麥當勞 (柏齡大廈)

营业中

休息中

點解周街都有麥當勞都認為佢寫一篇食評，因為真係每一間嘅質素都唔一樣。今朝黎呢間麥當勞食早餐，薯餅炸得岩岩好。眼見人流唔多，應該係唔係新鮮炸起，所以有咁嘅質素令我更加驚喜！

今次去麥當勞叫外賣自取試咗佢哋嘅蜜糖BBQ蜜炸雞🍗啲雞肉嫩滑得嚟又唔會太油膩每一啖都充滿咗香濃嘅味道配埋套餐再加上美式BBQ蜜糖調味粉味道一如既往咁好食令我食完仲想再叫多一份🍯飲品方面，我揀咗杯熱港式奶茶☕奶茶嘅茶香同奶味完美融合唔會過甜，正好中和咗炸雞嘅濃郁口感呢個組合真係一個唔錯嘅選擇無論係喺忙碌嘅日子入面定係想簡單享受一餐都可以滿足到我嘅味蕾下次有機會再試其他新產品希望可以帶俾我更多驚喜😀你哋有冇試過呢個蜜糖BBQ麥炸雞？或者有冇其他推薦嘅麥當勞美食？🍔

食到有洗潔精味嘅薯餅，同埋通粉入面有呢舊野，啲食物質素完全好唔掂，唔怪得咁多負評，湯底啲湯仲多過啲通粉，火腿唔夠熟，舊蛋有蛋殼，啲湯好鹹，食到有啲洗潔精味，間嘢真係好唔掂，啲態度有好差，如果唔係俾咗錢真係唔會對你間食嘢，等咗差唔多半個鐘，只係問吓佢得未，佢就講晒粗口，又問候人哋，啲態度真心唔掂，坐低食嘢嗰陣，又好似吹你走，問你啲嘢食完未，真心極力唔會推薦下一次再去呢度食早餐，一嚟態度差，二來食物質素惡劣。

事緣是今早突然想吃一個麥記早餐但卻有點趕時間只好外賣！只點了一個包, 點餐後忽然醒起自己有帶餐盒，立即問問店員可否用自己的盒！旁邊的經理即時拿我的餐盒進廚房！一分鐘後，她端了一個沒有包裝，沒有紙袋的早餐給我！謝謝你們從工作中減塑！謝謝你們支持環保！😊

其實都好耐無食麥當勞，琴日趕住返學，因為太匆忙，忙到都無時間買野食🙈咁岩經過呢間麥當勞，喺咁匆忙嘅情況下，都無時間又無心情慢慢揀野食喇，見到魚柳包只係11蚊，就諗都唔諗就衝左入去⋯⋯我覺得員工服務態度都ok嘅，不過出餐速度好慢，搞到好多人點完餐之後塞曬係旁邊。明明見到個經理包好我個魚柳包，但係又唔拎出黎，要等其他單一齊出🤷🏻‍♀️好啦，拎左包返到學校食，咬第一啖巳經覺得咸左啲，跟住愈食愈咸但係我諗極都諗唔明啲咸味嘅源頭⋯⋯魚柳應該唔會額外再調味丫；醬最多都係酸姐，理應唔會咸；唔通係個包？🧐真係唔知，但係我覺得好失望麥當勞都竟然會難食⋯⋯🙈本身諗住麥當勞都無乜好寫，所以門面、餐牌同一張靚啲野食物相都無影不過食到一半真心覺得要分享下唔知會唔會係因為我太耐無食麥當勞，唔適應陣味呢😂

經典的麥當勞，我今天去買外賣，叫了巨無霸單點，同埋芝蛋脆香雞包單點，只是要個包同，收錢埋單唔夠三分鐘買兩個包點會出錯呀， 一路行返屋企，一路諗住他們效率非常之快，應該多啲幫襯佢哋。 點知一返到屋企打開，係一個豬柳蛋漢堡，加一個魚柳包，今次又蝕咗錢又畀錯嘢我， 唔緊要照食，因為非常之肚餓，豬柳蛋在人手砌上去嘅時候可能太用力，啲油噴曬出嚟，成個muffin都係油， 魚柳包亦可能太用力砌上去，所有沙律醬到處都係，烏煙瘴氣，諗諗下都係掉咗佢。 其實我今次唔止第三次買外賣嘅時候畀錯嘢我，大家記得check清楚食物先至好離開鋪頭。

一向喜歡麥當奴的食物, 但遇到遊客就等得好耐，這天早上十時有一強國人大在買食物,我在她身後排隊等了3分鐘，我嘗試叫另一看來很空閒的服務員幫忙，誰料她冷冷地說é排隊û，我答排緊，只是前面顧客吾出聲，她居然說謊話é她買雪糕û,另一服務員又寸咀é人家都是客嘛û°我不會再去此食肆

這間服務一向麻麻，但連食物份量也減料，試過買杯新地得半杯還要中空，今日貪近去買粟米珍寶碗，打開竟然未到半碗，真過份若不是已返家，一定即時退貨，下次不會再幫襯尼間!

