麥餚 (已結業)

原本想去其他地方食但無位所以意外行左入呢間鋪首先味道對我黎講算唔上好好食但都唔差東岸肉好好食不過啲拉麵就一般般但啲服務真係好好，好到大癲上餐嘅時候又提你小心睇熱呀又叫你慢慢食呀，上餐個陣啲語氣真係😂😂“你嘅凍O茶黎啦～～”，又主動問要唔要熱水。同台其他人嘅野食都黎左但得我嘅未黎，我都未出聲佢哋竟然走去問廚房係唔係漏左單整好未🫠🫠真係受寵若驚😂（而且講緊出面無人等緊位嘅情況下）而且啲侍應個個都笑晒口咁睇得出係度返工肯定好開心

係灣仔區食午餐又唔想等位就選左呢間餐廳餐廳提供北方水餃等菜式餐廳不收加一服務費 不錯值得一提 店內的人服務態度都好好咁啱有外國人用餐 用英文點餐完全無難度 今日叫左以下呢幾樣：賣單$80一個人1）涼拌麻醬青瓜份量唔算多但醬汁都唔錯 用左中式花生醬調味 夠香2）純肉蒸餃十隻餃子 剛剛出爐 仲有煙味道ok 但水餃皮略嫌唔夠爽身 水份多左啲煎餃應該會好啲 下次可以試吓餃子入面有肉汁 加分3）酸辣湯熱👍🏻 都多不同的蔬菜料 但味道普通3）熱奶茶香濃好味 滑 推介

經過見到新開門面，光猛乾淨又闊落，早餐豐富又抵食，仲供應到11：30 檯面上醬料好多選擇，中英對照好貼心，不過空腹唔敢太刺激，下次先再試試咖啡要另+$5，店員介紹因為用意大利咖啡豆同咖啡機即磨。入口果然無速溶酸澀味，而加淡奶呢個設計好有港式風味香辣豬肉粒雖有輕微味精調味，但唔會太濃而且保留到肉質結實，鮮蔥花同芫茜混合辣油味，拌上米粉食別具香味跟餐蒸包沽清， 三隻鮮肉餃代替，咬開湯汁爆發，味道唔錯。蛋餅要另+$5，蛋味唔顯著而且質地略硬，但韭菜鮮香而且份量十足環境好而且店員非常殷勤有禮，品質唔錯定價老實，期望下次再試試其他出品

新開試業88折定9折，湯底(蕃茄湯/豬骨魚)好味，貼心的是分開上，聲稱冇味精。小食(蒜泥白肉)CP高，有港式餐飲送，新裝修卡位舒適。餃子是上海厚皮, 細粒, 但種類多, 剩豬肉都有幾種唔同菜既餡揀，收費不高還算可以。

在灣仔有新麵食店舖可能店舖位置在灣仔酒吧街中間人流不算多講返食物店舖標榜無味精湯總共有三款豬骨魚湯 蕃茄湯 同麻辣湯湯麵原本有湯啦lol但撈麵 都會配碗湯比你就有啲驚喜豬骨魚湯較為濃郁 加有少許櫻花蝦增加風味另一款蕃茄湯(應該係鮮茄)湯比較清甜帶酸 夠味麻辣湯個人就冇試喇不過曾經加過調味架既麻辣油醬有呢款都幾特別麻辣感剛好 唔會太刺激 但又好夠香麵底係中式拉麵配料分別試過豬肝、牛展同水餃(可選菜料)豬肝估計係同湯底一齊滾熟所以個湯特別好味牛展份量都唔少 肉質唔錯小茴香肉餃新鮮 好味道另外試過京城炸醬麵份量足 但覺得比較鹹(唔知炸醬麵係咪原本應該係咁)然後配嗰碗湯就好幫到手😂另外午餐包一杯普通熱飲 凍飲加$3個人選擇即磨咖啡(+$5)喺中式麵食店有即磨咖啡已經驚喜再驚喜既係幾啱口味奶啡分佈份量合適 亦沒有稀既感覺總體味道 環境感覺良好會繼續幫襯