麺屋こころ (新城市廣場一期)

营业中

休息中

今日出咗去沙田新城市廣場睇戲，順便食埋lunch先返屋企，但係見商場周圍都多人，咁啱經過呢間餐廳見到都好滿，但一個人有位，即入， 唔使等，好彩.餐廳主打食日本拉麵和撈麵，平時通常食拉麵、比較少機會食到日本撈麵，所以今次專登揀咗撈麵試吓.紫薯拿鐵：紫薯味濃，但沒有蓋過拿鐵味道，未飲都已經聞到好香紫薯味， 唔錯, 推介鹽味撈麵：果然係日本餐廳，擺盤都好精緻，賣相好吸引， 食落又唔係好鹹，味道適中，撈麵惹味，麵條彈牙，還有詳細解釋食法，非常細心，令味道發揮得淋漓盡致👍👍❣️

最近朋友帶咗我嚟沙田食一間超好食嘅日本過江龍美食，佢就係麺屋こころ，香港都有幾間分店，我一嚟到就覺得呢度好光猛，坐得好舒服，食完之後都覺得好好食，絕對推介俾大家！飲嘢方面，當然要叫日本最好飲嘅抹茶拿鐵，呢度入口順滑，而且抹茶味唔會好假，反而真係食得出有少少金味，真係飲得出用咗日式抹茶粉。朋友嗰杯崗山烏龍茶我都有試咗一啖，唔會太濃，凍飲就覺得好清新。嚟得呢度梗係要食撈麵，所以我哋叫咗兩個分享，一個就係咖哩炸雞撈麵，而另外一個就係鹽味撈麵。個咖喱我覺得味道都唔錯，食得出有層次感，唔辣，炸雞翼都炸得好酥脆，炸雞同咖喱真係絕配。而佢嘅生雞蛋都可以用來做沾醬，面嘅口感都好煙韌。鹽味撈麵看似簡單，其實食落都絕對唔會單調，真係有少少鹹味，但係鹹味味嘅濃度控制得好好，食落真係好上癮。

麺屋こころ (新城市廣場一期) (沙田)沙田沙田正街18-19號新城市廣場一期7樓704號舖😊新城市廣場食好西當然要記錄下餐廳座位舒適🛋️木系裝修風格🪵燈光柔和💡坐得舒服慢慢食❤️❤️❤️❤️❤️❤️🍜山椒麻辣撈麵濃濃麻辣配料大量肉碎🍖溫泉蛋滑嘟嘟日式叉燒又嫩又juicy 😻配埋紫菜口感一流最喜歡彈牙爽口既拉麵份量十足大大碗飽到上心口🥹食極都不厭🤩日式撈麵好有特色濃淡適中值得推介🙌🙌

有日阿公自己一個逛想搵啲嘢食 衝擊下個腦部🤣見到呢間店好似幾舒服 就入去試試佢👹原來呢間麵店喺由日本開始主打“新嚐試”🆕 設計唔同口味打破傳統👏🏼呢到主打撈麺拉麵🍝不過阿公今日好dry (因為得自己一個)所以要食啲wet嘢滋潤返下🤣🤣🤣揀咗呢個黑松露鴨胸拉麵🍜再配炸雞球果然就是另一番風味😲😲湯底係醬油湯 麵底係比較粗身嗰種黑松露嘅味道濃郁得嚟又唔會過於霸道同鴨胸嘅肉香完美融合😚😚唔會撞走咗個醬油底 但又唔會唔夾配埋溏心蛋 同埋炸雞😋👍🏼👍🏼👍🏼雞肉內裡保持住嫩滑多汁 肉質鮮嫩阿公下次要試埋撈撈系列先得😉

呢度主打嘅係日本撈麵，唔係傳統嘅拉麵或沾麵。每道菜都展現出日本料理嘅精髓，尤其係佢哋嘅軟骨餃子同伊勢抹茶，味道同口感都相當出色。📍軟骨餃子外皮薄而有彈性，咬落去有微脆感，隨即就能感受到內餡嘅嫩滑。內裡嘅軟骨肉質鮮嫩，嚼落有一絲彈性，再加上肉汁，令每一口都充滿肉香。餃子入面嘅調味平衡得好好，唔會過鹹。📍伊勢抹茶口感細膩，茶香濃郁，飲落去滑順。抹茶嘅苦味適中，仲有一絲自然嘅甘甜，完全唔會覺得沉重，反而好清新。每一啖都帶住抹茶嘅香氣，食完飯後飲，好舒服。📍撈麵正宗嘅日本撈麵，麵條彈牙，口感滑順，跟一般拉麵唔同，撈麵嘅麵條更細緻，配合特製嘅醬汁，味道濃郁但唔會過火，麵條吸收咗醬汁，每一口都能感受到麵條嘅韌性同醬汁嘅香氣，食落真係好過癮。🔹🔹🔹🔹🔹🔹🔹🔹🔹🔹#麺屋沙田沙田正街18-19號新城市廣場一期7樓704號舖🔸🔸🔸🔸🔸🔸🔸🔸🔸🔸

