麥當勞 (創紀之城一期)

营业中

休息中

今日中午唔知食啲咩好， 諗下諗下又諗起頭條新聞今日有講到新嘅包， 既然係咁我呢個麥當勞fans絕對唔會放過啦！今次呢個包 比起上一次嘅是拉差好食d， 是拉差嘅包呢就醬汁較多以及 比較滯， 令人難以消化 ! 今次呢個包最主要係食泰式炸洋蔥， 以及 4 to 1 meat patty！ 其實可以更好食因為 漢堡包勁牛肉 angus 相對比較乾明顯地已經放了一段時間。但係其實麥當勞嘅食物最緊要新鮮否則嘅話其實出嚟嘅效果並沒有那麼好， 曾經 在外國 做過麥當勞嘅我 知道內部運作 以及食物品質嘅要求， 當我 將漢堡包吃一口就知道究竟製作者 有冇按照程序製作漢堡包。

每星期既 lunch 基本上離不開 mc donald，因為平靚正，今日不例外，but 唔係食 23蚊 cheap 餐，因為今日係 friday 所以，要食豪d，食新野。呢幾日報紙勁賣廣告，是拉差雞飽唔知邊個改呢個名，唔理佢是拉差，定係是差拉，是差但啦 食左試試佢!而且我仲加多四蚊 加cheess 同 bacon 落薯條到出來既效果係 同我出面 happy hour 既一樣。係到 42蚊就可以落樓，係 pub 到 冇 300你都唔使指意有得食。overall 對個飽評價好好，有 tomato 有蛋又有菜。 42蚊食到飽飽又好食，邊個人成日話 m記唔健康？ 我會覺得好過茶餐廳的 油野好好多囉!值得一食!!!

呢個麥當勞新出嘅包睇落好吸引，今次趁住草根爸搞左個行山團 ，終於有機會早起身去麥當當試新包 黃金蛋餅火腿堡餐+薯餅（$25.8） 睇圖其實真係好吸引，而且之前聽到唔少人有好評都幾期待 。。。 個包有d咩其實係個名到都睇到晒🍳中間嘅蛋餅夾有粟米，配上火腿扒同沙律醬，包都係用番平日豬柳強個English Muffin草根爸媽都一致話好好食，不過草根妹就劣評左佢，口味呢家野真係好難捉摸，反正只係廿幾蚊，大家去試下睇下啱唔啱食啦

今次我冇自選 要左個芝味蘑菇安格斯牛肉之前食過四五次都好好食 蘑菇同芝士都好夠🍄但今次蘑菇同汁都好少 唔係好夠味反而薯條就好脆👍🏻岩岩炸起💋Btw 我今星期食左五餐m記🙊------------------------------如果唔想跟佢個配搭 都可以自選架👇🏻👅包🍞小麥圈 法式甜包 意式香軟包👅肉🍖安格斯牛肉 香烤雞腿 脆香雞腿👅汁🍯清新田園 狂惹火辣 芝味蘑菇

今日見到佢有新搞作，叫做黃金蛋餅火腿堡，就嗌番個嚟試下先，塊蛋餅煎到好似家鄉煎蛋角咁老，嚡霎霎嘅口感，加埋混和喺裏面嘅極乾粟米粒，令到個蛋餅再嚡七成，好在芝士加沙律醬嘅味道補救番少少先至無咁難捱咋。

久唔久緊係要對自己好d，呢排天氣凍到唔想起身，所以今朝就算遲到左少少都要去左M記食埋個早餐先返工! 叫左個珍寶套餐，今朝好lucky份早餐，岩岩新鮮熱辣整好，更加特別好味，熱辣辣香噴噴既熱香餅好軟熟，搽埋香滑既牛油同糖漿，甜甜地好好味，食極都唔厭! 個人like炒蛋上落少少黑椒好味好多，就咁食就會啖味左d，豬柳煎得岩岩好本身豬柳已經夠晒味，所以乜都唔洗落都好好味，薯餅又新鮮出爐脆卜卜食埋個包搽d果醬一來味道冇咁單調，二來d果醬又好好味唔洗晒左再飲埋杯熱朱古力，暖胃又好飲，一餐美味既早餐!

