魚皮幾香脆 唔中意鹹蛋嘅朋友可以揀其他口味 食到口渴仲可以岀去拎野飲 基本嘅解茶綠茶汽水都有 最後仲有雪糕糯米糍拎

就快到秋天，天氣開始慢慢清涼落來~~ 琴日重要突然有冷空氣，馬上有涼意>< 呢個時候真係好想去打邊爐暖一暖身~haha所以就在旺角附近尋找任食打邊爐餐廳。從細個就有好深印象，兆萬中心有不同好西適合成班朋友去。所以正正就來到呢度，見個門牌menu有多款湯底都幾新潮，加上時間係9點後就有7折，就馬上吸引我地行入去^^湯底真的好新潮ar，有 黑松露雑菌鍋 / 馬來肉骨茶 / 木瓜雞腳 / 清酒卜卜蜆,etc. 而我就選擇了 黑松露雑菌鍋/ 香濃沙嗲湯底，真係fusion湯底haha！！黑松露係我最愛ar，個湯一拿上臺味道就已經好香菇菌味道，真係開正我口味。由於新張期內惠顧，仲有9點後7折扣優惠！而且居然送 ：海鮮拼盤 同埋 頂級牛頸脊 海鮮包括：魚生片，聖子，蝦等等~~材料食落都覺得好新鮮呀^^好難有得食牛頸脊，加上薄切，落鍋10秒都5洗已經食得拉！油脂同肉比例剛剛好，不會太肥膩呀。火鍋配料種類繁多，肯定穩到自己最愛的配菜。打任食邊爐最好就是可以一大班朋友食飯，但又依然可以自己選自己最愛的食物^^不是說笑，呢度餃子比其他地方更正！原因是比外面還多了幾款新特色餃子~<&

今日同媽咪去左打邊爐，我地揀左間新野，點鍋。湯底我地要蟲草花雞，啲雞件都算嫩滑，唔會硬繃繃。小份既安格斯牛，羊肉片，脆骨腩，鴨血，全部質量都唔錯。我仲叫左黑松露蝦蟹餃，個皮係黑色的，因為用左黑松露去mix，幾得意。脆骨腩好大片，所以食落口感幾滿足。飲品我飲竹庶水，出面有得任斟，正正常常。點餐好方便係真既，用電子餐牌，唔洗人黎收紙。同埋上菜速度都唔差。總結：選擇多同質素唔差，我覺得幾有新鮮感，可一試再試。

💛又發現左抵食任食火鍋了！湯底有多款選擇，我同朋友唔怕芫茜味，所以揀咗芫荽皮蛋湯底🤪💛 電子落單，無漏單，亦都好快上菜！2人以上入座就送頂級牛肩肉及海鮮拼盤~ 🥰 海鮮拼盤有蝦，聖子，蜆等等💛 其他食物選擇也不少😋 有丸類, 餃類, 豆腐, 墨魚滑, 豬腩片,牛肉等等... 當中既響鈴同埋炸魚皮都係即炸！炸魚皮仲有多款口味，連金沙鹹蛋味都有🤣💛 飲品除咗平時嘅有氣飲品，仲有支裝解茶飲😍 甜品就有雪糕糯米糍😋💛 座位坐落都好寬敞👍🏼 同朋友傾下大家近況，聚聚舊不錯呢！☺️