點一龍 (如心廣場一期)

营业中

休息中

前兩日入荃灣西探朋友，為左傾計坐得舒服D，我地揀左間座位較闊落的餐廳！兩個人坐卡位好舒適！而且餐廳位於如心廣場，坐巴士來的我一落車就見到，都幾方便～餐廳裝修好新，原來是剛開了不久。走中國風，都幾雅致前面後兩頁餐牌，款式都幾多！除左有即蒸點心外，仲有不少小菜，燒味，仲有煲仔飯粥品等。首先點了我喜款的小籠包，呢到嘅小籠包仲加左黑蟹子，好高貴！小籠包外層皮夠簿，咬開肉汁爆出，好重肉香，點些少醋同吃，味道更鮮味！龍蝦湯三皇餃龍蝦味夠鮮夠濃！外皮晶螢剔透，不紡一試！醬皇蒸鳳爪 同平時酒樓食到的味道差不多，正宗味道，充滿膠質！朋友話要試煲仔飯，點了呢款鴛鴦腸蛋黃煲仔飯，幾鍾意佢中間加了咸蛋黃，可以撈埋一齊食，咸香味十足！兩款腸都肥瘦適中，唔會過肥，食得放心！甜品方面我們點了杏仁茶和養顏燕窩蛋撻，杏仁茶幾滑幾香，蛋撻都非常不錯，好多燕窩，個皮好香脆，必點！

今日一家人提早冬至食飯，就揀左如心海景酒店商場新開的點一龍餐廳！點解揀呢間餐廳？因為之前都食過佢哋尖沙咀海港城的另一分店，覺得味道都好好，最重要喺尖沙咀高級商場入面但價錢一啲都唔貴，所以知道佢哋荃灣開左新店，再加上早幾日行過見到原來同尖沙咀唔同，除咗點心小菜，佢哋有做埋火鍋🤤所以就決定今年冬至飯局地點！可能因為新開店關係當日餐廳不太滿座，但這樣也好，可以唔洗同人逼，一家人可以慢慢傾計交流，唔洗比人吹交枱趕住飯趕住走！👍🏼他們配料選擇當然無一般火鍋店咁多特別款待，但一般雪花肥牛、一口牛柳粒、手打牛丸，墨魚滑、鯇魚腩、雲吞都有得揀！我哋叫了湯底揀左骨膠原花膠雞湯，湯一滾起打開煲蓋，就見到雪白充滿骨膠原的湯底，最驚喜仲有大大舊花膠，淨係湯都飲咗一大碗！值得推介的是一口牛柳粒👍🏼、即炸響鈴、手打牛丸、墨魚滑，牛柳粒入口好有牛味仲有牛油香氣，好食過唔少火鍋店！即炸響鈴由於係即炸所以無得輸！！牛丸亦都食得出真係手打的口感！由於一開始太肚餓，所以叫左個鳳爪排骨飯頂住肚餓先，呢個飯都好足料好好味！個底仲有飯焦嫁！！🤤🤤呢餐冬至飯局個個屋企人都食至飽飽，有讚無彈，個個都話要再來多次！提外話，由於同行有2

唔覺唔覺冬天就嚟咗啦，係時候食下屬於冬天嘅味道—煲仔飯。今次放工嚟到就近新開嘅點一龍，適逢佢地新開，趁未爆棚就去一試佢地嘅點心、小菜先。先點左個北菇紅棗雞煲仔飯，熱燙燙好暖身，雞好滑呢～煲仔飯淋上甜豉油係絕配，加上底下嘅飯焦完滿了！另外呢度嘅燕窩撻同鮑魚撻都係必點！我就喜歡燕窩撻，面頭燕窩一絲絲一啖咬落去好滿足，蛋撻都幾滑同鬆化！小黃瓜紅油抄手大大粒，個汁醬酸酸地，有別於過往食嘅抄手！小菜方面嗌左金沙蘭花海蝦球，金黃色嘅咸蛋黃醬鋪滿海蝦表面，好邪惡！海蝦幾彈牙，圍邊嘅西蘭花都唔會太淋，幾脆口。班蘭欖仁馬拉糕幾鬆軟～西瓜糕真係十足十一片西瓜咁，造型幾得意，食落exactly係西瓜味，好清爽！仲可以配埋梅粉一齊食～

