麥當勞 (石圍角商場)

营业中

休息中

今(22-7-2012 Sun)朝同男友起身陪佢食早餐,我唔落荃灣喇,佢話o黎麥當勞吧.,好.o黎到,佢話要個早晏全餐就,夠咁我幫佢買啦,買個$22.50o既精選早餐,我要$25.00o既至尊烤雞套餐,兩個都係要可樂.齊晒o野開餐,我先試我o既烤雞,又係辣o既,不過帶啲甜味,係加o左少少糖漿,雞皮冇煎脆,食完件雞剩返好多油o係個盒.其實男友之前食過,佢話就係唔鍾意甜甜辣辣但黐立立o既效果.其他o野都正常冇問題.

今日(5-11-2011 Sat)到晏晝1點幾開始肚餓,食個麥當勞o既烤豬漢堡嗎?但今晚o既餸菜應該幾飽肚,o衣o家食個lunch唔可以食太多,點算呢?呀,可以食少少o野,食個開心樂園餐咪得囉,好,落去買先.o黎到,見有啲平平o地單買o既包,記起男友教我可以買呢啲食,唔使食成個餐同又飲汽水,嗯!就買個$8.00o既雙芝牛堡同$6.00o既蕃薯批啦.買好返拎屋企,先食雙芝牛堡,呢個食得返細個時食o既味道,不過唔知係咪塊芝士作怪,越食越鹹,鹹到個冇味漢堡包都幾乎中和唔到.然後食蕃薯批,呢個唔係太熱,批皮仍脆口,內裡o既蕃薯餡同樣唔太熱喇,味道亦唔甜,不過餡都算幾多,冇9成滿都有8成,算唔錯.

尋晚14-10-2011(Fri),男友放工後過o黎,佢o係o度買雙層黑椒漢堡,牛油粟米同可樂做晚飯,o黎到打開睇睇,啲汁多到漏晒出o黎,好論盡,影完相食喇,佢都唔用手拎住o黎食,用食粟米o既膠匙’切’開一件件食,我都試吓,唔辣o既,牛肉漢堡依照冇肉汁,乾o既,啲汁o係淋上去o既黑椒汁,配料就只有洋蔥粒,重要係食唔到洋蔥味,牛肉漢堡亦都冇牛肉味,呢個比普通漢堡更差.而牛油粟米呢?男友一早將牛油倒o左入去冚返蓋,食完漢堡就食佢,點知一啲牛油味都冇,粟米亦唔甜.我就加之前o係大家樂食早餐冇用到o既牛油,先至有返啲牛油香.男友話麥當勞o既牛油真係冇味.

28-9-2011(Wed)朝早同男友起身後食早餐,問佢去邊o度食,佢話求祈麥當勞.啊,好吖,問佢想食咩o野?佢答求祈幫佢買得o架喇,咁飲咩o野?佢話想飲奶,啊.咁由於前一晚晚飯又食得幾多蛋,唔好再要有蛋o既早餐喇.我要$22.80o既5號豬柳蛋扭扭粉早餐同$19.40o既9號o既豬柳漢堡.問我店員有冇鮮奶?佢答有,加$2.50或$3.00.咩o野叫做加$2.50或$3.00?唔係一個價錢o既咩?抑或任佢加幾多就幾多?咁我要一個鮮奶,一杯可樂,盛惠$44.70.好快所有o野都齊晒,開餐lu,我就食豬柳漢堡,男友打開睇,咦?!有蛋o既?哎呀,原來我冇細心睇,呢個係有蛋o架.我o既豬柳漢堡開頭都覺得冇乜o野,但食食吓覺得個包o既口感麻麻地.而薯餅呢?唔太燶o既薯餅竟然有啲位應該係脆,但可以係咬唔開兼韌.最後男友食剩啲通粉,佢其實想留畀我食,我唔想食,不過都試吓,點解會係腍o既?腍到似糊仔,男友都頂唔順食唔晒.而兩個飲品應該冇問題o既.o衣o家諗返,其實麥當勞o既早餐都冇咩o野選擇,幾乎個個早餐都有蛋同埋終於知道男友食食吓時,點解無端端問唔知麥當勞會唔會將唔係廿四小時開o既分店買唔晒o既o野

由於要換hellokitty手錶,今日就去咗食一個開心樂園餐~要咗個漢堡包餐,當然要配香口既薯條加可樂漢堡包係新整,所以熱架!今次件牛肉好多肉汁,脆脆地,好味!!不過就少咗d茄醬,同埋舊酸瓜細塊咗d,薯條就太多salt,好咸,但都好好食,汽水始終m記都係差少少,淡味~hellokitty>>錶面有d花!但好靚!!!

