黃珍珍泰國菜館

营业中

休息中

以前係佐敦黃珍珍食開，環境闊落光猛，節日仲可以睇到少少煙花🎆員工服務又好好！但佐敦分店早排結業😟唯有去九龍城食啦一如以往一定叫佢哋沙嗲串燒🍢黃咖喱雞飯🍛馬拉盞炒通菜！另外佢地d沙嗲醬裏面有花生，串燒沾上醬汁味道一流😋😋甜品方面，超鍾意食佢哋啲椰汁糕西米糕芒果糯米糍🥰🥰唔太甜好味之選👍🏼👍🏼

同兄弟年尾慶功，食团年飯，當然要去食返餐好的，我朋友叫我發牌揀間正野，咁我一諗，就係黃珍珍，酒店式裝修，優雅的泰國氣氛，客人之間疏疏落落咁，傾計大聲啲都唔怕影響到人，辛苦左成年，食返餐好都應該的。食物方面點左美味軟殼蟹，真係好好食，又有牛仔骨，串燒，宝石魚同海膽炒飯，食過都會讚好，啲醬汁全部都好好食，賣相又靚。廚房佬抵讚！食完有段小插曲，就係發現原來對面枱有明星食緊飯，就係蕭正楠，翠如bb佢地同朋友食緊飯呀，無上前要求影相有點後悔，不過晚餐遇到佢地一齊食都好开心，呢餐貴啲都值！

今次嚟到九龍城當然都係食翻我最鍾意嘅黃珍珍啦❤️每次嚟到都係坐樓上因為上面感覺有privacy多啲同埋都好似無咁迫🤔如果有得揀我一定會坐近窗邊望落去條街人來人往好有feel😂嚟得黃珍珍就唔好expect service因為好多野都要自助 (例如refill水) 同埋啲伙記都有少少串🤏🏻講翻食物水準嘅話就真係唔錯啦🥳必叫嘅法包，咖哩，辣鳳爪同埋炒芥蘭 (其實每次食泰國菜都係叫呢啲😂)全部都好好食🥺咖哩保持一貫水準，可以食幾碗飯😛辣鳳爪就超開胃😋而炒芥蘭就比起上次食嗰間小曼X正常好多，完全唔會鹹過頭🤪但係而家咁嘅環境真係唔知下次再嚟食係幾時啦...😔希望香港可以快啲好翻，大家都可以再次除低口罩笑住咁見朋友 :’) 唔知香港人幾耐無笑過呢....😕

喺九龍城讀咁多年書，竟然無試過食黃珍珍，走曬寶！今日行完山，去醫下肚，果然同傳聞一樣咁好食！咖哩炒大頭蝦個咖喱醬十分出色，無論配飯或者法包都好適合，一啲都唔辣仲甜甜地！大頭蝦好足料，有成五隻，隻隻都啖啖肉又多膏！食晒都忍唔住攞食物盒，裝走啲咖喱汁返屋企撈飯泰式生蝦個設計好user friendly，可以將啲汁倒落個洞，每隻蝦都點滿醬～仲要隻隻蝦都厚肉又夠fresh～泰式炒金邊粉好夠獲氣，同泰國食嘅一樣味道！雖然泰菜黎講，價格偏貴，不過味道的確好，下次都會再食！

相信一講九龍城泰國🇹🇭菜， 都一定唔會唔知道赫赫有名嘅老字號「黃珍珍泰國菜館」， 「黃珍珍」屹立於九龍城超過30年， 至今仍然係好多食客捧場～ 同小妹兩個人黎撐枱腳， 店員好識做呀，安排我地到二樓雅座， 仲可以望到九龍城嘅街景，感覺寧捨寫意～😌 🌟推薦❗青木瓜沙律（$98） 青木瓜口感爽脆， 加上香脆花生和自家調製嘅酸甜醬汁，好開胃呀！ 不過第一次食青木瓜沙律配生菜， 幾新穎嘅配搭。😂😂 泰式燒豬頸肉（小）（$68） 小妹最鐘意食豬頸肉， 所以我地就點左小份，兩個人食就啱啱好！ 豬頸肉肉質嫩滑， 微微既香茅味醃得夠入味， 配以酸瓜蘿蔔，可去一去肉膩感。 泰式炒四棱豆（$96） 四棱豆係泰國特產， 而且唔係度度有得食， 小編都係第一次見！👀 四棱豆爽口， 口感有啲似油麥菜嘅莖，幾惹味！ 小編覺得泰式咖哩好難煮得好食， 不過見咖哩係「黃珍珍」嘅招牌菜，梗係要試下啦！😏 🌟推薦❗️咖哩炒大頭蝦（$298） 有五隻大頭蝦排得好整齊， 面頭淋上滿滿嘅秘製咖哩汁，正！😍 咖哩汁好香，食得出係加左蝦膏去炒， 特別鮮香惹味，

