麥當勞 (已搬遷)

細細個食老麥最仲意就係脆香雞翼想當時仲有全翼!!次次都會叫全翼~不過依家無LU~連辣醬都限包數細個個陣新陳代謝快~食幾多都唔怕肥跑兩跑就消秏哂~依家除左睇住體重之外仲要住銀包...依家既老麥真係就黎貴過個面一個餐要40幾$!!!好彩消費券出左~脆香雞翼餐30$就有交易回憶下兒時回憶~btw有無人同我一樣食全翼首先係去骨然後啖啖肉咁食!!…查看更多

人都有錯，由其係當一班細路嘻嘻哈哈當廚房係遊樂場的時候，人客有禮貌地攞返遺留的餐具，細路二話不說大大聲呼喝話無（留意返當時客人唔係問緊佢），買粟米唔俾餐具叫人逐粒執來食或倒落口食？大家都係買雞翼又無俾醬人，外國人攞醬即俾，其他問攞返包醬又係話無，仲要收錢，喂喂喂，雞翼本身跟一包醬，係你無俾人，仲要聲大夾惡要收錢，陀地黑社會古惑仔上身？呢個場已經出名態度差，因為連大粒的態度都係咁惡劣，仲話買少少野唔稀罕人去幫襯，咁不如落閘咪唔洗俾人煩或阻住你們嘻嘻哈哈數錢清潔囉！如果大家買個包擔心食唔飽，來呢間受氣受到你飽！…查看更多

態度極差 自己錯仲想推落個客到外賣自取同事買完拎到上辦公室先發現俾漏野咁我負責打電話落去話俾漏野 自問態度好 我都係諗住講定佢俾漏 我再落返去拎聽電話個人第一句出聲已經好似好質疑我呃佢態度非常惡劣！！！之後問足5分鐘都唔肯認係佢俾漏 又要勁惡咁問我 幾！多！個！我大概講到我地買左d咩 成班同事一齊買 又已經分晒d野食 又唔係我負責買 我點可以講得出晒所有野食(買左大約$100)但我大概講到個數量 佢都知個段時間得我地買左咁多野食個人仲話 佢同事俾齊野 我感覺上好似係佢話我呃佢咁但已經唔係第一次俾漏上次我負責買 好彩有check清楚先走 漏左個包！今次咁樣受氣真係好嬲 態度極差 …查看更多

合和麥當勞就唔洗點講啦，灣仔區一到食飯時候就會人山人海。麥當勞今個夏日，為大家帶來Shake Dip的驚喜，18件麥樂雞驚喜回歸，配搭上麥樂雞全新滋味醬「鹹蛋黃醬」、「南乳燒雞味醬」及「香草檸檬醬」及蜜糖芥末醬，共4款滋味醬。另外，首度登陸香港麥當勞的Shake Shake薯條，惹味十足的「鐵板黑椒汁味調味粉」及「BBQ薯片味調味粉」；更有黑糖珍珠奶茶。4款不同滋味醬各有風味：「鹹蛋黃醬」充滿著鹹香味，但食落較咸；「南乳燒雞味醬」充滿著香濃惹味，味道幾特別；「香草檸檬醬」味道清新，有點檸檬的香味；「蜜糖芥末醬」是4款口味的舊味，但也是4款口味中，我較愛好的味道，入口甜甜地，但咬落又有點辣。18件麥樂雞當然要同朋友一齊分享啦。\…查看更多

平時都好鍾意食麥當勞嘅早餐，所以每次返工前都一定會早啲起身食，而呢排麥當勞新出左呢個奶醬嘅熱香餅，本身都鍾意食奶醬同熱香餅嘅我黎講，簡直係perfect match，令我更加想食熱香餅起呢個價錢來講已經好好食，佢會比一條花生醬同一小杯煉奶，花生醬嘅量多到我覺得可以點六塊熱香餅😂超級豪氣既包裝，而煉奶嘅份量就啱啱好。炒蛋唔好期望太高，佢唔係話好滑但都幾好食，可以落鹽同黑椒，而薯餅因為啱啱炸好嘅關係，好夠脆好好食。鍾意食奶醬既朋友值得一試麥當勞嘅咖啡唔係話好貴，但佢嘅質素其實同Starbucks或者Pacific差唔到，最鍾意佢既咖啡豆有朱古力味，朝頭早醒神就最啱不過👍🏻👍🏻…查看更多