每人心目中都有些美食心水，像我為例，此餐廳幫襯過 N 咁多次，仍是會為一碗「五香柱侯牛腩河」感到歡喜，會特別搭地鐵入荃灣食。 「五香牛筋腩河粉」$68 做得是出乎意料地好，這食物看似簡單，卻有自己豐富的小宇宙。首先湯底可以分清湯腩、五香柱侯，台式等等；腩方面又有坑腩、崩砂腩或爽腩。 這碗屬於五香柱侯，牛腩份量多，而且塊頭大，在中間堆成小山丘。 用料足，也能看出食材本身靚，筋肉相連，肉質炆得軟熟入味，腱筋像啫喱，相信在炆的過程中加了冰糖，冰糖可以令牛腩煮得更入味。牛腩吸收了汁料精華，惹味系也。五香是比較濃味的味道，河粉可以吸收腩汁，當然是絕配。 其他點心，我特別喜歡「紅油抄手」$48，就是四川版的撈雲吞，這𥚃以甜味主導，辣就必然啦。 時下投訴泛濫，不知就裡點貴刁，就說小孩不吃辣。溫提，紅油抄手會偏油和帶辣，如果介意就不要點。 每碟有五至六隻雲吞，似水餃般大，長度拍得上食指。底層墊了烚過的銀芽，芽菜吸收辛辣醬油，喜歡刺激的朋友，食完雲吞後不妨用芽菜抹乾淨碟底的辣醬。 「蔬菜汁上素腸粉」$45 綠色腸粉皮因為加了菠菜汁做，裡面是粟米仔，菇菌粒及莞茜等，從內 Green 到外。近排

無服務 ！無冷氣 ！環境差！第一次食點心食到個個都出汗價格高但食物超級普通甚至吾好食！不知所謂可能尖沙咀分店會比較好但都已經一啲都吾想再食！完全劣評!!!!!!!!

每人心目中都有些美食心水，像我為例，此餐廳幫襯過 N 咁多次，仍是會為一碗「五香柱侯牛腩河」感到歡喜，會特別搭地鐵入荃灣食。 「五香牛筋腩河粉」$68 做得是出乎意料地好，這食物看似簡單，卻有自己豐富的小宇宙。首先湯底可以分清湯腩、五香柱侯，台式等等；腩方面又有坑腩、崩砂腩或爽腩。 這碗屬於五香柱侯，牛腩份量多，而且塊頭大，在中間堆成小山丘。 用料足，也能看出食材本身靚，筋肉相連，肉質炆得軟熟入味，腱筋像啫喱，相信在炆的過程中加了冰糖，冰糖可以令牛腩煮得更入味。牛腩吸收了汁料精華，惹味系也。五香是比較濃味的味道，河粉可以吸收腩汁，當然是絕配。 其他點心，我特別喜歡「紅油抄手」$48，就是四川版的撈雲吞，這𥚃以甜味主導，辣就必然啦。 溫提，紅油抄手會偏油和帶辣，如果介意就不要點。 每碟有五至六隻雲吞，似水餃般大，長度拍得上食指。底層墊了烚過的銀芽，芽菜吸收辛辣醬油，喜歡刺激的朋友，食完雲吞後不妨用芽菜抹乾淨碟底的辣醬。 「蔬菜汁上素腸粉」$45 綠色腸粉皮因為加了菠菜汁做，裡面是粟米仔，菇菌粒及莞茜等，從內 Green 到外。 皮薄而滑是此腸粉成功的重要因素，皮雖然不及傳統廣州

We just arrived hungry and ordered a lot of dimsum and drinks. The drinks came but the dimsum never did. The workers were all eating and they totally forgot that we were waiting for our food for over 30 minutes. They apologized when we asked how long our food is going to take. We paid for the drinks and left hungry and angry. Went to an italian place called "Italian Tomato" nearby which was a lot cheaper and service 10x better. And they had an awesome tomato soup. I am a native of HK.

啱啱喺嗰度食嘢，總共八個人，有四個小朋友，食嘢嘅份量唔算多，不過叫咗三個甜品，埋單要＄1033，價錢真係比較貴（亦都可能因為點心以及蒸飯份量比較少，所以要叫多啲嘢食）。去酒樓食都應該平啲。

睇完戲想食中式晚餐,選擇左如心廣場嘅"點一籠",其實之前也間中也會經過,但一直未有機會嘗試。是晚晚餐時間大約九點,可能大家都在家過年初一,所以人不算多。同普通酒樓一樣,侍應帶左位後,先開茶,除左一般普洱/香片/水仙($10位),呢度重有菊花($12位)/菊普($15)嘅選擇,今次揀左少飲嘅菊普.茶嚟到,開蓋一看,是已預先用茶袋封好嘅茶包,一包普洱一包菊花,茶味ok,有陣陣菊花香。兩個人叫左六款食物,都算飽。食物溫度一般,開始先上嘅粥,腸粉都只是暖的,後尾上嘅點心先至有點熱度。公眾假期無晒信用卡優惠這點大家要留意!!!!

