麵留香

营业中

休息中

六月二十八日 (星期二)是日七時許就可放工對於我們來說已很滿足有點早,決定又去太子旺角逛逛金魚街花園街雲集了多國菜式,要試完整條街,恐怕要來多十來趟由於今日我形態不佳,所以說要吃粉麵一類不太飽肚的行到這家多分店的麵留香試試看過MENU知道片頭是招牌菜,不得不試五件大小不一的片頭望着金黃色的片頭實在令人胃口大開而且水準不錯,雖炸得不太脆,但就充滿著啖啖彈牙的魚肉魚皮餃雖不是推介食物,但也做得頗出色這裡的做得不見油膩,皮的厚薄適中吃起來很有口感,魚肉帶有鮮魚香味老公仔不夠飽,加料咸咸的炸魚皮與清湯十分配合伴湯吃,湯底偏清淡,能夠沖淡一點咸味而且令到乾硬的魚皮變得較稔易入口又清香…不錯的簡單的片頭米-在我心中仍留香...

忙完一輪，又有一些時間來寫一寫近來的食評了。希望將來多一些時間來做這一些事。五月中某一個晚上來到了花園街，想不太油膩清清地的食一餐，行到這一間麵店前阿姐不停推介我們入去食東西，看看是一間食麵的店子，正合乎今晚食清一些的原則，所以就入內試試了。我們今天選擇了細個一間麵留香，內裡只有六至七張四人的枱，裝飾也十分之簡單，真是一般港式食粉麵的店子，牆上貼滿了價錢牌，也是港式粉麵店的風格。食物的選擇是港式粉麵和一些盅頭飯的選擇，價錢也是旺角區一般的價錢，不過見到門口說這裡的片頭粉出名，就叫了兩個粉麵套餐，一個叫片頭河粉配油菜，而另一個就是魚旦河粉配熱檸茶。片頭河粉既然就是招牌菜當然要叫一叫來試試，來到時碗上有四件大大的片頭，顏色就沒有在另外一些地方食到的這樣深色而是比較淡黃色的，而形狀也比外面的大一些，試一試覺得味道幾鮮味，經過微微炸過的片頭皮和入面爽口的魚肉都幾配合，食落都幾有口感和質感，因為形狀比較大所以食落都幾有滿足感，而河粉都煮得十分之滑，配上了一些生菜和蔥，好食。魚旦河粉唔想兩個餐都叫相同的食物就叫了這一個食物，來時見到四粒雪白的魚旦和兩片魚片來到的，魚旦的口感沒有了一些地方的彈牙，但

行完街又唔係話太肚餓, 整係想搵地方坐,今次家姐夫話想試下呢間!!!入到去覺得好似好逼咁!!!因為好多人*見到阿姐做到手腳累見到好多人都ORDER片頭,,,應該唔差掛於是就同家姐叫片頭河+魚旦河@@賣相不錯 , 同家姐交換 片頭炸得金黃, 味道岩岩好~最怕鹹既問題都無出現魚旦很爽彈TEETH,湯底很濃,麵很滑, 奇怪係有D “間”水味,下次要試埋其他LU!!!.服務好好..阿姐好有禮貌!!!有時我都會諗,,會唔會因為一個侍應有禮貌會返轉頭去食呢???

這日跟妹妹來這附近剪頭髮,行經這條街,發現原來整條街都是食店,而且有幾間的名字都有些熟口熟面.妹妹說這間的魚片幾好味,而我們都想食麵,所以就選擇這裡.這裡的麵餐全是$24(可選飲品,或油菜)炸魚片頭/芥蘭~~好多人都喜歡食彈牙爽口的魚蛋,這個魚片頭食落我唔覺得它彈及爽,反之是鬆軟綿滑,但好味道,而麵質唔夠爽,湯亦過咸,這裡的芥蘭份量算多而且也新鮮潮州魚餃/咖啡~~這裡的魚餃做得也不錯,咖啡就好普通

我總想有大部份食肆都是食客們不經意的進入，點了一些想吃的又很普通的食品，如今次我們點了牛腩飯和魚片頭米，算是吃過了，沒有驚喜，沒有欣賞，沒有特別，沒有給人留下深刻的回憶，服務一般，雖然只有一兩枱客，上餸仍是要等，牛腩就是一「舊」肉，魚片頭腍腍的，不知是甚麼，結論就是無甚特別。如果日後經過，希望草草的吃過，然後繼續上路，我想這都是他們的目的。

