影片
以上资料只供参考，请与餐厅确认详情
招牌菜
自从喺东京食过McGriddle之后, 满心欢喜，佢嚟咗香港梗系要试一下！ 上次食过一次红猫外送，啲Pancake都系湿得滞！ 我以为系焗住所以咁湿啦😮💨🥲🥲今次去返同一间分店买，直程堂食， 以为会好啲无咁湿，点知…仲湿过上次添🤮🤮🤮☝🏻嗱…介绍返…𠮶个pancake啲糖酱湿到𠮶pancake团粉糊晒😮💨糖酱一笃笃、甜到不得了，🙄完全唔知食紧乜！点咗磨咖啡加咗$2加奶，出嚟𠮶个奶嘅份量同其他门市都唔一样，杯咖啡好难饮，无奶味都无啡味，咩事先？最出奇，自问都成日食老麦，个薯饼有黑点？ 系油锅嘅千年油渣？ 镬捞？ 定系个薯饼生嘢？😅😅😅真心唔明我只有讲声请加油，我都唔知仲有咩好讲？
继续阅读
今年嘅18件麦乐鸡有4款特色麦乐鸡酱，包括系烟熏芝士酱、蜜糖芥末酱、星洲咖喱酱和蒜辣蛋黄酱，咖哩酱同蛋黄酱好有特色最钟意嘅系星州咖喱酱，味道好突出。芝士沟蛋黄酱都好好食。
继续阅读
十蚊食到一个热辣辣嘅火腿扒仔蛋堡真系好正！又便又好味。另外再加五个半，买一个芒果加原味扭纹新地筒，唔会太甜，味道啱啱好。15个半食到一个咁正嘅下午茶，好满足。希望麦当劳以后推出多啲咁正嘅优惠。
继续阅读
今日又嚟到三点三嘅时间呀，我梗系又会趁住呢个空档落去食个下午茶啦。做嘢咁辛苦梗系要食得开心啲对自己好啲。今日呢个下午茶好邪恶呀，我见到麦当劳新推出咗麦炸鸡。其实呢心思思咗好耐想去食 。今日终于的起心肝落去买嚟试一试先。三点几嘅时间下午茶都唔算多人排队，我好快咁就买咗麦炸鸡套餐嚟食啦，包埋薯条同饮品价钱都四十几蚊。 价钱都算可以接受嘅，佢啲炸鸡真系超级大旧，拍得住kfc。而且呢食落好有脆香鸡翼𠮶种香味，我觉得好有麦当劳自己嘅特色风味。而且啲鸡肉都好滑同埋个皮好脆只鸡。 真系肥一次都要食。
继续阅读
麦当劳但都系小朋友最爱。之前每次都会食麦乐鸡。虽然麦乐鸡嘅鸡肉我冇乜要求㗎啦。但系最近食几次麦乐鸡都觉得怪怪地，鸡肉好似好淋好霉咁样。真系食到惊惊地....但反而鸡翼同鸡锤好食左好多㖞！
继续阅读