早前有遠道美國的朋友來港，說要想吃點心，所以我就決定帶他們來這間試試，因為聽說他們的點心挺特別。我們大概1點到達，人沒有很多不用等位 環境不錯挺舒服的。我們點了大概10樣點心，賣相是沒有一般傳統茶樓的普通，出餐也快這個不得不讚 說說他們家的點心吧，我們叫了腸粉，蘿蔔糕，春卷，小龍包，流沙包，炸蘿蔔絲卷，蝦餅，燒賣，燕窩蛋撻(這是他們極力推介說不得不試)。先介紹幾款我們覺得好吃的給大家。第一是腸粉，腸粉很滑餡料很多，我覺得是物超所值，第二是小籠包，皮做得挺好不太厚還有肉汁，第三是蝦餅，很有咬感也不太油膩，最後是燕窩撻，這真的是看不出來的好吃 沒想到才20幾30塊的價錢也有比我們想像中多的燕窩，整個口感吃下去是沒有一般的蛋撻味濃，太濃會吃不到燕窩的味道。要來這裡的朋友也可以試試他們的燕窩蛋撻

本身我好鍾意食點心，所以今日特登約埋朋友一齊飲夜茶。先黎「揚州炒飯」。之前聽講過炒飯要炒到乾身先至好食。只見呢個炒飯癡埋一舊，咬落口一啲都唔乾身... 配料亦見不足，只有數隻蝦和叉燒粒。不推介！接著我地叫左唔少點心，「叉燒包」「奶皇流沙包」「鳳爪」等不過不失，都可一試。最後品嚐甜品。「楊枝甘露」一直是我的最愛，這次也不可錯過！味道不錯，但沒有配料（如芒果）卻令人失望... 馬拉糕就可免則免吧。如果唔係有AE信用卡優惠，大家真係想清楚先好黎。比佢好食既大有人在！今天用膳時見到入座率只是大約一半... 不過店舖員工服務還是不錯，算是拉回不少分數...

#點一龍 依間點心第一次幫襯 聽講質素唔錯但正價入去食既既話 正價既點心紙牛肉腸粉好似幾十蚊碟😨😰要食得飽我 應該要4 5百蚊先落到樓😯所以見到放題先去試下😂其實大部分嘢食同一般酒樓無乜分別 味道都新鮮 熱既 有嘢食都驚喜既 有個叫喬頭蒸排骨 依個好食!係喬頭原來蒸完係咁好食❤同埋楊枝甘露 木瓜雪耳糖水都好食 座位舒適 服務都好好 有禮貌👍

流沙飽很小，皮厚無餡。牛肉球味精重，食完好口門渴。燒賣得三粒，同樣味精很重。茶樹菌鮮肉餃稔bat bat，筷子一夾就難，而且食不到茶上樹菌的未道。每碟連加一平均35元，以這樣的價錢但並沒有應有的質數，實在欺客。

今日突然想去食點心，但又唔想去酒樓，近近地去左呢間餐廳。香茜牛肉腸，牛肉好足料，塞滿腸粉裡面，而牛肉就半肥瘦，食落都夠滑口。不過香茜味好似欠奉。蝦餃，賣相係傳統蝦餃，皮夠薄而餡就夠大粒，蝦味足，係OK既蝦餃。紅油抄手，基本上只是水餃加上辣油，再加上蔥花，呢味就無咩特別啦，水餃味普通，而辣油只辣不香。整體食物可以，但價錢較貴，二人食左二百五。

依早另一半話去飲茶~記得如心廣場有間"點一龍"唔係酒樓格局..但主要都係食點心既~咁又去試下囉茶水($10/位)~次次添水都要叫侍應..真係唔識自動自覺"掛爐叉燒包"($28)比同款蒸包細好多~包身軟綿綿..半肥瘦叉燒餡~醬料惹味"脆綱海皇腸粉"($56)本身唔太鐘意食網皮~雖然脆..但多吃感覺幾膩餡料有蝦仁,帶子,翠玉瓜~腸粉皮軟滑網皮卷得好厚..相對餡料較少"龍蝦湯三皇餃"($55)湯底濃稠..但味道唔鮮明~配上餃子反而過於笠口..有點漏餡料有蝦仁,帶子,豬肉~蝦仁大隻+新鮮爽彈蝦餃皮比雲吞/水餃皮厚~配上濃稠度高既湯口感變得笠上加笠~配清湯可能會好少少"乾果脆蝦角"($38)乾果食到有提子乾..少少番薯茸蝦仁同樣爽彈~餡料唔多..炸得香脆"點一龍鮑魚雞粒酥"($52)鮑魚味濃..有咬口~餡料都夠味..有雞粒+冬菇粒但批底唔夠酥鬆感~整體食物款式想做到有新穎感但味道&配搭唔太match~份量細少..味道普通環境都ok..但服務真係一般