多年前和家人來過一次，今日再帶媽媽來食！兩個人的食量不大 所以都沒有點太多菜。食泰國餐當然少不了點<冬蔭公湯>，兩個人點一份細的份量都好足夠。個湯夠酸又足料，配白飯一流！之後叫左半打<沙嗲串燒>，可以按照自己既喜好自由配答你想要的肉類。我們就選了豬同雞，肉質不乾身，串燒上面加上沙嗲汁，好味👍🏼！最後仲點了一碟<咖哩蟹粉煲>，蟹新鮮，肉結實，咖哩味道不會太濃而覆蓋蟹的鮮味，椰汁香味剛剛好，YUM!🥰

大名鼎鼎既黃珍珍, 去過九龍城食泰菜既人應該都食過, 今時今日黃珍珍都仲係排哂隊先入得, 都好耐無食過啦!! 今日放假特登走過黎九龍城食一場黎到梗係要食咖哩海鮮啦, 見到menu就口水流!好有泰色風情既水瓶咖哩大頭蝦香噴噴熱辣辣一大盤咖哩大頭蝦黎到, 叫得咖哩一定要叫個白飯或者豬仔包點黎食先食到哂d精華! 我地叫左兩件包, 諗住唔夠食既時候先再encore多兩件。咖哩勁香好惹味, 法包沾上咖哩仍夠硬身唔會淋badbad, 所以口感同味道都好好仲要夾埋d蔥黎食勁正大頭蝦大大隻肉質爽彈, 店員好醒目係上碟既時候已經準備埋手套比我地, 雖然咁樣食好難顧及儀態, 不過對住盤咁正既美食, 唔理啦食左先講泰式燒豬頸肉我地二人叫左細size, 燒得有焦香, 唔乾記得點埋辣椒汁!芒果糯米飯我地一心想食甜品, 見佢糕點同糯米飯都好吸引, 岩岩隔離枱上甜品, 見到個樣好似好正就叫左佢啦! 實物好大碟, 成隻芒果再加黑白糯米飯, 白糯米煙韌黑糯米有咬口, 椰汁香甜最尾都飽到叫唔到多round法包lu~好滿足呀咖哩大頭蝦堅好味! 仲有就係service都好好!! 下次試試m6大蟹先得

黃珍珍係九龍城都幾有名氣既泰國菜，特別食招牌咖哩炒蟹。【咖哩炒蟹】（小）$368剩係咖哩汁撈飯已經滿足到我。咖哩汁帶住蟹黃既香味，加入左蛋漿，口感黏稠，食多會有啲膩。肉蟹肉都算多又幾鮮甜，不過就無咩汁。【泰式辣肉碎生菜包】（豬）$118有豬/牛/雞肉選擇，食慣豬都係叫返豬。肉碎瘦肉多，吾多見肥肉，岩哂我，炒得較乾身，好肉加左啲白芝麻碎，隱約食到好似花生果種香口既味道。【生蝦刺身】$148呢個價錢黎講就真係貴左啲，刺身蝦肉質勁爽滑。【芒果沙冰】$36用新鮮芒果打成，另外加左一啲野，除左芒果本身既果糖味，仲有種甜絲絲既棉花糖味。

九龍城咁多泰國餐廳黃珍珍仍然係我既頭3位 特別適合同屋企人一齊黎環境舒服 服務員都好貼心 唔洗人貼人咁食飯今日第一次坐二樓 仲可以望住個街境推薦menu👇🏻👍🏻生蝦既醬汁一流 辣得好過癮食到標哂眼水 生蝦好新鮮厚肉🙈👍🏻生菜包碟肉多到呢....偏辣我地最後係叫多左2碗飯送飯食🙈一流佢呢個辣肉碎並唔會死咸 食落好開胃肉質仍然保持濕潤，但唔係水汪汪果種🌸店員推薦嘅馬拉盞炒四綾豆（限定季節）第一次食真心大愛 食落口感係脆爽外皮係硬硬地 咬落塊卜一聲 入面係空心Google話係藥用價值極高既豆類食落塊既味道有小小似油麥菜👍🏻食過無數咁多次仍然保持水準沙嗲醬汁花生味濃厚 香口👇🏻朋友點既油飯 每人大概$250，呢個價錢配這質素我覺得非常之合理😜—————————— 食物質素：7/10 環境衛生：7/10 舒適度：8/10 服務：8/10 性價比：7/10 總評分：7.4/10 ——————————

自從話有地鐵站到九龍城，有些舊樓已拆重建新樓，黃珍珍是我喜愛的泰菜館，泰汁燒羊架，羊肉味濃，肉質淋，燒得剛好有焦香，不會燶苦味， 十分好吃😋炸原條香飯魚，鬆脆甘香，香飯魚很新鮮，沾泰式辣醬超正。

今日同朋友想食泰國嘢，就去左九龍城嘅黃珍珍食。因為咩都想試啲，就叫左個珍珍推介二人餐。前菜：大蝦柚子沙律，沙律有d蝦乾仔幾特別，食完幾開胃。冬蔭公湯：足料好飲，每人都差唔夠飲到兩碗。炸蝦餅：熱辣辣整好，唔錯。串燒豬+串燒雞：配沙嗲汁，醃得夠味，燒得夠香，幾好食。椰汁青咖哩牛+法包：青咖哩汁非常香，點法包食非常好食，牛就有d梳打粉味，叫其他肉應該會更好。馬拉盞通菜：馬拉盞唔會太多，好食。甜品：芒果糯米糕+椰汁糕，甜度適中，幾好食 。總括黎講，係唔錯嘅一餐。

