麵檔

营业中

休息中

餐廳lunchtime都幾多人等，我地排咗10分鐘左右先入到去。入面座位空間唔多，甚至有啲迫，但裝修好有特色，而且啲歌都好八九十年代feel。朋友推介食菜底，但我覺得嚟到無理由唔食麵咁浪費呀嘛XD 另外混湯底好似都幾辣，唔食得辣就要小心了。我地叫咗野食無耐就上菜了，速度好快！整體嚟講麵少餸多，係讚美嚟！我覺得蘿蔔幾清甜，每樣餸嘅份量都幾多，食完都好飽肚。呢個價錢嚟講算係幾吸引呢，下次真係試下菜底先~

之前行過銅鑼灣已經見到呢間鋪頭，裝修行懷舊香港風，食既係地道車仔麵，今次出開呢邊專登揀番佢地做lunch。呢度有樣好處係無論揀咩餸菜咩麵底都係一樣價錢，只係分3餸4餸5餸。而且有接近30款食物可以揀第一碗 蘿蔔、韮菜餃、炸豬扒 配幼麵蘿蔔鮮甜多汁，絕無起渣韮菜餃應該係自家製，食落口感juicy炸豬扒大約3-4件，唔係薄切而且有調過味先炸第二碗 瑞士雞翼、牛腩、魚肉春卷雞翼有2隻，炆到好入味好淋魚肉春卷來貨自香港仔有記，香港製造！！入口有魚味又彈牙，堅係好食牛腩未算太肥，炆得夠入味又夠淋，唔會痴牙

今日行過銅鑼灣，好想食啲平靚正嘅早午餐。經過鋪頭，首先被Beyond 歌曲吸引，係我小時候嘅偶像, 大大部黑膠機係門口，好多水牌、明星海報，感覺到店主想回到過去嘅情懷，好欣賞。一入到去，裝潢充滿 70年代 小販檔嘅感覺。poster , 菜名寫係牆上，好有心思。講返重點，我食左車仔麵，$46 / 3餸 大大個碗好full 好滿足。好多餸菜 係用左 某某鋪嘅招牌，我揀左 有記 魚肉春卷、招牌鮑汁雞腳、魚皮餃 菜底 配 秘製 沙嗲醬。碗大大，餸有 2條春卷，3粒魚皮餃同2隻雞腳。 春卷肉好札實，充料、啖啖肉、果然名不虛傳。👍👍雞腳 醃到啲甜甜嘅鮑汁 滲晒入去，一路啜食，一路覺得好唔夠食，想再叫單點㗎👍👍最後係，魚皮餃，我覺得啲皮唔厚，肉味正常，屬於我中意嘅味道，沒有失望。最後我先食菜，吸晒啲湯汁，好好食。因為我好少食晒啲野，有晒汁加啲菜，好想再食多次。

我工作時不時周圍走，今日係銅鑼灣返，下午食lunch諗緊 銅鑼灣一定得貴嘢食。🥴我又唔想入商場食，所以無入到時代廣場，行咗去廣場後面條街，驚喜發現有間叫「麵檔」東西，裝修幾懷舊，入去試下，一時間都無乜理可以價錢抵唔抵。😄點知一坐低睇下張 點菜單，佢收費又唔算貴，$46 三餸。我今次試咗 油麵底、甜酸齋、炸豬扒、時菜（生菜）揀咗佢嘅腩汁&自家制沙嗲醬。等緊食嘢嘅時候，見到左邊右邊枱嘅換到大大碗，好吸引。🥰🥰差唔多食完嘅時候，聽新坐低嗰個女仔客人問「係唔係送嘢飲？」嗰阿姐答：「係呀，你揀夠四個餸，就送嘢飲」😱我即刻計一計數，我揀咗三餸，再加$10支裝無糖可樂，買單都要$56。如果我揀四餸，都係$54，發現自己蝕咗$2 + 一個餸🥹😭所以建議大家，入呢間嘢事，一定叫四餸會抵啲，佢嘅湯底，同埋腩汁，加自製醬都好正。算係值得推介！👍

經過見到呢間門外放著黑膠播舊歌嘅懷舊車仔麵店，覺得幾特別，就入去食個lunch。lunchtime比較多人，但店員都好快手，都幾快有位了。值得一讚嘅係店員服務好好，雖然係大排擋感覺，但客人落單後再有要求都會處理好！【大大隻雞脾飯】除左車仔麵外，呢到都有飯，而且都有水準！🐔蒜油生炸鷄髀飯$57- 完全無expect過咁大隻雞脾，外皮炸到好鬆脆再灑上蔥蒜等，好惹味，入面肉質juicy，最開心係仲有溫泉蛋🤭份量好足夠，滿足！【懷舊車仔麵】🌟五餸車仔麵$60- 車仔麵同樣係大大碗，麵幾入味，配料都有水準。咖哩魚蛋咖哩味濃之餘，好彈口；豬手紋到淋香入味，仲有好多筋，必食😋另外咖啡都好有大牌檔風味，滿滿咖啡香，而唔係沖粉出來嘅感覺。呢到真係有特式得來有水準，更加係旺區裡少有地平價野食🤩

