麥當勞 (富麗商場)

营业中

休息中

這家出名的全球連鎖快餐店麥當勞的蜜糖BBQ麥炸雞套餐讓我一直都大感新鮮。相信許多人都時常到此滿足味蕾，這口味絕對讓人更難捨得離開。麥炸雞肉質嫩滑，帶入蜜糖的BBQ口味非常美味,又不會太重奪口。兩件才剛好。再配上耍了花生碎的朱古力新地,吃下去口感不算甜膩,兩者在口中互相輝映。也不忘用料經濟,加了牛油，牛油味濃郁的粟米粒，豐富口感,簡單實在。而熱騰騰的朱古力飲品更是寒冷天氣保暖的最佳飲品。這款的套餐平衡香濃,吃進肚裡暖身。無論快節奏的上班族或是一家大小,都能一飽口福之餘帶走滿足感。

那天一覺醒來的早上，特別想吃點甜而不膩的熱食,於是我來到麥當勞嘗試他們的「熱香餅精選套餐」。套餐中三件香喷喷的熱香餅外形圓圓的貼合我的口味,讓人吃起來別有樂趣。再搭配一片Q彈帶香而不油膩的豬柳扒,滋味十足!雖然熱香餅飽腹，還有可算是我最合心的薯餅,外酥里脆讓人吃一口又一口。最後不喝一杯熱騰騰朱古力飲品實在可惜,濃郁香醇的口感為一早帶來滿滿溫暖。總體來說,這套餐內容豐富價錢實在,熱食選擇多也很貼心呢!

不嬲麥當勞嘅好處就係夠快，唔係點會叫做快餐店？不過呢間就出名慢，每次入去買嘢食，無論幾點都好，就算係凌晨兩三點，都一定會超多客喺度等緊。唔係因為佢生意真係好好，而係啲人嘅手腳真係好慢。而且最重要嘅就係，嗰個顯示牌係壞嘅，次次顯示牌上面寫咗自己個Number，去到又話未整好，真係好麻煩。同埋好多時候買外賣返屋企，都會執漏或者執錯一樣半樣嘢，又唔想落嚟拎返，唯有就咁算。同埋冇一次食佢嘅薯條，明明咁多盒，都好似唔係新鮮出爐咁，而且份量又少，真係好差。如果唔係呢度附近得呢間麥當勞，我諗真係唔會有人再去食。

離譜…….1）養一班冗員成班員工都唔知企係度做咩……廿幾個號碼等拎餐！買得越遲拎得仲快…..仲要得一個人係度執餐！2）點餐機問題間餐廳嗰個點餐機壞左，整齊都整唔到個apps cord，同職員講返，仲話返你「你依家先黎用」就係用唔到咪即刻過嚟同你講，仲要賴個客同個客嘈…….有時間同個客嘈不如幫手執下餐啦！3）等候時間耐就係趕時間先諗住食快餐店，但等咗半個鐘先有

朋友仔生日去左m記開二人生日會🎂🤣🤣係McCafe叫左一個特濃朱古力味蛋糕+意式鮮奶咖啡，都係$33炸。真係好抵。以為味道普通，估唔到McCafe既蛋糕都幾高質，十分推介你哋食👍🏻每一啖都充滿住香濃的朱古力味道，比起其他餅店做得岀色😍呢款蛋糕我都唔係第一次食，食左兩次😋兩次都係叫特濃朱古力味❤️❤️唯一不滿足既地方係服務質素，落單後發現McCafe沒有職員，等了約5分鐘都沒有職員。我告訴了收銀員，他叫我等一等，因為他要處理正在排隊的客。這個理由我是接受的。結果我又等了5分鐘。最後我忍不住又走去問，究竟我還要等多久，若你先要處理排隊的客人，排隊的客人不段增加，我永遠都拿不到McCafe的食物。結果他立即處理我的問題。

本身見到呢排好興O既新餐肉都好想買來試吓，咁岩見到麥當勞新出咗一系列新餐肉早餐，於是就買來試吓睇吓咩味道啦！因為想食熱香餅, 所以買咗新餐肉珍寶早餐, 好豐富呀! 除左有新餐肉, 仲有旦, 2 塊熱香餅, 薯餅同2 塊麵包。新餐肉 - 食喺上嚟好有口感, 不過始於係純植物O既關係, 都有一陣豆味。新餐肉主張不需落油煎, 所以食落唔油, 但係偏鹹。總括嚟講, 只有口感同質感似真餐肉, 味道係一D 都唔似O既! 試過一次就算了! 冇下次! 

