麥記美食

買左3樣野：雲吞麵、燒賣、生煎包雲吞麵用了不知名的上海麵，就算外賣盒有兩層分湯設計，但食個陣將d麵倒落湯底之後，唔使5分鐘就會發漲，湯底又冇乜味，仲冇味過清湯雲吞用了豬肉+韮菜餡，都算大粒，味道不過不失，但同個湯麵完全唔夾~燒賣同生煎包係我屋企人食，不作評價~Total埋單$50，俾左$100佢找，個店主竟然找左5張$10!!! 俾個陣又唔講冇曬$50/$20紙，閃閃縮縮咁找俾你，感覺好差不會再幫襯…查看更多

位於新蒲崗的上海美食店，主打生煎包同上海鍋貼，平時有機會經過便會買。今日三四點，剛巧店員在煎新一輪的生煎包，等多幾分鐘，就有得食，價錢好實惠， $12有三個。一如平時水準，生煎包底部很脆，包面很軟熟，內裏多汁👍🏻…查看更多

生煎包、鍋貼，都係$12有三個，兩樣都想食，多口問句可唔可以mix，婆婆話OK，最後要咗一個生煎包、兩個鍋貼，加醋。雖然唔係即煎，但一直用大煎鍋㷫住，所以都微熱嘅。始終整好已經一段時間，所以口感一般，外皮有啲韌，但好在咬開仲有些少肉汁，而且啲肉餡味道都唔錯，估計新鮮熱辣時味道絕對更好。…查看更多

呢間生煎包同鍋貼都好出名拎左幾年既米之蓮🤩想試好耐了，難得有機會放假就去鑽石山站果間試下🤩🤩叫左生煎包 $10 3件 ❤️❤️❤️呢個係等新鮮出爐，諗住佢咬落好多肉汁 點知無咩汁 舊豬肉有啲細舊🫠 有啲失望😞 試過就算了😐鍋貼 🥟 $10 3件 ❤️❤️❤️❤️呢個都係等新鮮熱辣辣出爐，反而呢個有驚喜😍😍咬落去好多肉汁之餘點埋醋仲正😆👍🏻 擺左一陣個底仲有少少脆 不過就無人地所講世一 可以值得一試既👍🏻👍🏻👍🏻五個心心為最高分麥記美食 (新蒲崗)新蒲崗彩虹道242采頤花園商場地舖…查看更多

#fatxdiamondhill #fatxsanpokong #fatxnorthpoint ‼️超級抵食上海外賣店‼️•① ［ 生 煎 鍋 貼 ］ ｜呢個真係要encore ! 入面超juicy，重要外面脆卜卜～｜𓋪9.5/10·② ［ 生 煎 包 / 小 龍 包］ | 生 煎 包 又係好好食🤤不過小龍包就唔太特別～｜𓋪8.5/10·③ [ 膽 膽 麵]| 花生味很濃郁, 醬汁較結身，食完唔會特別太膩。｜𓋪 8/10·④ [ 紅 油 抄 手 ］| 呢個反而冇乜特別。唔需要特別試。｜𓋪6/10•麥記美食 (North Point)G/F, May Ka Mansion, 21-23 Fort Street, North Point #hongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #diamondhill #diamondhillfood #鑽石山 #鑽石山美食 #新蒲崗 #新蒲崗美食 #北角 #北角食物 #northpoint #northpointfood…查看更多

