麻辣舖 (已結業)

中環上班族外賣又有新選擇了位於士丹利街專做外賣嘅麻辣舖行過有比門面吸引到 感覺好乾淨食物包裝都好企理 有多款早餐特色粉麵、午餐熱食和凍食沙津選擇 出餐唔算耐 期間亦都有坐位可以作等候用唔想自己等 亦都可以用外賣平台叫佢地嘅外賣🥢水煮牛肉意粉👉🏻水煮牛肉入味唔韌 意粉都吸收了醬汁 香辣惹味 🥢麻辣舖脆脾👉🏻應該係佢地嘅招牌雞髀 炸得唔錯 就算外賣拎返去都食到好香脆 炸皮唔會好厚粉 鹹香微辣 🥢麻辣炒飯👉🏻食落份量比想像中大份 麻香肉粒炒飯粒粒分明👉🏻每款正餐都有跟四款酸/辣味道的醃小菜：蘿蔔、薯仔、蕃茄和黑木耳🥢椒點牛脷粒粒👉🏻第一次食呢種整法嘅牛脷 香炸牛脷粒口感爽脆乾身 感覺好配汽水或啤酒🙊午餐食完滋味又醒神當然 唔食得太辣嘅都可以好似我咁 可以辣粉另上

🍪【#中環】 麻辣舖 Ma Labo💥麻辣主題外賣店 刺激味蕾欲罷不能💥.🍪召喚各位中上環鍾意食辣嘅朋友！中環士丹利街新開咗一間以麻辣做主題嘅外賣店，主菜同小食都有辣嘅元素，啱哂無辣不歡嘅你🌶️ 包裝袋同店舖設計都非常搶眼🔥，店員好細心將各款食物包好。炸物即叫即製，拎到返公司仲係好夠熱， 香氣撲鼻， 吸引到唔少同事🤣~~~~~~~~~~~~~🍗 麻辣舖脆髀 $38Ma Labo Crispy Fried Chicken Leg炸物緊係必食炸髀！ 新鮮滾熱辣大大隻 (好似手掌咁大🖐)，脆卜卜嘅雞皮令人無法抗拒，上面嘅辣粉好刺激 ，入面仲有好多肉汁😍.🐮 甜辣嫰牛肉卷 $68House Tender Beef Wrap 卷物嘅餡料幾特別👀 ，脆脆地外皮入面包著羽衣甘藍、青瓜、紅椒，仲有牛肉。咬落去冇幾耐已經食到麻辣味🤤，最鍾意卷內有sour cream 同埋各款蔬菜，爽口得嚟又好夾牛肉嘅味道🥰.18味薯條 $18Fries with SapBaaMei Flakes叫咗薯條過下口癮，炸至金黃色冇得輸💛🥔 調味啱啱好，唔會過鹹，每條薯條均勻咁沾上辣粉。 如果鍾意多辣嘅朋友，可以再加店舖俾嘅秘制

近排喺中環返工而又好鍾意食辣嘅朋友，可以試吓呢間麻辣鋪，舖頭細細，但係都有好多唔同種類嘅形式便當可以比客人選擇，今次小編同朋友一齊happy share ,就試咗個麻辣炒飯便當，便當仲付上涼拌小菜，另外仲叫咗個麻辣炸雞髀，辣子單骨雞翼，椒點牛脷粒粒，椒點玉子粒粒，麻辣炒飯辣得好過癮，再配上涼拌小菜都係辣，麻辣雞髀好大隻，啖啖肉，上面充滿辣粉，另外麻辣牛脷粒同玉子粒，好適合happy hour 送啤酒飲, 正！

屋企人今日係中環見完客, 見到新開左一間外賣店, 知我鐘意食辣, 所以買左外賣返黎做晚餐, 呢間外賣店都真係幾夠麻夠辣, 值得介紹俾大家~1. 麻辣舖脆脾飯 ($78)呢個聽店員講係招牌飯以買黎試下~個脆脾飯由於小編今日遲左收工, 所以返到屋企已經凍左少少, 所以小編叮熱左黎食。叮熱左黎食個肉汁都係咁JUICY, 加埋個辣粉好過癮,個種辣唔會話令你覺得好辛苦個種, 而係麻麻地, 令你食完想KEEP住食~另外, 佢個配料小肉碎酸菜, 酸酸地又會令人幾開胃, 仲有小蕃茄仔中和返個辣, 非常推介!2. 椒麻肉丸意粉 ($68)意粉辣辣地, 醬料充足! 配埋四粒肉丸，有D FUSION既感覺~入面仲配有幾款配菜，包括有辣木耳，蕃茄粒，洋蔥等等，令小編可以有均衡既飲食~唔會得單一既口味配搭好有心機!3. 甜辣嫩牛肉沙律 ($68)沙律好大份! 入面有唔少新鮮既蔬菜(沙律菜, 蕃茄仔, 青瓜), 兩個人SHARE食都食極仲有~牛肉都吸晒個醬, 好惹味而個沙律醋建議大家記得倒晒落去, 佢同個牛肉個味都幾夾, 仲有隻溏心蛋, 份量大又好味! 味道: 4/5環境: 3.5/5服務: 4/5性價比: 4/

