麥當勞 Next (海富中心)

营业中

休息中

又到食早餐嘅時間，今日就揀咗食麥當勞🍔，就食佢做promotion 嘅重量級魚柳包。用手機落單，等咗大概10分鐘左右就有。到手之後梗係嗱嗱聲返公司嘆個早餐🥣。首先第一時間係拎個薯餅出嚟，吸下啲油🤫，跟住打開個包🍔，算唔錯，冇壓到個包扁晒走晒樣👍🏻。已份量來講就好似兩個魚柳包咁🤣，雖然睇落好似好大個，不過夾左的生菜🥬落去，食落一啲都唔肥膩☺️，而且麵包都算鬆軟👍🏻，而且一啖咬落口個魚柳都冇散👍🏻。薯餅都炸得脆，由唔知幾時開始，去啲薯餅淋多過脆🤣

小弟都幾鍾意食快餐，今日撇低寶寶，獨食老麥，點知一試中伏。金鐘老麥都幾大，疫情期間，有距離之餘係有位坐。今日想飲杯mccafé ，跟$26雙層芝士漢堡餐叫，埋完單先知原來我加咗$10叫咗杯華田泡沫脆脆，老麥速度嚟講都好慢，等咗十分鐘先有得飲。另外叫多咗個$8菠蘿批。先食個菠蘿批，公式蘋果批嘅口感，入面粒粒由蘋果味轉咗鳳梨味，係啊，唔係菠蘿，而係鳳梨味，鳳梨酥d味。小弟極愛菠蘿，但呢個批又唔係話難食，老麥公式餐廳係咁嘅味，只能說下次我唔會加錢買嚟食再試吓杯華田脆脆，另外有杯華田粉（？）自己添上去，我唔好甜，添少少，一飲！咦！咦！咦！呢種味道似曾相識！再飲！真架喎！真係識！係我每日飲嘅清水！呢杯嘢飲，好神奇，有華田色，但水咁嘅味！飲多幾啖，似喺茶餐廳得罪侍應，不斷沖淡杯華田咁嘅味囉！哈哈！不過麥當勞，求d咩啊～公式餐廳，中評，不過不失啦！

平時行過麥當勞，都會入去買一杯Latte或 Cappuccino 飲，原因只得一個 - 平靚正得嚟好好飲！當日行過金鐘海富中心分店，竟然發現除咗有得飲咖啡之餘，仲有咖啡豆賣，係麥當勞有咖啡豆賣呀！完全未見過！當然要買返一包支持下，最後買咗來自Ethiopia Sidamo (埃塞俄比亞 - 西達摩)的咖啡豆，$80.5有200g抵到爛。現場杯Latte都係用依種咖啡豆，其實味道清清地，但花香味唔係太出，始終加咗奶可能蓋過咗咖啡豆本身的香味，試一試也無妨。

經過金鐘突然記得BOC Pay 在麥當勞做緊優惠，買30元節省10元。我便入去買了一份我很久沒吃過的熱香餅早餐。不知是否快到十點，那份早餐特別是熱看餅已放涼了，沒有以前那種熟悉久違的香和熱

好耐冇食過麥當勞嘅醒神套餐啊，佢嘅早餐以前我好鍾意食㗎就不過最近食佢嘅早餐就有少少唔滿意啦，佢嘅份量好似真係少咗，明顯睇得出佢嘅pancake係薄左好多，有圖有真相啦，因為我本身就好鍾意食pancake既，見到分量咁少真係扣晒分！

呢排做緊$10細杯裝優惠，原價$15，平左三分一，就吸引左我一星期飲左兩次。呢度嘅咖啡一向唔差，一個shot都好濃味。因為係奶泡咖啡，面頭都係奶，好鬆，我最啱。

今天早上來到金鐘紅棉路參加朋友的婚禮，中午完結之後我便和男友在金鐘找餐廳吃午餐了無意中發現了這間位於海富中心的麥當勞旗艦店，看見在餐廳內可以點選自己喜愛的配料，然後再叫店員即場製作自己的特選漢堡包，貪新鮮的我們當然立即點了兩個漢堡包來品嚐一下No.1【松露芝士啡菇安格斯牛堡】$86由於漢堡包可以自行選擇配料，所以我便自製了這份［法式甜飽+100%安格斯牛肉+香軟水牛芝士+大啡菇+松露風味醬］的漢堡包當中是沒有任何生菜，蕃茄和洋蔥的，因為本人真的非常討厭這些配料，當然要自行刪除一下即使這個漢堡包索價$86，而且還要是即場製作，可是它仍然擺脫不了麥當勞一貫的水準，就是味道相當一般，雖然不至於難吃到想吐出來，但是你並不可以用美味兩個字來形容！漢堡扒雖然聲稱是採用100%安格斯牛肉，可是它的肉質不單止相當粗糙，更欠缺肉汁，口感非常乾巴巴，最重要是牛肉味一點也不濃郁，老實說無論是味道和質素都和它的平價雙層芝士牛堡分別不大至於水牛芝士則缺乏了濃郁的芝士香氣，芝士的氣息非常微弱，而大啡菇雖然充滿著鮮味十足，香甜可口的菇汁，可惜菇汁的份量並不多，同時亦不夠厚身，所以它的口感並不夠豐富而飽滿，味道只是一

咁岩出到金鐘見客, 見仲有D時間便去M記食個Breakfast.早晨全餐有哂我中意既野食, 熱香餅, 薯餅, 豬柳蛋漢堡, 一次過滿足我幾個願望.全部都新鮮整, 所以熱香餅鬆軟, 薯餅香脆, 豬柳蛋漢堡夠熱! 滿足地開始新既一日.

