影片
营业时间
今日营业
10:30 - 23:00
星期一至日
10:30 - 23:00
公众假期
10:30 - 23:00
公众假期前夕
10:30 - 23:00
以上资料只供参考，请与餐厅确认详情
食家推介
放工经过，呢间的云吞面算不错。叫了一碗细的，$48，面的份量可以，面质可以，但唔够弹牙，云吞是鲜虾造的，夹有大地鱼末，味道合格，不过个汤底麻麻，池记的汤底比这裹好。
继续阅读
平时食开云吞面今日试吓猪膶同埋猪腰估唔到质素非常之好整得好食猪腰嘅地方好少呢度仲要大大块猪润超级厚切味道粉嫩食得好开心同埋云吞面师傅楼面姨姨服务都好好👍🏻下次试吓猪手先
继续阅读
晚餐食少啲 ，健康啲 。😘今日就食云吞面啦， 叫咗一碗大容 ，一碟油菜， 简简单单就一餐 。老牌云吞面店买少见少， 越食越贵。 不过物有所值 ，呢度装修得几精致典雅 ，干净企理 ，卡位坐得好舒服 ，服务殷勤 ，一嚟到就送上热茶同餐牌， 慢慢拣 。大碗云吞面其实唔大， 有五粒云吞， 啲面好爽口 ，同其他普通嘅面店有好大分别。 嚟呢度就系钟意食面 ，落啲醋 ，云吞面更加好味， 又叫咗一碟芥兰走蚝油， 芥兰非常鲜嫩， 灼得软淋淋 ，但系依然保持青绿， 菜有菜味 ，虾有虾味， 面有面香味， 这才是味蕾的最高享受 ，食完面还不忘 再斟多杯热茶， 回味食物的精髓 ，埋单时 ，也不忘讲一句多谢， 人情味十足， 这里保留了食物的文化 ，也保留了传统的礼仪， 要多多帮衬 ，令传统得以传承下去。👍👍
继续阅读
我对云吞面有情意结，每隔一段时间就会想食返一碗多醋多辣椒油嘅云吞面。同家人喺维园散完步，行咗入天后，见到麦奀记，又心血来潮入去坐低叫左碗细蓉。面质爽口有弹性，汤底鲜甜，云吞共有4只。云吞入面除咗有一只鲜虾之外，仲有虾籽！加埋红醋同秘制辣椒油，就系我心目中云吞面应该有嘅味道。唔知系我胃口好定碗面细，我两三啖就食晒。食完仲好似啰啰挛，未够饱，结果我再叫多咗一碗炸酱面。炸酱面嘅肉丝大小不一，而且肉质比较嚡，不过味道调校得唔错，甜甜辣辣。家人唔肚饿，为咗陪我，叫咗一碗瘦肉粥。师傅真系即叫即煮，碗粥上枱时仲系滚架！可惜粥底无乜米香，亦稀身。下次去麦奀记都净系食面好喇！
继续阅读
总会觉得天后系个小地方～偏偏越黎越多食肆～小编可以慢慢揾食🤤今日想食碗云吞粉面之类～决定去依间麦奀试下～之前系其他区都试过架啦～比一比边间好啲先😎新鲜牛肉拼水饺粗面滑牛肉黎～肉味唔算浓不过煮得刚好～唔会好熟亦有咬口～水饺料多皮薄～但味道上唔算好出～汤底色浓味淡～味道上同粉面唔算好夹😅—————————————————☻非专业食评·纯个人口味☻—————————————————📍总结:汤底同粉面位小编认为差dd～但𩠌菜上系好味既👌不过价钱上比较略为有啲贵～有时间再系附近揾食～到时再同大家分享😜
继续阅读