點心到 (廟街)

营业中

休息中

宜家多咗好多點心小店，全日都可以食到茶樓點心，連夜晚都可以食到，啱晒朝早起唔到身去茶樓嘅我。廟街「點心到」價錢合理，質素唔錯嘅好選擇。因為唔想等位，所以我選擇外賣，有9折，total $90 幾，食咗四款點心，一個人食，足料又夠飽。糯米雞：大件足料，入面有大大粒火腿肉，雞件。食完一件都已經半飽。蝦餃：有 4件或兩件選擇，我一個人所以叫兩件就夠。蝦肉都幾爽。黑金流沙飽：黑色+金面，幾精緻，奶黃餡幾香，味道適中唔太甜。但可以因為外賣關係，食嘅時候已經凍咗，冇咗流沙嘅感覺。义燒腸：义燒都唔少，腸粉幾滑。總括，呢間質素唔錯呀～ 款式又多，會再黎幫襯，下次試埋其他點心。

入到店內面，燈火通明，坐嘅位置都幾舒適，叫左個鮮竹卷，味道正常，叫左幾件點心，三個人食唔係太飽，再追加兩碟飯，當中糯米雞味道不錯，價錢都係合理。總結而言，有機會去再食。

點心好快就送到，平價，但食物味道就令人失望了。睇呢度咁多好評特登去等位食，睇倒旅客多，叫左六碟，蘿蔔糕和粉粿不過不失，叉燒包一啲都唔軟熟，乾爭爭咁。個拉布腸中間係生嘅🥲無叫佢地換一碟，因為想快快脆走。鳳爪排骨飯飯好多，實飽肚。個生薑淮生都相當一般，食完感受係名過於實🙏。

之前經開佐敦成日見到呢間舖頭出邊排咗人而且裝修都幾新淨，所以一路都想試吓趁假期就特登喺屋企柯士甸附近行咗過嚟星期日三四點都唔多人唔使排隊，就可以入坐啲點心價錢都算好平，平均二三十蚊有啲懷舊嘅點心，例如鵪鶉蛋燒賣，值得一讚嘅係所有點心都十分之熱辣辣但係味道就唔算十分之好食中規中矩比起一啲老牌子嘅茶樓，例如利苑/王子飯店/添好運，的而且確係有差距，但係勝在真係價錢好平，同埋環境都坐得幾舒服。煎釀茄子啲燒汁都跳得唔錯，甜甜地而且好熱！其實只要食物夠熱都已經贏咗一半！沙律蝦角呢個都比較新奇，但係食落去就唔覺得有咩特別，外面係幾鬆脆，都包左幾隻蝦，但係味道又唔算話特別好味。籠仔太陽蛋牛肉飯牛肉味比較淡

週六同家人一齊去佐敦點心到食點心。門口雖然已有三至四枱客人等候；但亦不需要等候多久已有位了。我們之前試過去佢哋旺角店，食物感覺好味但傳送到來後就不是太熱騰騰的感覺。可能店鋪太大，如果由廚房傳出來樓面有一段距離，才引致這情況吧！相反，佐敦店面積比較細小，而食物傳送出來到我們枱面是熱騰騰的，感覺好新鮮，而且食物水準又因為熱度而提升。十分推介到這店享受用餐經驗。

超級抵食既點心店，食到飽飽都係$60左右。最正係黑金流沙包！點心款式都算多，午餐嗌個蒸飯就一定飽曬。鋪仔細細，枱同枱之間嘅距離就比較近。午市不設訂位，幾多人等位㗎。

知道飲茶就好開心，嗰陣係夜晚😂😂好少好少夜晚飲茶🫖呢間啲點心普通啦 冇咩特別，普通唔代表難食，都OK㗎。最深刻一定黑色竹炭流心包！！最鍾意食呢個包嘅奶黃流心，視覺上都好吸引我去食😙😙

佐敦呢間點心都唔錯流沙奶皇包熱辣辣真係好流心 黑色嘅好特別 食落好香奶黃味👍🏻燒賣可以叫兩粒唔使驚食唔唒 幾爽口彈牙 蝦味幾重 真材實料腸粉蒸得好滑 皮薄 餡料多食完仲叫多個楊枝甘露 幾甜唔酸 但芒果肉不是很多

突然想食一盅兩件，於是便決左叫呢間外賣試吓。佐敦有幾間$30/2份嘅果啲連鎖店，味道亦覺得算合格，但試左呢間之後就將標準提升左。終於明白點解成日都要排隊！雞粥 - 對比其他食物情況下扣少少分茄子 - 味道很好，只是有點油膩叉燒腸粉 - 很滑，豉油味道調得很夾金蒜海蝦荷葉飯 - 重口味人士必愛，蒜味十足飯亦很香黑金流沙包 - 趁熱食好正馬拉糕 - 比酒樓嘅好燒賣蝦餃 - 可揀2粒或4粒，好啱花心嘅我，味道亦不錯蝦角 - 好味但不算突出釀尖椒 - 味道很好，但都係有點油膩鳳爪 - 傳統豉汁比鮑汁的好食

點心到是一家位於市中心的小型點心店，專注於提供傳統和創新的中式點心。薇薇點心坊的點心選擇豐富多樣，包括傳統的蝦餃、燒賣，還有一些新鮮創意的口味。我點了一份蝦餃和燒賣，它們都是新鮮出爐的，皮薄餡多，味道鮮美。蝦餃的蝦肉鮮嫩多汁，燒賣的豬肉和鮮蝦的組合非常美味。我還嘗試了他們的鳳爪，這是一道具有香辣口味的點心，非常下飯。唯一的小缺點是餐廳比較小，座位有些有限，特別在繁忙的時候可能需要等候。