中環上班嘅朋友有福了😍 士丹利街開咗間外賣麻辣店，環境好乾淨， 店員態度又好，仲要價錢好合理。甜辣椒牛肉沙律（$68）- 想食多啲菜嘅朋友揀呢個就無錯，啲沙律菜好新鮮爽口，上面仲有好入味又腍嘅牛肉，再加半隻溏心蛋，好味又高蛋白質。麻辣舖脆脾（$38）- 炸脾係必嗌嘅～份量十足，隻雞脾大過我隻手掌呀！雞皮炸到好香脆，帶麻辣味好惹味，雖然炸到咁勁，但雞肉仲可以保持嫩滑同juicy，真係好掂。涼伴雜錦絲（$28）- 原來係豆干、海帶同粉絲，好有咬口，撈埋麻辣汁好正啵。麻辣三寶（$28）- 三寶有魚蛋、豬皮同蘿蔔。魚蛋又彈牙，豬皮又爽口，蘿蔔又腍又入味。

2023-02-27麻辣風味十足嘅外賣🥡同女朋友去咗中環買嘢🛍經過間叫Ma LABO嘅外賣店🌶鋪面係中環嘅鬧市之中🤗主打係食四川麻辣嘅菜式🔥不同香料融合麻辣精髓🌶具層次感的嶄新菜式🥰有主食，小食仲有沙律選擇🥗麻辣滷肉飯，68蚊份💰滷肉飯餐有四款配菜，有木耳，青瓜，蕃茄粒，洋蔥，好健康嘅配搭，滷肉香氣十足，食落有四川麻辣風味，麻辣味道會遞增，每啖都食到滷肉嘅濃郁🤗水煮牛肉意粉，78蚊份💰牛肉意粉都有四款配菜，有木耳，青瓜，蕃茄粒，洋蔥，好健康嘅配搭，水煮係正宗四川菜嘅煮法，牛肉片肉質嫩滑，牛肉吸收晒辣汁，越食越刺激味蕾😁麻辣舖脆脾，38蚊份💰雞脾非常大隻，落係大碟上佔一半面積有多，炸雞髀出名皮脆肉嫩，焦香又富有香濃肉汁且啖啖肉，口感夠彈牙，加埋辣粉食味道更佳🍗整體外賣包裝好有特色，餐具獨立包裝，夠晒衛生，美好包裝嘅點綴😀全部食物都食到香，麻，辣俱備，啱哂附近返工嘅朋友們試吓👜

新店開張見有promotion 【$10一隻麻辣雞髀】都幾多人排隊買， 係街又聞到香味， 就買一隻試下啦。 雞髀都好大隻， 炸雞髀顏色唔係平時係街見到嘅金黃色， 顏色係暗紅色🤪食咗幾啖麻辣味超出， 平時都食開辣， 都覺得呢隻雞髀嘅麻辣味好好出😅， 一定要準備定凍飲🥤皮炸得幾脆，唔會好厚炸粉， 肉質係滑嫩， 唔會‘’鞋‘’，size 仲好大隻， 加上辣粉，係好食嘅～細食嘅我可以做午餐😂😂原來原價先係$38, 真喺好抵食。 見佢地menu 上嘅小食選項都多， 價錢都好平， $28為主。 中環來講， 真喺平嘅， 高性價比。👍

-中環全新麻辣地標 - Malabo 麻辣鋪前幾日Softopening比我遇到佢 鋪頭用左簡約橙白色設計地磚同cashier background色tone一致 好吸引眼球👁️👁️😮見到佢地Menu入面95%都係以麻辣嘅方式呈現而食物價錢以中環來計算 🤣都比較相宜同同事經開買飯就選擇左呢間新野啦😝🔷麻辣鋪脆髀 $38外層麻辣粉裹住成隻大雞髀🍗 成隻手板咁大都系呢個價錢仲要外脆內軟 啖啖肉超滿足3點3 下午茶之選😋🔷椒點牛脷粒粒 $28比起一般嘅牛柳粒 牛脷粒粒更加有咬口 😍更彈牙而會比上一款雞髀辣多少少🤏🏻 都系可接受範圍🔷麻辣炒飯 $68炒飯入面有肉碎 蛋 菜絲 望落好似細細盒咁其實都幾飽㗎🤓好足料！塞到實一實另外仲有一盒前菜跟埋⋯醃蘿蔔+麻辣薯仔+麻辣芽菜+蕃茄洋蔥😍呢個價錢來講 無得輸啦！🔷甜辣嫩牛肉卷 $68呢款Wrap皮幾合我心意🤤加埋內裏既羽衣甘藍同牛肉 好夾！我同同事們都幾中意呢個卷👍🏻🔷慢煮麻辣雞胸沙律 $68呢個雞胸幾嫩咖 少少麻辣味 幾開胃加埋底下既沙律 好新鮮 最欣賞系入面既超甜菠蘿🍍👍🏻

見新開就晏晝同朋友試下，order左個麻辣牛肉卷及單骨雞翼。店員強烈推介麻辣牛肉卷，試完我覺得係值呢個價既！餡料足，亦好juicy唔會乾真真，入面有cheese定sour cream物體，令個口感及味道好好，配料亦新鮮，牛肉幼嫩，辣程度對食開東南亞風味既我就剛好。我食左半個都夠飽，圖中係我拎返屋企剩返果半隻😛至於單骨雞翼都絕對抵食，性價比高，係辣子雞風味，炸得脆口而唔油夠乾身，輕度麻辣，值得一試！但我冇影相。會再幫襯！