知黑糯米批今日出，我一放工就即刻黎m 記買個返屋企食！好彩都冇乜人排隊，而且好快我既黑糯米就到左！一返到屋企，急不及待食，一咬開，果然不負所望！好好味！好似食甜品既椰汁黑糯米咁，又香又好味！食完之後我覺得我鍾意黑糯米批多過蘋果批，食完係想下次再買黎食！8蚊一個都唔貴，又好味！

今日一放工上某社交平台就見到m記呍呢拿奶昔終於返黎喇!!!仲有4蚊一杯!!! 真係好抵!!唔即刻買返杯黎飲真係對自己唔住!!!去到m記好彩都唔係好多人排隊不過好笑既係...見到前面同身邊既人同自己一樣都係開住張奶昔4蚊coupon我諗大家同我都一樣急不及待好想快d買黎飲!!有3隻味...呍呢拿...朱古力....士多啤梨...!咁我最後係揀左呍呢拿味既!!!一飲! 好有呍呢拿既味道!!!亦都充滿童年回憶!!!飲飲下其實都覺得有d甜...好彩細細杯...所以其實飲完都剛剛好!!!襯優惠期完之前都想飲埋朱古力同士多啤梨味

M記出咗朱古力脆皮西尾抹茶新地一排，擔心佢就嚟落畫。所以一有時間，更重要係有肚，即使病都走去食返杯。果然不負眾望！抹茶味好濃，配埋面頭嘅朱古力脆皮就仲正！新地筒係Oreo皮，比一般淋淋地嘅新地筒好得多。一點可改善嘅地方就係Oreo條太甜喇。後記：原來呢間會比其他雪糕站賣貴兩蚊雞，早知去樓企附近個間食。

真係好耐都冇食過佢嘅批啦，今日心血來潮想試吓佢嘅香芋批，唔知同以前有冇分別，拎到之後真係覺得比以前細左， 而且入邊啲餡料好似都少咗，冇咗以前好滿嘅感覺，不過味道都OK嘅，可以接受，但係拎上手嘅時候佢都唔太熱，雖然係就係可以面即刻拎上手食，但係我比較鍾意熱少少，咁就可以確保食到底嘅時候都會係熱辣辣既！不過佢嘅新包裝都幾得意，比以前靚咗，色彩鮮艷食慾都大左，係一個幾好嘅改變，不過都係果句啦，希望份量可以多番少少！

好耐冇食麥當勞啦，今次帶住班細路仔感受一下細細個同屋企人一齊食麥當勞噶快樂啦！薯條漢堡包加可樂飛冰就緊系絕配啦，薯條噶話感覺冇以前甘好味啦，可能系凍左有小小淋，漢堡都幾好啦，肉質唔錯，大家都好開心！

距離上次食麥當勞雪糕已經係一年前，今次特意試下麥當勞新推出的抹茶雪糕，6.5一個😍沒有令我失望抹茶味道算係濃 可能太耐冇食雪糕 感覺食完一個都係好想食 不過麥當勞雪糕脂肪含量真的好高 😐

化妝不是男女的專利，食物也要化妝。不是嗎，「色、香、味」啊！但是，你可以化妝，但絕不可以偽裝。偽裝有點欺騙之嫌啊！今天到了金鐘，想留點錢在口袋，食一丁點東西罷。麥當勞為不二之選。看到相片：炒雙蛋看似濃郁美味，又嫩又滑，QQ感覺，厚厚的蛋給我滿足的感覺。漢堡牛肉頓時變為配角。相片即時治癒了我的選擇障礙症，便立即下單。漢堡包出來了，「失望」也夾在漢堡包中一同而來。炒蛋過熟，只差一步可以說是「上了大年紀」。我即時放棄了「濃郁」的預期，但挽救不了「美味」。原來一切都是遐想， QQ不是形容「感覺」，是形容相信偽裝的我，而且一個Q也不夠，而是2個Q：阿QQ。由預期跑到現實，進行了180度反轉，沒有半點角度殘留。漢堡牛肉即時由配角變為第二主角，但不足以扭轉大局。友善的評語是：炒蛋和漢堡牛肉不相伯仲。正當心中感慨，「茄喱啡」炸薯餅憑着香脆外皮和熱辣辣的薯肉，把套餐從六尺地底下拉上地面。天使的我：「炒蛋要全熟才沒有沙門氏菌，這是為你健康着想。牛肉給你足夠動物蛋白質，油份也不多，也是為你健康唄。這套餐「價」「值」相宜啊！」魔鬼的我：「$26.5，比嘉道理農場的農場雞蛋、日本A5和牛免治肉、半島酒店大廚煮俾