諗住黎試下呢間既新菜單 豆乳雞白湯拉麵真係寧願自己買華御結個豆乳雞湯都好味過佢佢啲叉燒仲要一陣蘇味。。。根本擺唔入口上面仲有一舊咬唔開既腐皮咁既野講真咩配菜都無 得幾塊咁既叉燒都收一舊水 真係中伏 仲要廚房慢到 等碗咁既麵等半個鐘叫嘢飲又係一肚氣 叫個菠蘿冰沙個侍應就話賣曬 點知新一檯客一坐低叫菠蘿冰沙就話有貨以為佢都算係出名少少既鋪頭 點知竟然係有咁低質既服務個環境又差 又逼又焗 講真食得非常唔舒服食拉麵真係唔需要黎呢間垃圾

▫️正宗全料東京撈麵 👉🏻材料有有超肥美嘅腩肉、生蛋黃、辣肉碎、溏心蛋、紫菜同竹筍等等，非常之豐富！撈麵硬度適中，口感煙靭彈牙，撈埋蛋黃同辣肉碎超級惹味！🤭另外，撈麵加入秘製香醋，可以中和偏濃嘅醬汁味道，大大減低咗油膩感🤫.▫️黑松露鴨胸拉麵👉🏻呢款係期間限定，作為黑松露控一定要試試佢！店家用上自家特制製黑松露醬，一入口就食到濃郁嘅黑松露味，之後鴨肉鮮味慢慢咁滲出，湯底充滿鴨油嘅鮮味，拉麵好有咬口非常之掛汁！無諗過黑松露同拉麵可以咁夾🤗.▫️鳳凰啤酒 🍺👉🏻呢款日本啤酒賣相好有型！入口清甜，之後帶微微嘅苦澀，感覺好Refresh

麺屋こころ (新城市廣場一期) (沙田)------------------------------🫶🏻咖喱炸雞撈麵炸雞外脆內嫩，搭配香濃咖喱汁，麵條吸收了醬汁的味道，令整碗面都充滿香氣🫶🏻叉燒撈麵叉燒肉質軟滑，味道鮮甜，撈麵的口感彈牙，搭配特製醬汁，每一口都令人陶醉 🫶🏻鳳凰啤酒清爽解渴，與餐點搭配得宜，提升了整體用餐體驗 🫶🏻焙茶latte茶味濃郁，配上奶泡，口感滑順，絕對是完美的結尾。——————————————————📍沙田沙田正街18-19號新城市廣場一期7樓704號舖—————————-—————————-Overall 💗💗💗💗

之前朋友帶過我食呢一間嘅日式撈麵，今日係沙田發現佢出咗明太子忌廉撈麵，忍唔住即刻嘆返個下午茶★̆̈ 明太子忌廉撈麵 $99呢款撈麵係熱食嘅，個麵上面鋪滿明太子，生蛋、蔥花、紫菜、豬腩肉同水菜，色香味俱全。豬腩肉肥瘦啱啱好，燒得好香。麵條彈牙有嚼勁，將所有配料徹底拌勻後，口感層次豐富！每一啖都充滿明太子嘅鹹香同少少辣味，仲好creamy。食到3分1可以加雪梨醋，食落好舒服解膩。食到尾仲可以免費加一啖飯，撈埋剩餘嘅醬汁一齊食🤤一碗麵可以試到唔同口味，真係好出色！★̆̈ 單骨香脆雞翼 $36單骨雞翼炸得酥脆，內裡嫩滑多汁，仲帶有香料嘅鹹香味，食落仲好方便，令人一啖接一啖💕

今日同媽咪去沙田行新城市廣場，見到有間麺屋こころ，之前喺新宿歌舞伎町🇯🇵見到已經想試，但嗰日啱啱食完燒肉太飽食唔落，今日緣份到就試下。我order左個原味撈麵，但媽咪覺得好奇怪一時唔能接受，點都唔肯試，就叫左個雞白湯拉麵。撈麵食法係先撈生蛋黃🍳食三份一，再加鮮磨黑胡椒再撈，再食三份一，今次撈昆布醋，第三個食法係我至喜歡，非常醒胃。職員話淨返的麵汁可以再加白飯🍚，雖然我近期盡量減少食白飯，但都問職員添左四份一碗仔白飯試下，果然汁都唔好嘥，好味。

