麵屋武蔵 虎洞 (北角匯二期)

营业中

休息中

在灣仔工作有時都會到新鴻基中心那間麵屋武藏吃lunch，因為他們的拉麵也頗高質的。之前放工後諗唔到食咩，就去了屋企附近的分店，買外賣回家。餐廳很有日本拉麵鋪格局，下次要現場食，感受下師傅整好即送上嘅熱辣辣湯拉麵！點了2個餐，很豐富🤩🍜虎尾（白）沾汁麵：很喜歡吃這裡的麵，因為麵質很好，軟硬度適中。沾汁麵的湯底味濃，逐少麵點來吃已好滋味。還有肥瘦均衡的肉，將吃沾麵的幸福感帶到🏠🍱鯖魚豚角日式四格便當：最喜歡日本便當整整齊齊的感覺，鯖魚肉質很嫩，還有很多菇類+溏心蛋作拌菜，性價比很高的外賣🥟餃子：點了個餃子小食，外皮煎得很脆，而且醬料挺香～有機會要再來吃沾汁麵😋

同好友相約黎到北角匯行下 影下相聽聞呢間拉麵店都幾出名下 食飯時間就揀左黎呢間到食 雖然在座顧客唔算多但現場所見 黎買外賣🥡既人都佔多數巨峰提子🍇梳打, 梅子青檸梳打 夠清爽九條蔥豚肉串🍢用左少少七味粉同檸檬汁🍋食落幾滋味番茄🍅燒豚角拉麵🍜(走蔥)湯底酸甜度適中番茄切成好幾舊大大舊既番茄粒 而且食落又幾新鮮啵最出名既就係佢地超大塊叉燒肉又厚又大塊肥肉同瘦肉既比例岩岩好白虎 豚角拉麵🍜湯頭以豚谷同魚介熬煮而成 湯底濃郁半熟蛋🥚流心效果突出 食落有淡淡煙燻味拉麵麵質口感爽滑 食落有咬口 又掛湯武藏炸雞🍗雞肉肉嫩多汁 配上芥末沙律醬 夠開胃不錯不錯，差d連成碗番茄湯都飲埋

北角係我老家，間中都會返嚟行吓，自從北角匯開咗之後，就更吸引到我嚟，今次就試吓開咗幾個月嘅麵屋武藏啦！鹽味炙燒豚肉清湯麵 $80秋季限定，一上枱已聞到好香炙燒味，豚肉以低溫烹煮，保留到豚肉嘅肉汁，火炙令豚肉燒香；湯底味道較清，鹽味適中。虎尾沾汁麵 $80有3款沾汁可揀，白丶赤丶黑，我揀咗最原始嘅白，濃厚豚骨湯底，豚肉粒，加上蔥花；麵條較粗身丶煙韌，中間有坑紋，增加掛汁效果，好飽！已經飲唔到剩低嘅湯汁喇～九條蔥豚肉串 $38豚肉甘香而不膩，加上口感柔軟丶蔥味濃郁丶微微甜味嘅九條蔥，惹味！唐揚豆池魚 $38細細條，好得意，酥脆香軟，加啲青檸汁，感覺無咁肥膩，再點埋個酸酸甜甜嘅醬汁，就更好味，送酒一流！梅子青檸梳打 $25推介！梅子味重，估唔到同青檸梳打咁夾，fresh!原味可爾必思梳打 $28純粹未飲過，想試吓，翻查先知原來係日本第一罐乳酸飲料，淡淡嘅酸奶味，偏甜，但幾解渴

呢個北角匯，停車都幾古怪...大家揸車去小心啲。夜晚渣華道都唔係太緊都好感恩嘅。太過分就一定要拍停車場，看形勢就知道去咗UNIQLO買啲衫褲，好神奇啊2樓攞完攞住個籃行返商場落一樓，才俾錢。大概都因為應該香港係消滅左貧窮，盜竊風險都好低㗎喇。講返入正題先成日都講廢話😂😂😂買完野就去咗隔離叫虎洞，我哋食嘢都係順路，入到去服務生走來走去壓力有點大。從內心睇佢都想給予好好嘅服務但由於服務壓力大未能做得太好這點大家需要體諒。我就叫咗招牌嘅試吓，黑色。講真呢個佔麵。我食咗好多次呢類型其實好難做。講真落得多又覺得鹹，落得少又冇味，通常係中尾段先會覺得好食，個杯巨峰乜乜乜，浸出嚟又係八成，唔開心。味又太濃，我要加啲水先飲得落...整體味好濃，我要灌三四杯水，好唔好食都算好食！都係果句值得一試啊

