影片
招牌菜
近日见到麦记出左新餐广告，Q版史力加加cat in the boots好搞笑，作为饱肚方便餐去试试无妨。 惹味辣牛堡四块薄牛肉加生菜洋葱辣酱函料很丰富，辣酱好惹味但有啲过辣餐跟洋葱薯饼一盒有5小块，本身唔太钟意洋葱，但呢个薯饼反而有惊喜。薯饼做成一口大小， 本身好够味， 唔点茄汁食更香。炸得金黄嘅外层十分脆口，切得细碎嘅洋葱粒混和牛油和薯仔去掉洋葱本身嘅刺鼻辛辣，而且多左香甜，欣赏！加3蚊试埋青苹果梳打茶食左啲又辣又脆嘅野绝对要配冻冰冰汽水先算完美！ 今次加左3蚊试埋史力加青苹果梳打，苹果味有啲似罗x臣青苹果啫喱只味，饮落都有啲茶香，唔算太甜，ok 嘅。同场加映香烤鸡翼一向钟意食鸡翼嘅我，差不多每次去麦记都系食脆香鸡翼嘅。见有新鸡，梗要试下啦，同样系一盒四只，但睇落明显比脆香鸡翼细。鸡翼配嘅仍然系脆香鸡翼嘅香辣酱，呢点反倒有啲失望，一来以为新款鸡翼会配新口味酱汁，二来唔系好夹味。烤鸡翼算香，肉质还算嫩滑，只系外皮有啲干身，大概是烤的关系吧。总括来说，此新餐值得一试，对女仔来讲可能有啲大份，最好两个人share了。
继续阅读
麦记出椰子批，仲要抢先买一送一，即时和朋友买两个开心share！外皮虽然黑漆漆，但味道似足oreo，非常满意，内馅大量半透明白色椰子酱，但食完整个先食到半粒椰肉，即时大扣分，下次都是食苹果批算啦。
继续阅读
我好少钟意食麦当劳，但每次佢有新野，我都会不期然去试一下。上次虾堡其实我系十分喜欢的。不过，上次时间，人物，地点，全错，我放弃了写一篇食评的机会。在手机找找，原来我发现有影到个盒，呢个饱，菠萝爽口清甜，虾肉新鲜美味，呢个饱，好值得食，但系promote期已过，下次出，再食过写过。到今天，黑白汉堡的reboot，我再次提起劲写一写佢。每次麦当劳再出新饱，总会贵贵的俾钱去朝圣，不是人气博客，俾钱朝圣应是常识吧。这天番工怨气冲天，于是吃点东西平衡一下，不能去远的地方食饭，就选麦当劳罢，还可以试试呢个黑白汉堡的风采。记得与弟弟在日本的burger king 曾经出过一个黑色汉堡，佢连块芝士都系黑色，型到不得了。我记得最正系包皮，唔好误会，唔好心邪，唔系人体奥妙展，唔系讲人身体既一部分。那次的汉堡包的包质干爽有嚼口，而且有丝丝的咸味，应该系将面包后期再加左一点的magic，配合黑芝士，一块黑漆漆的牛肉，我不禁在涉谷街头与弟弟合唱黑色诱惑，"潮流今期偏爱黑”，口中咬著汉堡，高歌一曲。时间来到九个月后的香港，我见到呢个黑漆漆，还在芝麻在上面点缀的汉堡，我觉得好吸引，我又想起张智霖的黑色诱惑。好，就选你做我的午餐罢。工作关系，买番去食，可以任影唔嬲，如果唔系，我系麦当劳系咁影人地会以为我系那些宅男餐餐影，虽然我本身都有啲宅，但系麦当劳影饱呢个动作的确会惹来途人目光，仲要系番工地方附近，都系放弃，外卖黑堡呀，唔该。呢个餐个packing 真系好靓，慢慢拍，慢慢吃，慢慢J，唔好意思，J呢个字太高登，陈慧琳先应该J，我应该话外卖返去，慢慢欣赏。我开头以为，其实呢个餐系同chocolate cross over ，那个黑底白点白底黑点个style 好似佢啲衫，其实大概麦当劳可以谂下出副产品，绝对赚钱过卖饱。唔好讲咁远，食下期待已久既黑色诱惑先。第一啖，唔对路。上次话说食Burger King 个饱好好食，个饱皮干身而美味，唔知点解，呢个饱好湿好湿。两块大大的牛肉好juicy好美味，配合那块煎得香脆的烟肉，系唔错既，不过过咸亦都系其中一个致命伤，奇怪既系面包既底部有类似薯蓉既野系个底，不过错有错著同生菜一样分担了其咸味，令整个饱的味道冇咁重。不过，个饱系几大份，而且非常足料，好饱。除了汉堡饱，识食当然要吃Shake Shake 薯条啦，陈慧琳话"Shake Shake Shake your body now 一易即见效"，对唔住，广告对我影响太深远，就算我好少睇电视，总之，一shake薯条我就会想起佢，今次我仲为左食shake Shake 加大左个餐去攞佢包Shake Shake 粉。