點心堂

营业中

休息中

平時經開火炭工廠區都好少留意到附近餐廳，今次經朋友介紹決定試下呢間特色點心店☺️環境好舒服，坐位都好闊，就算同埋小朋友一齊食都唔驚會撞到其他人，啲餐具都好靚，好有特色，同平時嘅茶樓好唔同😚佢地唔只有平時茶樓飲開果d 茶，仲有好多唔同嘅花茶配搭，只係加多5蚊，我地今次就叫左桂花烏龍，好清香，值得一試，佢仲會比埋建議配搭比客人啲點心即叫即蒸，熱辣辣，4個人叫左勁野食，點心質素好好，係蒸飯入面啲飯軟左d,其他都好好食完全有驚喜，估唔到火炭入面都會有有特色嘅點心店，下次會再嚟食過

在Openrice 找到這裡，因為住得近屋企行過嚟10分鐘！所以決定帶埋媽咪同工人姐姐來嘆下午茶！Menu唔多但已足夠！價錢普普通通，因為姐姐唔食豬肉我哋三個點左九個點心😅配合唔同嘅口味，咁多個裏面最鍾意食牛肚同小籠包！味道濃郁而且點心大大件非常之抵食！因為怕太飽嘅關係！所以今日唔敢叫包類！下次再嚟一定要試吓流沙包！埋單$260！性價比滿意！見到好似開到晚上10點！有機會試吓晚市再寫食評

火炭呢個工業中心，原來都有好西吃。工作緣故走到火炭，喺條大馬路上比我遇到呢間臥虎藏龍嘅點心店。 真心驚喜。 真係臥虎藏龍，站在街上甚至唔容易發覺佢嘅門口。有三個點心我覺得幾推介。 燒賣，牛肚仲有小籠包燒賣，粒蝦超大，彈牙，好食。牛肚夠淋而且係好厚一塊，大細啱啱好，有咬囗有質感。小籠包我推介，好多汁好juicy，通常啲小籠包皮易爛， 一夾就會漏曬汁。 我食咗三粒，粒粒都冇爆， 啲汁真心正。地方細細 ，要等位。 點心選擇不多，但係勝在夠高質素。 下次都會走入嚟食， 雖然都幾遠，距離火炭火車站大約行8-10分鐘。服務員都係非常年輕嘅，經驗可能不足 。 待人接物能夠圓滑一啲就perfect。

工廈搵食就係處處驚喜，忽然想飲啖茶食一盅兩件又得！火炭區有間新開左一陣既點心堂，點心係唔錯既！蝦餃皇皮薄大粒，蝦肉鮮味爽口。別有洞天腸（上）🤣見個名幾得意就點左。腸粉都幾滑，餡好似係炸魚，鬆脆！西紅柿春卷（下）春卷裡面有蕃茄感覺清新，重點係啖啖蝦肉，足料好味！薑蔥牛柏葉味道唔錯，不過再爽口d 就更好🙈平時食既馬拉糕通常都食到雲厘嗱味。呢度馬拉糕的確有d唔同，放落枱已經聞到陣陣黑糖香味，熱辣辣，軟熟好味！點心有心思。大大份。價錢合理。可以再食🤤希望保持到水準，小店加油丫！💪

火炭最近有間食點心的餐廳，又可以試下新食物了外表裝潢簡潔，好清新感覺，有別於酒樓式的裝潢設計。裝潢帶點香港特色，餐廳都是播放80、90年代歌曲，環境較一般酒樓安靜，可以好開心與友人聊天或是看報紙。茶具精美，有熱水和茶。除了一如以往的普洱、香片和鐵觀音選擇外，還有其他花茶選擇，不過要另加+HKD5。我們就點了菊花茶，超過清香可口。菜單不算有太多選擇，不過已經好想每樣都試一次，好想吃，另外附有照片，容易吸收想點來吃。先來白灼菜心(HKD19)，不硬不過軟，剛好易吃，菜心嫩綠，不過菜心份量略少，價格偏高。春蛋燒賣(HKD26)，味道不錯，不過沒有什麼特別，普普通通。懷舊糯米雞(HKD28)，份量適中，餡有叉燒、蘑菇同雞，叉燒偏乾身，沒有汁，有點難吞嚥。招牌流沙包(HKD24)，好可愛的表情符號，一咬開裡面就不停流餡出來，流沙質感，食落好滿足，值得一試。別有洞天脆皮腸(HKD38)，口感好飽滿，餡有蝦、蟹籽、芫荽脆皮，第一次食已經覺得好好味，超推薦!左邊是金玉滿堂蘿蔔糕，上面放左木魚碎，蘿蔔糕是條狀形，炸成金黃色，味道不錯，一點也不油膩。最後就是這個紫薯流心球(HKD29)，外表是脆口紫薯皮，

係MeWe group得知工廠區有呢間食點心嘅地方，即刻抽時間過嚟試吓 今日係禮拜六，為避開午市放工繁忙時間，提早12點幾嚟到，好在唔駛等即刻有位環境舒服，目測約有14張4人枱，其中有3張係半圓梳化位，另4張卡位；其餘嘅枱每張都唔太大，而且膠板分隔一半，所以寧願每次叫4個點心，食晒再點，分兩轉落單，唔想張枱擺唔晒，又急急食咁。由於即叫即蒸，等咗10-15分鐘就有得食了蝦餃好足料、又無肥豬肉生煎包夠熱辣辣，唔失禮千島醬🍕款式新穎，好味道蟹拑好食到唔知點形容小籠包唔止賣相靚仲多汁，比起嗰間大集團嘅乜翠好食好多「別有洞天脆皮腸」呢個名有創意唔錯蘿蔔糕原來係炸嘅，真係估佢唔到蟲草花棉花雞係阿仔嘅最愛，我食得太慢好快已被KO咗～今餐好滿足，一定會再嚟幫襯

小妹住沙田咁耐終於都見到一個美食沙漠有新開餐廳最驚喜嘅係終於都唔係快餐店😭😭😭而係新派點心舖放lunch同一班同事食咗懷舊糯米雞同埋蟹鉗🤤隻糯米雞真係好懷舊同好足料蟹鉗好食過婚宴嗰啲因為聽師傅講 所有嘢都係即叫即蒸無奈嘅就係lunch時間太少 冇時間試埋其他🥺不過最後都叫咗招牌流沙包返上去公司食😋

以往多數去酒樓飲茶 但好多點心都係麻麻地好食宜家搵到間好食ge點心小店 一定會支持工業風裝修 幾有特色 位置寬敞 坐得舒服唔會好似酒樓咁嘈 可以舒舒服服享受點心已經係第二次黎食 都係叫返上次ge野食 樣樣都好食 蝦餃 入面d蝦都大粒 點埋辣油好正奶黃包 個樣好可愛 入面係流心 好食小籠包 好多湯汁 好juicy 黃金糕 好煙韌 好香棉花雞 尼個就冇咩特別馬拉糕 好鬆軟 唔會好甜 好食今次叫多左個「別有洞天脆皮腸」腸粉皮包住d脆脆 入面有蝦肉脆卜卜 好有特色 茶方面 唔止有平時飲開個d 仲可以加錢要埋花飲過菊花普洱同桂花香片 好清香 好飲