麥當勞 (荷里活廣場)

营业中

休息中

個雪糕賣$6。好抵食。個賣相好正。食落有軟硬 FEEL。食到有咖啡味同埋Dark Chocolate味。但場好乾淨。我個人誠意推介給各位愛好軟雪糕食客。真係好抵食。入口即溶有彈滑FEEL。

今日麥當勞做的$10推廣係「朱古力蛋糕OREO®️麥旋風」，見停左雨，就同同事去光顧下。但原來唔係在甜品站買，自助機又無得買，要排隊買，成個鋪面都有好多人，10個有5個都係買依個「朱古力蛋糕OREO®️麥旋風」。雖然話係全新朱古力蛋糕OREO®️麥旋風，但其實只係一杯朱古力新地加左少少曲奇碎同兩舊細細舊的原味海綿蛋糕，同同行友人研究左一陣，究竟夠蛋糕係要搞爛食，定就咁食呢，所以我試左就咁食一舊同搞爛食一舊。就咁食果舊係好普通的蛋糕，仲有少少硬左，反而搞爛左果舊吸左D雪糕，變淋左，好味D~

一唔落雨天氣就熱到不得了，今日食完Lunch就去左麥當勞買雪糕食。今日麥當勞好多人，因為做緊D $10推廣，好在甜品站係分開，唔駛排隊依家係期間限定「盛夏‧芒之季節」系列，我揀左呂宋芒果麥旋風x雀巢KIT KAT 朱古力 ($16)原來依家麥旋風換左紙杯上，無左個蓋~一拎上手已經聞到好香的芒果味~ 食入水果然係好重的芒果味，再加上一D果醬同埋果肉，食完成口都係芒果味，絕不欺場，麥旋風的另一特點就係有曲奇碎，今次俾D芒果醬同芒果肉完美覆蓋。不過其實我唔係好明點解成日都要加條雀巢KIT KAT 朱古力

近排麥當勞D24榴槤麥旋風廣告賣得好勁，前排仲斷埋貨添，食完飯心思思想試下.有25 40 50 蚊三款份量.最後簡左25蚊既，真係好彩無要到40，.都幾大杯，雪糕底係平時既新地.面頭加一pat 榴槤醬.賣相已經有D奇怪，但都有榴槤味.but淡榴槤食下先.有D奇怪，好甜，應該係後期加左好多糖.有小小化學劑既感覺.雪糕本身又甜，加上d榴槤撈唔到落去D雪糕入邊.吞完成口糖漿痴住D牙官腔係感覺超級麻麻地，實情都幾難食.食左一半掉左.好彩無買40想食榴槤真係正正經經街市買個好過.

記得以前細個好鍾意去麥當勞。就算讀中學，都會同一班同學去麥當勞食嘢、睇嘢同溫書。以前麥當勞啲嘢好平，雖然款式係多咗，但而家相對以前來講係貴左。最近麥當勞出咗啲新嘅甜品，其實都係換湯不換藥，不過未試過，所以都去試吓啦。首先係呢個新地蘋果脆，初頭以為個蘋果批係兩塊細細粒嘅蘋果批，仲諗住都幾得意啊，食落先知原來係將一個蘋果批搣開⋯⋯另外仲叫咗個香芋麥旋風，雪糕加埋芋頭味，食落都幾自然。環境方面，同以前一樣，都會有一啲唔係食嘢嘅人喺度坐，甚至係喺度玩Card game。不過調返轉諗，總好過有啲地方，要你幫襯先有得坐。從呢個角度睇，其實麥當勞都係一個集體回憶同集體Hea嘅好地方。秒秒中歡聚歡笑～

McDonald's 呢排大肆宣傳佢哋新推出嘅「D24榴槤麥旋風 」🌪 搞到小秘書都心癢癢、好期待🤤 瘋狂嘅廣告宣傳手法，亦成功打入各大chat group嘅討論話題👍🏻小秘書當然唔執輸，一收工就去朝聖😍😍 「榴槤麥旋風」分為普通版$25 同濃厚版$40，作為小fans嘅我，當然唔介意比多$15滿足一下味蕾... 🚘原來分別只係多咗少少榴蓮醬😪講真... 雪糕嘅味道唔差嘅，不過就只可以話係榴槤醬撈雲呢拿雪糕，絕對唔稱得上係榴槤雪糕囉。兩者分別好大㗎，麥當勞叔叔 真係要學下中文至得喇🤪

黎麥當奴食咩？緊係食紫薯味嘅麥旋風啦點解甘講呀因為佢地出左個紫薯味嘅麥旋風.好夠凍 甜度適中 仲食到 農厚的紫薯味真係值得一試經開老麥的朋友可以一試另外仲食左佢個脆香雞翼 都吾錯