依段花園街，搵食話咁易，因為短短50米左右一截嘅街仔，數埋十幾間食店，平貴、中西日、麵店、茶餐廳乜都有，實在多選擇，最後揀上麵留香都係為咗食佢嘅魚片頭。粉麵套餐，款款$24，任揀一款粉麵，配油菜或茶啡，我哋一行三個人坐低都唔使睇餐牌喇，三個都要魚片頭，係諗吓食粉定食麵啫！再加多個炸魚皮同腐乳通菜。小弟揀食魚片頭河，我諗唔使講乜嘢係魚片頭，依家應該好多人都知係乜嘢。一碗有4粒魚片頭，大大粒，魚肉打得爽彈且魚味濃，不過望落仲係比較白凈，咬落就認為佢炸得未夠金香，食魚片頭都係想食佢層外皮，所以依次未能盡興。而河粉屬幼身類，食落好滑溜。湯底唔算好濃味，但呷起哩清甜唔錯，問阿姐，佢話湯底用豬骨同魚哩熬！幾鍾意個茶杯，印咗捷榮個嘜頭，平時間常都有沖捷榮啲三合一咖啡，但今趟杯奶茶，好香茶味，可惜唔算好滑！炸魚皮，一碟都有幾多，載到滿，我就鍾意就咁食，咬落「咯咯脆」，新鮮嘅表現，否則擺咗成日仲唔過晒氣腍晒咩，而且又無「油膉」味；有啲人就會浸落啲清湯度，話怕熱氣浸一浸清湯心理上好過啲，但就無晒炸嘢嗰種脆口感。老實講，個人覺得炸魚皮其實無乜味道，但又真係幾鍾意食。

點了魚片頭河和炸魚皮。魚片頭不愧為招牌食品，大大件爽口彈牙。炸魚皮勁脆，正！不過環境差了一點，都幾dirty。阿叔大聲吹水粗口充斥，在客人面前這樣不太好吧！

今日一枝公下班後想去太子花圃街行下, 之後就求其在旺角差館附近搵食, 那裡其實有很多茶餐廳同粉面檔, 我見這間有兩個不同位置的店在同一條街, 想必一定好生意同好食, 便走入去吃吧, 不過食完就知道這不是必然的 其實佢地嘅魚片頭還是不錯的, 只是我覺得比較咸了些, 個湯底就淡了些.我還叫了牒炸魚皮, 不過勁唔掂, 唔脆無味, 很難吃 凍0茶就ok, 好多檸檬!! 盛惠34蚊. 可能是做街坊生意, 侍應好似同其他客人都好熟咁, 不過都是一貫茶餐廳服務吧下次再去果附近, 還是試第二間吧嘞!!!

5/3(五) 8pm於星光行尋寶完畢,攜著兩大袋寶物,乘1號回太子一帶找家美而廉的食店落腳.瞥見此店於同一街有兩間舖,一葉知秋.店內其貌不揚,咱們坐於硬卡座,點了片頭墨丸麵$24跟油菜,及豉汁蒸盲鰽$38跟例湯,白飯及熱飲,例湯--合掌瓜煲豬骨湯,真味足時的例湯.片頭墨丸麵--呈三角狀,淡黃色的片頭輕柔細軟,教人憐香惜玉!片頭含天然的魚香;而墨丸則給比下去,以爽身,含點點梘水味的幼麵吃之,感覺正面!豉汁蒸盲鰽--需時約十五分鐘的蒸魚,身型適度的盲鰽魚肉緊致滑溜,以豉汁提味,配彈牙白飯,不需賣弄花巧的蒸魚套餐!油菜--灼芥蘭,走油加腩汁;灼得略為過時的粗獷芥蘭...熱檸茶--茶濃而不澀的餐飲!六十多元已有交易的家常便飯!

今晚黎到呢度附近食飯，見呢間餐廳好似好多人咁就入去試下啦。一入門口見到個老闆非常熟口面，原來係之前樓下許榮記個老闆個女，佢地而家過左黎呢邊開舖，仲話整魚蛋個個師傅係許榮記之前個老闆教架添，應該唔會太差掛。既然佢魚蛋出名，當然要叫啦，叫左個魚蛋片頭河，唔跟餐$18。另外就叫左個飯餐，要咸魚蒸肉餅，有飯同湯跟既。大部分客人黎到都係叫魚蛋河，睇黎大家都知呢樣野出名d喎。魚蛋粉比較快就黎到啦，不過份量比以前好似少左喎，魚蛋真係幾好，好彈牙而且又有魚味，而我就覺得片頭都唔錯既，可能我本身幾鍾意佢個種口感啦，不過同以前既許榮記比都仲係差少少。雖然魚蛋片頭都ok，不過佢既湯底真係淡到不得了，係真係無咩味，搞到我地要落返D魚露至得。另外咸蛋蒸肉餅就等左比較耐既時間啦，呢個都係普普通通，唔係特別好食。可能佢用D豬肉無咁靚，所以食落味道都係淡D無咩味，而且感覺較「鞋」口，一D都唔滑，味道係唔難食既，但要細緻研究就真係麻麻地啦。呢度質素普通，買下佢D魚蛋片頭都可以既，不過價錢唔算太貴，如果第日想食魚蛋飯都可以過黎呢度食下。

