麥記美食 (景文樓)

营业中

休息中

實不相瞞，我好鍾意生煎包、小籠包、餃子之類的小食🤣不過香港不多地方有 這家先不論是否米芝連，性價比還是不錯，平均$5一顆生煎包/鍋貼! 總結排名：脆香感：鍋貼 > 生煎包 > 小籠包爆汁感：小籠包 > 生煎包 > 鍋貼個人喜好排名：生煎包 > 小籠包 > 鍋貼 生煎包鬆軟外皮，跟焦香底部，兩種口感，加上湯汁量適中，最得我心😜 小籠包和鍋貼都是標準、符合期望，而且價格不貴，建議全部都要😂 套餐配酸辣湯足料，而且可以客制化酸辣程度豆漿+$6 就原支奉上😳 豆味挺濃! 100ml 4g糖左右，算是低糖，推薦加配 服務態度和座位環境都正常發揮，不會像最近關於一些小店的爭議情況😛 🍴加一服務費：✖

平民米芝蓮，抵食到嚇親 呢間街坊熱捧既「平民米芝蓮」，成日都門庭若市，唯有外賣自取。雪吞擔擔麵餐濃郁花生醬拌小麻辣湯底，超濃郁，麵條掛汁力超強，雲吞皮薄餡鮮，鍋貼底脆肉爆汁。蒜香牛油雞翼炸衣薄脆，蒜香牛油滲出。豬扒擔擔麵豬扒有咬口，肉質恰到好處，與湯底相得益彰。小籠包皮薄湯燙，輕咬爆汁，有水準。 人均都係一百元，份量足味，性價比極高，是街坊舌尖上的小確幸，但想堂食就要預多啲時間，店員都好親切有禮，值得多黎。

早排去開北角想食個下午茶，醒起嗰區有一間連續好多年嘅米芝蓮小食店推介，即刻過去試吓。唔係食飯時間，但係門口都排晒長龍，果然人氣爆燈。😋爆湯小籠包真係唔係講笑，佢呢個小籠包真係世一，絕對係必須推介。名副其實嘅泡湯，一咬嘅時候啲湯汁即刻爆晒出嚟，皮薄餡多，加埋少少陳醋真係一流。😆生煎鍋貼鍋貼煎到勁香，個底超級脆，咬落去真係要小心🤭生煎包生煎包超級大嚿，認真抵食。最正係即叫即整，嗰種新鮮程度真係唔係雪藏麵包可以比。😘😘

雲吞擔擔麵餐擔擔麵湯底夠晒濃郁，花生醬同辣油撈勻之後好香。雲吞皮薄餡靚，咬落去成啖豬肉，仲有少少汁爆出嚟！跟餐嘅鍋貼煎到金黃色，底脆皮薄，一咬開啲肉汁多到瀉，蘸少少黑醋簡直無得頂！鴛鴦餐跟餐有生煎包同酸辣湯。生煎包底脆到好似餅乾咁，但上面啲皮又軟熟，一啖咬落去啲熱湯噴出嚟。酸辣湯料足，木耳、豆腐、肉絲樣樣齊，酸得嚟又帶少少辣。小籠包肉質鮮甜，咬落去要小心，因為勁爆汁。黃金之翼其實係鹹蛋黃雞翼，炸得外脆內嫩，鹹香得嚟又唔會太漏。

今日山長水遠嚟到北角就係為咗食呢間連續九年米芝蓮推介嘅上海美食💛麥記美食一個餐再加一個擔擔麵再加多個小籠包就夠我哋兩個人食～ 埋單$200有找 港島區既性價比之王🤴🏻紅油抄手 非常濃烈 重口味的我勁鍾意❤️偏向係豆瓣醬口味～ 雲吞擔擔面都非常濃郁 花生醬味覆蓋成個口腔😆上面仲有啲辣肉碎 非常惹味啊！仲額外叫多咗個小籠包 粒粒都漲卜卜～皮薄多汁唔會有豉油味呀！皮餡嘅比例超王道但係跟餐生煎鍋貼就反而少啲肉汁🥲

連續九年獲米芝蓮推介嘅上海小店，近年更開堂食俾大家可以坐低享受。店內環境雖然簡樸，但出品一向平靚正，唔少人更會山長水遠過嚟幫襯。小店主打多款經典上海小吃，有套餐亦有單點，平日晚上大排長龍，唔想等位嘅建議避開食飯時間去或外賣自取。必試招牌菜有生煎包，每日人手搓製，即叫即煎，底部香脆，上半身鬆軟，望落細細件但都幾飽肚，咬落肉質鮮嫩，價格親民，超抵食。生煎鍋貼底層煎得金黃酥脆，皮薄餡靚，越食越上癮、小籠包咬落爆汁，點埋醋可降低膩感。如果鍾意食麵嘅朋友仔建議試雲吞擔擔麵，手工製，口感彈牙，搭配花生醬，辣椒油等，湯底濃郁，味道鹹香唔辣，雲吞同樣皮薄餡多，十分飽肚。酸辣湯辣度偏低，唔夠嘅可以加辣，黏稠感豐富，可以當醬汁、黃金之翼有三大隻，鹹蛋黃香氣四溢，微微沙沙口感，外脆內嫩，正。

