麥當勞 (家維村)

营业中

休息中

食完晚飯想食甜品，咁啱經過啲間麥當勞就突然雪糕癮起😆原來依家做緊推廣，有曲奇紫薯味新地，原價＄13.5 依家只需$7！半價真係好抵食！紫薯味都幾出，而旦夠晒滑，不過就略嫌有啲太甜。不過以啲個價錢真係冇得輸👍🏻👍🏻

自從出左麥炸雞之後，就冇再幫襯過肯德雞。麥炸雞最好食嘅地方係佢永遠都咁juicy，皮脆肉滑，相反肯德雞好多時都要撞手神，多數都係會炸得太乾唔好食。翻兜指數：❇️❇️❇️❇️❇️

今日lunch 叫左沙律餐，菜份量極少，少得過份。其他分店都唔會咁少份量，之前試過幾次都係咁，好意思收人$51.5（加左鷄轉粟米），諗住比多次機會佢，以後唔會再叫。

去完朋友屋企幫手搬屋,時間真係太夜啦,又肚餓,不過附近ge餐廳都拉曬閘,所以去左麥當勞麥當勞ge餐越黎越越貴，但深宵時份都無其他餐廳開,所以都好多人買有點餐機好方便,不過用完點餐機點餐大概等左十幾分鐘先有得攞餐，可能夜班所以只係安排左好少職員呀買左個脆辣雞腿包餐,都係諗住填飽個肚算,但塊生菜係就比較唔新鮮,有少少軟身咁樣不過一分錢一分貨,下次如果再咁無時間食野ge唯有早少少可能嗌其他鐘意食ge外賣啦包ge味道大致同以前食過ge差唔多,但因為材料唔新鮮ge關係,生菜口感軟到無左生菜ge爽脆感,影響左整體ge感覺

30/9 西尾抹茶🍵新地回歸，即出即食😍😍😍我大膽地選了個新地試，估唔到有驚喜！三層雪糕杯🙌🏻🙌🏻🙌🏻今次重有脆皮😆😆————👏🏻👏🏻個店員都整得幾靚‼️🤩$10 咋💞👉🏻西尾抹茶🍵脆皮🤤個皮真係脆‼️一咬就卜一聲！粒粒花生增加咬口👍🏻味道不會太假👍🏻👉🏻個皮唔算太甜，抹茶味都幾出，配埋個雪糕食，抹味就更出！❤️👉🏻三層layer ，個底重有平時新地既朱古力漿！整體是好食的😋👉🏻值得一試，$10 係會Encore 系列💞💞💞

都唔知幾耐冇食過麥當勞個早餐啦 出黎做野之後想約人都難🤷🏻‍♂️ 咁岩天時地利人和咁約到人食早餐 就揀左最方便既麥當勞😂🤣我揀左雞扒扭扭粉 麥樂會仲送多左杯雪梨茶☺️個扭扭粉比我印象中食過既多左好多蔬菜粟米豆好似好健康咁😂 唯一一個缺點係我印象既扭扭粉係可以加芝士既！ 想當年加完芝士好食好多 今次冇得加就有啲失望啦😪 塊薯餅就一貫咁好食🥳塊雞扒都幾大塊 大塊到滿哂成個碗都係☺️以麥當勞黎講已經合格有餘！

最近從朋友口中得知, 朱古力脆筒終於回來了。聽完之後, 當然第一時間找間麥當勞去買它啦。看到店員把雪糕浸在朱古力醬內, 我不禁吞了一淡口水, 實在太吸引了。這個朱古力脆筒終於落到我手了, 可見朱古力醬已被雪糕的低溫變硬了。吃了一口後, 覺得以前的回憶都回來了。通常拿到上手就會盡快把它吃完, 否則它會很快溶掉的。雖然吃過一個後, 很想再吃多個, 但是我要控制自己, 要跟自己說不是它推出時就要它一次過吃很多遍。而是隔一陣子再吃, 這樣才會珍惜, 更能回味。所謂少吃多滋味, 多吃壞肚皮嘛!

Happy Friday 😍🍫🍦抵食X 童年回憶返哂黎👏🏻McDonald 出返朱古力脆皮筒‼️沒有不吃的理由🉐👉🏻重可選朱古力、紐紋或純雲尼拿雪糕🍦🙌🏻三個配搭👋🏻👉🏻今次先簡🍫，整個雙重嘆下先😍👉🏻正，見到店員喞完快速拎起浸🍫，一拎上手一咬落去就”卜”一聲，已成脆的👏🏻🉐👉🏻呢個雪糕已經不是追求味道了，更高的是回憶！細細個好愛吃，朋友話以前做McDonald part time 成日整🤣🤣👉🏻同埋水準無乜大落差，重變左入面都係🍫，朱古力都幾濃😘唔錯‼️👉🏻不過可能會有人覺得甜左小小，但重點$6！！$6！$6 ‼️脆皮的🍦已好少見🤣今次回歸價唔貴啦！好快賣哂！得返朱古力都好香濃！正！———-$6 /$5麥當勞甜品站