今晚嚟到銅鑼灣，朋友帶我嚟食車仔麵門面已經充滿懷舊氣息水泥通心磚牆配白牆及細格仔磚店內的音樂都係由門口呢部黑膠唱片機播出仲有張周慧敏poster 而旁邊放滿綠色的餸菜牌子簡單裝飾卻如此用心店內仲有一系列的古董放係架上牆身就有以前公屋常見的標語另一邊牆放滿唱片封套車仔麵揀餸都有唔少款式除咗麵都仲有幾款飯供應賣相非常靚仔豬皮係最好味，爽滑細膩而本身調味不錯沙嗲魚旦大粒夠彈牙五香牛腩味道濃郁夠入味，肉質飽滿滑潤油麵爽口，湯頭沙嗲味香加埋蔥花好惹味另外必試菜圃香辣而清爽追加鮑汁雞腳雞腳柔軟細嫩而滑溜，味道濃郁利口蔥油生炸雞髀飯，賣相相當利害生炸髀好大隻，外皮炸得香酥焦脆，內裡綿滑多汁仲有切對半熟蛋，配埋豉汁蔥花白飯真是一絕整體食物水準高，車仔麵係以前細個食嘅味道店內環境懷舊而玩味十足店舖較細，記得預返時段嚟就唔洗排隊好值得再來～

外賣訂左1:00攞單號3698-餐廳不斷出3703,3704,3705,3706…3710都唔出我個3698!!!!!!!!!!!!!!!!!!!!!!!!明明𠻹普通一碗四餸車仔麵only🤨搞到遲晒到時菜，魷魚，蘿蔔，沙嗲魚蛋，幼麵係咪特別難整?????????????仲遲攞過遲過我到即場寫外賣紙個d有無可能？已經不斷同侍應講點解你skip jor我明明我個number前好多但你係咁出後面個d, 發生咩事!!??又唔係特別好味唔會再幫襯🤬

💜銅鑼灣·麵檔💜好有香港特色嘅懷舊公屋車仔麵店🌄🌇圓形縷空透氣窗/鎢絲燈/黑膠唱片機/好有歷史痕跡嘅收音機📻/電視📺/風扇/poster等連門口鐵閘位+兩邊柱嘅標語都係亮點店內仲會播啲舊時嘅懷舊金曲🎶🎵 帶埋父母嚟食都會可能令佢回憶返晒嚟湯底有幾款選擇 各花入各眼腩汁/秘製辣醬/自家製沙茶醬/混醬都👌🏻辣醬個味都幾勁 即刻覺得熱辣辣🔥🔥🔥個餘韻都延續咗好耐🤣🥵叫咗2碗四餸 仲可以自選油麵/米線/河粉/粗麵/幼麵/米粉/茶底(勁啱減肥人士）2碗都係差不多嘅餸牛腩/蘿蔔/炸魚片頭/瑞士雞翼/滷水蛋湯底濃郁 令個牛腩好入味肉味夠濃且夠淋身好易入口白蘿蔔清甜爽口多汁👍🏻👍🏻👍🏻瑞士雞翼都係屋企味道 嫩肉離骨😋唯滷水蛋可能未夠浸得入味另外每張枱都有辣菜甫 正‼️又辣又酸又甜 同碗麵好夾忍唔到係咁添4餸$58幾大碗 超級滿足夠飽肚😁😁

