麥記美食 (景文樓)

营业中

休息中

之前朋友介紹麥記美食，咁啱去到附近當然要去試下！店舖位置要行一段小斜坡，但即使接近下午茶時間，餐廳入面依然差唔多座滿😮麥記美食以手工包製嘅上海點心而聞名，更加曾經連續六年上榜米芝蓮推介，特別係佢哋嘅生煎鍋貼必點🥟 🌟雲吞擔擔麵套餐 $63🍜套餐包含雲吞擔擔麵，三隻生煎鍋貼同熱飲🍜雲吞沾滿香濃湯底，入口仲帶有擔擔麵湯底嘅花生味道🍜擔擔麵湯底比較濃稠，建議配解膩飲品🥤🥟生煎鍋貼上枱仍然熱🥟鍋貼外脆內嫩，底部煎得金黃香脆！🥟肉餡調味剛好，唔會太咸🌟爆湯小籠包 $32/4隻🥢小籠包皮薄，夾起已經見到小籠包入面充滿湯汁🥢一啖咬落去滿口濃郁嘅肉湯流出🤤🥢我一啖咬真係噴汁噴左落杯飲品到🤣名乎其實嘅爆湯小籠包！🙂‍↕️總結：麥記美食除必點生煎鍋貼，小籠包都好出色，其他食物質素都唔錯！餐廳入面仲會見到師傅包鍋貼！

好友約我去位於北角堡壘街19號景文樓地下2號舖的《麥記美食》午餐，鐵閘半捲，原來壞左待修，無礙食客滿堂，待店員清理好檯面，我地就入座。我地點左午市套餐：🥢雲吞擔擔麵餐$75～雲吞擔擔麵：雲吞皮薄餡靚，好味又好食，擔擔麵煙韌好食，湯底清甜。～生煎鍋貼3隻：外皮薄薄，餡料飽滿，煎得金黃香脆又可口。～檸檬柚子梳打$12（跟餐）：檸檬片柚子醬加罐裝梳打，清爽好飲。🥢鴛鴦餐 $57～生煎鍋貼4隻：上檯時熱辣辣，煎得香脆可口。～生煎包4隻：外皮鬆軟，底部煎得香脆，餡料好味。～酸辣湯（小）：有黑木耳絲、豆腐絲及鴨血絲，酸酸辣辣好惹味。～熱檸檬茶：茶香好飲。🥢爆湯小籠包（4隻） $32：皮薄肉香，肉汁鮮甜好味。🥢蒜香牛油雞翼（3隻） $30：大大隻雞翼炸得皮脆肉嫩，蒜味香濃。

又黎到北角搵食☺️，當然要食下啲地道小店🩷朋友就話呢間想食好耐，今日收工就一於去食，果然無bookmark錯👍🏻有套餐就最方便，容易揀，雲吞擔擔麵+ 3隻生煎鍋貼+飲品紅油抄手+ 3隻生煎鍋貼+飲品生煎鍋貼超級好食，底部煎得香脆，內餡飽滿，簡單而美味🤤紅油抄手麻麻辣辣，夠哂惹味，小雲吞皮薄濕潤，一啖一粒，另外擔擔麵花生香氣都好濃郁仲叫左外皮卜卜脆既蒜香雞翼同軟軟糯糯既燒賣，燒賣個辣醬都好有特色😃整體都好高質，特別係生煎鍋貼🥟，係必食，世一美食🥰

朋友推薦位於北角與炮台山之間「麥記美食」，原來係米芝蓮推介食店！它的生煎鍋貼、生煎包、小雲吞等都好出名，價錢仲很實惠，難怪晚上6:30到達時，幾乎滿座！❤️酸辣小雲吞餐 （生煎鍋貼、酸辣小雲吞及飲品）生煎鍋貼的皮厚度適中，外皮煎到金黃脆口，肉汁勁多，食時一點都唔覺肥膩，大推！記得一定要趁熱食！酸辣小雲吞的酸辣湯勁足料，有豬皮紛、雲耳絲、豆腐絲、豬紅絲、肉絲等，湯的調味偏清，所以飲哂都有罪惡感，加上足料嘅小雲吞，大胃王都夠飽！❤️黃金之翼雞翼煎到香脆，再包滿了鹹蛋黃醬，極度邪惡！雞肉肉質很鮮嫩，滿口鹹蛋黃鹹香味，食到舔舔脷，送白飯一絕！

