麥當勞 (荃灣中心二期)

营业中

休息中

見到近日瘋傳日本熱香餅豬柳蛋包今日一訓醒見到新聞話要排一個鐘先食到所以我中午12點預先用app訂定先實質等咗15-20分鐘已經有了覺得同日本味道差少少開頭食頭幾啖幾好食 食到一半左右覺得甜得滯

早排口痕想食啲香口嘅嘢食，諗住近近地幫襯下快餐店，買返一桶麥炸雞過癮一下。拎住捅嘢行咗唔夠5分鐘，就已經即刻打開同朋友開餐，點知一拎上手，本身諗住熱辣辣香噴噴，出到嚟竟然係凍冰冰好似放咗好耐咁，真心冇下次

一朝早緊係要嘆過美味早餐，麥當勞係我嘅不二之選。話說次次都係食魚柳包餐、豬柳蛋漢堡，好多年都冇食過熱香餅（因為覺得要用刀叉食好麻煩，食麥當勞就係懶得用餐具ＭＡ），今日就心血來潮食返佢！！食熱香餅一定要多牛油，一個牛油配一塊餅就最PREFECT LA~ 咸咸地嘅味道加上楓糖醬，好好食，即刻諗返細細個嘅回憶。不過我就怕肥，所以配左杯熱檸水，想減低自己罪惡感（因為我食咗好多牛油落肚），如果唔係平時一定會叫鮮橙汁加大嚟飲！

永遠比預計時間起碼遲半個鐘或以上（已經不下三四次經驗），最誇張嗰次係遲個幾鐘。啲薯條嚟到根本凍曬淋曬食唔到！唔夠人手做就不如唔好接外賣，你收人外賣 貴好多㗎！！！！

今日好早就起左身因為要趕住去機場✈️，haha永遠去麥當當🍟都係食新口味雪糕🍦或都豬柳蛋包😂😂今次終於趕得切係1100前去食😋原來新年早餐有新口味漢堡包🍔，但我都係食番熱香餅套餐🥞😍呢間外賣唔洗等好耐就有啦👍🏼不過温度自己微暖😔入面有三塊熱香餅😝一塊漢堡扒一塊薯餅 野飲就飲熱朱古力🍫跟餐有🐮油同焦糖🍬一打開盒 好香蛋香味，熱香餅軟身，厚薄適中。加埋牛油同焦糖既點綴，正！食到唔停口呀😝但冇刀叉，我係巴士上食到好狼狽😭心情大減 但野食同價錢係唔錯嘅 淨係想提大家記住check清楚齊唔齊野先好走呀😜最後用飲筒幫手食😂

是咁的，放左工好肚餓，無咩做又去左食麥當勞，可能個個食團年飯，麥當勞唔好多人，見有食物卡賣又買左一張，十二蚊，用兩次都抵番。買左杯咖啡再加兩個紅豆批，另加一個豬柳蛋，飽肚之選呀。新年小熊包裝，紅豆批出左咁多次都未試過，又試下先，極後悔，真係好後悔，好後悔點解要試新野唔食番蘋果批，紅豆批甜到一個點，又無紅豆味，雖然睇住佢地話賣哂即炸嘅，熱辣辣都唔好食。個豬蛋包勁硬勁乾，咩事？前日食仲好好食㗎喎，頂，勁失望嘅一餐，得杯啡好飲，勁濃啡味，唔落糖啦，紅豆已甜爆。廿幾蚊仲想點？全餐廳都係坐，睇報紙，打機，甚至食外帶食物，離哂普，老麥都生意難做。

賣相幾好，好有夏日感覺，張包裝紙仲係有菠蘿圖案，個包都幾厚，牛油果很多，因為牛油果雪過嘅關係，個包唔算太熱，咬落去牛油果係凍凍地，而且會流出黎，味道不錯，值得嘗試。

平時食麥當勞早餐都係食早晨全餐，但今日好想食熱香餅，所以就叫咗個熱香餅配漢堡扒，有3塊大大塊嘅熱香餅，熱香餅加埋牛油同糖漿非常好食，塊漢堡扒就乾咗小小，加埋薯餅同埋一杯熱朱古力奶，好滿足了。