尋晚(12-8-2011 Fri)食完飯後,同男友一齊返我屋企,男友一路嘈話要食甜品,返到o黎話食麥當勞新地.好啦,我又食啦,因為呢o度o既軟雪糕新地又香又滑又平.我要個新地筒,男友要可樂新地樂o係o度食.我o地坐低後,影低男友o既甜品,我就食我o既新地筒,點解咁腍o既?係雪櫃唔夠凍.而男友o既可樂新地樂呢,熔熔地o既新地得o個兩圈,可樂味道又淡淡,食完又有一大杯冰,唉!睇睇單,原來新地筒已經要$2.50,新地樂要$11.80.

24-7-2011(Sun)朝同男友起身後食早餐,今次男友趕時間返工,我o地o黎呢o度食.我o地揀o左啲超值選,男友要$8.00o既雙牛芝堡,$13.00o既6件麥樂雞,$5.00o既細芬達,我要$8.00o既麥香雞,$5.00o既細薯條,$5.00o既細可樂同$6.00o既蕃薯批.坐低開餐,男友o既雙牛芝堡好扁,唔打開睇,都睇唔到同普通o既漢堡包有乜分別.我o既麥香雞有生菜o係裡面,而沙律醬就好唔夠,一般.汽水同薯條唔使講,蘸麥香雞o既蜜糖芥末都幾稀,味道過淡.最後蕃薯批,男友分成一半後睇,黃色o既蕃薯粒加醬,食吓先,微微地甜,好彩已經唔太熱,唔係就’辣’親條脷.呢個批反而唔錯.註: 經過23/7o係青衣城麥當勞食早餐o既經驗,我就好珍惜呢間冇乜人o既麥當勞.

3-7-2011(Sun)一早起身,stand by幫男友搬o野,咁先食個早餐,要快,就去麥當勞啦.o黎到,要個$20.50o既精選早餐套餐,呢個餐有熱鬆餅,炒蛋,豬柳,薯餅同可樂,今次要讚o既係炒蛋,佢內外都有蛋汁,唔係有次我食到o既o係全熟o既蛋外淋蛋汁,但豬柳仍然太鹹,呢點要改善喇.衛生:呢日負責收o野o既女職員好勤快,唔錯啊.

今日(18-6-2011 Sat)同男友起身後同佢食早餐,冇車落荃灣就o係o度食o左o野先啦.佢介紹揀超值選,咁就唔使夾硬食個貴又同樣唔健康o既餐啦.佢揀o左$8.00o既麥香雞,$5.00o既雪糕新地,$5.00o既細薯條同$5.00o既細可樂.我要$8.00o既孖芝牛肉漢堡同$5.00o既細可樂.開餐,其實大部份都唔使講,只係孖芝牛肉漢堡o既青瓜數量多啲,唔太差.而麥香雞我就未試過o既,男友推介件雞有啲黑椒粒又炸得脆,所有叫我試.嗯,件雞係好脆口,唔太辣,包係有沙律醬但唔夠多,加埋件包都幾厚吓,咁就太乾,係美中不足之處.今次味道評分只就麥香雞,但抵食就以所有食物價錢計.

前(14-6-2011 Tue)晚男友放工o黎我屋企,但爸爸冇預佢o既飯,佢就自己o係o度買o野食,佢買o左麥樂雞,芝士漢堡同雞翼拼盤.雞翼拼盤共有三種味道o既雞翼各一隻,我都每隻試啲.先試相中最左邊o個隻,唔….辣o既?我食唔到就畀返男友食.而中間o個隻呢,好鹹,我食到蔥味,但太鹹.最右o個隻好明顯係炸o既,都冇乜特別,但我都食到有啲辣.睇o黎呢個雞翼拼盤唔係咁o岩我胃口.味道分係2.66.