套餐好抵食 已配搭好 可以一次過食幾款食品👍🏻👍🏻👍🏻好有人情味 見到好多熟客同附近居民幫襯係香港老店裝修 但都keep得好好 好乾淨👍🏻餐廳背景音樂係播MC 陳蕾 不得了 估佢唔到🎶🎶招牌生煎鍋貼🥟🥟🥟每隻鍋貼都煎到金黃色 好香脆皮好薄 豬肉餡夠鮮味酸辣湯小雲吞🥘🥘🥘酸辣湯好足料 有豬皮絲 木耳絲 豬肉絲 豬肉絲 腐竹 豆腐酸酸地 少少辣味 好開胃小雲吞有好多粒 大約8粒內餡好鮮味 雲吞皮掛曬酸辣湯 好惹味大大碗 又可以飲酸辣湯又可以食小雲吞一次過滿足曬2個願望🫶🏻🫶🏻🫶🏻黃金咸蛋雞翼🥚🥚🥚即叫即整 超級熱！！！外皮炸得好香 好脆 1D都唔會油入面仲有肉汁 肉質嫩滑 雞翼咸味岩岩好表面鋪滿咸蛋黃 入口勁香😍😍😍真係 非常 好食‼️‼️‼️‼️

20250306🌧️❄️Thursday 🍄🌟 連續獲得九年米芝蓮推介N 年前已經認識「麥記美食」第一代老闆，搬到北角堡壘街的街口「推車仔」賣魚蛋10年多後，最終落地生根「麥記美食」，「麥記美食」第一代老闆好學不倦及經驗豐富，師承60年代的上海派著名點心師傅陳鎮宇，小店現已傳至第二代。🥢選擇鴛鴦餐$57：4隻生煎鍋貼，4隻生煎包， 一碗酸辣湯一支豆漿。🐔黃金之翼$33：3隻🥛(1) 凍豆漿:好健康無糖及無防腐劑🥣(2) 酸辣湯: 材料充足，有豆腐絲木耳絲及鴨血絲，不過酸又不過辣。🥟(3)生煎鍋貼： 製作鍋貼時會蒸過在煎， 被薄餡靚多汁，再加上「麥記」 秘製辣醬加持，無得頂呀！🫓(4)生煎包： 招牌生煎包的外皮堅持已「老麵」天然發酵，製作所需時間較長，外皮更鬆軟和麵香，生煎包底更脆，內裏肉餡飽滿。🐔(5) 黃金之翼： 鹹蛋紅的我，怎可以唔食，金黃起沙咸蛋黃金翼， 鹹香脆口極致邪惡。🏫北角堡壘街19號景文樓地下2號舖☎️5711-3599#hkfoodie #hkfoodblogger #hkfoodstgram #hkfoodporn #foodporn#小吃#美食#美味い#美味いお店

依家米芝蓮嘅小食店，我一直都勁鍾意佢好食嘅小食有好多，但我最終最鍾意嘅就係佢嘅紅油抄手抄手皮薄餡多，餡料新鮮美味，再加上佢辣辣地酸酸地嘅醬汁，真心勁香，而且唔會太辣味道啱啱好。而鍋貼外脆內軟，煎得金黃酥脆。酸辣小餛飩餐嘅酸辣味好正，配料好多，有木耳豬紅等等，酸酸辣辣好開胃，仲會有好多雲吞仔。我另外跟餐仲叫咗一個蒜香牛油雞翼，嗰個牛油味好重，如果鍾意食牛油炸雞翼嘅人就會覺得好正！而佢嘅小籠包好多湯汁，蒸得啱啱好。食依種中式小食，建議大家配返一支豆漿。