𝘁𝗵𝗶𝘀 𝗶𝘀 𝗻𝗼𝘁 𝘆𝗼𝘂𝗿 𝘂𝘀𝘂𝗮𝗹 𝗹𝗼𝗰𝗮𝗹 𝗻𝗼𝗼𝗱𝗹𝗲 𝗷𝗼𝗶𝗻𝘁🍜 @widesurplusltd 𝘀𝘁𝗮𝗻𝗱𝘀 𝗼𝘂𝘁 𝘄𝗶𝘁𝗵 𝗶𝘁𝘀 𝗿𝗲𝘁𝗿𝗼 𝗱é𝗰𝗼𝗿 𝘁𝗵𝗮𝘁 𝗯𝗿𝗶𝗻𝗴𝘀 𝗰𝘂𝘀𝘁𝗼𝗺𝗲𝗿𝘀 𝗯𝗮𝗰𝗸 𝘁𝗼 𝘁𝗵𝗲 𝗴𝗼𝗼𝗱 𝗼𝗹𝗱 𝗱𝗮𝘆𝘀! 𝗰𝗮𝗻'𝘁 𝗴𝗼 𝘄𝗿𝗼𝗻𝗴 𝘄𝗶𝘁𝗵 𝘁𝗵𝗲𝗶𝗿 𝗿𝗮𝗱𝗶𝘀𝗵, 𝗶𝘁'𝘀 𝘀𝗼 𝘁𝗲𝗻𝗱𝗲𝗿, 𝗳𝗹𝗮𝘃𝗼𝗿𝗳𝘂𝗹 𝗮𝗻𝗱 𝘀𝗼𝗼𝘁𝗵𝗶𝗻𝗴🤤 𝗯𝗲 𝘀𝘂𝗿𝗲 𝘁𝗼 𝗺𝗮𝗸𝗲 𝗮 𝘀𝘁𝗼𝗽 𝗻𝗲𝘅𝘁 𝘁𝗶𝗺𝗲 𝘆𝗼𝘂 𝘃𝗶𝘀𝗶𝘁 𝗰𝗮𝘂𝘀𝗲𝘄𝗮𝘆 𝗯𝗮𝘆 𝗮𝗻𝗱 𝘀𝗹𝘂𝗿𝗽 𝘂𝗽 𝘀𝗼𝗺𝗲 𝗻𝗼𝗼𝗱𝘀!.勁耐無食車仔麵，呢間止到麵癮之餘仲有即炸雞髀飯超滿足👅 必點清湯籮蔔，入口爽甜多汁仲有好多舊，另外滷水雞翼滷得入味超正！雞髀飯即叫即炸熱辣辣仲爆多肉汁，加埋蔥油同秘製辣醬無得輸，附近返工可以一試～

上次介紹嘅韓國菜同今次懷舊車仔麵咁啱都係銅鑼灣時代廣場嘅附近 ，位置方便。 🛋️估唔到繁華時尚嘅鬧市中會有懷舊小店，門口貼咗7-80 年代當紅歌手嘅poster,周慧敏、Beyond等，裏面展示咗黑膠碟、懷舊電視機同收音機，加上播放住7-80年代嘅舊歌，成個氛圍好似坐咗穿梭機返咗去嗰個年代。 🍜車仔麵分3/4/5餸，點左5餸麵， 再額外加2 款餸（每款$10）🍜懷舊豬大腸、蠔油花菇、雞翼、五香牛腩、振興濃汁牛丸、振興炸魚皮、生菜好大碗，清洗得乾淨，雞翼入味亦唔會太重口味，五香牛腩軟腍，牛丸豐有咬口，仲有啲肉汁。 🍛蒜香豬扒雞扒飯$50雖然餐牌紙寫咗新推出嘅三款飯，但係牆上有推介呢一款，眼利嘅朋友有福了。雞扒超大塊，大過手掌，外皮脆身，肉質算係嫰滑。豬扒相對份量無雞扒咁多，但都係大大塊，被切成6件。 外皮亦無咁熱氣，火喉啱啱好。

好耐冇食車仔麵，入嚟見到有廿幾款餸好多都好吸引，貪心地揀左七餸車仔麵！七餸車仔麵（$80）揀左五香牛肚、牛腩、懷舊豬大腸、車仔檔沙嗲魚蛋、炸魚片頭、清湯蘿蔔同金菇菜嚟試，湯底揀左腩汁配米線。牛肚香腍入味，魚蛋大粒彈牙、沙嗲味濃度啱啱好，唔會蓋過魚肉味，蘿蔔金菇都好甜，牛腩偏瘦但有牛味蒜香豬扒飯（$52）豬扒炸得酥脆，有避風塘feel，味道好有驚喜！配埋最愛嘅溏心蛋，好jenggP.S 餐廳裝潢玩懷舊香港風，門口擺左黑膠唱碟機，入面有舊式收音機、黑膠唱片封套等等，度度都係打卡位！