之前在荃灣食過印象都好深刻，因為當時第一次食到日式撈麵。路過沙田分店，這次一個人，有機會可以享受一下獨食，也是挺難得的。選了一麵4食的明太子忌廉撈麵，好像挺有趣的，外加1份單骨雞翼，還配上一杯抹茶，一人獨享，和味之最😋。🍜明太子忌廉撈麵1碗麵4種體驗，上桌有給一個牌子，教4種吃法，挺特別的。配料也很多，生雞蛋，肥瘦相間的日式叉燒，還有紫菜碎，辛辣的明太子，撈在一起非常惹味。最後我只顧着吃，第1種就讓我把麵吃得着不多了😝🤪。其他3種吃法就留待下次吧。🍖單骨雞翼炸得酥脆，很香口，蒜香味濃，獨食就是好。🍵伊勢抹茶一杯凍抹茶，清爽解膩，日式料理就是要配上一杯抹茶才對味。總結，這家撈麵時時有驚喜，而且難得享受一下獨食真的好爽。下次要慢慢來，好好享受一下不一樣的吃法。

今日同屋企人行開沙田shopping 突然好想食拉麵！見到呢間餐廳裝修用左日式木系風格仲可以透過玻璃睇到製面嘅過程就一於試吓！原味撈麵要試緊係都要叫個最原始嘅撈麵啦！口味較為清淡，唔係好多配料店員仲建議可以加黑椒或者昆布醋令味道更昇華～～山椒麻辣撈麵超濃嘅山椒麻辣，食落好惹味辣椒嘅香味一放低已經聞到啦係我最愛嘅麻辣！推薦💕正宗全料東京撈麵呢碗撈麵用料超豐富！！入面有微辣肉燥、火炙叉燒同雞蛋🥚麵質食落好彈牙又有咬口伊勢抹茶🍵超濃抹茶味，飲落仲好滑添！📍 麺屋こころ (新城市廣場一期)地址: 沙田沙田正街18-19號新城市廣場一期7樓704號舖電話: 34228662#沙田美食 #香港美食 #香港美食推介 #新界美食 #拉麵 #日本菜 #茶控

🍜 沙田麵屋Kokoro | 正宗東京撈麵 + 伊勢宇治抹茶！🍜 正宗全料東京撈麵這碗撈麵真係份量十足！彈牙麵條拌上濃郁醬汁，仲有叉燒、溫泉蛋、紫菜、玉米等配料，層次豐富。一拌之後，每一口都充滿日式風味～叉燒肉質鮮嫩，加上溫泉蛋嘅滑溜蛋黃，簡直係完美搭配，喜歡濃味撈麵嘅一定唔可以錯過！🍵 伊勢宇治抹茶來自伊勢的宇治抹茶，濃郁茶香中帶有天然甘甜，口感細滑，完美平衡撈麵的濃郁味道，為整餐增添一份清新感。Kokoro絕對係日式麵食愛好者的朝聖地，無論係濃厚撈麵定係清新抹茶，都展現出品牌對食材和味道嘅用心！

同朋友黎試新野，日式撈麵香港真係比較小見。最正係店員送上指示牌，教埋我地點樣食~🍜 原味撈麵個麵擺盤都好精緻。上面嘅生蛋撈埋入個麵，再搭配特製的醬汁，香氣撲鼻。麵條入口有小麥味，煙韌有咬口，都算好掛汁，而且仲有好多紫菜碎~ 每一啖都好夠味🍗 炸雞球簡簡單單已經好夠~ 新鮮出爐，外皮炸到金黃酥脆，內部鮮嫩多汁。再搭配沙律醬就好正🍵 伊勢抹茶做出鮮豔的綠色，口感絲滑~ 味道濃郁且回甘唔會太苦，唔錯喎🍵 靜岡焙茶呢杯就深黃色，香氣濃郁，口感柔和。最鍾意佢比綠茶更加醇厚，都好正~

突然好想食日本撈麵就嚟依間 裝修都好有日本特色員工有禮貌但店舖偏細 好快就滿場椅偏硬 唔適合坐太耐 叉燒撈麵，日式東京撈麵，雞軟骨餃子，純綠茶，紅豆綠茶牛奶東京撈麵同叉燒撈麵的分別就係欠叉燒其他材料都是一樣的雞蛋，蔥，肉鬆，辣肉碎，紫菜等等撈麵係有特別方法食 張枱有個教學食到最後可以免費要一碗小飯撈叉燒正常厚度，偏林 也唔錯辣肉碎係偏辣 如果平時唔食辣的人 真係好似我咁辣到面紅 但都可以勉強接受係好食的撈麵梗係要篤蛋黃先 撈好可以加少少黑胡椒增加香味 然後蝕到三份二左右可以加少少醋食落無咁漏 食晒啲麵 啲餸係多到剩低咗可以免費拎一碗小飯撈真係啱啱好份量 而且係好食好特別，食晒麵加小飯 岩岩好飽晒但味道偏鹹 真係要飲返杯茶解油膩雞軟骨餃子好特別係值得一試外脆內軟 整體餐廳都好食