享受準時收工嘅感覺，收咗工就喺附近搵嘢食，見到一間平民版米芝蓮餐廳「麥記美食」，仲要唔貴！於是乎就走去試，我覺得環境其實似一般茶餐廳，簡單樸實，不過呢個價錢、味道同份量都唔錯👍🏻唔淨止遊客，見到好多都係講廣東話嘅人幫襯/外賣就知應該都受人歡迎。雲吞擔擔麵餐 $63三隻生煎鍋貼煎得外皮金黃香脆，底層真係脆，但係個面又唔會太硬，內裡餡料juicy，咬落仲有啲湯汁，賣相簡單啲，但係食落都唔錯😆雲吞擔擔麵麵條煮得彈牙爽口，擔擔醬汁好香濃，芝麻味同辣油好平衡，超微辣，花生味濃啲☺️雲吞有6大粒，皮滑餡靚，見到係鮮肉餡，但又好似有鮮蝦嘅味道，好神奇同好食😆 熱檸水正常，上得好快😂結論🫰生煎鍋貼🫰menu 有埋英文版，同埋有好多選擇，小食都有🫰呢個價錢我覺得抵食味道亦都好唔錯 （當然都唔好攞佢同五星級酒店比啦），性價比高👍🏻會再幫襯好味度：8.5/10回頭度：9/10

今日去左北角做野，就搵左間小食食野！我地叫左個雲吞面套餐！雲吞麵的湯頭清甜，搭配彈牙的雲吞，讓人一口接一口。麵條滑順，吸附了湯汁的精華，令人陶醉。跟餐揀左3件鍋貼，鍋貼則外酥內嫩，餡料豐富，煎至金黃的底部更是香脆可口，搭配醬油和醋的調味，讓味道層次分明。豆漿配鍋貼係最佳選擇，濃郁的豆香氣息喚醒味蕾，無論是熱喝還是冷飲，都讓人感到舒心。而小籠包的皮薄餡多，咬開瞬間湯汁四溢，鮮美的肉餡與香氣撲鼻的湯汁交織，令人回味無窮。

雲吞擔擔麵餐 $97 揀選咗少辣，湯底一如既往花生味濃厚，面頭仲有啲肉碎&花生食落更惹味，雲吞皮薄，內餡彈牙，跟餐嘅3個鍋貼煎得香脆，喺連續9年得到米芝蓮推介！另外加錢叫咗蒜香牛油雞翼=豆漿，一共有3隻雞翼，雞皮表面嘅蒜粒好香 酸辣湯麵餐 $58另一款套餐叫咗酸辣湯麵，調整酸味為少酸，酸辣湯底用上木耳絲、豆腐絲&鴨血絲，醬汁勾芡，加埋麵條一齊食好掛汁，跟餐叫咗3個生煎包，生煎包外皮鬆軟，個底煎得幾脆，外皮同内餡比例啱啱好，同樣叫咗支豆漿 小籠包 $32小籠包一共有4隻，皮薄餡靚，熱要小心因為會爆汁，咬開一小口，食到鮮甜嘅肉汁，加醋一齊食又變得清爽d菜肉蒸餃 $32菜肉蒸餃一共有4隻，同鍋貼好類似，不過係清蒸，內餡由蔬菜同肉組成，食落會比純鮮肉餃子清新時菜 $8今日嘅時菜係菜心，一共有3條，齋食清清地，如果想要味道，可以淋上dd醬油

鍋貼同小籠包，係我嘅最愛❤️❤️呢間餐廳簡直係北角人嘅福音過咗午市嚟到，唔洗等位，開心🤓可以睇餐牌，或者自己手機下單有多款套餐選擇全部都好吸引！心大心細下，揀咗雲吞擔擔麵，係非常正確嘅選擇！ ！擔擔面湯底，好濃郁，好濃稠令到粒雲吞都閃令令！雲吞皮滑脫脫，完全唔會好易爛，非常抵讚！內涵味道亦調校得啱啱好，好食！個擔擔麵真係好邪惡，花生味好香濃！套餐仲包咗三粒鍋貼，超開心，一啖一粒，裏面仲有滿湯汁！出面外皮真係香脆㗎 ！米芝蓮果然係唔同啲！❤️❤️❤️❤️如果大家個胃仲有位，本人要用生命值推介依個：蒜香牛油雞翼蒜頭好多，好香，好脆！仲要係入面保留住肉汁，超無敵！