今日森仔早左放工，同媽媽去到北角周圍行下。去到北角匯附近，覺得肚餓。又見到一間日式拉麵店🍜，就馬上衝左入去試下！今次森仔叫左：蕃茄燒豚角拉麵🍜，豬骨虎尾沾麵，武藏煎餃子，武裝炸雞，巨峰乳酸梳打，青檸梅子梳打。蕃茄燒豚角拉麵🍜蕃茄味道適中，帶有濃濃新鮮蕃茄味，作為湯底一流。而燒豚肉燒得恰到好處，而且採用黑豚肉，脂肪分布均勻。在炙燒表面後，煎出了油分，令到脂肪和瘦肉融為一體，不會太硬和太乾身。還有一種滑滑的，入口即溶感覺😊😊麵條🍝方面硬度適中，煙韌有咬口。廚師亦細心的烹調，令到拉麵🍜能掛上美味的湯汁之餘，亦能保持口感。豬骨虎尾沾麵此沾麵份量十足，一定夠成年男人食。而其湯汁濃烈，豬骨味更又香又純，岩晒重口味既朋友👍🏼👍🏼👍🏼而奶白色既湯底更顯其用足豬骨料做湯頭👍🏼麵質方面，沾麵是用了粗麵條，令其能夠沾上更多濃濃的湯汁。而餸料方面，其實分豐富，包括：一條大大的台式香腸，隻燒豚肉，半隻半熟玉子，竹筍，香蔥。森仔食到停唔到口。武藏煎餃子🥟森仔好欣賞此餃子🥟。因為一般日式煎餃子餡料多數只是豬肉，但係此餃還有很多蔬菜🥬，令人食落唔會太油膩，仲好有新鮮感。而餃子煎得外脆內軟，配上蔬菜和豬肉的餡料，沾上酸

/麵屋武藏虎洞🇭🇰/#sa北角篇 #sa日式篇➖➖➖<肥美厚燒豚角煮🤤>➖➖➖日式黎講 最鍾意就係食沾麵、拉麵、烏冬繼續食下唔同店😊今次去到麵屋武藏 係青衣、旺角、灣仔同馬鞍山都有分店本身想食沾麵 但又想試下期間限定口味最終都係叫左兩款拉麵🍜價錢黎講合理 種類選擇都幾多！➖➖➖1️⃣燒豚角煮拉麵 $95 (番茄湯) 🌟豚角煮🌟豚角煮厚切肥美 側邊佈滿脂肪🤤中間嘅肉質帶嚼勁 再燒下佢應該更焦香番茄湯用左新鮮番茄粒 不過湯就較少如果酸味再突出啲應該會更開胃拉麵粗身 軟硬度適中➖➖➖2️⃣鹽味炙燒豚肉清湯麵 $80 🌟湯底🌟呢個湯底反而幾濃、更有特色唔係平日食嘅豬骨湯底秘製湯底用雞同魚成份 調味適中溏心蛋幾有蛋香😝炙燒豚肉肥瘦參半、薄切 頗有咸香但就覺得麵嘅份量唔夠多➖➖➖3️⃣武藏煎餃子 $38 皮薄 略嫌煎得唔夠香脆 中間嘅肉有少少筋 但都有蔥碎🤤🤤幾juicy 還好➖➖➖4️⃣唐揚豆池魚 $38 🌟見呢樣好少見就試下平時最怕食好腥多骨嘅魚～但呢個意外地幾出色 香脆之餘又真係唔會好腥、難咬 幾有鮮味！唔會好厚粉 連細骨都無 幾推薦➖➖➖5️⃣梅子青檸梳打 $25 梳打+雪碧中和左甜度另外底部

