麻酸樂米線專門店 (已結業)

同舊同事聚舊。見呢度門面光鮮。好似幾好。$58的餐，有很多選擇。有西餐，亦可叫米線。食物味道都還可以。但跟單跟得好好好亂，差不多每一張檯都有提出問題，例如催食物，取消或來錯食物。唉，檯檯都好勞氣。話同你跟，又再跟他們講得好清楚，但轉頭又係出亂子。無加一，其實都經濟。不過服務嚇怕了人。

有次無意間到MK食晚飯,行過見到新開所以試下,一試之下,就成了我和男朋友經常去的食店,他們的無國界晚餐真係好抵食,$58有湯,餐包(牛角包or蒜蓉包,熱棘棘的),小食(有4款選擇,經常會轉),主菜(有多款選擇,任你百搭)及飲品,我就試過"十式米線",湯底都幾清,唔油,幾健康,還有十款不同的餸菜,如不食米線,可選扒類,雞扒最好味,配埋黑椒汁就最好食,而家用$60元就可食到咁多嘢,真係好抵!!p.s.唔知點解,他們上菜時的次序有D問題,因試過多次,我們食晒D湯,主菜,才上小食(沙律)及餐包

早歺經常到此canteen 晚飯第一次到來服務員介紹無國界晚歺幾好湯及牛角包很熱肉眼扒好大件黑椒汁好味即磨咖啡有味2位只收116超值服務員多謝前多謝後好禮貌值得介紹大家一試

很久前來过招呼很差今晚見新人招呼幾好多了一位經理柯打二客晚歺牛角包很新鮮牛扒黑椒汁沙冰幾好味不收10%貼士值得一試

最近係旺角返工幾朝早約10時到這處食早歺很新鮮啲通粉及炒旦腸很特別是圓員工好有禮比較附近食店好好多可以介紹同事到一試

今天左ＭＫ食飯到一間幾新Ｃanteen 入面座位好細叫了一碗米線味道麻麻啲送就幾好飲品叫少甜到很甜待應招呼服務幾好有時間晚歺再到一試

好耐之前幫襯過~~~食物馬馬食麵線居多環境就1般服務都係1般無乜野唔好都無乜野好好總括黎講都算馬馬!!

由舊鋪開始光顧, 整體感覺不錯!它的選擇很多, 有粉、麵、飯, 但一向只吃過湯粉,麵!他的配搭算多, 湯底, 粉麵, 餸菜均可有不同配搭!我吃過兩個湯底, 番茄鹹酸菜湯& 芫茜皮蛋湯, 起初覺得番茄鹹酸菜湯不錯, 但越吃越口渴, 似乎味放得很多味精。而芫茜皮蛋湯則較清, 但仍擺脫不了味精的味道!餸菜有很多, 只吃過紫菜, 蜂巢豆腐, 鮮牛肉, 肉丸等, 餸菜的份量亦多!至於麵類, 一向吃米通, 感覺較西方的通心粉佳, 原理一樣, 但口感較好, 而且可沾上更多湯汁呢!唯一服務則感覺一般, 而且坐位感覺有點迫!但現在少吃了, 原因在於受不了那些湯底, 吃後真的很口渴!各位朋友若受得了, 其實它是一個抵食兼大件的選擇!

個日我去mk行街........~見到間餐廳放出來ga野(應該叫標品)好似幾好食....就入左去坐底........當然就叫了個"無國界晚餐"不過個餐好多野選擇....有飽有湯有頭盤有主菜(可選扒or 飯/意) 有飲品.....好多野食....而且個set dinner...又唔貴.....!間野的衛生& 裝修我都喜歡....!而且食物又幾好..............!比我就會去多幾次.........!很好的一間餐廳.....!**不錯的介紹**

午飯到此叫了一個麻辣雞絲撈拉麵加飲品，價錢不算特別便宜，但水準就非常一般，所以雖然我好少俾”喊”樣，但今次都要俾。麵嘅質地普通，唔係特別好咬口；配料嘅份量就少到離譜：得一ｄ紅蘿蔔絲、加埋ｄｄ咁多嘅雞絲；個醬汁就唔夠麻辣，反而好鹹，唔合格！雖然店名叫麻辣，但係餐牌所見反而一般西餐食品為主，重有食品嘅味道，有ｄ名不符實嘅感覺。

06年9月2日是日到這裏吃下午茶點了香草牛肉札，三色蛋配麻辣米線+ 冰檸檬茶米線有咬口，麻辣湯底配點肉碎很不錯但香草牛肉札是一塊很硬的牛肉餅，沒什麼口感三色蛋是皮蛋+雞蛋+咸蛋，有特色但不覺得好吃冰檸檬茶太甜，也不太有檸檬味，可能檸檬不夠新鮮．．．不會再來了．．．．還是喜歡譚仔雲南米線

唔知點解, 呢度的分數咁低.這是第二次到訪, 第一次係午市, 今次係晚市.第一次食過覺得不錯, 尤其牛角飽, 暖暖的, 不太油, 也不會太脆, 內裡是軟軟的. 是次再來, 門口更見小人龍. 坐下點了晚餐, 羅宋湯ok, 但比花園or扒王, 這裡的更濃一點. 牛角飽仍然鬆軟. 點了芝士肉醬腸粉, 係腸粉內藏肉醬, 不錯. 有少少係意大利雲吞. 主菜係雞扒, 這是最穩妥的選擇. 煎得幾香, 夠味, 但油了點. 而薯條也不是我喜愛那種粗粗的.但是日晚餐, 主係60大元, 這樣的價錢, 這樣的水平, 還可到那裡找呢?

九龍城探險後，胃納空著，本著「用得唔好徙」的心態，而又想吃酸辣麵，見這裡幾旺場，就來一試。與港式茶記比，這裡是高級半點，環境幾光猛，坐落先發覺幾迫硤，附近煙霧瀰漫，幾難頂。問侍應餐廳的特色推介，木著面道：「都是一般貨色，你可以選擇特色套餐，在A、B中自選2樣。」，聽罷，哭笑不得，由一般貨色組成「特色推介」，虧老闆想得出。對「特色」菜無興趣，就點了偶認為是特色的酸辣湯、手o即魚麵、手打肉丸，三色水蛋，酸辣湯色水稀得緊，無辣可言，亦酸得很不「自然」，配上腥而腍的手o即鯪魚肉麵、用鹹蛋醬嵌入皮蛋做成味道又濃又鹹的三色水蛋，完全是錯配，最後的手打肉丸，似是加料調過，還好肉質見鬆化，算是交到功課。配飲品$31，幾貴，不如行多兩步到附近的樂園食潮式魚麵好過。

18號晚同男友,,見到麻酸樂又開多間,,咪入去試下囉...跟住就叫左1個炸鯪魚角,,蟹子墨魚丸米線...果個米線比我想像中好食好多,,蟹子墨魚丸勁彈牙,,我男友好好奇,,咁就問下啦,,一問之下知道左原來係自己手打GE,,唔怪得知咁彈牙啦...之後果個炸鯪魚角,,就係新產品,,超好食囉,,好煙軔...正丫!