麻布茶房 (已結業)

今次已經係第二次0黎喇，今晚好好彩，晚飯時間都唔洗等位。見到今次有火鍋就即刻叫0左個牛肉鍋試下，不過0的牛肉太肥喇，味道麻麻。鹽燒三文魚仍然好好味，值得一試再試。呢度0既烏冬麵好幾好，湯底好味。惟一最差就係個牛油焗豚肉雜菌，黑椒0既味蓋過晒牛油味，完成食唔出有落過牛油，但係黑椒0既味就令到碟雜菌味道好怪。0的甜品仍然好吸引，上次試過幾好味，不過今次太飽食唔落喇。

上次我o地經過見到門口寫住話信用咭有折,咁唸住入去試下囉...哼! 點知碟煎三文魚意粉涷冰冰..果碟咩野煎野菌勁細碟,得三四o舊..但係埋單仲要百幾蚊...早知食老MC無咁怒!!!

幫襯呢間連鎖店只係第二次，但已粉碎我再幫襯的欲望...惡行一定食質素奇差，叫左個牛柳拼雜魚飯定食；牛柳無丁點牛味，又油，又膿膿地；個雜魚飯同Menu張相完全係兩碼子的事！另外佢杯"茶"，如果有色盲一定以為飲緊水，慘"淡"！惡行二服務生好似發夢咁，自問落order十分清楚，佢都同我confirm左，都可以落錯單，送錯野黎，仲要拿個menu黎re-confirm兩次。前後等左成半個鐘至有得食，肚Ｑ死我...俾成$80幾蚊，但連$20的平價和食店都比不上，要封殺！

友人食完飯口痕仲話要食甜品, 所以我同另外一位朋友只好捨命陪君子(嘩...雪糕好肥架..仲唔係捨命)我叫左個green tea ice-cream...成杯野就有green tea ice cream同埋一個普通既vanila ice-cream加埋一d水果. d雪糕好creamy好重奶味. 佢地2個朋友就食有個蕃薯加雪糕(我就無試到因為望到都覺得好甜咁)

吃完韓菜當然會甜品.附近冇咩甜品舖, 就得上次黎過, 今次翻炒勒.翻炒地點當然不會翻炒甜品, 今次要了個抺茶聖代(即sundae). menu還標著人氣, 莫非真係好多人食?個樣相當唔錯(如圖), 又紅又綠又白, 賣相相當正.上面有抺茶粉的雪糕滑溜有奶味, 下面純綠茶既雪糕一樣掂, 綠茶味強.不過差少少既係溶得好快, 唔想真係變左綠茶就要快d食.那件夾餅薄薄地也脆口, 也不錯.卡位尚算好座, 服務也不錯, 只不過一次沖茶四個人沖左三杯就走左, 剩返個杯都係半滿, 以為服務員添水會返轉頭點知去左隔離檯refill;收銀那個打噴嚏, 隻手都抺下就去掂其他野...扣分.總括都不錯, 下次有機會再試其他甜品.

咦?點解麻布茶房會係..."菜式: 港式"?話晒都係日本傳入丫....不過食物係日式,但係服務可能真係港式了!=P海港城o個邊服務態度明顯係比美麗華呢邊好,由於bf o係東洋留學回來,所以覺得佢地用日文講'歡迎光臨'同'多謝'時既態度好可笑,唔係望住客講,係一路行一路lur...講成咁不如算把啦,尖沙咀好多日本客架,唔好笑死人....侍應收野又唔會問個客仲要唔要,失驚無神行埋黎二話不說就拎走...我係咪入錯左茶餐廳呢?!TST 的話....去海港城o個間啦,似樣d

上次出左老尖搵fd食飯..點知咁就出事lai~~去左依間野食..叫左個一口豚肉飯~~點知d肉居然係生架~佢地幫我換...等左10mins 出到黎果個飯都係一樣..我要求見經理..佢地就話行開左.~~嘩!有投訴就唔o向度!黎同我地話自己話事個陳主任又串咀到~攪到我同個fd鬼咁唔開心~ 生野點比人食呀!

