麥當勞 (浙江街)

营业中

休息中

今次又試新野，試佢出左一排既鹽酥雞包。雞扒都係入味，麥記佢一向既雞都入味。但炸粉幾厚下，個金不換沙律醬偏甜，味道有點怪，個包都係較乾，可能醬多d會好食d(首先要換左隻醬先)，但surprisingly d生菜好新鮮又多汁水！佢有隻三杯雞味shake shake粉，不過我始終都係想食紫菜味！叫左蜜糖味麥炸雞，因為好似成日食原味，雞件幾入味，又嫩滑，不過無乜汁水唔似原味嗰隻。不過雞上脾入面有好多肥膏，成日要lur膏影響我大大啖食😂

食個包吐了好多，好難受。中午點了招財脆薯牛包。吃了扭扭薯條後再吃漢堡，漢堡食到一半感到不舒服，有種嘔吐感，很惡心的感覺🤢。於是扔掉了。隨之而來的嘔吐感讓我立馬吐了四五次。在其他地方吃麥當勞都不會感覺不舒服，感覺爽歪歪😻。唯独這间餐廳，怀疑卫生有问题，以前我屢吃屢拉，吃一次拉一次，一段時間後才重新開始吃，結果今天給我來個那麼大的驚喜💀。到現在夜晚還是感覺肚子有點難受🤧，喝了杯熱福建茶感覺好多了🤟。

基本上去親麥當勞都帶埋小朋友嗰度啲麥當勞姐姐好好人 每次都會幫我送餐而且有時仲會攞啲迷你小雪糕出嚟俾我小朋友食呢一間麥當勞啲薯條永遠都好新鮮雖然好多人 出餐嘅效率都好快最新出嘅三層芝士安格斯 超級好食，尤其是個芝士條

一早起身好肚餓，諗起好耐冇食過M記早餐，於是即刻用app order！勁方便，唔使5分鐘就拎得～揀咗我最鍾意嘅炒雙蛋火腿包餐😋拎到上樓仲係熱辣辣，薯餅都仲係脆的！食完成個炒雙蛋包好滿足，勁大舊滑蛋同埋有我最愛嘅沙律醬😋野飲方面就揀咗熱嘅港式奶茶，唔落糖都好有茶香味～

有一日OT O到好夜又未食飯，咁唯有又去買麥當勞食啦，嗌咗個好似夜晚先有嘅Double魚柳包，我一打開個包裝盒，見到有一塊魚柳零零舍舍凸咗出嚟🤣其實唔影響口感嘅，都係咁食咋嘛，只係覺得好搞笑🤣

其實平時有得揀都唔會特登食麥當勞嘅，但今次將軍漢堡又回歸了，就忍唔住食一次啦😂一如既往地同廣告相差好遠，個包有好多醬汁，多到飛晒出嚟，一打開個包裝紙，成手都係醬🤣至於味道方面，同以前都係一樣，冇進步過🤣不過好似冇以前食咁好食了。

玩了一整晚通宵，忽然想吃一個m記早餐，跟女朋友一起吃2021年的第一餐。用了手機點餐，不解釋，方便，快捷。點了一個一人餐，分量不多，但甜在心頭。日期：2021.01.01

天氣甘熱又焗。總會有一日冇啦啦會好想好想飲杯汽水食個雪糕🍦。見麥當勞九月尾新推出左西尾抺茶新地系列，見佢話選用產自日本愛知縣西尾市的抹茶粉。聽朋友講話試過好好食！ 朋友係綠茶控，佢話好食，甘就一定信得過。好，一於去試下，今次叫既係Oreo威化卷西尾抹茶新地窩夫。濃濃既抹茶味雪糕配搭朱古力脆皮。我比較中意甘既配搭，朱古力味唔會搶左抹茶味，加埋條Oreo威化卷，超滿足呀！

