麵麵 (已結業)

呢幢大廈多野食就梗，但係真係第一次黎1樓食呢間叫麵麵既餐廳，個名都好特別，店內裝修好靚，燈光十足，感覺好舒服🥰坐位都好闊。雖然聽個名主打應該係麵，但原來都有唔少款式既菜式，日本、港式、西式都有，仲有幾款小食，望落都好吸引，當然都要試下佢既湯麵系列，所以叫左個雞扒魚烏冬呢個烏冬好特別，食落真係好似食緊用魚肉整成既烏冬咁，幾新奇😋，口感同味道都唔錯佢地每個餐都有配3款前菜，感覺幾高質。仲叫左個吉列蝦漬飯料理呢個餐既拼盤幾靚，有個小小既壺，入面裝住濃濃既鮮魚湯，再配埋個小杯仔，倒落去飲，感覺好得意😂😂呢個吉列蝦份量都好足大大隻，加埋碗漬飯，真係會好飽🥰我地仲叫左個漁人樂脆，個名好正🤣，入面有3款薯條，薯仔、蕃薯同魚肉整成既「薯條」，配搭埋黑松露醬，真係好好食🥰🥰飲品方面叫左杯花茶，茶壺好靚🥰整體黎講呢間餐廳真係幾高質😋會再黎食👍🏻👍🏻

一年一度嘅情人節又到啦其實去邊度食嘢都貴咁不如揀間我又鍾意食，而價錢又比較合理嘅健康餐廳啦情深深，魚味濃，果然形容得冇錯，坐低冇耐就有兩杯仔嘅魚湯可以試飲， 估唔到餐廳咁有心思，推出左情人節套餐，價錢都只係214，果然夠晒應節餐廳做好好咁準備咗張顏色紙，等男友可以送花比自己添最後由於我哋太大食，所以我哋都係散叫啦，炸魚皮夠晒鬆脆香口我同男友果然無炸不歡，所以再叫多個炸物入邊有薯條、蕃薯條、魚肉條呢個黑松露沙律醬有好香濃嘅黑松露味超濃嘅魚湯魚麵終於到啦，魚湯非常清甜，而且魚面好彈牙，感覺非常健康另外我仲加咗$10要個糖心蛋添跟餐仲有三款小食，分別係蘿蔔、甜番薯、昆布

全手工製鮮甜健康魚麵魚麵vs魚烏冬魚麵成分有70%魚肉製成，而魚烏冬就係50%。 相對而言如烏冬比魚麵粗身點。魚麵口感比較彈牙爽身， 我自己比較鍾意魚麵多啲。小食拼盤$98即叫即炸，上枱熱辣辣，有四款小食，薯條，番薯條，炸雞翼，twins魚之脆卷。 雞翼size都算大隻，炸得香脆雞肉嫩滑，唔錯。薯條鹹鹹的而番薯條甜甜的，脆口冇油益味，配黑松露醬食又另一種風味。 魚肉捲裏包住鯪魚肉，淡淡魚肉香味，口感薄脆。麵麵圍城 $108呢個餐好抵食，一次過可以試9款餸。 仲個麵有兩種食法， 撈麻醬or 配魚湯。我比較喜歡魚湯食法，因為湯底好清甜 ，非常熱辣辣，而且充滿魚嘅鮮甜味。魚麵好彈牙，啖啖都有好香既魚肉味。 9款餸中， 最鍾意係拆咗骨嘅明太子雞翼， 裏面充滿鹹香味的明太子。 牛肋條都好好味，甜甜酸酸的，牛肉煮得好冧。辛辣瀛太子拌魚烏冬$78賣上不錯，有隻半生熟流心蛋點睛。 配菜撈埋辛辣味明太子烏冬幾惹味。 魚皮餃最好食係塊皮，口感Q彈有咬口。