I am loving it。风味椒盐蟹调味粉，呢个真系好咸，好咸，同好咸。幸好本身我呢包薯条咁啱盐唔多，或者整薯条个哥哥挂著炒股票既关系，或者睇大时代睇晏左眼瞓得很唔记得左落盐，如果唔系，我谂佢既盐比例系黄金比例，应该系一比九十九，一条薯条有百分之九十九都系充满盐分，如果你当天吃一包，应该系你身体承受既钠一个月既分量。因此，我吃完几条后，宣告投降。黑白椰子pie，相信才是呢餐既主角，见到个包装，你会觉得好吸引。我有一半都系好想试呢个甜品，全因我喜欢椰子的原因。咦……咬了一口后，佢个样，好离奇，好似曾相识。我影低左佢。男士们，我相信，你懂的。然后，有一天，我在高登看到有人做我同样既动作。南瓜话周记的西多士系中出西多士，中间出奶黄，惹人暇想，我都觉得有几分神似。不过，呢个由中间流出既椰子，除左好吃，也更加可以系一个大Gimmick。呢排有一班系Instagram 既食家，影食物影得好靓好靓，我诚意推荐，买回家慢慢影，影到天昏地暗影张靓相，一定可以呃几万个like，不过全部都是男人罢。然后你们的fans会多了一大班热爱电影既follower 。哎呀，我又讲太远了，讲番个PIE，唔好意思，太多口水。除了个PIE好食，都要再赞个盒同枇个样，黑漆漆的外表的确吸引人，对比平时苹果批，样子有几分冷酷，外味亦浓郁。吃了一口，浓浓的椰子味在口中爆发，外脆内软又保持了一个强烈的温度，暖暖的枇中流出的椰子内涵丰富，不太甜也不太漏。今餐，最满意，还是个Pie，不是因为其外貌，而是因为真系几好食。坦白说，麦当劳好少有新惊喜，佢最叻就系将蛋，牛肉，猪肉，烟肉，生菜，拆开重组拆开重组拆开重组拆开重组重组拆开重组拆开重组拆开，好似那些股票于港交所玩既一拆八，八拆十六既财技一样，将呢几样野好似大档玩你估粒骰系边个杯既技巧般，做到早餐全餐烟肉蛋汉堡猪柳蛋汉堡猪柳汉堡汉堡饱巨无霸等。因此，我觉得佢既惊喜度系好高。至少，我望到椰子流出黎既样子，我相信，那个惊喜和Gimmick，如果你由细吃到大，你会懂的。这个笑面，是属于椰子pie的。
继续阅读
这次有机会首尝 McDonald‘s 新推出的「麦麦开饭」系列。「麦趣饭」有「烧汁牛」($19) 及「板烧鸡」($19) 两款选择，另加 $10 则可跟餐配汽水。饭粒内加入了粟米粒，配汋西兰花，感觉是健康得多，一盒也是够饱的。味道方面，我个人较爱「板烧鸡」，甜甜烧汁配鸡扒，不错吃。「烧汁牛」的口感略嫌不够滑，也偏韧。你识拣啦！另一款新推的「麦饭卷」$19，有「牛肉麦饭卷」及「脆鸡麦饭卷」两款选择 (其实我个人仍然很怀念当年麦当奴的韩风牛肉夹饼啊！)烤饼内包著有香菇饭、蕃茄、生菜、青瓜、牛肉或炸鸡，吃完一条是非常饱，甚抵吃。另外喜欢加料的朋友，也可加$8加西兰花或忌廉蘑菇粟米汤。大家若晚上不想吃茶餐厅饭盒，不妨可来试吃个「麦麦开饭」来个平靓正的晚饭。
继续阅读
饭气到肚非常重要，没有吃米饭的晚上，肚皮总有说不出的空虚感！一众无饭不欢的朋友，下次来McDonald's（麦当劳）又多一个新选择喇，KsMeow最近有幸一尝新品麦趣饭、麦饭卷及冻新鲜柠檬茶！新品晚晚6时后供应，麦趣饭有烧汁牛及板烧鸡两款选择（单售$24/套餐跟汽水$29）里面除了肉类外，最赞的是米饭中混入玉米、还有大量的西兰花，照顾经常外出用餐而欠缺菜蔬的朋友，有肉有菜才是均衡饮食呢！．．．另一新品麦饭卷（单售$19/套餐跟薯条及汽水$29）包装盒有点像苹果批那个，清晰易用，不怕弄脏双手！麦饭卷以烤饼包裹香菇饭饼配牛肉或脆鸡，里面有生菜、蕃茄等，同是有菜有肉，生活有营！．．．若不够喉？也可用麦麦开饭套餐优惠价$8，追加价值$13的忌廉蘑菇栗米汤或西兰花，让晚餐更添满足！最后，KsMeow一尝24小时都供应的冻新鲜柠檬茶（$15.4）茶味颇浓，甜度可按个人喜好调较心水口味！不错！有兴趣开饭的朋友，不妨六点后到附近的麦当劳试试！小分享完毕，有兴趣可按KsMeow或Openrice内其他分享！谢谢！
继续阅读