最近聽人介紹原來喺北角有一間連續攞咗九年米芝蓮推介嘅小食店😚 佢哋最出名嘅係生煎鍋貼🥟同埋小籠包佢哋全部都仲要係即叫即做😋夜晚嘅時候仲有好多外國人同埋遊客特登嚟食😙連外賣都排晒長龍🍜雲吞麵餐佢哋嘅雲吞麵麵條好彈牙🤤同埋個湯底好鮮甜😽佢哋嘅雲吞仲要好多粒同埋都好大粒😸仲有配埋三隻鍋貼同埋一杯嘢飲添🌶️紅油抄手餐佢哋嘅辣椒油預咗辣之外仲要好香添😽佢哋仲特登用辣椒油去炒個豬肉碎添😋加埋一齊食真係辣得來又幾開胃🥟鍋貼兩個套餐都有三隻鍋貼跟😙全部都係熱辣辣新鮮煎出嚟🤤外皮煎到金黃酥脆😄一咬落去嘅時候仲要好多肉汁添💦🍴小籠包佢哋小籠包好大隻😎同埋豬肉都幾新鮮食落去嘅時候真係要小心爆汁😂因為熱辣辣會焫親😋但係不得不提佢真係都幾Juicy🐟魚蛋魚蛋都幾彈牙同埋都幾好食😊🥛豆漿🥤凍檸樂

平民上海菜美食😍1️⃣雲吞擔擔麵餐個湯係超好花生醬味,超好味,加上好多肉碎.雲吞皮好滑,肉多,超飽.😋😋餐有3隻鍋貼同豆漿💰HKD$692️⃣10隻鍋貼套餐鍋貼煎得好香,肉多.見到師傅係即場整個皮.套餐跟酸辣湯,好夠味道,唔會好辣.👍🏻💰HKD$683️⃣牛柏葉好淋,撈埋豉油甜醬好好味😍💰HKD$144️⃣小籠包好大粒,好多汁,皮薄,肉新鮮🙌🏻💰HKD$32好多人排隊食,又平又好味.值得黎食,仲有好多外國人黎食,已經識用廣東話叫😂

📍 麥記美食🌍北角堡壘街19號景文樓地下2號舖 Shop 2, G/F, King Man Court, 19 Fort Street, North Point📝整體評分：9／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝米芝蓮小店，久仰大名，成日見到社交平台有人介紹，想試好耐！！！▸ 雲吞擔擔麵套餐◂＄６３（套餐包３隻生煎鍋貼及飲品） ✿ 油麵拌麻醬，加左肉末增香同口感，麻醬勁勁勁濃郁花生味，質感勁幼滑，最重要無油膉味，穩居我中Top1擔擔麵。 ✿ 生煎鍋貼聲名大噪，連續９年米芝蓮推介，一口大小，皮薄底脆，入口肉質鮮嫩爆汁，香脆可口~ 係實至名歸。▸ 爆湯小籠包◂＄３２ ✿ 皮厚薄適中適，夾起一滴湯都唔會漏，湯汁鮮甜又唔好油膩～

想食得輕盈少少，今晚食上海野先✨點了套餐酸辣小餛飩餐，搭配三隻鍋貼。✨小餛飩的皮薄而Q，餡料新鮮，酸辣湯的味道恰到好處，令人胃口大開。✅鍋貼外脆內嫩，好脆好香口好好食👍🏻另一個套餐，包含鍋貼、生煎包和酸辣湯。✨生煎包係麵包質地，底部金黃酥脆，裡面的湯汁豐滿咬下去的瞬間，出曬汁！✨酸辣湯的酸味與辣味平衡得恰到好處，好多了包括有黑木耳，豆腐條······讓人一口接一口。做👍🏻黃金之翼黃金之翼的外皮香脆，係大隻嘅雞翼！脹卜卜咁！最重要係每分寸都係充滿着蛋黃流沙嘅醬！正！又唔會過鹹係剛剛好嘅！👍🏻小籠包小籠包是湯汁充盈！熱騰騰非常之好味！總結就係會回頭嘅店舖✅