滿足就是在凍冰冰嘅冷氣下 吃一碗熱辣辣的拉麵～～～週末來到北角匯跟閨蜜👭行街影相，剛好他們在做紫色主題，商場內佈滿紫色的薰衣草裝飾，很是漂亮。影完一輪相之後，我哋就嚟咗呢一間日式拉麵度食午餐，看著熱哄哄的蒸氣節節上升，感覺很是溫暖，正好適合我們這兩個怕冷的少女吃。～～～鹽味炙燒豚肉清湯麵 ：寫明係秋季限定梗係要試吓啦，清清地嘅湯底帶有少少鹽味，豚肉超大塊 但少肥多手 而且非常入味 咬落去好多汁 筍條爽爽脆脆 拉麵彈牙非常 整體都很美味～～～除咗限定嘅湯底之外佢哋仲有多種唔同嘅湯底 有黑蒜油 辣油 同番茄等等 而我哋就揀咗酸酸又開胃嘅蕃茄湯底配燒豚角煮 豚角煮食落類似五花腩片 多肥少瘦 入口油花四濺 非常yummy 如果鍾意多啲材料嘅話 仲可以額外追加 豚肉片 低溫叉燒 半熟玉子 紫菜 蔥同筍等等😊 ～～～武藏煎餃子：多肉少菜嘅日式煎餃子表皮香脆又唔會太油膩 非常滋味 同日本食到嘅味道差唔多～～～唐揚豆池魚🐟：之所以嗌佢係因為佢寫住呢一款魚係日本直送嘅 細細條嘅魚肉質非常飽滿又嫩滑 香香脆脆配啤酒就一流🍺～～～飲品方面 我哋叫咗一杯 梅子青檸梳打同埋巨峰可爾必思 兩杯質素都非常穩定 香

嚟到北角滙行街 唔知食咩好朋友話想食拉麵就入咗嚟呢間虎洞拉麵！同普通拉麵店一樣，個湯底分咗三種白(普通豬骨濃湯)赤(辣湯底）黑(黑蒜油湯）因為本身唔食得辣同唔想食黑蒜油搞到個口好大陣味，於是試咗最basic嘅白湯底肉就分為豚肉，豚角煮同低溫叉燒因為唔想又想叉燒，所以嗌咗個豚角煮豚角煮咬落有陣豬味但絕對唔騷，加埋肥膏個個一齊食十分正，好似食緊扣肉咁個湯底就咸咗少少因為同朋友一齊食所以就嗌多個餃子同唐揚炸雞依炸雞略為遜色，淨係食到油炸味 舊雞冇咩味但佢個沙律醬mix咗wasabi 但唔係好辣好啃 麵都幾開胃餃子就不過不失 唔夠飽都可以叫嚟填吓肚

假期除了出街買外賣，就是在家什麼都不想做，懶洋洋的😂今次試下北角匯既麵屋武藏虎洞， 叫咗兩款沾麵，一個配白虎沾汁，一個配黑虎。白虎係原味嘅豚骨湯底，黑虎係黑蒜味。我個人就鍾意黑蒜味，味道香好多。沾麵嘅配料有糖心蛋，筍片，大大塊既角煮豚肉，仲有一條腸。另外仲點咗兩款小食，有蘋果沙律同炸雞。炸雞好有驚喜，平時唔係太鍾意食炸嘢，但係炸雞炸得香脆之餘，裏面超滑同juicy。蘋果沙律嘅醬汁係washabi 沙律醬，好開胃，又少少辣味，裏面有青瓜絲，蘋果絲，蟹子同火腿。

麵屋武藏虎洞 - 抵食日式外賣北角匯一樓的位置設有美食街，有各種各樣的餐廳，今次選了一間日式餐廳，一看原來是麵屋武藏旗下的餐廳-虎洞，提供價錢適中的日式料理，有便當、沾麵、拉麵或丼飯。虎尾沾汁麵這個沾麵系列有三款湯底選擇，分別為赤虎、白虎和黑虎。赤虎是秘製辣油加入香濃豚骨魚介湯，火辣辣的刺激體驗。白虎是虎洞獨有的豚骨湯底，加入鏗魚乾，超濃郁的魚介味。黑虎是黑蒜油味道，蒜蓉油香滿滿。沾麵配料亦相當豐富，有梅花間竹的五花豚肉片、特別的日式香腸、溏心蛋等。粗幼適中的麵條沾上湯汁，惹味的虎尾沾汁麵。武藏炸雞雖然是外賣，但炸雞得雞皮仍保持著脆口的感覺，雞皮底味夠，雞肉嫩滑。武藏煎餃子薄薄餃子皮加上滿滿餡料，日式小食必選。

