麵の屋 (已結業)

社交平台同電視都紛紛推薦，加上有優惠價$38一碗拉麵，吸引唔少適合到訪，可惜食物質素有待改進。。。 ⠀⠀⠀⠀⠀⠀⠀⠀⠀⠀⠀⠀拉麵湯底極為鹹，餐牌寫住拉麵，但有着沾麵嘅濃度，麵質一般，我叫咗硬麵，但想到枱上都係好淋 ⠀⠀⠀⠀⠀⠀⠀⠀⠀⠀⠀⠀另外叫咗一個黑蒜炸雞，賣相差，入邊嘅雞肉係紅色，應該係咪完全熟透，而炸雞表皮炸粉比較厚，口感有點奇怪 ⠀⠀⠀⠀⠀⠀⠀⠀⠀⠀⠀⠀進餐體驗差，店員服務態度一般 ⠀⠀⠀⠀⠀⠀⠀⠀⠀⠀⠀⠀ 衛生程度方面，由於食飯係可以直接望到廚房，見到廚師一邊傾偈，一邊煮嘢，而且冇戴口罩的，擔心口水飛沫會帶就食物中最後，如果佢唔係有優惠價，其實真係可以唔使試，而如果對食物冇要求，一心只求便宜，都可以試一次的，不過唔知優惠做到幾時

去左幾次食lunch, 覺得最好食係黑蒜湯底，小店位置有限，所以有時都要等位。整體來講都係好味道既，最奇怪係佢個儲印仔規矩，我地6個人一齊去，由3張2人枱合併，每張2人枱有一個QR code, 我地自己落返自己碗麵，埋單時俾左3張儲印仔卡我地，表示唔可以6碗麵一齊給印仔，因為我地分開左3個QR code落單，其實如果野食好味，有冇贈送印仔儲免費碗麵都冇問題，只係覺得佢哋處理手法好新丁啦！

橫濱雞白湯拉麵是一道受歡迎的拉麵，但呢一碗既口感和味道都比較參差，價錢高低就見仁見智。味道太濃烈：湯頭濃得來同拉麵唔夾，麵條質素普通，冇蛋香。雞肉質地不理想：雞肉既質地比較柴，吾夠嫩滑，上網睇佢嘅豬肉薄到成張紙，雞肉都係差唔多。配料不夠豐富：配料比較簡單，只有雞肉、蔥花和雞蛋，基本上成年男性一定唔會飽肚。冇人流：相對於大圍其他舖頭，呢一間位於巷仔嘅拉麵店，正午12點都冇乜人入去食，我會比較擔心佢啲食材輪流嘅新鮮度，因為啲食材一定係一早預備晒，冇人食咪越擺越耐。衛生情況欠奉：枱上有水壺，但係有肉眼可見嘅污跡，張枱都比較細，食得頗辛苦

好肚餓嘅時候行過呢間新開嘅鋪頭，見到下午茶嘅價錢幾平，就決定入去試一試喇🍜-雞白湯拉麵+黑蒜炸雞🍜麵嘅軟硬度ok嘅，但係拉麵嘅精粹—「湯」，個湯有啲淡，唔覺得有雞湯味🥲啲雞肉都略嫌唔夠滑🥲到黑蒜炸雞就完全食唔到有黑蒜味，淨係食到沙律醬味🥶如果當佢係普通炸雞嘅話我會覺得幾好食🤣另一個餐我地叫左黑蒜湯拉麵+煎餃🥟黑蒜湯拉麵都係個湯冇味🥲Suppose食呢啲咁濃味嘅湯，一定會覺得佢好重味同好香，但呢個麵真係完全冇🥲啲叉燒片份量多，味道不過不失～而煎餃真係有啲失望🥺隻餃除左個冰花邊之外，食落冇乜煎過嘅痕跡，依然都係腍嘅🥲-不過計番性價比黎講，我覺得係高嘅，因為食左咁多都只係$130，每個餐都仲跟多罐飲品，見到佢有玄米茶/蜜瓜汽水/etc…都算幾有誠意🫶🏾

麵の屋 喺咁多款日本拉麵中，波波比較偏愛“雞白湯拉麵”，皆因小妹非常鍾意湯底飲落去有少少黏口嘅感覺 小妹今晚剛巧路過積信街嗰邊，見到有一間新開張嘅日本拉麵店，於是喺好奇心驅使下入內光顧試食 💛💛💛💛💛橫濱雞白湯拉麵套餐（割引）配 黑蒜炸雞（3件）+ 溏心蛋 + 飲品 - $93 湯底質地濃稠，味道尚可接受 麵條尚算煙韌、溏心蛋嘅蛋黃流心程度我覺得尚可接受；但係雞胸肉嘅肉質粗糙程度有啲似煲完湯撈出嚟嘅雞肉咁，而且食落似白烚一樣咁無厘味道😅！如果要講成碗麵最好食嘅，就係浸完湯後都可以Keep住咁香脆可口嘅炸藕片 至於“黑蒜炸雞”，唔單止賣相非常唔討好，而且味道比「麥樂雞」更鹹😨，中伏指數甚高～ 💛💛💛💛💛 每張枱都會有一疊食評畀食客填寫，而且更張貼喺店外…… 但係呢間日本拉麵店無論係食物質素、服務態度、環境等各方面都麻麻地，而且性價比低😓！所以應該「只此一次」 📌：大圍積信街27號吉慶樓地下及閣樓

湯只係得個辣字，完全冇香味雞胸肉好明顯就係白烚，乜味都冇麵正正常常，不過不失餃子🥟就係普通雪藏餃子，唔難食但亦稱唔上好食成餐最好食嘅就只係放係面嘅炸蓮藕片總結：性價比極低