麥當勞 (荷里活廣場)

营业中

休息中

林明頓蛋糕 -- 有朱古力味及咖啡味, 今次試了朱古力 ($6) 做法: 普通的牛油蛋糕切細磚型, 外層沾滿朱古力醬再撒上椰絲, 跟著要放雪櫃雪以做到外硬內軟的效果 此蛋糕的"外硬內軟"不是太明顯, 外層朱古力不太硬, 內層未至於海棉蛋糕的軟熟 少少失望, 因朱古力只係薄薄一層, 未食前還期待著有香濃厚厚一層的朱古力...

這夜年初五，到友人屋企拜年，傾計吹水飲酒玩啤牌少不了﹗不知不覺又到左凌晨點半鐘，肚仔餓又無理由走落街食宵夜，最方便的就是叫麥記﹗麥記都不知在何時有通宵的送餐服務，總之你好似肯叫過百蚊就有送餐，成班餓鬼醉鬼真係開心死﹗個個都食番個餐，我就叫左個雙層魚柳包，第一次試，有兩層的炸魚柳感覺實在，夜晚有個魚柳包食真係特別好味﹗相信夜深人靜食物都係即叫即做，送到上屋企都仲係熱呼呼的，為這夜的派對添上溫馨﹗呢個深宵送餐服務真係一流﹗一人幾十蚊就有外賣宵夜，希望繼續keep住唔好停，我地呢0的懶人有福了﹗

麥當勞又出新嘢，一次過試晒，呢次下午茶要咗： 周打蜆湯：好似上次嘅忌廉蘑菇粟米湯好味啲喎，呢個湯有啲稀，唔係咁杰身，蜆味唔突出，質素一般！ 和風滋味蝦堡：喺日本麥當勞都食過係好正嘅，不過嚟咗香港就真係差咗一大截！香港嘅蝦堡入面塊炸蝦薄咗好多冇乜質感，而且仲整到好油膩！蝦餅入面食到有好多粉漿，料唔係太夠，覺得佢有啲欺場！ 不過味道至少好過上次嘅和風芥末魚柳飽嘅因為醬汁攞番啲分數！ 脆魚手指：呢樣嘢有埋沙律醬跟嘅，一盒得三條，原價買甚至跟餐慳兩蚊都係貴！脆魚手指唔算厚亦唔大條，食落又係冇乜質感，味道好普通完全冇驚喜，同超市買到自己整嘅差唔多！ 薯條：跟餐嘅，夠熱夠脆！ 可樂：都係跟餐嘅！下次唔知又會出啲乜新嘢呢？

今日呢頭有鑽地工程，身水身汗，都唔知點解都成十一月都仲係咁熱，下午成三十度有多，曬死我了﹗見到門口話有新包賣，就走入來試下﹗講真我一向都好鍾意食魚柳包的，而家有芥醬，當然唔執輸啦﹗芥辣味都幾濃，仲幾攻鼻，酸味唔多夠，真係得個辣字﹗我自己就唔係太鍾意了﹗試一次便算﹗下次都係食番魚柳包好0的﹗而家0的麥記餐去到成二十六蚊一個，當然$17.8的日子去左邊？

九月十五日(星期一)今日九點morning call呢,10點要到鑽石山,因為相約了老公和他的朋友到塔門行山呢!之前做過research鑽石山荷里活都很少早餐選擇!所以老公說不如到麥記吃早餐!反正我們也沒有吃過早餐呢估不到,十分多人呢,而且分開兩條line買食物以及取食物呢我要了豬飹蛋漢堡餐,吃了半個薯餅已經很飽了,薯餅比較咸久違了的豬飹蛋漢堡依然的好吃呢老公吃了通心粉的早餐就是這樣,吃先就乘巴士到黃石碼頭出發lu!

今年首次為兩位公主王子起麥當當搞生日會...點知個場勁細....由於當初book場時個姐姐話可以座60人...於是我地請左約60人既客黎參加我地既生日會...誰不知...太好好友親友不請自來....雖然開心但麥當當冇seat再比我地d客人座...不單只....個場已經好細...年齡只是0-5歲左右....玩埋D遊戲點岩我兩個寶貝仔女玩呀????加上客人黎到任叫食物....有個新黎既妹妹仔樓面拎住杯熱咖啡唔小心倒左落個某人家長度...諗住新黎不要緊啦...倒左落BB度一定唔得....點知個樓面一支箭地衝左出去....走左....火滾契媽睇到火都黎....連忙同家長說聲對不起及帶佢去廁所....即刻搵經理理論。.....經理都係冇經驗的.......唉....後尾....找數....要求佢地比張更詳細既清單比我地睇......佢話冇.......買單總共$3000多蚊....我地心裡面計個條數差唔多....因為人實在太多喇....謝謝出席的每位朋友....但總可以看看食左D咩丫.....竟然唔比返張單我地睇....下次或以後都唔會再黎呢度搞囉.....錢又唔係冇......何必再同人地迫及

呢度食物質素唔多講,同一般麥記冇乜分別。想講既係呢間麥記唔知點解特別多細佬!所以超嘈!!上次黎食過一次堂食之後,以後都唔敢再堂食啦!亦因為咁,所以都覺得呢度有時幾污糟,我諗都係d細佬搞出黎架喇~但有時太多人職員又抺唔切...如果各位想比較靜咁食個快餐,咁就最好唔好係呢間堂食喇...

麥當奴有親新包都會試下當然唔少得至尊漢堡啦, 單叫$14.8 因為薯條太熱氣又唔飲汽水, 所以就冇叫套餐一打開張紙見到塊牛肉好大塊(起碼比個包大)比其他包ge牛肉厚d啦但一d都唔juicy囉, 勁乾~ 要靠洋蔥上面d醬汁搭救,and塊芝士好似唔同左, overall ok啦, 齋食個包都飽飽地, 試1,2次都可以ge~

昨天和男友去迪士尼玩，雖然下著雨，但都無損我興奮的心情!出發前先到這裡食個早餐，order了2個$12的set。我的是熱香餅+奶茶:平時熱香餅都煎得有點焦，但今天就剛剛好，而且奶茶都很好味。男友的是豬柳飽+奶茶:豬柳味道一如既往，但是飽好像"縮左水"。這間分店重新裝修後，有些卡位，不錯!!食飽飽就要向迪士尼樂園進發了!!

上兩個星期,男友話想食麥當勞.我地試了飯tastic的牛肉飯(包),十分難食.飯又淋,又油,油到牛肉都唔覺有咩味道,我食了一兩啖放棄了,男友最後都頂唔順.

好好食! 不過紅豆醬甜o左d, 但同d ice cream 好match ar! 個姐姐仲肯比好多醬我tim , 好好人ar!至於mango 新地都ok, 夾埋d ice cream 會好食d, d mango 味都唔算太假~