呢日難得去到北角順道去探望婆婆記得佢好中意食日式料理🍜所以就去北角匯虎洞麵屋武藏外賣個日式沾麵🥡沾麵既餸係固定左有 日式叉燒 豚角煮溫泉玉子 蔥花 等等相當豐富🤤🤤點左兩款湯底黑蒜 & 赤味黑蒜味濃而不油膩帶出餸菜同麵既香味赤味辣中帶香啱曬喜歡食辣既朋友伴菜亦十分出色叉燒肥瘦適中 口感一流豚角煮 彈牙爽口溫泉玉子 流心伴麵配合香濃湯底味道好不在話下食完香味係口中徘徊不散先最令人回味另外仲叫左小食 可樂餅食完飲埋罐可樂Gur曬啖氣 好爽整體來說 好值得推介尤其而家無得去旅行都食得到正宗日式沾麵

忙在一個星期 lunch 食住麵包做野，終於星期五早啲出黎食個靚靚午餐沾麵慰勞下自己，朋友一早就到左，即刻有得入。赤.虎尾沾麵，原來條長長既黑椒腸就係虎尾，好搞笑，要左半份麵份量超多，麵條粗身有彈性。魚介豬骨沾汁濃郁杰身，好到掛麵，入都仲有啲豬肉粒，如果有蔥絲一定更香口。好所賞個溏心蛋，甜甜地蛋味濃，蛋黃黏口。豬腩肉超入味，軟硬適中。朋友點左蕃茄燒豚角拉麵，麵條較幼身，湯底清新酸酸地既蕃茄味，幾正。另外點左兩款小食，芝麻醬菠菜做前菜，又可以清一清沾麵既濃味。燒豬腩肉串好惹味，朋友唔食蔥益晒我～夾住蔥食油膩感大減，一口接一口。飲埋杯檸檬可爾必思平衡番口腔既味道，有呢個熱飲真係岩晒女士。提子可爾必思soda都好好飲，呢餐好滿足丫。

夜晚約9點經過北角匯, 試食了呢間新開的虎洞.可能係因為好晏既原故, WALK IN 不用等位就成功入座. 由於係新裝修環境都不錯, 坐位不算迫.然後我同女友分別點左白虎拉面同埋白虎虎尾沾面.我同女友都一致認為湯底過咸, 要飲好多水先解到咸.沾面的虎面是普通超市的德國腸沒有什麼特別, 另外有一舊肉, 質地非常鞋口, 味道亦一般. 面質還可以接受.價錢有收加一, 以食物品質來說性價比低. 

之前經過北角匯 一直都想試下 不過有時費事等位 所以都冇去食終於有機會食到啦😍😍😋😋我地食左虎尾沾汁麵嘅黑同白，同埋九條蔥豚肉串黑、白沾麵（$80蚊一碗，我地買左兩碗）發覺沾麵嘅麵條幾特別中間有條坑紋所以點左汁之後好入味😋😋呢點咁細心 值得一讚👍🏼👍🏼白沾麵有啲似一般百幾蚊嗰啲嘅豬骨沾麵不過再creamy啲 黑沾麵食上去唔知點解好似墨汁意粉 但有啲日式咁嘅感覺🤣溫泉蛋好正 🥚😋（呢個唔係間間都可以做得好）兩個沾麵上嘅豚肉都好好味 甜甜啲 肉好「淋」😍不過個人覺得個扣分位喺條腸度唔明白咩配搭黎令到成個餐好多肉🤔🤔九條蔥豚肉串（$38）幾惹味 唔會太鹹 豚肉有啲啲爽口感覺 值得一試

麵屋武藏係一間連鎖食店一路以嚟對佢嘅印象都唔係太差😚既然咁啱去到北角附近咁我就叫咗個外賣自取試吓佢哋嘅沾麵同埋便當啦😝😝😝我覺得佢沾麵嘅料都唔錯比較神奇嘅係竟然會有一條鹹香嘅腸係入邊其他料都整得唔錯🥰比較值得留意嘅係：外賣自取嘅顧客記住要細心攪拌沾面嘅湯汁‼️因為我一開頭食沾麵嘅時候發覺味道好淡有啲失望後來仔細攪拌左之後發覺係未攪勻！ 啲鹹味喺晒個底度😂😂😂另外芥末炸雞都唔錯都相當Juicy可惜醬汁比較少😂😂😂呢個牛肉便當算係不過不失但係味道就當然冇佢哋招牌嘅沾麵咁好食啦😅😅😅