相信好多港人同我一樣近日食飯都以就腳為主，因戴住口罩真係出唔到甘耐街！周日中午就黎左呢間位於旺角彌敦道726 1/f 麵麵 除午餐會包飲品外，午市期間單點魚麵/魚湯類都會送飲品。食店主打主打魚麵、魚烏冬想食魚味濃可選魚麵，魚肉含量70%，而魚烏冬則50%着重口感的應選魚烏冬，麵條粗身，口感爽彈。每碟均有前菜（胡麻醬昆布、甜蕃薯、柚子汁大根） 酸酸甜甜，挺開胃。辛辣瀛太子拌魚烏冬 $78 （包熱飲）岩晒我呢個明太子控，味道咸鮮有魚味～拌魚烏冬比魚麵口感更爽彈。墨西哥辣汁炸雞翼濃湯魚麵$80 （包熱飲）雞翼3隻炸得脆口唔乾，唔算好辣。魚湯用左烤鮮魚及花膠蓉經9小時熬製而成，湯頭清澈而魚鮮濃郁～絕對係可以飲晒碗湯嘅麵！跟餐熱奶茶：奶就多左d~

就嚟到情人節了，大家有冇諗過同另一半去邊度食嘢呢。我就預先同女朋友去了這一間叫麵麵既餐廳食飯，提前慶祝一下。一入到呢間餐廳，已經發現門口有一個好靚嘅打卡位，梗係即刻同女朋友自拍一張啦。自拍完之後入到餐廳店員馬上安排位置，餐廳面積好大，座位寬闊，坐得非常舒服。而餐廳內部嘅裝修，都非常有氣氛，就算唔係情人節大家都可以黎試吓感受下。講返食物先，一坐低店員馬上送上兩小杯魚湯，俾我哋先感受一下魚湯嘅味道在進行點餐。魚湯熱辣辣，非常濃郁，原來魚湯同埋魚肉做嘅麵，就係呢間餐廳嘅賣點。由於麵係由魚肉造成，所以唔會太硬，入邊有豐富嘅維他命A同埋D，重有豐富既蛋白質，真係越食越健康。而我哋啱啱飲嘅魚湯，原來入面除咗有魚肉之外，仲加咗花膠蓉，在經9小時嘅煮製，所以先會咁濃郁同埋鮮味，一啲鯹味都沒有👍🏻👍🏻我地叫左兩個餐，分別係 極上蟹匠拌魚烏冬 同埋 薑汁豚肉定食。極上蟹匠拌魚烏冬吾止食到魚烏冬既鮮味，而且仲有蟹膏同埋蟹肉，將佢哋同魚烏冬混合一齊食更加鮮味。女朋友平時好怕食腥味，但佢都大贊呢個魚烏冬非常鮮味，一啲都唔鯹😍到我呢個豚肉定食，豚肉一啲都唔硬，非常好味，套餐仲配有沙律，開餐之前食啲沙律，更加開胃。

避風塘雞翼:炸得唔錯好香脆夠晒辣，肉嫩入味唔乾身拌麵: 麵質qq，本身有撈左麻醬味道唔錯魚麵 l: 麵質較綿無咁飽肚，魚味濃，似食緊魚蛋打既面黑松露炒蛋: 松露味好足梅漬車喱茄:有用特調醬汁浸過，酸酸甜甜幾好味

旺角726食廈原來有好多好嘢食。1/F「麵麵」為食妹👧🏻一試❤️上。食麵為咗見你一面。魚麵VS魚烏冬？到底係乜東東？一睇你就明下午茶餐都幾抵食。為食妹👧🏻order咗魚皮餃子花膠濃湯稻庭烏冬。魚皮餃子in un 彈牙。魚麵口感特別。一試❤️上。+$22有杯養生花茶。健康由*麵麵*開始鍾意食香口嘢嘅🐽仔。order咗避風塘🐔翼沙律。新鮮滾熱辣。外表脆卜卜。好juicy🤤芝士炸脆🐔～炸Over 咗d d 。勝在份量多。

唔係人地帶路 我都唔知呢間野🤡知道食魚湯麵我心裡暗喜 但係又有啲憂心 魚湯要做得好唔係容易 尤其是我本身對腥味特別敏感好彩呢度嘅湯唔腥 係比較清甜嘅 而麵質都ok(朋友影咗一大輪相 啲麵都無變淋已經係可喜可賀啦) 不過相對魚麵 我更加鐘意個麻辣燒牛肉拌魚烏冬🤤係我最鐘意嘅麻辣啊 佢係麻多過辣 啱晒我💕

