黑木亭居酒屋 (清風街) (已結業)

經過天后橋底，見到間新開居酒屋，Menu 幾吸引就去試試佢。入面環境都幾舒適優雅，叫咗個厚燒鵝肝牛定食，溫泉玉子牛肉井同埋銀雪魚西京燒🐟。先上個日式蒸蛋，唔錯既蛋香內有銀杏，雞肉及菇。鵝肝牛肉個鵝肝燒到外脆內軟，都幾大件抵食，牛肉和醬汁味道剛剛好。溫泉玉子牛肉都好香滑之餘D牛肉多汁嘢味道相當唔錯。上埋銀雪魚燒即時俾佢吸引，味道豐富剛剛好，肉質細緻及食落口裏充滿油香味加埋甜品飽到不得了，各樣嘢都精緻好味道，算幾有heart的日本餐廳。

因為疫情關係，已經有一年冇踏出香港去旅行，久唔久我就會想起日本的美食。今日決定止下癮，去咗天后出名多美食的清風街，試左一間新開業冇幾耐嘅隱秘日本小店。舖仔細細，牆上畫滿日本風情壁畫，坐得非常舒服。銀雪魚西京燒定食魚肉勁滑，肉質細緻、油脂豐厚、多汁，用簡單的味噌醬醃漬後，甜甜鹹鹹的味道配飯剛剛好。而魚皮都煎得好香脆，超級美味!鹿兒島照燒雞扒丼定食烤好嘅雞扒肉嫩多汁，皮脆香口，送飯一流。唐掦雞軟骨 雞軟骨份量都好多粒 軟骨香脆 入面帶 d雞油既 juicy同軟骨既爽口 加 d檸檬汁同配上沙律醬好正👍🏻定食仲會包左麵豉湯，蒸蛋同和菓子甜品。非常滿足❤️

今日去左天后揾朋友食晏，行到去清風街見到呢間新開嘅日本餐廳，望落去好有居酒屋嘅感覺，好想去日本既我要止止渴先😚居酒屋係新開嘅，裝修得好靚，Menu好多選擇，第一個定食就係銀雪魚西京燒定食，係居酒居必有的菜式。我愛鱈魚西京燒呀🤩🤩其實西京燒銀鱈魚又有西京燒之稱，鱈魚簡單用味噌醬醃漬後非常入味❤️食落肉質細緻，鱈魚肉身一片一片的，入口即溶的口感，充滿油脂感，juicy細緻的魚肉，好襯味噌的甜甜鹹鹹味道，加上鱈魚非常新鮮，品質很高，岩哂我喔。🔺鵝肝厚燒牛燒丼，厚燒牛肉上菜時還在出煙，火候十足，牛肉燒得非常出色，滲透醬汁，咬落好juicy，好重牛味，重點配埋入口即溶既鵝肝，煎得好香脆，啖啖都係幸福既感覺。套餐包蒸蛋，味噌湯和甜品，侍應不停加茶，好好的服務🤟🏻🔺嗌左嗰炸芝士，新鮮熱辣辣，好重芝士味道，而且有拉C嘅感覺😘😘🔺最後重有甜品，係日本涼浸浸的蕨餅，係綠茶嘅味道，抹茶味非常香濃，口感煙韌，食唔停口❤️