影片
电话号码
2377 2882
开饭介绍
集合新派川菜、粤菜、炖汤、中西式甜品于一身，无论三五知己或家庭饭聚亦能满足各成员的不同口味。
继续阅读
营业时间
星期一至日
17:00 - 03:00
以上资料只供参考，请与餐厅确认详情
招牌菜
相关文章
酸菜鱼原条上，阔过我3块面，好多粉丝系鱼下面，不过略咸。另外几道菜都好香，如猪油渣菜心、干香椰菜花，特饮水果茶好多好多水果，起码5种，但青柠比较清新，沙冰普通。担担面都好食。
继续阅读
其实我好钟意食麻辣 , 无奈个胃唔系几听话口可以间中食少少 , 仲要只可以拣少辣 , 到喉唔到肺到 @@"有一次系佐敦o个边放完狗 , 行过见到呢间 " 麻辣妈妈 "门口贴左好多杂志访问, 见到d 相同 menu , 相当吸引 ,幸运地同行的妳都对个田鸡煲有兴趣 , 太好喇 !!!呢度座位唔多 , 都几挤迫 , 店员要落单都好难入埋黎见人人都有一个煲 , 当然我地都要试一试啦 ^^ 1. 川北凉粉~ 卖相好靓 , 原来都几辣几麻 , 仲以为冷盆小食会温和 d d 凉粉又白又滑 , 好淋身无乜嚼劲 , 味道几香几好食 ,但系唔系几够冻 , 浸耐左开始好入味好辣 =p2. 麻辣田鸡煲~ 睇个样好似得好细煲 , 但份量都唔少 , 田鸡多过两只都几肥大 , 好多肉食 , 不过因为汤底太浓 , 唔知 d 田鸡新唔新鲜有 d 青瓜同薯条o系底 , 好特别o既配菜 , 食到一条都无净 xd我地叫左少辣 , 但都食到变 " 孖润肠咀 " , 中间越滚越入味想沟淡 d 但系唔想加热水 , 就同店员讲要左碗清汤 , 旁边两位都系叫少辣 , 但系佢地话一 d 都唔辣 .... -.-"3. 黄金虾~ 份量少左 d , 得六七只 , 味道都唔错 , 不过感觉上火喉唔够无少得香口先落咸蛋黄 , 但有个好处就系无咁油腻 =)4. 干扁四季豆~ 好够味又多肉碎 , 捞饭一流 , 唔记得左点解我地呢餐无叫饭就咁空口食黄金虾同干扁四季豆呢 d 咁浓味o既小菜 @@"## 珍宝青柠树系呢度o既必点 , o系唇舌满是麻辣感o既时候黎一杯冰冻清新o既酸甜青柠冰 , 确实有如雪中送炭 ,呢一餐食得好刺激 , 不过食完之后就好耐无再黎讲喇其实睇见张相真系好想再食呀 , 我记得有个鱼鳔煲o家!!
继续阅读
好高兴我有两位朋友同我一样都系嗜辣之人, 趁「五一」前夕大家有时间可以聚埋一齐, 就想拣一间o系市区既川菜馆挑战一下味蕾o既极限. 见呢间「麻辣妈妈」系ORice有唔少o既食评, 放出o黎o既相亦睇落唔错, 于是我地一行3人就决定o系4月30日晚o黎呢度过一过辣瘾, 睇下呢度o的麻辣菜式究竟得唔得. 结果系点? 立即去片:点菜之前先饮o的酒warm up一下, 朋友介绍黑啤沟普通啤好道唔错, 就嗌o左两支大o既健力士同青岛o黎个两沟. 上台时, 的大大个o既直身杯系预先雪冻o左(见上图), 对我地o既佐饮更有庆致, 值得赞! 两沟o既效果相当唔错, 加埋用冻杯o黎饮, 我地倍觉庆松愉快. 唔洗一阵, 各式小菜陆续上台. 以下o既评分以10分为满分, 菜名后面标明我地预先选好o既辣度:口水鸡 (例牌, 大辣; 见上图): 一件件鸡好似个金字塔咁叠埋一齐, 有青瓜丝垫底. 面头淋上黑黑o既口水汁. 就咁睇, 鸡同口水汁o既色泽望落okay. 食落口 (见下图): 鸡件大部份系厚切o既鸡胸, 口水汁o既酱油味道同质感浓烈, 感到佢辣又未至于好辣, 鸡件吸收到汁既辣味, 呢个口水鸡做得算系唔错. 份量方面, 鸡大约有7 - 8块, 两个人食实在唔多够分, 更可况系三个? 7分.皮蛋青椒 (小辣; 见上图): 青椒好甜美, 皮蛋糖心幼滑, 个汁小小辣够浓厚, 同o的皮蛋青椒都配合得好. 唔洗一阵好快被扫光! 9分.麻辣海带 (小辣; 见上图): 以小食o黎讲佢o既份量都唔细. 粗粗o既海带有红辣椒粒、葱粒、炸蒜粒同芝麻拌碟, 作为 “麻” o既花椒就踪影全无, 系唔多好o既先兆. 食落口 (见下图): 咁觉到佢仲暖o既 (!), 浸过龙条条都软赖赖, 而且全无任何花椒o既麻味. 呢碟菜明明系一碟凉菜, 有咁样o既味道同质素实在不可接受! 食o左一阵我地停哂筷子将佢摆埋一边. 2分.豉椒炒蚬 (中辣; 见上图): 除o左川菜, 我地都有嗌一呢碟粤式小炒佐酒. 佢热辣辣上台, o的蚬系细细只, 食落感觉系新鲜; 个汁睇o黎满布红椒粒, 其实一o的都唔辣仲甜甜地, 整碟菜最大o既败笔, 就系食唔到任何豉椒味, 名不乎实! 3分.