聽過黃珍珍很久，今天來到九龍城就試一試他的晚飯。餐廳很大間，有很多大圓桌，適合一家大小來，二樓也有二人和四人枱。泰國菜當然要點咖哩吧！這裏的咖哩種類很多，雞牛豬蝦蟹。。。最後點了招牌菜咖哩蟹！等了一些時間蟹終於到了！都算幾大隻！重點是：蟹很新鮮呀！又大隻！蟹味入了咖喱汁，我們一人一碗白飯配上咖喱汁，好味！😋味只有少少辣，應該一家大小都食到。吃完還想再吃蟹就點了南瓜蟹羹，很多蟹肉，南瓜味也很濃👍🏻底部有些白色的應該是奶，加埋很香滑😋很好飲餐廳還有香港加油系統😭很感動真香港人！👍🏻又好味又有義氣👍🏻會再來

男朋友突然間話想食蟹，又好似好耐冇食過泰國嘢，一諗就諗起黃珍珍，落雨都特登搭車去九龍城食。星期日晚嚟到，唔算太多人唔需要等位，我哋兩個人去食，職員俾咗張窗口位四人枱我哋✌🏻每次食泰國嘢好似來來去去都係食嗰啲嘢，當我同男朋友苦惱緊食咩好，職員好熱心走過嚟向我哋推介，餐廳嘅新出嘅菜式—👌🏻四棱豆。職員話四棱豆係泰國特產，而且唔係度度有得食，有沙律或者馬拉盞/蒜蓉/清炒等等煮法，見職員極力推介，最後我哋帶咗馬拉盞炒四棱豆、咖哩蟹一隻、法包兩個。開頭我哋以為四棱豆口感應該好似青豆咁，但食落原來唔係。口感有啲似油麥菜嘅莖，但就更加爽口，加上炒得好香好惹味，有驚喜，下次可以唔洗次次淨係叫通菜油麥菜咁悶。一般食開馬拉盞炒，都知道會係比較油膩，所以值得一提嘅就係，呢度用嚟上菜嘅碟，係有少少斜度，可以將多餘嘅油流走，好細心👍🏻👍🏻👍🏻重點黎啦，隻蟹都算幾大隻，兩個人食都夠晒食，而且仲好新鮮。雖然用咖喱炒，但仍然食到蟹嘅鮮味，連埋啲咖喱汁一齊食，好濃嘅椰汁味，亦都好鮮甜嘅蟹汁味。蟹肉一啲都唔梅，咬落去好爽甜，啖啖肉。而個咖喱汁除咗好濃嘅椰汁味之外，入面仲有洋蔥同其他配料，洋蔥每塊都幾大塊而且好爽甜，唔會

九龍城泰式菜館來講,黃珍珍都算係好老字號嘅一間, 講到正宗來講,黃珍珍更加係數一數二, 趁住媽咪生日我就同左佢去咗九龍城食飯, 餐廳嘅招牌非常大個所以好搶眼好易搵~~我哋坐低之後就叫咗一個咖喱大頭蝦, 平時比較少食嘅菜式,啲面仲特別推介我哋叫法包點咖哩嚟食, 大頭蝦每一隻都好多膏, 而且每一隻大頭蝦都相當新鮮! 超正!法包點咖喱,我同媽咪都食到停唔到口! 由於平時已經食好多海南雞, 所以我哋今次選擇左泰式燒雞, 個皮脆而且肉質都算鮮嫩!!最後媽咪揀咗一個泰式牛河作總結! 餐廳有啲套餐都相當唔錯,我地都期待下次一大班人去食!

今日男朋友接收工，突然興起想食泰國菜，黎到九龍城兜左個圈，我地決定食黃珍珍，等左10min就入座了由於天氣太熱，我地叫左杯野飲先，再慢慢睇野食泰式奶茶，大概都係用茶葉、淡奶、煉奶、砂糖沖泡，比例要拿捏好，先會好飲。而店鋪用左泰國有名Cha Tra Mue茶葉黎沖泡，茶味夠濃，奶味夠香而且好滑，甜度就冇泰國當地飲到既咁甜，可能係迎合香港人健康口味青木瓜沙律，青木瓜切得夠幼，口感爽脆，醬汁酸甜適宜，加上花生粒和少許肉碎，再用生菜包住食，口感層次非常豐富，胃口大開！炭燒豬頸肉，燒得剛剛好，保留了肉汁，咬落爽口彈牙，再蘸上酸辣汁，非常惹味。咖喱大頭蝦，大頭蝦新鮮，蝦肉非常紮實，蝦頭亦多蝦膏！咖喱汁味濃，亦重椰香味，我地另外仲叫左法包，用黎蘸咖喱汁食，很滋味