最近麥當勞同LINE FRIENDS合作，推出好多同世界杯有關既新產品出黎。見佢喺手機APP落單就可以用$10買到一杯原價係$21既大大杯珍珠奶茶，有平當然去試一試啦。 呢杯飲品個杯似十足平時出面台式飲品店既大小，外表再加上可愛到爆既熊大加持，未飲就已經開心晒啦。一切美好既畫面都喺飲第一啖既時侯消失咗，奶茶就同平時喺麥當勞飲開既奶茶係一樣味道，呢方面完全無問題呀。不過佢既珍珠…一啲又好硬….又啲又好軟…硬嗰啲真係好似咬緊一舊擦膠咁！根本都無煮熟..飲咗半杯我頂唔順扔咗。

以前一直都唔知有張咁樣嘅甜品卡，係冇一日阿媽話我知咁樣食就最抵真係抵所以食到變肥豬。張卡本身就要＄12。即買就可以即刻用，最勁係買一送一，佢講嘅買A送B。＄16就有兩杯雪糕，平到痴線，買Double新地，就送一杯麥旋風。我將會行勻唔同嘅麥當勞食雪糕

星期日 周圍都好多人係好正常嘅，當然麥當勞都不例外啦。睇戲前，想買小小野食，所以去麥當勞買外賣。只不過，只是買個包同蘋果批，想唔到都要等成20分鐘，趕時間入場的話，真係唔好去。

去睇戲前食咗個麥當勞,叫咗個脆香雞翼餐. 加埋薯條個醬汁都已經成＄40了. 脆香雞翼嘅水準一如以往都幾鬆脆下.佢冇炸到乾晒,而且保存咗肉汁.見佢新出咗個黑松露風味張好似幾吸引下,忍唔住加左＄4,就覺得有少少中伏。首先啲薯條基本上冇問題，除了份量好似少咗之外。對於個醬汁就不太欣賞。第一啖食落去，以為佢俾咗個BBQ汁，仲要係此人地點麥樂雞嗰隻BBQ汁。同職員確認冇錯之後，再試清楚啲，都覺得佢似BBQ汁多個黑松露醬. 係食到尾嘅時候先有少少黑松露嘅滲出嚟。比我再揀我寧願點番茄汁好過。而且醬汁的份量很少，啲薯條唔係夠點。今次就當豪咗＄4比麥當勞啦。

平時星期日都好中意同屋企人去麥當勞食早餐因為又平又抵食 父母就中意食mccafe啲嘢多啲嘅我地幾個都係食早晨全餐 熱香餅 扭扭粉咁呢幾次去都感覺唔係咁好 等位其實就一定要架啦 都唔算等好耐 大家都係食完就走 個問題出左係出餐嘅速度 可能因為用左自助機嘅關係 啲野食全部都出得好慢 尤其係交更果陣 11點個機先截早餐單 入面出早餐都出到十一點半 但十一點又開始賣超值套餐果啲 所以就變左等好耐

前幾天有大把時間， 咁就食個麥當勞早晨特選套餐 。很久沒食過 ，熱香餅始終係最好味的 ，有蜜糖實在太好食啦， 加埋汽水， 40蚊有找， 本來想飲 凍 奶茶， 不過試過好多間麥當勞， 凍奶茶都係好難飲， 希望麥當勞唔好淨係研發 咖啡 ，不如注意下研發奶茶。

今天在荷李活廣場食完飯，發覺周圍的人都人手一杯軟雪糕，朱古力脆筒配上紫色的雪糕，和H字頭的雪糕店的雪糕非常相似，於是就有個衝動想去買，睇真D，原來是M記出品的紫薯味軟雪糕這個紫色的雪糕賣相好靚，食落紫薯味幾出，個朱古力筒夠脆

星期六下午無咩野做, 但麥記張cafe 卡又已經蓋滿左4個印, 為免夜長夢多唔見左張卡仔, 唯有去消滅佢。呢個時候的荷理活特別多人, 尤其下午更甚,麥記到處人頭湧, 等位都等左10分鐘。今次用左4個印+4蚊換左杯大既士多啤梨白朱古力咖啡, 另外又叫左杯中杯裝冷的 Cappuccino, 又加左件「曲奇妙趣芝士蛋糕」。講番杯新品, 飲得呢D 都可能對咖啡味道唔太講究, 的確, 士多啤梨夠濃, (果醬應該幾多), 而白朱古力的甜更能突出士多啤梨的酸, 咖啡的味道相比起來只係陪襯品。至於個曲奇妙趣芝士蛋糕, 我覺得以17蚊黎計, 算係交到貨, 芝士蛋糕都夠creamy, 可能杯咖啡已經夠甜, 相比起上黎個蛋糕唔算太膩。呢餐tea, 2個人都只係40蚊, 算唔錯啦