📍麥記美食-北角（景文樓）✨鴛鴦餐（招牌生煎鍋貼同+生煎包）🥟（推介✨）生煎鍋貼獲得了9年米之蓮推介，果然名不虛傳🥰鍋貼係現場即包即煎皮薄餡靚🫰🏻煎得非常均勻，而且餡料足肉汁多👍🏻跟餐會配搭酸辣湯🥘雲吞擔擔麵餐🍜份量大大碗🫶🏻雲吞皮薄餡靚😋幼麵爽口唔韌～濃郁嘅擔擔麵湯底面底、仲好多花生碎！配搭麵條十分惹口😆跟餐會陪飲品加3隻鍋貼🥰小籠包🥟小籠包湯汁豐富皮薄餡多，啱啱好一啖一隻，雖然皮好薄但夾起唔會穿，成隻小籠包裏面都充滿肉汁😆黃金雞翼🐥鹹蛋黃炸成外皮脆口鬆脆😆雞肉都非常嫩口🙌🏻

尋日路過北角發現呢間麥記，間舖主打生煎鍋貼餐，就忍唔住試咗！😋$70就有4隻生煎包同4隻鍋貼，最驚喜係生煎包底仲要煎到金黃香脆，咬落爆汁！鍋貼餃皮薄薄，餡料夠實在，一啖一個好滿足！套餐仲包埋凍檸茶同酸辣湯，配埋生煎鍋貼就啱啱好！想食多啲？+$10就可以加份燒賣，超值！#麥記茶餐廳 #北角美食 #生煎包 #鍋貼 #平價美食 #茶餐廳 #hkfood #hkfoodie #hkrestaurant #hongkongfood #香港美食 #香港茶餐廳 #foodporn #相機食先 #小店打卡 #掃街 #foodblogger #hkblogger

點解呢間米芝蓮推介的食店，咁近我屋企反而少幫襯呢？主要因為多數去舊店買外賣。這天終於來新店堂食，兩個人叫咗雞扒擔擔麵、嫩雞煨麵、小籠包。雞扒擔擔麵$57雞扒煎得很香，擔擔麵很好吃，推薦👍🏻嫩雞煨麵$51味道偏淡，我本身口味比較清淡都覺得偏淡，好像忘記放鹽一樣，一般。小籠包$32小籠包充滿湯汁，好味！平時買外賣只會買鍋貼生煎包，堂食才吃到熱辣辣出爐嘅小籠包。麵食都係大大碗份量十足，人均70元的午餐性價比也可以。

每次去🚶北角開會， 見到麥記美食都滿座， 就算下午茶☕時段都滿滿客人🧑‍🤝‍🧑👭， 見佢連續幾年都係米芝蓮推介🥉🏅🥇， 價錢就十分平民，所以趁今日得閒， 就去食個下午茶🍭雲吞擔擔麵🍜餐 + 魚蛋🍡雲吞🥣水準不錯，餡料足同麵量都夠， 仲有野飲跟， 都係五十幾蚊， 我都覺得值👍。🍭駌鴦餐 + 蒜香牛油雞翼有4隻鍋貼🥟同4隻生煎包， 酸辣湯🍲同野食， 又係五十幾蚊，再配肉汁滿滿嘅脆香雞翼，交到貨喎。雖然呢間街坊小店🛖裝潢普通， 有幾年米芝蓮🏅🥉🥇加持， 鍋貼🥟同生煎包都係外脆內軟，底部焦香但唔會苦， 口感👄卜脆， 入口肉汁💥爆炸， 反而驚喜嘅係魚蛋🍡， Q 彈又爽口。 就因呢度價錢平實📉， 食物質素不俗， 所以係一個街坊寶藏🎊。