麥當勞 (怡和街)

营业中

休息中

今日要外出工作 又想速食😝加上今年係麥樂雞40週年🤩所以就去左M記食麥樂雞同shake shake薯條🤩主食：麥樂雞6件因為而家有$28 6件麥樂雞餐，比起9件麥樂雞餐平🤭我揀左最中意既蜜糖芥末醬，麥樂雞係啱啱炸起，吾係翻炸再翻炸，所以好味😋主食：加大薯條我揀左美式BBQ蜜糖調味粉，同以往一樣水準☺️飲品：白桃梳打有幾粒雜果係面，有d咬口，都吾算差👍🏻👍🏻係港島區既最平午餐，如果吾趕時間可以慢慢坐，吾會有人趕😂😂 用麥當勞app買$37

🍦🍨好立克新地麥當勞嘅新地一向唔便宜，今次限定甜品櫃先有既好立克新地有半價，$14變$7。新地有得揀扭紋底（原味溝好立克）或者全好立克，我揀咗全好立克。新地賣相幾好，好立克底加好多好立克粉係面。粉好香，個底係好滑既軟雪糕。好立克粉溝埋個底啲咁好食既軟雪糕，真係幾好食，好過就咁飲好立克。#雪糕 #新地 #好立克 #好立克新地 #麥當勞 #怡和街 #甜品櫃

麥當勞啊，係我哋平時最愛食嘅快餐之一啦！佢哋嘅炸雞啦漢堡啦，味道都好好味。炸雞脆脆嘅外皮，入口即化嘅肉質，就算食多幾塊都唔會膩。漢堡就更加唔洗講，每一款都有佢嘅獨特味道，加上軟綿綿嘅麵包同新鮮嘅蔬菜，一咬就滿口幸福感。如果你鍾意甜品，麥當勞嘅蘋果派同雪糕都好正，又甜又香，一食就停唔住。最後，唔好忘記試下佢哋嘅薯條啊，炸得剛剛好，酥脆可口，真係好好味。總之，麥當勞係一個可以滿足你所有口腹之欲嘅快餐品牌，真係值得一試！

放假朝早諗得最多就係”食咩好呢?” 而麥當勞早餐多數係我最佳選擇，因為佢可以電話落order既方便又唔洗排隊等！咁今次我就叫咗一個板燒雞腿扭扭粉配豬骨湯套餐，咁套餐會跟個薯餅嘅，麥當勞薯餅都出名熱辣辣又香脆，所以不嬲都係信心保證！另外板燒雞腿扭扭粉，佢呢有少少辣嘅，咁都令到成個扭扭粉早餐更加香，咁我多數都會揀豬骨濃湯味，因為另一個湯的話呢，佢有時會俾咗嗰啲雜豆，咁我自己唔係咁鍾意食三色豆，豬骨湯底有啲粟米粒，咁食落口感非常之豐富，而早餐嚟講呢麥當勞早餐真係夠晒飽肚！

禮拜六返工🏋️ 就梗係要食返個早餐Good morning👍🏻 今日就食咗份麥當勞既珍寶套餐麥當勞 (銅鑼灣)銅鑼灣怡和街46-54號地下至2樓抵食指數: ⭐️⭐️⭐️⭐️珍寶套餐 $40食麥當勞唔食薯餅🥔又點叫食麥當勞先 所以我已經第一時間將塊熱辣辣嘅薯餅🥔食落口，套餐有齊熱香餅🥞豬柳同炒蛋🍳唔知你哋會將炒蛋同豬柳夾麵包一齊食定分開食呢食個醒神早餐，再配一杯檸檬茶🍸 就真係完美good day啦😋😋

今日同個女學完興趣班，女兒又不停要嗌食麥當勞，個女又食返佢最鍾意嘅麥樂雞餐，而我當然係至愛既紫薯新地，無論食幾多次都係咁鍾意~紫薯味道不太甜加上Oreo好有咬口，今星期會無限再輪迴

由細到大都好鍾意食麥當勞嘅脆香雞翼，基本上每個月都總有一次會去食，完全係麥當勞脆香雞翼嘅忠實fans。一盒有四隻，外皮好香脆，帶有幾少微辣嘅味道，令人食唔停口。佢每一隻雞翼嘅肉質都好嫩滑溜，都好多汁，超級正。