✨ 北角隱世米芝蓮推介必食上海菜！✨ 價錢平民，足料好食！————————————————————🌟 雲吞擔擔麵---超多超多花生醬🥜湯底非常之香濃！擔擔麵好掛湯🍜雲吞大大粒又足料～————————————————————🌟 生煎包---生煎包煎得好香脆！包夠軟熟，皮夠脆入面啖啖肉，肉汁豐富～————————————————————🌟 小籠包---小籠包皮薄餡靚，一口爆汁！————————————————————🌟 鍋貼---生煎鍋貼又係好脆口，餡料鎖滿肉汁！點埋辣醬食好夠惹味～————————————————————🌟 黃金之翼---除左麵食包點，呢道小食都好有驚喜！滿滿起沙嘅鹹蛋黃🐣，沾滿炸雞翼～好邪惡✪ω✪ 雞翼炸得外脆內嫩————————————————————🥛🥛食上海菜少不了飲埋凍豆漿～————————————————————

一直Bookmark咗呢間隱世米芝蓮小店「麥記美食」，之前得外賣檔真係唔方便，終於等到佢哋開堂食舖！雖然位唔多但坐得舒服，重點係用街坊價食到星級水準嘅上海菜，CP值爆燈啊～ 1⃣️ 雲吞擔擔麵套餐（$63）（豆漿+$6） ✨驚豔位：湯底！花生醬味濃到掛喉，仲有脆口花生碎提升層次～雲吞皮薄餡靚，蝦肉彈牙！生煎鍋貼底脆到「咔嚓」聲，咬開爆肉汁💥 私心推薦蘸秘製辣醬，唔係死辣反而帶蒜香，襯到絕！2️⃣ 鴛鴦套餐（$57）（凍檸茶+$3） 生煎包vs鍋貼雙拼滿足選擇困難症👏 酸辣湯足料，有筍絲木耳，酸度醒胃唔嗆喉，配煎包一流！3️⃣ 小籠包（$32） 湯汁清甜冇豬膻味，一啖咬落爆汁。4️⃣ 麻辣紅油抄手（$30） 🌶️麻香後勁凌厲，配上面頭肉碎非常惹味！紅油帶微微甜味，雲吞皮吸盡醬汁超邪惡～

麥記美食勁出名， 黎到港島區一定要食！ 見到勁多街坊、老人家都黎幫襯呢！ 最出名梗係生煎鍋貼啦🥟✨ 外脆內嫩，咬下去的時候還能感受到湯汁的鮮美！ 仲有套餐可以揀， 我揀左雲吞擔擔麵餐$63有雲吞擔擔麵、3隻生煎鍋貼、 熱飲包左揀左奶茶呢～ 雲吞擔擔麵是一碗集鮮香、滑嫩與濃郁於一體🍜✨ 雲吞的皮薄餡多，搭配上那香辣的擔擔醬，簡直是完美的組合！每一口都能感受到鮮美的肉餡和濃郁的花生醬😋如果喜歡還可以多放點辣椒油呢🔥另外仲叫左小籠包呢， 小籠包外皮薄透，內里的湯汁鮮美，咬一口就能感受到那濃濃的肉香和湯汁的滋味！

香港東區平民上海菜式餐廳，主打生煎鍋貼，連續九年米其林推薦，鍋貼都是現場店裡生鮮製作，晚飯時段很多街坊前來用餐。.🌟鴛鴦餐（$57)套餐包括四隻生煎包，四隻生煎鍋貼，酸辣湯和熱飲。生煎包外皮軟糯和鍋貼皮薄形成兩種口感，兩款同樣底部香脆，成功包住鮮肉肉汁。酸辣湯微酸微辣，配料豐富，不會太刺激，同時非常開胃。.🌟雲吞擔擔麵餐（$63)愛吃花生醬的朋友一定要嘗這裡的擔擔麵，花生醬味濃郁，同時不會太黏口，湯汁濃度剛好掛面而不會太膩，配上鮮肉雲吞和三顆生煎鍋貼，太滿足了。.🌟黃金之翼 ($33/3只）小吃點了黃金之翼也就是咸蛋黃雞翼，非常邪惡的美食，外皮香脆，咸蛋味濃而不膩，加上從里到外流出的肉汁，讓人想一吃再吃。.餐廳位置：北角堡壘街19號景文樓地下2號

麥記嘅上海包點都係佢嘅每日鮮制。重點係真心平 🤑連續9年米芝連推介小店不容錯過~次次嚟到都必點套餐，有麵食有嘢飲仲有佢哋嘅招牌鍋貼🥟鍋貼皮薄底脆入面仲有肉汁，係必食之選~紅油抄手 - 細細粒滑溜溜兼夾夠曬皮薄嘅小雲吞~比香而不嗆嘅麻辣調味緊緊包裹，一啖一粒雞扒擔擔麵 - 湯底係好濃郁嘅花生味🥜 雞扒煎得幾脆皮，一路食一路有啲微辣嘅肉碎口感豐富又實在。生煎包 - 呢款大大粒會比較飽肚啲，鬆軟嘅外皮索咗少少湯但食落都仲會噴汁喎真係誇張~簡單又飽足的一餐~