這天不想吃飯，只想吃小食。路過采頤花園，見到麥記美食，立即記起北角店，許多年前在北角辦完事專程找她，當日下著毛毛雨還站在街上吃生煎包，但不是傳說中的極好吃⋯⋯回憶返晒嚟😊站在店外聞到好香！與北角店一樣，都是用大煎鍋煎著生煎包和鍋貼，另外還供應酸辣湯、麵食⋯⋯樣樣都想吃！望了望餐牌，又望了望大煎鍋，有人客來買水魷魚和魚蛋，連這些小食都有。終於決定了！～～～～～～～～～～～～～～～～～～～🍜小雲吞拌麵 $20⭐️⭐️⭐️⭐️⭐️老闆娘問我要不要麵，我不想要湯，有湯太熱，不想吃到汗流浹背，所以有點猶豫；原來加麵都是乾撈無湯的，好呀！看著她煑，手勢純熟，先淥雲吞和麵，再做辣汁，見到已經垂涎想吃😋😋😋等了一會，得喇，可以取了✌🏻打開一看，嘩，辣肉醬在面，鮮豔的顏色已經告訴了我有多美味！把麵撥開，有多粒小雲吞，目測最少有5粒；撈勻就吃喇。超級超級好味呀😋😋😋😋😋😋辣度足，不是死辣，是帶香味的辣，又惹味又過癮！將小雲吞逐粒蘸滿辣肉醬和汁，真的很好吃！麵是幼的上海麵，煙韌彈牙。這碗麵，一流👍🏻👍🏻😋😋😋😋😋🥟生煎包 $10 三隻⭐️⭐️⭐️在生煎包和鍋貼之間掙扎了一會，還是選了生煎包。煎得香口，皮如舊的厚、肉如舊的鮮，肉汁不夠多，但個人覺得比北角店好吃。總結而言，$30就解決了一頓午餐，抵！而且小雲吞拌麵非常驚喜，味道與辣度都是我喜歡的，我會為了這碗麵再來的😋😋😋備註：麵的辣度頗辣，只想微辣的朋友購買時最好問清楚。…查看更多

今次嚟到新蒲崗采頤花園，揀咗呢一間麥記美食解決我嘅口腹之欲，聽朋友講佢北角間分店攞到米芝蓮，不過個人覺得今次幫襯有啲令人失望：🫓生煎包 $10/3個呢一間舖頭主打即製嘅生煎包，見到店員喺煎鑊裏面攞出嚟嘅時候，仍然冒着🔥白煙，真係令人垂涎三尺🤤。有啲令人失望嘅地方係相較起肉餡同埋肉汁嘅份量，麵包皮有啲厚，令到鮮甜嘅肉汁好快比麵包吸收晒🧽，飲唔到肉汁在令人可惜。💦不過值得一讚嘅地方但係佢嘅生煎包真係非常之香脆，而且煎嘅時候亦都唔會朔晒啲油。🥰🥟鍋貼 $10/3隻反而覺得鍋貼做得出色過生煎包😂😂😂，一隻好食嘅煎餃最緊要係皮薄餡靚，要講昇華就一定係熱騰騰嘅肉汁，今次呢一間米芝蓮煎鍋貼我覺得係無懈可擊。😋😋後話：其實呢一間米芝蓮真係好抵食，只不過佢成日都唔開店，令到我次次去都白行一趟🥹——————為食分界線——————📍 麥記美食 (新蒲崗)新蒲崗彩虹道242采頤花園地下推介指數 🤰🤰🤰🤰(4/5)好味指數 🤰🤰🤰(3/5)抵食指數 🤰🤰🤰🤰🤰(5/5)環境推介 🤰🤰(2/5)人均消費： $30#mariofatfat #hkfoodie #Foodie #為食馬利奧 #麥記美食 #新蒲崗 #生煎包 #小店 #鍋貼 #皮薄餡靚 #肉汁 #肉餡 #煎 #米芝蓮 #平民 …查看更多

鍋貼大小適中，對得起十蚊三隻的價錢。店舖看似家庭式經營，有一對中年夫婦和一位婆婆，一起即場做小食及煮麵。鍋貼沿用大鍋生煎，底部煎得有小小焦黑，但沒有over，熱食非常脆口。外皮偏厚卻不過硬，一口咬下去，熱辣辣的肉汁即刻流出來，菜肉餡亦非常新鮮足料，很結實亦沒有加人工味精。此店門口永遠有人龍，所以去貨甚快，疫情下不敢在街吃，回家路程要十分鐘但回到家中仍是熱辣辣香噴噴的。以屋村小本經營的上海小食店來計，是上品。…查看更多