最近出成日同女兒去呢間麥當勞食嘢啊！因為有2層！地方好大～放學搵位好容易～最開心又可以食開心樂園餐《又有玩具啦》又可以食最鍾意食嘅薯條！麥當勞嘅薯條係最好食嘅～仲有麥樂雞添—甜酸醬啊

麥當勞Hershey's脆皮朱古力新地 $9.5好耐冇食麥當勞，今日心血來潮黎食返杯雪糕新地，呢排做緊Hershey's朱古力口味。Hershey's朱古力雪糕好滑又夠濃厚，唔錯。朱古力脆皮都可以。下底朱古力醬唔算多。兩個人分享最好。不過係略嫌冇花生碎。總括而言，都可以一試。下午五點幾黎到，樓上都有位坐，可以坐低食完先走。係下面甜品站買完先上去樓上坐低食，唔洗排隊。服務員幫你蓋上個雪糕杯，都算衛生。

如題目 原來唔同既McDonald既質素係會咁參差 平時其實都算係M記既big fans 因為而家是但出去閒閒地食個lunch都$50 但m記仲有$30既餐點知今日食呢間m記 薯條又唔新鮮 淋既 又唔熱 飽又係是但整 唔會再黎

星期六我成日都會好放肆咁走去食麥當勞，或者去食沙嗲牛肉公仔麵٩(˃̶͈̀௰˂̶͈́)و。 今日，我見到麥當勞嗰個蕃茄濃湯扭扭粉(其實之前已經見過)，諗住比個機會佢，點知。。。╮(￣▽￣"")╭ 個扭扭粉完全係”傑”到阿媽都唔認得，同商品說明(廣告圖片)完全唔一樣。 張圖片明明係一個湯，感覺較稀。但結果出嚟嘅效果完全唔可以話係一個湯，直頭係一個芡汁。 都係普通豬骨湯好啲，起碼正正常常。 呢個扭扭粉難食到嘔，冇下次。

家人送給我「麥當勞」$10禮券四張，某天外出順便吃早餐使用兩張禮券。我情迷這款$25一份心型花生醬多士造型。結果..........此刻我明白我太天真、太儍，$25消費會有酒店級的造型嗎！？回歸現實，滿滿的花生醬、香脆的麵包非常可口。今天我收到這個優惠通知。我還有$10禮券兩張未用，我决定一試！結果..........暖笠笠朱古力祇為我帶來滋潤口感及暖和感，聖誕老人則與我無緣！哈哈哈！麥當勞是我夢想樂園，失望祇因我童心未泯！

都未入到去呢間美式料理 就見到大大個姜濤係門口恭候我地 入到去仲有上下弦一齊睇住我地買外賣 呢間美式料理要行兩層樓梯 夜晚去食 行左一日 仲要行 真係好唔user friendly 總括嚟講 食物質素一半 冇提供刀叉 完全達唔到美式料理餐廳嘅標準 食yoghurt連匙羹都無 真係慘過返印度

麥當勞價廉物美，又有冷氣開放，我都明白好多人會喺嗰度打躉，但係有時真係令人好無奈。諗住食個晏啫，遇着一個唔戴口罩嘅大叔行嚟行去，最後仲坐咗喺我對面等位，叫人哋點食…….. 有客人唔戴口罩，其實真係會令到其他人好不安，好希望麥當勞嘅經理或者員工可以留意一下咁樣嘅情況。麥當勞最近有好多唔同優惠，今日就有全日都有珍寶早晨全餐食，不過我最後都係買咗安格斯漢堡。安格斯漢堡包夠牛肉真係好吸引，夠晒多肉汁。至於薯條方面，叫咗走鹽，另外自己加咗啲黑椒，咁都幾好食。不過食食吓，由於有陌生人坐在對面，都係打包返去先繼續食🤷🏻‍♀️🤷🏻‍♀️

小編知道麥當勞McCafé出左菠蘿雞肉芝味薄餅，立即就去左麥當勞分店試一試佢龍與鳳☝🏻麥當勞有Pizza，我諗大家都未必知道，推介一下比大家◾ 菠蘿雞肉芝味薄餅嘩～一打開張紙聞到濃濃Pizza味道，小編好快即刻切一切，見到雙倍芝士真係唔同啲，拉絲都拉得多啲，一放入口濃濃酸甜千島風味醬作底，配上啖啖雞肉，人生一大享受🤤#一個人原來都可以盡興◾️ 沖繩黑糖珍珠奶茶 (+$5)好有意外驚喜，黑糖味道剛剛好，不會太甜，而且珍珠好彈QQ。