真係為左呢間野, 要登記個AC先得講明先, 野食係OK既, 今日我同姑媽中午時間去食LUNCH, 冇咩位, 咁侍應就話要搭枱正常丫, 冇問題!我地2個就搭左係張6人枱, 睇下有咩食品坐坐下, 佢話後面4人枱有位叫我地坐過去, OK丫~~之後坐左唔夠5秒咁佢就叫我同姑媽坐埋一邊, 因為又有人來要搭枱, 咁我好無奈咁坐第2個位因為佢張4人枱唔係好夠4人坐, 咁咪姐係迫過唔調位=_="早知就唔聽佢講咁唔緊要啦, 叫野食~~我想淨叫魚片頭, 佢話有, $17, 來到原來只有6粒, 平均$2.833333一粒..之後我係佢個單張見到有炸雞翼薯條, 咁佢話冇薯條, 咁都唔緊要, 我見到佢仲有炸雞中翼4隻$14 佢話呢間店冇, 隔離間分店先有(住個頭都知佢間分店係隔個鋪位咁)佢話呢間得3隻$12, 我心裡O哂咀...唔通我行過去分店食咩....貴少少咁我無奈地叫左, 總結來講我覺得D侍應唔多用腦, 又唔係抵食, 唔想再去

想去食四哥雪花冰，於是揀了粉麵店，食完粉麵應該不會太飽，就可以去食雪花冰了！要了墨丸河 + 通菜。以往都係食開佢嘅片頭，今次堂食就試吓墨丸。有4粒墨丸，兩條菜，再加上淡而無味無色的湯底。落了很多辣椒油，因為呢間野ge辣椒油好香又夠辣。墨丸完全唔彈，好粉，無咩墨魚味，無咩鮮味；也只是間中食到有少少墨魚粒。墨丸質素唔掂，好明顯唔係自家製，而係用外來貨。河粉質地唔錯，唔會太削，份量亦足。不過湯底實在唔掂，淡而無味，幸好無用味精。唯有落辣椒油同醋吊吊味。通菜當做，當然唔會老同韌啦。下次都是外賣生的片頭回家食較穩陣。

同男朋友行完花墟, 就過左隔離街搵食, 兜左兩個圈, 我俾佢門口果D魚蛋吸引住, 就揀左黎呢間食喇!!個豬軟骨好淋好入味, D墨魚丸好彈牙正!! 個湯底似係落足料, 好濃既湯....男朋友果個, 我無食過, 但係感覺D料就少左D.....

魚旦好美味!!!魚旦夠彈牙,有魚味!!!本人多數愛配河粉,貪其河粉夠"林"夠滑...簡直是絕配!!!其次是魚片,同樣彈牙!<因很怕吃一些很硬的魚旦魚片>另一樣較美味的,是魚片頭!!!至於油菜,通菜最好味,腐乳很夠味!!!老闆娘態度非常之好!!!本人試過在他們店內遺漏了銀包,他們非但沒有私自取去,更替我好好的keep起之餘,更專登延長關門時間等我回頭去找回...如今這麼老實的好人,真很難尋了!!!

再一次是上course前的一頓"小吃"。記得上次在一點心時吃得太多了，之後再吃下課堂上的製成品，肚自然是撐得要命了今次汲取了教訓，只是吃一碗粉麵便足夠.....沒有甚麼特別的idea，就隨隨便便走入此處，叫了碗魚片頭菜肉餃米粉....湯底是淡得如喝水的，好像只是加了少許鹽調味便算，喝了一口後便不再理會了魚皮頭有點彈牙，不過魚味不濃；菜肉餃用的是平常的水餃皮來包上菜肉餡，味不太濃，菜是啄得幼細的，不過肉沒有下得很多，感覺味很"寡".....二十多大洋連油菜及飲品，實在便宜得可以。怪不得客似雲來了....