麥呂號冰廳

营业中

休息中

平日偶然經過葵涌，諗住隨便食個lunch。哩度All day breakfast竟然有得揀丹麥酥，二話不說揀咗拼雞扒。✅雞扒好味又夠滑😋 ✅炒滑蛋八成熟啱啱好👍🏻✅丹麥酥味道OK，如果脆啲更好✅沙律菜有芝麻醬+雜果沙律 睇得出係認真製作，Presentation都好唔錯。咁樣一個set連杯熱飲都係$46，性價比超高💕Lunch入嚟食嘢嘅，似乎都係附近做嘢嘅人，幾枱都係斯斯文文嘅😌其實餐牌仲有牛角包餐（似Cafe Menu），如果下次經過一定會再幫襯😎

🍄性價比高，推薦日式原條🐟縵魚飯，出面得半條，呢道比足全條，仲要烤燒，價錢相宜，老細好有心機煮。🍄推介酥炸午餐肉條，口感一流，唔油，老細整到好似魚手指既午餐肉條，餐前小食，要一試！🍄老細講以前佢學過西廚又做過高級食店，引入葵涌區開冰室，扒類沙津好有水準，推介牛扒🥩意粉，誠意之作，食落有濃濃香草味道，滑嫩，最緊要每個餐上都係熱辣辣上！🍄呢度早餐既沙爹牛都做得出色，係老細自己秘製，件數多夠滑口，唔係茶記一包包整好曬既牛肉片，老細知道打工仔辛苦整碗牛麵打打氣！🍄小店係老細同老婆兩口子經營，老闆娘好nice ，招呼很好，熟客仔多，人情味濃，餐室較細，抽氣一般，但勝在好乾淨企理，在葵涌區來說少有western cafe 質素，茶記收費既小店😋😋😋😋

點餐嗌咗個鹹牛肉炒蛋牛角包餐，上餐速度OK，食物熱辣辣，份量都足夠，個餐係包雜果沙律，除咗罐頭雜果仲有新鮮嘅蘋果同埋有沙律菜，都好有誠意，食完都幾滿足，飲品嗌咗熱奶茶中規中矩。朋友嗌咗個餐肉生菜出前一丁，餐肉有兩塊，厚度OK，唔會覺得薄EE，上菜前有炸過，所以係脆皮餐肉，同樣係熱辣辣，生菜份量都OK，都有10條八條，大家都食得幾開心。冷氣開得有啲大吹住個頭有啲凍。除此以外，整體都算幾好，滿意，有機會再嚟食😊😊

呢間小店食物水準平均，一直都好多熟客仔幫襯，所以個人都好鍾意去食。不過就油煙味勁咗啲，外賣就唔怕嘅😄由於係小店，座位就當然唔多，好多時去到都冇位，其實就好多自私嘅食客，識嘅又唔坐埋一邊，2個人就佔4個位。呢度嘅4人枱係比一般茶餐廳嘅枱大架，可以擺4個餐都夠位，就算2人sofa都唔會迫。相比其他連鎖茶記嘅枱，座位又迫枱又擺唔到嘢食。講真，係熟客就更加應該幫手食飽就放返張枱比等位嘅客，明明日日都去撞口撞面，唔好咁自私，識嘅坐埋一邊，唔使有客入嚟冇位坐就走咗，唔好搞到店主做唔到新客生意。我都見到有好好嘅食客，自己差不多食完就叫新嚟嘅客等一等，快啲食埋就比位人。希望大家撐小店，都幫下店主做到生意！

試過呢間餐廳好多次，今次簡單吃個下午茶，只需$32，就可以有西多士加沙律and薯條，（西多士可以轉炸髀、炸雞翼等等）普通茶餐廳都冇得同時食薯條沙律。不過沙律唔係平時茶餐廳嘅水果沙律，係麻醬配沙律菜，都OK！西多薯條都係啱啱新鮮炸嘅，好熱好好味👍🏻。平時驚食成個多士會好滯，呢度多士份量啱啱好啊！又有沙律薯條兩樣嘢伴碟。之前有食過lunch，菜式醬汁都好吸引，午市套餐都係$40，好食夾大份！同埋一定要試佢地嗰炸雞翼，十分推薦！