辣子鸡 (大辣; 见上图): 呢碟菜我地无叫到最辣, 系想用佢同之后上台o既水煮牛肉(最辣) o既麻辣度作一比较. 上台时睇到的鸡都几大件, 辣椒同鸡o既份量大约系一般川菜馆o既7:3之比. 配料除红辣椒同辣椒干之外有腰果、葱、仲有… 咦, 花椒呢? 点解又系无o左最重要o既材料o既? 我地于是好似打war game咁以地毯式搜索, 依然系毫无结果, 花椒踪影杳然. 食落口 (见下图): o的鸡粒比一般川菜馆o既都较大件, 可惜油泡时过o左火, 颇为干水兼本身无乜调味, 食落相当淡口. o的辣椒o既辣度只系小至中辣o既程度, 令我地一心尝辣o既都非常失望. 而最令我感到不快o既, 就系呢个标榜 “麻” 、 “辣” 口感同样强烈o既四川名菜, 居然连半点麻味都无, 非常差劲, 系彻底失败之作! 用佢o黎送酒都嫌徙. 1分.水煮牛肉 (最辣; 见上图): 上台时滚热辣, 犹如庞然巨物一样, 又红又大堆头感觉好似好吓人. 对于我地几个食惯川菜o既人o黎讲, 可谓司空见惯. 红红o既水煮汁渗著一鼓颇为刺眼同攻鼻o既辣椒气味, 相当有霸气; 厚厚o既一层红辣椒干下藏有牛肉片、大豆芽菜、土豆(薯仔)丝、青瓜条同腰果, 而作为主要材料之一o既花椒, 同辣子鸡一样, 依然系踪影全无, 我地o既内心当堂沉o左一大截. 到食落口时, 牛肉o既质感唔错, 无被腌肉粉 “提练” 过, 几好赵口. 食完一块约莫10秒之后, 极强烈o既辣味凶拥而至, 系就系好刺激, 最弊佢同其他标榜有 “麻辣” 两字o既菜式一样, 都系一o的麻味都冇, 一味得个 “辣” 字. 其他材料如芽菜同青瓜都同样被水煮汁浸透, 一样系辣到冇朋友, 只有土豆丝(见下图)既密度较高, 无被辣汁全面渗透, 可以作为轻轻舒缓辣味之用. 食到呢一刻我地同辣子鸡(大辣)既辣度做比较, 对于两味菜o既辣度竟然有咁大o既落差, 大感诧异. 对于呢味水煮牛肉我感到相当痛心同失望, 因为不但止食唔到应有o既麻辣味, 大好o既食材亦被一味死辣既味道糟塌晒! 我地食到一半, 被迫放弃. 3分.珍宝青柠树: (见上图): 佢系呢度o既招牌解辣冻饮, 所以点都要试o下. 大大杯上, 上层系打到起泡o既柠檬什饮 (lemonade), 下层系青柠汁, 配以一大个青柠做装饰. 一杯有齐两种柠类唔同o既酸甜味道, 层次感强, 相当出色. 我钟意! 8分.总结: 埋单每人约HK$240, 以川菜o黎讲可算相当贵. 呢度o既麻辣菜式有辣无麻, 只能用有名无实去形容. 即使佢地部份小食、凉菜同冻饮都做得有版有眼, 依然无法弥补麻辣主菜差劣o既水准. 实在不能接受. 以后要食上好o既麻辣川菜, 我都系会去番元朗o既「香辣风」; 起码一定唔使好似今次咁贴钱买难受.
继续阅读
铺头唔系好大, 唔知灯光不足定系悭电无开灯, 下昼去食都好似阴阴暗暗咁; 不过都想下次有机会试下食晚饭口水鸡午市套餐 (饭又冻又硬左少少); 口水鸡 (有鸡脾食, 都叫做滑, 皮就太肥喇无食到, 辣度可以接受, 唔系十分辣又有麻痺既感觉, 唔够仲有一小格辣汁可以点多d) 酸辣鱼腩薯粉 (虽然本身唔系好中意食鱼, 不过见人地既反应好似都唔错, 问阿姐鱼腩多骨d定鱼片多骨d, 阿姐话鱼片多细骨难食d, 都岩, 所以都系拣鱼腩; 鱼腩份量都足够, 食落都几嫩, 系有d大条既骨, 都唔会鲠死既...酸辣汤底唔错, 辣度同酸度都配合得到, 鱼肉既味都无话俾汤底盖过晒, 面条索左汤汁愈食愈惹味)川辣牛展刀削面 (牛展好腍唔韧; 呢个汤底系似麻辣, 应该落左唔少花椒; 刀削面一片片形状不一, 不过唔会太多切得太厚身, 索左汤汁食又系好好味)
继续阅读
估吾到仔女够胆挑战，等位都一试原本以为会细细碟，但估错咗....咁就叫多咗麻辣海带 - 极咸又辣，并好味章茶鸭(半只) - 有水准，太干、表面少少脆，有章茶香，又太咸水煮牛肉 - 牛肉滑而淋，大量大豆牙加青瓜，并是四川那些麻辣香，可能是最后一味上枱..味觉已消失毛血旺 - 用料也非常多，猪肠、猪红、栢叶...一大盘，箩白放底，又是辣和咸麻辣鱼卜 - 鱼卜超多，有少少腥，但非入味，辣味和香味尽被鱼卜吸收清炒土豆丝 - 土豆丝较白，太多油，够土豆香甜味椒盐一口豆腐 - 这个真错，外脆内软，脆面又够味(咸)担担面 - 没加蛋黄面线，有点像金边粉和水晶粉，加上四川麻辣的担担面，又几OK芒果奶 x 2 - 解辣用好似400几....总要带现金 (只收现金) - 3人
继续阅读