此店之鍋貼及生煎包的確性價比高，我路過經常都買黎食，今次雖然吾係剛剛出爐時買黎食，但依然皮脆肉汁多，十蚊三隻價錢亦適中，其他出品我未試過，但價錢不太貴，有緣可試一下…查看更多

酸辣湯入面有木耳絲、豆腐、蛋花、豬皮、少量肉絲，口感豐富，酸酸辣辣好開胃生煎包$10/3個，拎到返屋企個底都仲好脆，入面的豬肉餡略少，不過都好好味，抵食。下次想試埋煎餃同菜肉雲吞…查看更多

吃過這間街坊小食店的蔥油餅和鍋貼，熱辣辣算好吃，可是今天再來卻有不太愉快的經歷。今天點了酸辣湯水餃麵，老闆娘聽錯做酸辣湯水餃，對店內的人下錯order，我馬上糾正她應該是水餃麵才對，怎料老闆娘又誤會了我不要酸辣湯只要水餃麵，還帶點教訓語氣說我一開始肯定叫錯。坦白說環境嘈吵你聽不清楚我也不介意，但卻把自己聽錯的事推卸到客人身上，實在令人非常不快。水餃和麵是分開煮好後，再放進一早已煮好的酸辣湯裡。酸辣湯算足料，但味道有點淡，不夠酸也不夠辣。水餃皮厚，不好吃，下次要點還是點煎鍋貼較好。…查看更多

呢間的北角總店評價幾好，但以前返學竟然無食過好在依家係屋企附近開左間je,有機會俾我試到啱啱去到見無人，買左煎餃同煎包試下先。各10蚊，包有3隻，餃都應該係3隻，但佢就送多隻俾我地。煎餃皮脆肉嫩雖然唔係啱啱煎起，但佢係個鍋度都有熱住。所以食嗰時仲有微溫。煎包個饀同餃的一樣，但略嫌個皮厚左啲。包底都係脆的，但包頂的皮可以薄啲就perfect喇！所以推介煎餃子🥟試食完之後，梗係要追加煎餃啦。再order左小籠包同葱餅。小籠包即叫即蒸，要等7-8分鐘。同樣都係皮薄饀靚，幾鮮味。不過無湯係入面，但就幾juicy. 趁熱食，唔錯丫葱餅買俾丫媽食的，所以唔評論喇！如果佢開係我屋村個商場就好啦…查看更多

最近路過，發現生煎包加咗價。不過$10有三個都係好平，依舊煎得好香，咬落去又夠多肉汁，依然係好適合下午茶過口癮。同埋每一次嚟到都覺得店員好親切，充滿街坊小店嘅人情味。…查看更多

前日去買鍋貼同生煎包各20蚊返屋企食，返到屋企囡囡馬上打開拎出嚟食，我一睇點解咁少嘅，唔通比錯我，生煎包同鍋貼各六件，我就打電話去問老闆，現時生煎包同鍋貼幾錢. 老闆話十蚊三個，原來貴咗。哈哈…查看更多

數個月前，已在openrice看過網友介紹這間街坊美食店。雖然我很喜歡吃生煎包和窩貼，但由於很少到這區，故此便不了了之。今日與友人往志蓮淨苑參觀，之後便順道去試試。星期六下午光顧者不多，無須排隊。來麥記的目標是生煎包窩貼，現場吸引我的，卻是一疊煎至金黃，佈滿青蔥的蔥油餅。可惜午餐尚未消化完，胃部實在沒有太多空間放置全部美食，惟有只買了生煎包和窩貼各兩件，盛惠十元正。我們隨即便到屋苑的休憩處分享。生煎包和窩貼均是細細件，可以一口一個，十分適合作為小食。生煎包外型較為吸引，包面有蔥粒，底部煎至微微金黃，不過入口卻覺得包皮較厚，餡料只有一丁點，味道則還可以。至於窩貼，咬進口汁液豐腴，餡料的味道較生煎包好，也許是混了蔥粒之故。淺嚐後我與友人均覺得，這間小店的食物尚可，但又未至於值得再來光顧。相比之下，我較喜歡君滬的窩貼，價錢其實亦相約。…查看更多