拎左30號飛，全程企係度等叫，佢竟然叫完29就叫31號，問佢點解未到我，佢就比台我先，好冇系統HSBC有50% OFF，問佢係咪有折，侍應A同侍應B細聲講『好煩，又係呢個問題』，原本所謂50% OFF就係全間店得一個餐，但門口完全冇寫我呢世都唔會再幫襯

d定食真係好一般...以呢個價錢, d料可以好d, 可以多d特色甜品都ok, 但又唔係真係事必要食law~

講到食物質數, 本人真係覺得麻麻地, 但依然常到此吃晚餐, 就係因為佢哋個"宇治金時" 燒蕃薯冰淇淋! 本人極了愛好吃蕃薯, 熱番薯加上幼滑軟雪糕, YUMMY!!

Waiter/waitress there are highly specialized in job duty --> the one responsible for "table positioning" won't introduce you to the table even they saw you have been waiting for minutes in weekdays non-busy hrs. I ordered a set lunch & a dessert in 14:30 on Thurs (only a few tables with guests by that time). 10 minutes after I finished my set lunch, the waitress responsible did not give me the dessert. I remind her & 10 more minutes later, someone give me something and said this is the desse

之前幫襯過銅鑼灣o個間, 知道甜品唔得, 多係紅豆, 配雲哩o拿軟雪糕, 淋d顏色槳, 扮特色, 就賣幾呀蚊了, 又唔係特別好食。但食過咖喱飯, 都幾得。唔想再諗食乜,咪入去o羅。四個人叫左日式大根沙拉, 有D昆布之類, 味道淡淡。牛肉野菜卷, 唔係咁熱, 牛肉好似”梅梅地”。覺得呢度D烏冬煙un, 便叫左兩個, 分別是咖喱烏龍麵, 南蠻鳥肉烏龍麵, 前者有點失望, 以為會是咖喱汁撈麵, 但原來是咖喱湯, 唔係咁出到咖喱味; 後者一般, 雞球味道淡, 欣賞既都係D烏冬jar。茶房風蟹肉蛋包+野菜醉肉飯, 係湯蛋奄列加D無味既蟹肉, 蛋煮得過火左D, 個飯都ok。跟住我地未叫賣單, 侍應已拿張單來, 都算啦, 體諒人地, 有人客在排隊既情況。

我做完野, 拎著幾個大袋到麻布茶房食下午茶, 可惜門口女侍應掛住望街, 要我自己一手拎袋一手按"半自動門"的掣, 好麻煩.餐牌上好少素食, 只好叫一個茶房烏冬(走肉碎). 烏冬頗煙韌很滿足.最好笑門口女侍應三番四次用英文問我野, 我用廣東話答完又答. 見後面坐o左兩個日本女仔, 我先至記起, 係wor, 尖沙咀係遊客區wor!

上個星期六食過, 好好味, 令我諗起以前去日本玩時去日式cafe食野時既感覺~!!我們叫了兩個set, 食完set後叫左兩碗ice-cream ~!本來未食野之前勁肚餓, 食完個set後剛剛好, 之後見隔離怡食ice-cream, 賣相吸引, 所以跟住叫, 之後勁勁勁飽!!!佢d ice-cream 賣相好吸引, 連大人見到都心郁郁~!!唔記得個名了, 我食果個個樣比較單調, ice-cream 下面有舊炸蕃薯,食時有冰火感覺~!! 我個frd叫了個好吸引既新地, 有生果有餅乾, 大碗過我個碗, 但價錢差不多~!set一個係牛肉素菜咖哩飯, 有前菜, 有湯& 日式沙拉。另一個set係免治牛肉扖+自選飯or麵, 都有前菜, 有湯, 但冇式沙拉。價錢與食物質數正俾, 服務都可以, 繁忙時間超多人, 最好早d到, 就不用排隊, i go there at 7.00pm ~!裝修ok ~!

今次係幫趁金鐘太古廣場foodcourt o既分店. 要左一客白玉霜淇淋甜點(軟雪糕+日式湯丸+紅豆蓉), 軟雪糕由原味轉做抺茶味. 呢個分店所有甜品都用膠杯盛載, 可以一邊行great一邊食. 抺茶味軟雪糕甜味輕清, 有抺茶香味, 質素同堂食分店一樣咁好, 紅豆蓉當然一樣咁香甜, 但係白玉有d部份略硬, 唔知係咪存放過耐引致. 呢間分店價錢俾堂食分店平兩成左右, 又可以takeaway, 又方便又抵食!