食lunch又好，做野做到肚餓都好，食麥當勞一定食至尊漢堡包！今日做野做到攰攰地又餓餓地，就去左最近既麥當勞買野食，但怕太熱氣所以冇叫餐，就咁買左個至尊漢堡包。大大舊至尊漢堡包咬落去非常有滿足感，裏面有好厚既牛肉漢堡，芝士，爽脆既生菜，蕃茄，洋蔥。對比起巨無霸，至尊漢堡包入面有更多既蔬菜，食落去好fresh，唔會怕好熱氣，面且仲有好多沙律醬，多到流出哩，酸酸甜甜十分開胃。個人覺得價格好恰當，值得一試。

今(28-8-2011 Sun)朝好早被鄰居嘈醒後,決定起身執啲o野去男友o度整,不如順便買埋早餐畀佢啦,上o左車就call佢想食咩o野?佢答o左後就依佢吩咐買.佢要$19.50o既煙肉蛋漢堡套餐,我要$19.40o既豬柳漢堡套餐,大家都要可樂.買完上去食lu,先食我o既豬柳漢堡,鹹淡適中,冇乜問題,之後又試吓佢o既煙肉蛋漢堡,食落,煙肉味道唔太鹹,不過我覺得似火腿多啲.而薯餅呢,冇乜問題,冇炸燶,不過食完後,到1:30pm開始肚餓喇,睇o黎份量真係只係for早餐,一定要食lunch喎.

星期六下午一大班朋友到一位住荃威花園既朋友家中作客,朋友們先到,我差不多3時半左右先到,朋友建議買一些麥當勞先再上,因為我已經在荃景圍路上,決定到荃灣中心麥當勞購買,停車場入閘後有45分鐘可以免費,我停好車到麥當勞前後不用5分鐘就到order了2個6件裝麥樂雞,2個魚柳包,1個辣雞腿包,1個巨無霸包和1杯檸檬荼,姐姐只係比左一杯檸檬茶比我,之後佢就走左去另外一邊同另外一個女仔傾計,我等左一陣就問隔離一個女仔"唔該!我想問我d野齊未啊? 因為我泊...." 佢未等我講完已經好無禮貌咁問我"你差d咩啊", 我話我order左7樣野,而家只有一樣野係手,"咁邊個幫你落單架?" 我指一指仲傾緊計個位女仔佢大聲問個個女仔"人地問你D野齊未啊?"個個女仔又好大聲咁指一指係炸著條前個個收銀, "外賣咪係晒個度囉"簡直利害,外賣唔係你親手交比個客既,OK 我就過去個邊個度等啦, 見有個經理既男子係度包緊外賣,個時係所有收銀都已經冇晒客,我見佢包緊就同經理講可唔可以比個大膠袋入晒佢,因為出面落緊雨啊,佢望一望我話"D野應該係個位先生個喎~"佢指一指門口前一張檯,我即刻話"係個2位小姐話我D野係你度個喎"

附近下午茶唔啱食,嚟買一個黑椒雞腿漢寶套餐及一個黑椒牛肉漢寶套餐,唔飲汽水,加錢飲熱飲.扭扭薯條好得意,好好食,外脆內軟,好入味.黑椒牛肉漢寶塊扒係漢寶扒,唔係牛扒,睇電視廣告好似塊牛扒.黑椒雞腿漢寶勁辣,啲黑辣好辣,不過點解會辣過個黑椒牛肉漢寶呢?利是封已送完!

見報紙有$5coupon,即管用咗去.買個豬柳蛋漢寶包餐返上樓食.薯條啱啱炸起,正!不過硬係覺得啲包比起以前size真係細個咗好多喎,唔通係我個人大咗?定係我既錯覺?

本來我好喜歡牛肉飯, 但係荃中呢間mcdonald所謂牛肉飯就好鬼難食, 由於我係買返屋企食, 真係好鬼嬲........

態度實在太差啦﹗人地送外賣幾錢都得啦﹗又話要$70先送外賣喎，不如唔好做啦﹗