烏冬食得多，韓式、日式都試過，今日就去左呢間算係港式既魚湯魚烏冬試下！位於太子既麵麵主打魚湯烏冬，下晝2:30開始就有Tea Set, Tea set 選擇都幾多，魚湯稻庭烏冬最平$38,如果想配魚麵或者魚烏冬就加$10另外亦都有唔同既小食或者撈烏冬可以揀。我地揀左一個白玉魚丸鴛鴦春卷花膠濃魚湯稻庭烏冬（轉魚烏冬）（$38+$10)，一個炸雞翼花膠濃魚湯稻庭烏冬（轉魚麵）（$38+$10)白玉魚丸鴛鴦春卷花膠濃魚湯稻庭烏冬（轉魚烏冬）白玉魚丸即係白魚蛋，一碗有三粒，另外仲有兩條春卷，只需要$38,連埋飲品，勁抵食。魚蛋爽滑彈牙，魚烏冬略帶煙韌，魚味濃郁。炸雞翼花膠濃魚湯稻庭烏冬（轉魚麵）下午茶有三隻雞翼，有分開上，夠細心。魚麵相對魚烏冬爽口，花膠魚湯既魚味都好濃，而且有三隻熱辣辣炸雞翼，抵食。

麵麵地址：彌敦道726號1樓估你唔到一碗麵好似好平凡, 都可以玩出花樣架~~首先呢間餐廳架裝修都好岩打卡同SELFIE, 好多花同綠油油架牆身魚麵有成70%魚肉成份架,可惜我唔食得麵粉啦，　有１００％魚麵就好啦$68 fish nacho on the boat, 有中式炸魚皮, 入口卡卡響脆卜卜架! 有AVOCADO 醬 同CHOPPED PEPPER, 又幾夾同好味WOR, 中西CROSSOVER　有驚喜我係好鍾意食油炸香口野架，　好似無肉食唔得，　大男人一個一定要有肉，　$38 芝士炸脆雞點多杯，單點要$21 ICED LEMOｎ　ＴＥＡ，　如有有跟餐配會平好多架下次可以再來試Ｄ得意ＣＲＯＳＳＯＶＥＲ小食

同朋友一坐下，服務員就即遞上小杯魚湯，很鮮甜餐廳有晚市套餐或單點以優惠價配飲品。魚湯咁鮮味，緊係要揀返個有魚湯既XO豚肉湯漬飯料理，料理包含前菜、XO醬炒豚肉同茶漬飯。前菜有兩款，分別係迷你紫薯同柚子蘿蔔。第一次食柚子蘿蔔，柚子汁令蘿蔔食落更加清爽。醬炒豚肉雖然有XO醬，但唔會太辣，而且好惹味，好適合配飯食。餐廳建議茶漬飯先將豆腐昆布加入櫻花蝦味漬飯，最後再倒入濃魚湯，整碗飯立即變得好鮮味。一碗茶漬飯真心唔夠喉呀！燒安格斯牛肉伴魚烏冬牛肉肥瘦適中，魚烏冬既質感試一口就知道有別於普通烏冬，感覺似條狀魚蛋，爽口彈牙。

今日嚟到太子與旺角中間交界嘅一幢商業大廈， 位置十分方便，旺中帶靜！內部裝修十分鮮明，充滿咗霓虹燈feel， 充滿時代感！午餐嘅選擇都有好多， 我哋另外嗌多咗幾個小食齊齊分享 ！小食午餐時間做特價优惠七折，好抵食！ twins魚之脆卷炸得香脆， 用嚟浸囉啲麵度更加好味！ 鍾意香口嘅你買勿錯過！魚皮餃子配 西柚汁魚皮餃子魚味好濃郁，再配上脆卜卜嘅蟹子， 點咗啲酸酸汁， 特別醒胃！明太子雞翼明太子雞翼我就最鍾意啦，雞翼釀咗明太子， 脹卜卜咁❗一口咬落去又冇骨好過癮！推介！野菜本菇安格斯牛肉魚麵定食， 安格斯牛肉肉味非常之濃郁，份量亦都好多， 超大碗魚麵配上香濃嘅湯底甜甜地， 鮮味濃，80蚊好合理！ 真材實料！鴛鴦鲜竹海鮮卷魚麵， 得一讚既係佢哋嘅魚湯， 食落沒有味精，湯都可以飲埋！佢哋嘅鱼麵好新鮮！爽口彈牙❗ 最重要係佢哋夠健康，我哋啲減肥嘅人士盡量都想食啲澱粉質！呢個面就好少澱粉質感! 食魚多塊面都靚啲一係充滿咗好多維他命e！ 最緊要靚啦！另外有意外驚喜嘅係佢哋嘅飲品， 我超級超級推介呢個蘇格蘭咖啡雪糕嘅濃咖啡 ,飲完之後精神為之一陣！ 我朋友就話啲水果茶都非常好味，大家可以試下!