古時皇帝日日對住D山珍海味，開句聲龍肉都有得食，但日子耐左，點都會食到厭，間中微服出巡去到民間，就連白粥佢都覺得特別好食；我呢刻都唔會奢求太多，係咁凍既天氣整碗熱辣辣既車仔麵，我已經心滿意足。 📌五餸自家製沙嗲醬幼麵 - $60 ▪️ 香辣水魷 - ▪️ 清湯蘿白 -▪️ 沙嗲牛柏葉 -▪️ 振興炸魚皮 -▪️ 車仔檔沙嗲魚旦 - ▫️ 我先揀左五餸，加沙嗲醬，麵條揀幼麵，麵質好有咬口，麵條吸收哂醬汁，風味十足；水魷煙韌，非常爽口，蘿白完全無渣，煮到相當腍滑入味；牛柏葉沙嗲味夠突出，夠哂爽口；炸魚皮係非常新鮮，上枱係脆卜卜，沾少少湯汁，特別好食；魚旦亦有魚味，沙嗲湯汁完全入哂魚蛋裡面，認真高質！📌五餸腩汁米粉 - $60  ▪️ 五香牛肚 - ▪️ 香辣豬紅 - ▪️ 懷舊豬大腸 -▪️ 有記魚肉春卷 - ▪️ 振興濃汁貢丸 - ▫️ 我朋友都係揀左五餸，湯底就係腩汁，麵條揀米粉，牛肚唔會煮到老哂，軟硬適中，牛味濃郁；月有彈性又夠入味，辣得黎幾過癮；豬大腸聽聞亦好受歡迎，一試便知，口感軟腍；魚肉春卷比坊間食到既，口感更加軟熟彈牙；貢丸亦夠爽彈；而且佢地有玻璃裝可樂，加冰底仲唔洗加錢，正！

💛麵檔蒜油生炸雞脾飯 $55估唔到黎麵檔, 呢碟生炸雞脾比麵更正. 雖然即炸要等20分鐘, 不過係值得等待嘅🤤 大大隻炸脾外皮香脆帶蒜香, 入面肉質嫰滑juicy. 仲有甜豉油. 一邊有兩隻溏心蛋. 五餸車仔麵 $58河粉滑溜, 選左沙嗲汁湯底. 下次會想試下添醬或者香辣底懷舊豬大腸乾淨且夠入味, 鹵水孖筋都炆得入味. 蠔油花菇 魚肉春卷就正常發揮 另外十分推薦加埋佢個辣菜莆, 夠香辣又增添爽脆口感沙嗲水魷牛栢葉$28另外叫, 不過覺得呢個sauce 唔夠濃同惹味門口同店內都有7-80 年代當紅歌手poster 同擺設, 好似哥哥、周慧敏、Beyond等, 加埋黑膠碟、懷舊電視機收音機等, 好有特色. 午市雖然多人不過效率都好快

今日有事要出嚟銅鑼灣，晏晝就喺附近食埋飯先返屋企。醒起之前有朋友推介過時代廣場後街嗰間以車仔麵作招徠嘅「麵檔」，反正時間尚早，應該唔使排隊，即管過去碰下運氣。店舖裝修果然有特色，以懷舊公屋走廊作設計，再配上圓形通花透氣窗、銀白鐵閘、黑膠唱盤、紙皮石和鎢絲燈，每個角落都充滿舊日香港情懷，啱晒打卡一族！餐廳主打車仔麵，餸菜款式非常之多，而且大部分都以傳統土炮為主，實而不華，另外亦有幾款招牌麵飯等供應。點咗個五餸麵 ($60)，振興濃汁貢丸、南乳豬手、酸甜齋、蠔油花菇、鮑汁雞腳配粗麵跟自家製沙嗲醬。湯底味道唔錯，以新鮮豬骨加胡椒粒熬成，絕無添加味精，入口香濃又唔油膩。貢丸超級彈牙，食落非常 Juicy，肉汁很豐富。豬手炆得好入味，南乳香氣滿溢。花菇肉厚爽身、酸甜齋外脆內軟，味道酸而不嗆。雞腳又滑又腍，配上鮑汁，香濃惹味。沙嗲醬以花生碎及磨豉炒成，味道有層次，用嚟配麵食一流！另外仲點咗蒜油生炸雞髀飯 ($57) 同 蠔油時菜 ($18)。雞髀挺大隻，外皮炸至金黃色，熟度掌握得啱啱好，入口帶陣陣蒜油和蔥花香氣，皮脆肉嫩。旁邊隻糖心滷水蛋亦非常高質，蛋黃呈啫喱狀，蛋汁甘香，加上滑嫩嘅蛋白，味道匹配

今日同朋友去銅鑼灣時代廣場附近食一個車仔麵，個環境非常之有特色，好有情懷, 用屋村來做主調, 再播住張國榮Beyond樂隊嘅歌, 非常之寫意佢嘅餐除咗車仔麵之外, 仲有飯食朋友就叫咗一個生炸雞髀飯，佢個雞髀非常之大隻，因為生炸, 即炸即食非常之熱辣辣，入口非常之香脆，大大隻雞髀竟然可以咁多汁, 另外仲有車仔麵五送，只不過係$58, 份量都幾多，尤其是個湯底冇味精, 非常之香甜, 大大粒嘅魚蛋再加咗瑞士雞翼，我最鍾意就係食佢嘅蘿蔔, 清湯蘿蔔入口非常之爽甜，仲好多汁, 感覺不錯不錯