影片
周前在杨屋道街市买𩠌时,行至2楼就被这里的$20半只白切鸡吸引著,虽然价钱便宜但那些白切鸡却很肥美,似乎很超值!不过我还是买了比较少见的烧乳猪骨。乳猪骨骨多肉少,喜啖啖肉的朋友应该不会选择! 小猪骨腌得入味,那少量的肉还算滑溜,有时还有一点骨髓在其中,蘸上咸中带甜的叉烧汁来吃,美味!卤水盘里的猪耳个子小小的,又来2只。 谁知猪仔耳吃来韧皮,难道这小猪生前是头顽皮猪仔?猪耳弹得有点吃橡胶感觉,幸好中间脆骨仍很爽脆,只是吃这2只耳朵需要颇花牙力而已!卤水味道不是很浓,不会过咸或过甜,普普通通。阿姐说猪脷用上邻店供应的新鲜猪脷, 所以这里的卤水猪脷会有猪天梯的!第一次吃猪天梯,原来是很爽口的,虽然样子有点丑但吃来又颇有趣;猪脷煮得不会太淋,只是又是味道平平,所以印象平平;结果2样卤水食物要加咸酸菜再煮才好吃一点,尤其那小猪耳,煮过后没那么橡皮筋了。 杨屋道街市肉档多的是,反而烧腊店不多,难怪其门如市了!临离开时见老板斩开一件烧腩肉,从切口看到肉汁相当丰富,买完𩠌回来已见卖了大部份,利害!!
继续阅读
因为要还神，我哋一家人惯咗每年都要买一只乳猪，今年啲原只乳猪好贵，我哋喺唔同嘅区分格过晒啲价钱，都要四百八十至五百八十不等！我记得杨屋道街市啲嘢系荃湾区最平嘅，就过去睇吓入面有冇烧味舖，上咗一楼果然见到有一间，一问之下，呢间烧味舖嘅原只乳猪只需三百五十，真系平好多，就订咗一只嘞！基本上系今日订，第二日就有嘅，我落咗一百蚊做订金，还神日再攞！之后我又问阿叔朝早开几点，佢话六点几，仲问我要唔要早啲，真系好周到㖞！还神日朝早上到去，佢成个档口都企满晒人，因为佢啲烧味真系好平，好多街坊都嚟买啩！我比张单佢，佢虽然好唔得闲，但知道我赶时间，就叫个阿姐帮手整比我！啲乳猪烧好晒，挂喺档口度，阿姐仲叫我慢慢拣添！ 我要咗只比较瘦嘅，阿姐好殷勤咁帮我为只猪插顶花，铺红玻璃纸，包乳猪酱，袋乳猪酱入面闲闲地都有十几包，不过阿姐佢仲系咁问我够唔够，搞掂晒之后又好有礼貌讲多谢，仲提我小心地下好滑，真系细心！还完神返到屋企，我哋就斩开只乳猪一家人一齐食嘞！只乳猪摊咗咁耐，一攞出嚟仲系好香，块皮系芝麻皮，食落好香之余，竟然仲好脆而且冇肥膏！呢只乳猪唔会因为平只系得层皮食吓，啲肉都几厚，亦好似阿姐讲咁，一啲都唔肥，又嫩又滑，我拣咗嚿猪脾肉食，哗！ 真系啖啖肉，味道鲜美兼肉质细密，冇得顶，乳猪酱都唔驶点呀！ 我哋成家人都未曾试过一餐差唔多食晒成只还神猪嘅，次次都要食两三日，今次真系第一次！下次买烧味，唔驶谂我都知道去边啦！
继续阅读