今天囝囝鋼琴比賽，雖然他彈得不太完美，但也很精彩。我們奬勵他去他至愛的麥當勞。我選了新出的珍珠奶茶。我老公問我珍珠奶茶如何，我無言以對。因為茶不濃不滑，珍珠不夠「林」，只是隻杯很cute。但不想浪費，我努力飲還是剩下一些。幸好它的classic Big Mac同豬柳蛋漢堡仍是水準之作。這間McDonald’s還是採用舊式運作，要排隊買食物及由cashier取食物。Cashier不小心取錯了orange juice，我細聲提了她一下，她即時換回Fanta給我。

剛剛晚上六點在這裏買了一個朱古力派，一位身穿灰黑色衫的男店員負責執餐，但他精神極不集中，神態彷佛，更一邊聽電話一邊工作，於是執漏了我的單，我出聲跟他說漏了，落單的店員也幫忙叫他先出一個朱古力派，但他完全沒有理會，然後默默聽著電話走進了廚房的深處，最後我只好請落餐的店員幫忙拿一個朱古力派。其實如果他真的有事要打電話，大可以叫同事先幫忙執餐，而不是一邊聽電話一邊工作，然後影響到顧客，這樣是極不負責任！

由於之前食過麥當勞新推出嘅新款包覺得幾好味，所以今晚我們去咗何文田窩打老道嘅「麥當勞」買外賣自取返屋企食！我們買咗幾個套餐：瑞士芝味安格斯牛肉漢堡可能係唔同分店嘅原因，今次嘅炒磨菇味道唔係好香，份量亦比較少，漢堡扒亦比較乾身，無乜肉汁！而美式蘋果安格斯牛肉漢堡就比較好，美式蘋果粒嘅份量相當多，所以味道非常香甜清新，唔會有好膩好滯嘅感覺！板燒鷄腿包嘅肉質好鬆軟嫩滑，味道唔會好鹹！另外再單點咗鷄翼分享盒，有幾款唔同同新推出嘅鷄翼，其中一款嘅香草辣鷄翼炸得好香脆，第一啖咬落香辣嘅辣味已經滲透晒出嚟，雖然係好辣，但味道真係幾惹味，就算係辣都想要食晒去！

好少食麥當勞, 今次黎食就係為試呢個親子蛋飯TASTIC餐 ($32.5)包裝見到有可愛的蛋黃哥個包就咁大, 還可以啦, 唔夠大個不過又未至於好細至於味道OK的, 不過兩個飯餅鹹左D, 同埋唔夠脆塊雞就其實即係厚身麥香雞, 無大驚喜, 不過都算嫩滑

原本只是放學後見時間太晚又餓 才打算去買一個又變回8元的豬柳蛋漢堡因此原本並未打算打食評, 但服務實在令人不吐不快!這間M記我經常都前來幫襯, 服務一向是不過不失而且快餐也不會期待會有什麼令人賓至如歸的服務但這次實在不得不說通常當顧客前來買食物時,服務員都會說一聲"歡迎光臨"但這次當我走過去時, 女服務員只要冷冷地說一句: " 要咩?"而且連望也不望你一眼, 我便心知不妙當我說出要豬柳蛋漢堡時, 她只說了"8蚊", 不是像其他M記一樣說"多謝你8蚊"碰巧有位剛買完食物的客人想要拿醬汁, 她連找贖都未給我便去彎下身拿醬汁但拿完以後她卻把醬汁連同原本要找給我的2元扔左枱面上然後她什麼話都不說把2元伸手遞給我便轉身繼續呆站在那裡說回豬柳蛋包, 這一向是我較為愛吃的漢堡, 到我手上時還散發著熱氣較下去芝士和蛋混合的味道真是令人想一口接一口8元真是抵食又好味, 整體的味道都十分夾, 難怪它可以長站於不敗之地我相信那女服務員是新人, 因為我在這之前從來沒見過她如果服務一直KEEP著這樣, 問題一定會發生希望下次來會見她的服務有改善, 但這次實在是一個令人不快的經歷

晚上約了太太去奧海城看電影，由於是9點半，我地大把時間去食野。7點半，我到達旺角會合內子，因為太太把車泊在勝利道的關係，我們就不打算深入旺角食野了。然而近日，我深受麥記的一個Advertisment吸引了，太太本來以為我想膽固醇同脂肪萬歲的食那個有肉有著餅的超級隊長，我說不是，我要的是近日promote的，蘑菇足三兩。用了不一樣的軟漢堡，看落，的確是幾得意的一個新口味，亦打算同Burger King的Mushroom Double Swiss對比一下，分一分高下。於是，我把漢堡打開看看。一打開，連我太太都眼眉頭深鎖，說明是蘑菇漢堡，說好的蘑菇原來只有這麼零星碎的份量，而且不用吃下去，單憑視覺觀察，已經分得出這些所謂蘑菇，只是用水浸到不知時日的罐頭菇...不知是什麼牌子菇了，不過猜也是國內的品牌吧....沒有其他的配料，只有罐頭菇，standard的一片芝士，一片足三兩牛肉....實在是非常之單調。也不吸引....早知，食返正常的足三兩算了。不用再食burger King 對比了...因為唔得....仲使乜比。

近年已甚少光顧M記.. 最近卻被新推出的早晨套餐吸引了!朋友亦如是,, 於是相約於M記歎早餐熱香餅早晨全餐可真豐富, 有2塊熱香餅, 炒蛋, 麵飽, 薯餅, 豬柳!這樣多元化的早餐讓我一次過滿足晒所有願望,, 真痛快!10時吃過熱香餅早晨全餐感覺極飽! 至晚上6時才再有餓的感覺!這個熱香餅早晨全餐, 一餐可代替2餐, 可真厲害!!