係屋企做做下野肚子有點餓，在屋企沒有東西填飽肚子的情況下，決定在屋企附近覓食。甫行過麥當勞，就想起它新出的芝士麥香雞包。結果，就行進去購買一個試試。使用了自助售賣機，結果很快就找到目標，並買了一個來吃。找了一個位置坐下，冷氣很足夠，難怪吸引很多公公婆婆買東西吃，順道涼一涼冷氣。說回芝士麥香雞包，其實只是一個麥香雞包加一塊芝士，配上沙律醬。你說它很好，不覺得，只可以說它能充滿肚子。吃後，決家返回家中，繼續執行搬屋大行動。

今日嚟食麥當勞早餐 用app嗌定餸細橙汁 一去到doo完QR code 就可以等餐, 唔使排隊, 連㩒機都唔使等 超方便!!!我哋兩個人嗌咗 珍寶套餐 同埋一個淨係星期一至五先有嘅超值15蚊火腿扒芝士漢堡餐! 雖然坐滿曬人但係都唔使等好耐 珍寶套餐全部即整新鮮熱，辣辣蛋夠滑 薯餅唔油 熱奶茶高水準

咁我平時放學都會帶埋女朋友去呢間麥當勞食。咁呢間麥當勞既位置都好方便la 門口出面都會有好多既車站,而且好近學校,方便附近既街坊或者學生去hea下咁佢D包既質素都幾好架,唔會好似平時麥當勞咁樣,凍晒。所以我都好中意去呢間

麥記粉絲表示，其實我真係幾鍾意食麥記而家已經冇咗shake shake薯條啦，但我而家先記得post番推出緊shake shake薯條嘅時候，麥記對我嘅吸引力更加係大增不過其實我只係鐘情honey bbq味，連大家好鐘意嘅紫菜味我都唔算太好，其他新口味shake shake粉就更加麻麻本來今次係想嚟食honey bbq Shake Shake 薯條，點知！原來售罄了唯有食紫菜味，順便可以一試嗰時新出嘅梳打其實加大之後，Shake Shake 粉唔太夠shake大薯，所以我以後寧願加錢要粉，因為我食開重口味一點的

本身我都like minions，但唔會因為整做minion樣就好想試。。。不過舊同事個個話好味，今晚宵夜就試吓啦。其實係雙層牛肉芝士雞蛋漢堡，黑椒汁味，無黑椒漢堡或招財福堡咁辣，啱啱好。味道唔會太濃，牛肉唔乾，而且個egg都係好滑，唔會硬。個餐唔貴，29蚊，跟埋6件脆薯嘜，好得意，又係minion小小兵造型，好盞鬼，梗係要影相啦! 入面軟冧冧，感覺無咁熱氣今次M記新野無令我失望呀，即使係外賣都依然好味! 又抵!

據聞，M記新包，芝士蘑菇安格斯漢堡居然賣到斷曬貨，今晚便決定一試包裝方面延續M記以往傳統，以簡潔色調為主。而味道方面，首先 漢堡以蘑菇輔以安格斯牛肉，形成一種很獨特的田園風味，蘑菇與生菜配合有一種爽脆的感覺。牛肉方面則比較乾身，沒有達到我預期中的味道。而麵包方面雖則比一般的漢堡厚身，但也無什特色。總體來說也值得一試

叫左個牛堡餐 飲凍檸茶 (hkd37.8)真系幾正可能因為有兩隻芝士嘅關係啦 芝士味真係好香 芝士同磨菇好夾 連d牛一齊食好香 咬下咬下甚至有少少奶味個包亦都用咗比以前唔同嘅包 比較有彈性比較香同埋比較厚好有質感同埋令人覺得好滿足特別係連埋啲牛一齊食其實食一個包已經飽 建議比較細食嘅女仔可以唔叫薯條嗌包 但係午餐或者晚餐已經好夠個人一向係薯條嘅粉絲 但係 配左呢個包之後 個包好似變咗主角啲薯條變咗配角但唯一嘅缺點 就係啲生菜咬耐有啲苦 但係如果連埋個包一齊食都OK嘅 接受到