第一次認識「麵麵」其實是過年時朋友所送的盒裝魚烏冬和魚辣醬，當時覺得十分好吃而且魚辣醬令我相當回味。於是親近日有空檔就親自到位於旺角彌敦道726的<麵麵>來吃過午餐。以為餐廳會空無一人誰知道午市顧客也不少，十分受歡迎。餐廳亦設有消毒洗手液，店員亦會戴上口罩。店員提示午市免收加一，午市小食8折，很有驚喜！令我更加放肆要了小吃和飲品。小食我點了兩款：《Twins魚之脆卷 $38（午市小食8折即$30.4）》淺色的是墨魚，深色的是魚肉，原來配上麻醬特別好吃，加上口感又香又脆中間帶點彈牙，很惹味。《黑松露忌廉戒指魚皮雲吞 $50（午市小食8折即$40）》- 黑松露十分香濃！不配意粉/意大利雲吞改配魚皮雲吞別有一番風味，同樣好吃又飽肚。《秘制脆烤雞扒 濃魚湯魚麵 $72》- 雞扒皮脆但有點過乾。魚麵選了魚烏冬，有特色十分Q彈，湯底滿滿鮮味。魚烏冬配上香辣醬更加提味。《墨西哥辣汁炸雞翼濃魚湯魚烏冬 $80》辣汁炸雞翼夠辣度，香口夠熱也嫩滑肥美。同樣地，魚烏冬配上香辣醬更加美味。《熱桂花薏米茶 跟餐+$22》先泡一泡能使桂花味道更出，吃午餐能配這種養生花茶的確不錯。《凍薄荷朱古力咖啡

呢一間位於旺角嘅麵麵幫襯過好多次，終於有時間寫食評。💟🍜四川麻辣牛肉魚烏冬: 用上自家製嘅xo醬拌魚烏冬， 加埋四川麻辣香口嘅牛肉片， 唔覺唔覺就食曬成碗😍😂。💞麵麵圍城係必食嘅打卡菜式， total有9款小食配埋花膠濃湯底嘅魚麵， 認真有顏值又有好味! 😋😋~~~~~~~~😋味道: 9/10📸賣相: 8/10🛋️環境：8/10💁‍♂️服務: 9/10💎性價比: 8/10💲人均：$110@⏪回頭率：100%~~~~~📍麵麵旺角彌敦道726號1樓~~~~~

其實都嚟過幾次食呢一間麵，因為佢嘅麵好特別，係用魚肉整嘅，有烏冬同埋魚麵，烏冬入邊有50%係魚肉，魚麵面入邊有70%係魚肉，咁我自己比較鍾意食烏冬，感覺上烏冬比較彈牙，而我今次揀咗呢個黑毛豬烏冬，其實佢好抵食，因為另外仲有三樣伴菜，有麻醬小菜，蘿蔔，紫薯。而且佢嘅黑毛豬份量都好多。而入邊嘅店員服務都好好，周不時會走過來遞水，同埋如果係食下午茶嘅話會更加抵食，因為佢會送一杯嘢飲，有得揀咖啡，咁我今次就揀咗一杯薄荷咖啡，因為本人比較鍾意飲啲甜嘅咖啡，所以我覺得薄荷咖啡唔錯，而且佢有好多折扣，係eatigo上面訂枱嘅話都會有七折。