麥田餅店

营业中

休息中

今日的蛋糕麵包，$8 －件，比起我平時食開的同款包，尺寸係比較細，加上麵包穿咗個窿，真係細上加小。本身抱住不寄厚望去嚐試，但食落件蛋糕又幾有蛋味。至於個色皮就普通咗啲。其實麵包店員態度真係好一般，一般情況係客人俾錢後，店員會將個包放入袋，但係今次個店員只係掛住傾偈及將新鮮出爐嘅麵包整理好，要，客人俾錢後要自己將麵包放入袋。但當時其實只有我一個客人。 食物冇問題，只是服務差。

自從將軍堡執咗、又試過新樂富餅店中伏中到應一應既芒果糯米糍後，我不禁懷疑：唔通長沙灣區真係無好味既港式芒果糯米糍啦咩？！於是今日難得決定『放棄人生』，就去咗附近2間麵包店，買齊佢地既芒果糯米糍試伏。🍡 麥田餅店 - HK$4/粒 VS 品味時代 - HK$5/粒外觀：麥田餅店出品既顏色偏黃而品味時代既則偏橙，顏色上後者比較吸引大小：好明顯品味時代既比麥田餅店大粒，貴一蚊都好合理 味道：麥田餅店出品一入口真係嚇我一大跳 - 哇～難食到呢... 由圖片已睇得出，糯米皮超厚不特止，仲要實結結，合埋眼食既話仲以為自己咬緊舊泥膠🤮 芒果餡又少... 雖然話芒果本身都好甜但整體黎講完全唔及格；相比之下品味時代就優質好多，糯米皮軟糯、芒果清甜份量亦算唔錯，雖然味道唔係話特別出眾，但至少物有所值。咁樣俾評價好似好衰，但真心食評，太誠實，無計🤷🏻‍♀️

今日不知怎的突然想食皮蛋酥和叉燒酥，但時間問題不能往太遠的地方，於是在停車場附近的餅店隨手買了一個皮蛋酥，至於叉燒酥嘛，看著它賣相真的麻麻，而且酥皮好像挺厚，所以最後沒買。店舖看似在這區開業多年，但內部環境比想像中好，走廊不會太擠，環境整潔，店面姨姨態度正常，沒不禮貌。食物方面，皮蛋酥表層呈淺黃色，感覺焗得未夠呢！賣相一般。味道方面，蓮蓉餡好甜膩，亦不夠軟滑，有微微“漿口”；皮蛋新鮮度尚可，至少不乾硬，但吃不到皮蛋的獨有味道，另外皮蛋作為主角，份量太少，真懷疑連八分之一個皮蛋都沒有，幾乎每口都只有蓮蓉餡，很差。唯一較好是酥皮不過厚和表層酥皮帶點微脆，但整體還是一個不及格的皮蛋酥，下次不會再買。