今日食厭咗雞堡想轉轉新口味，食下好耐無食過嘅麥芝蛋包先，印像中麥芝蛋包餐比起雞堡餐係平四蚊嘅，轉轉口味又可以食平啲啲，不過原來咁耐無食，個包入面得蛋同芝士原來係咁寡㗎，好彩包入面嘅醬都夠多，如果唔係相信會更加難捱。

今日雖則係星期六但係都竟然勁多人嚟食麥記嘅早餐，可能人多啲包賣得快嘅關係啦，今日個魚柳 bell chan 個魚柳 bell 竟然勁熱，係接近辣手嗰一隻，塊魚柳新鮮炸起，夠哂脆之餘仲有勁多沙律醬，正。

其實 麥記真係無咩好寫見近期成日食麥皮 諗住去麥記食個早靚早餐啦新出左個包我都唔記得左叫咩名個包皮好似食緊擦膠咁個炒蛋係'鞋'既豬柳唔知點解亦好似係無味好後悔叫左！

好早之前m記出左新包冇幾耐，已經忍唔住有鼓衝動想去試，叫左家姐幫我買番黎，竟然粗薯條要加多$4，以前會跟埋餐，成$40蚊一個餐已經變得唔實惠，不過算新野係貴啲先馨香一撕開個紙袋，已經聞到濃濃既m記味，搞到全家都圍住我話想食，先講下個包先，買相睇落去同圖片差唔多，唯獨係過size細左啲，食落去豬柳味香，個醬汁咸得黎帶到隻味，同手撕豬柳都幾夾，食落覺得唔錯。欣賞既係粗薯條，食落口感唔會太粉又有薯香，不過會食到好口乾，新餐食落唔錯，不過平啲既話更加吸引。

今日經過創紀之城一期嘅麥當勞, 由於好耐冇食過魚柳包，心旭旭就嗌咗個魚柳包餐，諗住喺車度嘆下早餐。初時攞個薯餅出嚟時極度驚喜， 皆因熱辣辣, 脆卜卜，魚柳包摸落亦暖笠笠， 一摸就知係啱啱整好， 新鮮出爐。不過第一啖咬落口嗰陣真係喊咗出嚟， 點解，點解個魚柳包冇醬㗎？？？ 打開一睇， 見到個沙律醬得嗰少少， 大佬我冇叫少沙律醬， 麥當勞想慳錢都唔好咁陰啲陰啲呀...相信鍾意食魚柳包嘅人， 都係因為鍾意佢個醬酸味味，好開胃， 今次真係太令我失望啦...

星期日仲要返工，工廠區又無嘢食！簡單啲去麥當勞攪，地方唔大，乾淨企理，搵咗位去櫃檯落單，好快執齊比我！牛油果雞堡套餐（$33.8）卡通紙盒好靚，連入面包住漢堡嘅紙都好靚，麵包唔係平常麥當勞嘅包，麵包鬆軟，牛油果係果肉，唔係果醬，所以咬落有口感，牛油果好夾千島醬，酸酸地開胃，雞扒係鮮肉雞扒，外脆內軟，有肉汁！好味！薯條：香脆正常！香橙特飲（$4）今次嘅橙味唔假，係雪碧加橙味糖漿，不過橙色素好勁，罐頭什果都染成橙色！滋味蝦堡：朋友食，卡通紙盒好靚！店員爽手，服務正常！快得很嘅快餐！廁所殘舊

等一次試左新出的親子蛋飯Taste / Chicken & egg taste 餐 .入面有二款白同黄色酱(味道有D怪),飯堡有油味，雞不脆。整體個飯堡食落好咸，有D似炒飯。先望!!

對上一次食飯tastic已經係N年前，估唔到竟然又出返知道飯tastic出返，仲要連埋得意既蛋哥，lunch衝左落去試！個包都幾大個，好抵食。飯夠煙韌同香口，雞扒係脆辣雞腿包既味道，香脆好食，隻蛋就連埋粟米粒炒，夾埋好好食！不過真係好大個，男仔食完都覺得飽。

今日經過麥當勞，突然好想食，咁就入左去買喇！以往我都只會叫豬柳蛋漢堡今日突然想試下其他野睇左好耐 叫左個麥之蛋包呢個包唔係唔好食！但太多汁同芝士 都幾濟 同埋超肥😂😂😂😂但真心 係好食既！🤗🤗🤗間唔時一次就好了😍