影片
以上资料只供参考，请与餐厅确认详情
招牌菜
夜晚早食饭，到咗11点呢啲钟数好肚饿，但系因为住得远，所以附近嘅餐厅都闩晒，就食麦当劳啦。因为有download麦当劳个Apps，所以就带咗佢个$38嘅炸鸡餐，今次好好彩系新鲜炸嘅，个皮仲系好趣卜卜，鸡肉都好滑😋😋
继续阅读
食M 记已经唔算得上想有咩要求，但系，我就系想食热的，脆的薯条，麦乐鸡，唔叫外卖，唔叫麦麦送，去堂食。结果：麦乐鸡：又冻，又淋薯条：又冻，又淋大杯装柠檬茶：得2片大柠檬1片细柠檬，超级淡，实在太淡，我去叫佢冲返浓D,佢地系咁二，加少少茶落去😭😭😭炸薯圈同双层芝士孖宝正常。但全餐我都觉得十分失望。。。。用餐时间已经系1:40，唔繁忙，都做得咁差？？？正常麦乐鸡，薯条如果有少少淋，但现塲买，都会热或者暖，我唔明点解今日的系冻既？？系咪个暖柜坏咗？
继续阅读
讲起食早餐，大家都可能惯左系天光后先慢慢食。不过因为一次工作，半夜三间都仲要开工，肚子饿到打晒鼓咁咪唯有去揾野食。本身打算食宵夜，但系上水区水货客就多姐，野食边会多架。正当我想打消念头果阵，救星出现了 ---- 麦当劳。凌晨四点就有得食早餐，正到不得了。特别系呢个十号餐 -- 珍宝套餐，入面有薯饼，炒蛋等等。不同食物既口感都为呢个寂静既夜晚添上几分色彩。讲下呢个珍宝套餐嘅味道先啦，首先个炒蛋炒得几滑，最好食嘅时候加埋胡椒粉同小小盐，咁样味道就会特别好食。猪柳嘅味道虽然食过好多次，但系因为佢𠮶种特别嘅咸味十分吸引我。跟住个热香饼，食嘅时候记得要架牛油同埋糖浆，咁个味道会更加好。最后个薯饼啱啱炸起，脆卜卜特别好食。珍宝套餐咁丰富，食完真系会好饱。
继续阅读
将军回归，今日就去试下，遇著放学潮成间餐厅全部系小学同幼稚园学生及家长，好似幼稚园课外活动开餐咁，细路四围走，大人大声倾谈，街市一样！普通麦当劳格局！地方都算干净！咁多人都只系开一个柜台，好在店员落单买食物好爽手，所以好快就攞到食物！揾个落地玻璃向马路开扬二人位慢慢叹！将军汉堡：自己对将军汉堡嘅酱汁一般，因为味道太甜，食唔出咸味！今次生菜丝又唔多，中和唔到甜味！面包松软！如果好似之前将军玉子汉堡有鸡蛋会平衡啲！红豆批：外皮香脆，可惜红豆馅太甜！薯条：新鲜炸起，够热唔干，点茄汁好正！热朱古力：食咗之前𠮶几样，已经好甜！所以到呢一样已经好甜！饮唔晒！呢餐几样食物都好甜！甜过漏！平衡唔到！其实分开来食味道系正常！只系自己嘅配搭唔好！
继续阅读
登~~登~~登~~黑汉堡今日终于登场！即刻去试吓先~~因为太多人了，都系外卖返屋企食(亦好彩我选择外卖)加咗$4转珍珠奶茶都估到个包唔会好似广告咁靓，返屋企打开个盒，见到好在个包同个盒唔会差太多，D馅就算散都唔会散得太厉害，不过对女仔黎讲个包都几厚，加上成个包本来已经散散地……同埋薯蓉会令个包一路食一路散，食完我成手都系薯蓉加汁……讲返黑汉堡，佢味道唔错，薯蓉加蘑菇汁加牛肉本来就系一个好味既组合，其实好难唔好味个包块牛肉又唔干，正！跟餐既薯条，算吧啦……「林」到，我都唔知佢放咗几耐……到珍珠奶茶，其实系麦记奶茶，加珍珠广告话黑珍珠有芝麻味，白珍珠有米饭味，当珍珠+奶茶同一齐饮，我完全唔觉珍珠有咩特别，但俾母亲大人试一啖，佢居然特登揾咗一粒黑同一粒白珍珠黎试，咁先试到完来真系黑有芝麻味，白有饭味，我唔忿气，特登饮晒D奶茶，然后试吓D珍珠，又真系俾我试到两种味，几好玩~~杯野唯一缺点系D珍珠太腍……
继续阅读