眼見咁多好評，星期一閒日放假即管去試試，大失所望，燒賣可以叫兩粒，蝦餃可以叫兩粒，好似幾好咁，但原來燒賣面頭有隻蝦，條大便仲喺度，個餡完全冇蝦得豬肉，味道一般。蝦餃個皮都好厚下，入面味道正常，比酒樓算細粒。濃湯鮮竹卷，個湯用味精，個鮮竹卷入邊個餡極少。小籠包個皮超超厚，有一隻個皮穿咗，個湯已經冇晒，個醋用大紅浙醋，連薑絲都冇。整體食完極度口渴，一般的酒樓質素，味道，性價比會更高，下次一定不會再來。

完全係趕客！當我哋食完枱上點心！我啱啱放咗舊牛肉球入口！員工已經過嚟收走晒枱面筷子同碗，茶壺亦攞走！我望一望錶當時我哋只係用餐33分鐘！由於我隻杯已經冇茶！我叫員工可否比番過茶壺比我！佢好不願意放低！過咗十分鐘左右佢叫我要埋單！因為出面有人等！話未講完已經同我清晒枱！完全冇理會！我同收銀員投訴！佢話會同員工了解！但係都冇道歉！只係同你講幾多錢！首先食物我唔覺得特別好食！仲要受呢D氣！一定唔會再去！亦都唔會叫人去！

26/6/2023學完韓文放學成日都唔知食咩好Search 到有點心食，可以去試吓兩個人叫咗：蝦餃（半份）：個皮厚咗少少，但係蝦肉彈牙同大隻燒賣（半份）：豬肉比較實淨，感覺上一般鮮蝦腐皮卷：新鮮熱辣，腐皮夠脆，入邊餡料都多，塞滿蝦肉。呢個好食叉燒腸粉：叉燒份量都幾多，腸粉個皮就一般黑松露菜苗餃：呢個真係麻麻哋，完全冇黑松露味，又唔覺得有菜苗。黑金流沙包： 搣開有流心，good食食吓見到隔籬枱有籠仔蒸蝦飯好似好吸引，同朋友講下次可以試吓。衛生就麻麻哋，碗筷都有漬，但係侍應有自動自覺俾茶你去沖洗。

細細個就好鍾意同屋企人去茶樓一盅兩件，唔係自助式點心，而家去隔離書報攤買公仔書😂 大個咗之後先懂得欣賞呢種廣東美食，不過茶樓始終有時間限制，所以我就好鍾意去一d點心專門店~ 😜咁就隨時隨地想食都得啦！今日同friend行街，經過油麻地呢間✨點心到，見門面約靚就入去試吓～ 竟然有驚喜～店內光猛舒適，order都係用QR code落單好方便～ 食品種類都幾多，除咗有傳統點心，仲有籠仔飯、生滾粥同燉湯等～🤭其實真係好多嘢想食，不過食得晒先至好嗌，真係嗌得啱啱好～🥢金沙脆皮銀蘿腸即係「脆脆腸」😄 外皮腸粉好滑，內裏脆卜卜～ 入面唔係炸両、係脆炸網皮加蘿蔔絲，好好味呀！🥢蝦餃(2粒) 、燒賣(2粒) 呢2隻皇牌點心都可以揀2粒同4粒，方便想食多幾款點心嘅朋友👍🏻最緊要係價錢不變！🥢懷舊鵪鶉蛋燒賣😍係我最鍾意嘅鵪鶉蛋燒賣呀！一籠有3粒，好味道～🥢鮮竹牛肉球牛肉球彈牙、鮮腐竹軟滑～🥢黑蒜螺片燉肉排湯呢個湯我好鍾意呀～ 味道香濃、所以材料燉到出晒味！ 必飲！🥢沙薑汁燴鮮淮山沙薑汁配雞食得多，配鮮淮山第一次食，我自己就好鍾意，喜歡鮮淮山黏黏的口感既朋友都可以試吓～🥢香煎蘿蔔糕內有蘿蔔粒及少量蠟味，煎得幾

🌼點心到🌼有兩間分店，呢一間喺佐敦都算必食之一，去到多人要排隊都預咗，等咗兩三個字就可以入，裏面嘅環境一眼望晒，枱與枱之間都比較逼夾，裝修比較簡樸，試吓佢哋嘅嘢食係咪獲讚賞先😌🥟晶瑩鮮蝦餃（2粒）$16 :果然皮薄餡靚，晶瑩鮮蝦餃😆，佢嘅外皮真係晶瑩剔透，食落仲煙煙韌韌，鮮蝦好新鮮，咬落都好爽口👍🏻🦐原隻蝦燒賣（2粒）$15 :雖然佢唔係傳統嘅燒賣，但係每一件嘅燒賣都大件，面層都係有原隻蝦粒，都係咁新鮮，而佢裏面嘅豬肉餡脂肪比較少，食落唔覺肥膩😋🥠五香鹹水角 $20 :呢度嘅伴碟比較普通，鹹水角有三件，外表平平無奇，但食落外脆內軟，仲要幾熱👍🏻，餡料方面都非常足，好有冬菇香味😍🐮鮮竹牛肉球 $21 :佢哋嘅牛肉球食落都算有牛肉味，整體比出邊都算大粒，枝竹同馬蹄都幾豐富，食落唔錯😌💛黑金流沙包 $25 :呢款流沙包同出邊差唔多，外型同味道都一樣，但啱啱蒸出嚟好熱，因為佢係流沙，所以要放一放先食得🥕金沙脆皮銀蘿腸 $28 :同炸兩差唔多，炸到金黃色嘅脆皮，裏面包住蘿蔔絲，份量同出邊一樣，但食落口感非常豐富👏🏻