好多時經過Mc cafe，門口banner介紹佢地新的奶蓋飲品，一直都好想試，今日自己一個人午餐，終於可以試飲今日午餐時段，這間麥當奴，少咗學生幫襯，所以都幾多位可選叫咗個小龍蝦包+芝士芒芒奶蓋，因叫咗一杯飲品，所以個包可以以特價選購烘小龍蝦包，裏面除小龍蝦外，還有芝士，碎蛋，用多士爐烘過，個包暖暖地，又脆脆地，好好食芝士芒芒奶蓋，都有拉花，上面係芝士，少少咸芝士味，下面就好重芒果味，一咸一甜，層次分明，又好夾，好好飲

是日經過大窩口富麗廣場外的麥當勞， 正是下午茶時段， 這個下午茶餐只在平日供應， 星期六日及公眾假期是不會出現的。 餐廳內人不多，點了 豬柳蛋漢堡和朱古力新地一杯。 原本是喜歡士多啤梨新地多一點的， 但最近口味改變， 朱古力新地內的朱古力醬甜而不膩，在炎炎夏日食 雪糕令身體降溫更清涼， 豬柳蛋漢堡有蛋有肉，還有芝士， 非常飽肚，不錯， 是簡簡單單的一個下午茶。

m記出左新野緊係要去試下，買左個外賣回家3個人一齊分享。新套餐係18 件麥樂雞及4款新醬料：香草檸檬醬 - 酸中帶fresh味 好味南乳燒雞味醬 - 咸咸地味道麻麻蜜糖芥末醬 - 蜜糖甜味 值得試鹹蛋黃醬 - 邪惡野味 必食總結：未食過值得一試。

之前睇到廣告話日本m記已經有嘅肉醬薯條香港都有，見呢排食開嘅餐廳都食到悶悶地，一於就試吓新嘢喇。今次主力講肉醬薯餅同埋黑糖珍珠奶茶，肉醬薯條係有失望嘅，之前日本食嘅經驗係肉醬上枱係熱辣辣同埋芝士味好濃郁，香港版係兩樣都無lol至於黑糖珍奶，普普通通喇，茶味唔係好出，珍珠就太冧，mccafe嘅茶系列會好好多。

作為一個專業既foodie當晚抱住一個為萬民試伏既心❤️去到麥當當勇敢地仲要叫杯大既試真佢💪😤/飲第一啖面頭既芝芝 又唔係咁差wo😮當然唔夠喜茶既厚滑同重芝士味但都ok wo 起碼絕對唔會覺得瀨野😂再飲啖芒芒 真係唔錯wo🙆除左幾濃芒果味同幾多果肉之外仲飲到茶底既茶香 又唔會澀 幾驚喜🤩唯一可惜係芝芝比較少未飲到1/3就已經冇晒芝芝🤷同埋都幾貴下 大杯要💲38/麥當當

今日試新出的Rose Latte, 包和咖啡分開櫃檯取已經好麻煩😒連新出品的咖啡都忘記加入玫瑰花瓣。。。仲算係玫瑰花Latte嗎？飲咗一啖先發現漏咗d花, 令人失望。拍張相留念, 下次要提醒自己去提醒職員😂

20/1/2019晚上到此店（大窩口店）購買六隻香烤雞翼及六件麥樂雞，見派餐櫃檯後束馬尾戴眼鏡的員工姐姐對問餐的嬸嬸太聲呼喝，不耐煩於對方詢問其餐點是否已備妥。當本人領餐時，要求該姐姐：唔該畀兩包茄汁，該姐姐好不耐煩地回答：咪畀左囉，本人深感奇怪，在其他分店購買香烤雞翼及麥樂雞只會附上酸辣汁及甜酸醬，便在紙袋中找尋茄汁，只找到兩包酸辣汁，再回應該姐姐：呢兩包唔係茄汁喎，該姐姐怒瞪著本人再放兩包茄汁於櫃枱。終究購得餐點，亦取得茄汁，便爽快離去，唯打開紙袋一看，六隻香烤雞翼竟全是雞搥，更是烤得非常過火，應該不會再到該分店了。

麥當勞 再次推出 紫薯 雪糕， 已經出咗一段時間，仍然很爱吃 ， 紫薯雪糕筒 每杯都是 $5蚊 ，還有、兩款雪糕 不同款式， 可供選擇。 現在天氣開始炎熱， 嘆番杯雪糕認真透心涼。又底食。 三兩知己坐低慢慢嘆

此分店歷史悠久，至少有三十多年，所以都幫趁過無數次，好清楚佢地外賣經常執錯執漏野食，所以每次買都會望一望齊唔齊，最近一次貪快冇望，點知佢又夠膽死買4份早餐，4份都冇俾薯餅，熱奶茶又變左熱朱古力，返到屋企打開先知，真係火都黎，專登走番落去攞，執餐個仔木口木面，丁點歉意都冇，d人個個發緊夢咁，個女經理仲要喺度慢慢check 番單，慌死我呃佢幾個薯餅咁，d服務不知所謂! 奉勸各位去呢間麥記買外賣，記得要即場check下啱唔啱!