今(5-6-2011 Sat)朝同爸爸買完餸返到屋企,男友o岩o岩要出去返工喇,但我知佢未食o野,於是即刻同佢落去食.由於又趕時間,所以o黎麥當勞.佢要$26.00o既雙層芝士漢堡餐,我要$25.70o既豬柳蛋漢堡餐,原本都唔打算寫,只因今次食o既豬柳蛋漢堡有啲驚喜,就係蛋有兩隻,而且竟然有蛋汁,真係意想不到,而原本因為咁畀個笑臉,可惜豬柳同薯條都過鹹,所以都只係畀返OK.

今(5-3-2011 Sat)朝同男友起身後食早餐,今次到我想食麥當勞,男友問我想食咩o野?我答火腿扒o個隻同飲橙汁.男友買返o黎打開影相,我嗅到好香,影完相開餐.我呢個係$18.30o既火腿扒芝士漢堡餐,連薯餅o既.而男友要o個係$19.00o既熱香餅,豬柳早餐,同樣飲橙汁.我o既火腿扒芝士漢堡乾爭爭又死鹹,真係攞命,食o左一半頂唔順,連飲苦橙汁都唔掂.而男友o既餐屬一貫正常啦,不過我o地撈埋o黎食都唔係咁夠飽.

前晚(15-11-2010 Mon),男友放工過o黎食飯,點知佢又買新地o黎,今次係double新地,下面係朱古力漿,上面紅卜卜o既係士多啤梨漿.食吓先,嘩!士多啤梨漿出事呀!有藥水味o既?我從小都由非新鮮車厘子中汲取到藥水味o既教訓,以後都唔會食呢類o野,所以亦從來冇食士多啤梨漿新地,點知今次中o左招.男友都話以前未試過食呢隻味,焦糖味已經唔好o架啦,連士多啤梨都唔掂,我o地以後只可以要朱古力漿lu.

今日(6-11-2010 Sat)同男友起身後直情唔食早餐,到差唔多一點開始肚餓想食o野,我記起麥當勞新出紐約特級煙肉雞堡,於是男友就o黎買o野食,最後佢買o左:1. $28.50o既紐約特級煙肉雞堡餐睇睇呢個先,一樣係芝麻包,打開睇睇,有生菜,一塊原塊芝士同炸雞,好似冇乜醬喎,而煙肉呢?男友切開一半後,我再揭開我o個件睇,啊,見到有喇,咁食喇.件炸雞皮都脆脆地o既,不過約1.5cm厚ｏ既炸雞乾ｏ既,而味道呢,樣樣都冇味又乾爭爭,連煙肉都竟然冇味,好唔掂.2. $27.30o既香烤雞翼餐一客四件細細隻o既,味道呢,似中式叉燒咁,反而呢個仍有肉汁,好過紐約特級煙肉雞堡啲啲.睇睇價錢,呢兩餐都唔平,好唔值喎.

今日(1-10-2010 Frir)男友放正日過o黎,佢未食晏,諗起麥當奴有新o野推出,佢詰要試就買返o黎喇.就係$27.80o既日和特盛魚堡餐,佢飲芬達汽水,然後又加$6.50試蕃茄海鮮湯.返到o黎打開睇睇先,樣樣o野都好熱,連薯條都係,咁當然除o左汽水啦.影好晒,男友飲湯,估唔到只有好少蕃茄粒o既湯竟然好味,有海鮮(似龍蝦)o既味道,味道: 5分日和特盛魚堡,打開睇睇,嘩!芝士開始半熔,重有生菜,男友食一啖又即刻大讚話好食,同普通魚柳漢堡唔同,呢個包軟啲好啲,而芝麻醬呢,我’挑’少少o黎食,真係有芝麻味,冇呃人.味道: 4.3分薯條,其實都冇咩好寫,只係今次係熱辣辣同幾多吓,可能佢o黎得合時啦.而芬達汽水呢,我真係好耐冇飲,呢次又飲一啖,哈,依然係好假o既橙味汽水.味道只就頭兩樣o野畀分.