黑椒漢堡重出江湖，梗係要即試啦 ﹗今年仲有升級版雙層漢堡添 ﹗珍寶黑椒漢堡走洋蔥，今次搵黎搵去都唔見有食物標籤既？以前會有卡路里、脂肪、糖份、鹽份、等等架喎，仲想同其他包比較吓添。珍寶黑椒漢堡走洋蔥，可以話係唯一我想食想食想食既麥當勞包 ﹗依家即叫即做既質量比以前好左啲啲啦 ﹗喜歡黑椒漢堡既黑椒汁夠多夠香又夠辣，多倒瀉最正 ﹗但係單買包都要廿幾蚊，好貴啊 ﹗珍寶有兩塊漢堡，加埋個包真係勁厚，好采我個口夠大啫 ﹗剛剛好。今次塊漢堡好 juicy 又重牛味，麵包鬆軟，好味道，有驚喜 ﹗推介 ﹗

今晚同黃兔食麥記,想試試新款包我地叫了法式凱旋堡,外型大份,份量十足,有香濃芝士味,兩大片蕃茄,牛肉好厚身,個包好軟熟, 不過除了個包及份量多點之外,跟足三兩沒有兩樣,但好彩味道不錯!另加多一樣雞翼,賣相好差,黑黑瘦削的,好像非洲雞般,味道當然也差得遠 服務態度差,有待改善!

因為有張$10coupon就到期..lunch hour黎用左佢~之前promo得好強既至尊漢堡仲未試過~就決定要呢個餐, 加$0.5轉餐飲做熱咖啡..至尊漢堡用左紙盒裝住~真係好唔環保..其實m記所有特別款或者係價錢較貴既包都係咁既包裝~..點解呢..?基本上有紙包住個包已足夠~多次想將呢個乾淨盒比番佢~都係講味道啦~漢堡扒食得出有牛肉味~又唔韌...gd~而且有兩片蕃茄又有生菜..感覺上營養較均衡~而且用料都新鮮~但係芝士完全唔溶..仲要凍凍地添~而且落得太多醬...所以我用薯條抺走大部分醬~避免包都整濕....但整體黎講係唔錯~薯條雖然唔多熱~但幸好都夠脆…下次如果去m記, 好肚餓的話都會再叫呢個飽...因為飽肚d~

Coupon效應~今日既m記特別多人呢~由排隊到拎完野食離開起碼用左15-20分鐘,下次返工前如果唔係時間充裕都係唔好咁博..免得因少失大~要左由細到大既m記早餐至愛~熱香餅+豬柳+橙汁, 哈哈~以前成日諗點解豬柳冇得轉薯餅~拎到番公司仍然熱, 但一睇竟然有一包牛油溶左漏左出黎, 點解會咁架?儘量快手地將牛油全搽o係熱香餅後3塊疊起一齊切, 每塊開八件.再倒埋糖漿.食既時候先發現原來已經凍左.咁快凍既~不過熱香餅仍然軟熟有蛋香.習慣將熱香餅摺埋黎食~更有口感…好味呀~其實呢個餐都係堂食好食d~一來冇咁快凍~二來o係公司食都幾唔方便.真係需要d技巧~先唔會咁雞手鴨腳….食左3塊熱香餅已飽~豬柳冇食到..不評~

呢間mcdonald係最近我屋企o既,已經食左好幾年,當中一肚氣已經經歷唔少次,但耐何佢最近,唯有一次一次咁忍佢,一次一次咁比機會佢........直至今日,去家維村街市買餸,順便買d老麥食,於是散叫我至愛o既扭扭薯條(hkd10.8)及麥樂雞外賣.......嘩!成11蚊o既薯條少得可憐,完完全全唔會"突"出杯外,而且又乾又細條(應該係一個個圈咁家o嘛),令我忍唔住要爆喇以往record)1. d野食梗有一樣半樣係又乾又唔熱,唔係個包就係薯條,再唔係就麥樂雞...等等2. 千其唔好peak hour去,d waiter/ress手腳超慢,閒明地等您幾個字.3. 薯條份量超細,我食呢幾年已經有10次以上o既經驗同佢o地講薯條咁少o架!? (雖然最終都會比多d您)

突然好想食雪糕, 經過0左黃埔的<麥當奴>, 見到香芒熱情果新地喎, 想試試, 不過點解係$7.1??? 因為好似印象中我見過$6.8, 當諗緊途中, 我就放棄0左食0既念頭lu. 但係去到家維村等巴士0既時候, 見到個度0既<麥當奴>真係賣$6.8, 而且又未有車, 所以就入去買0黎試下, 點知................!!!香芒熱情果新地 ($6.8) ~ 點知.... 大家都可能估到, 我只係想買杯雪糕食, 排我前面只有兩個人, 點知差不多等0左成15分鐘, 真係無奈!!! 終於到我啦, 我叫完食咩之後, 就用八達通俾錢, 點知攞完雪糕走0既時候, 佢又再叫我俾錢, 我即刻解釋, 又再無奈!!! 不過仲未完, 就係我諗住幫杯雪糕影相0既時候, 點知個杯外係有一d 果醬, 就係咁係無留意0既情況下, 我部電話就中蕉啦, 唉..... 失望!!! 講返杯雪糕, 味道都唔錯, 不過果醬同雪糕0既比例唔夠適中, 因為食到最後比較酸!!!整體評價：不會再去呢間!!!

太趕時間於是叫了個外賣魚柳包點知後來才發覺嗰包極少沙律醬,兼且得三分一塊芝士,真係好想投訴,加左價都可以有咁ge出品,有時間真係要出封信去總公司投訴下先得.好離譜.