由於今日比較忙，全日都要喺灣仔做嘢，兼且時間相當緊逼，所以我們就喺合和中心嘅「麥當勞」食咗個極速午餐！:)我們叫咗鷄肉火腿碎蛋芝味多士嘅多士烤得都幾香脆，:)但邊嘅位置就比較硬身，至於餡料嘅份量唔算好足料，因主要係食到碎蛋同芝士，唔係好感覺食到鷄肉！小龍蝦蛋沙律意式包嘅包質比較乾同硬，而且唔係好熱，至於餡料嘅小龍蝦肉質都幾鮮味彈牙，鷄蛋沙律亦都幾芳香軟滑！芝士煙肉牛角包嘅包質好酥脆鬆化，煙肉嘅煙燻味唔算好濃郁，好似一塊好普通嘅肉咁，而芝士嘅份量就相當多，所以感覺比較膩！…查看更多

我終於interview完了對不起沒有告訴大家暫停更新了一陣因為我interview前太緊張了所以沒有心情寫現在interview完了心情很興奮所以會繼續定時更新Mc Donald’s (四)今次推出了很久才嘗到這個肉醬蛋牛肉tastic我提了我媽兩次我媽才記得買給我吃其他同時推出的產品我沒有試因為我媽沒有買不過菠蘿批就算我在場也不會買因為我不喜歡菠蘿薄薯脆有機會的話會考慮下嘗嘗肉醬蛋牛肉tastic★★★★☆與親子蛋飯tastic一樣的菇飯內裏有兩塊扒夾住一隻蛋扒的味道是典型麥當勞扒的味道茄醬只有中間那一點不要懷疑就跟上圖顯示一樣那麼少所以整體比較乾身蛋是全熟蛋沒那麼吸引如果是半熟蛋的話會好吃很多味道是可想像中的範圍因為base都是麥當勞扒所以不是太特別我弟喜歡肉醬蛋牛肉tastic多過親子蛋飯tastic不過我反轉因為不太喜歡麥當勞扒所以較喜歡親子蛋飯tastic…查看更多

Mc Donald’s (三)之前我媽買了親子蛋飯tastic但我媽沒加錢買齊整個系列為了嘗焦糖布丁麥旋風我自己去了買麥當勞可以加錢換的都換了買了整個系列怎料第二天我媽又買了麥當勞不過很失望她買了魚柳包我媽說因為親子蛋飯tastic太飽肚所以沒買看來親子蛋飯tastic不太合她口味親子蛋飯tastic★★★★(★☆)在飯裏看到菇碎但沒什麼菇味飯醎醎地蛋混進了栗米栗米甜甜地蛋沒什麼蛋香味都被粟米覆蓋了味道雞胸肉不滑雞肉有一陣味精味啖啖雞肉挺好吃但叫得親子蛋蛋不夠多醬也不是太多整體上醎了點焦糖布丁麥旋風★★★★☆甜甜的焦糖味基本上是焦糖醬加雪糕再加朱古力餅碎沒什麼布丁味因為沒蛋味朱古力餅碎令質感更有層次整體偏甜沒焦糖的苦味有時有些地方mix得不夠均會過甜健議在那些地方mix mix先吃雖然不是很特別但挺好吃幾抵食荔枝特飲★☆☆☆☆味道怪怪的荔枝味與汽水很不夾感覺很artificial有點像藥水味加上很甜過甜很像喝糖漿一樣我覺得很難喝飲第一啖時簡直不想再喝下去但飲下飲下又慣左它那麼甜又ok d生果有菠蘿, 椰果和apricot…查看更多

通常諗唔到食乜，都會去麥當當是但點個餐黎食。蛋黃哥最近嘅飯Tastic幾好評，今晚就揀你啦！呢個餐要36蚊都幾貴，不過見到「試食價」呢幾個好似講到「已經平咗俾你嘞」嘅字，就順水推舟俾錢去！呢個扮包嘅飯tastic，摸上手熱辣辣，好少麥記包上手會係熱嘅！兩舊飯餅表面煎香、煎到有飯焦咁賣相唔錯，中間夾住比麥香雞還要更炸脆嘅雞扒做膽，然後當然有蛋黃哥啦！個飯包厚度太大而無法一大口食晒所有料，但驚喜嘅係蛋黄哥唔止係一舊炒蛋，仲加咗啲粟米，令到個包多咗一份甜味，讚！而個飯係外脆內軟，如果加多少少醬汁，整體料子就可以混合得更好。…查看更多

Mc Donald’s (二)當我寫完美式手撕雞堡的食評第二天我媽就買了美式手撕烤豬堡給我嘗了如果不是我知道我媽根本沒可能看我的blog我一定會以為她特意買給我嘗的有時有些事就是那麼巧我發現手撕雞堡和手撕豬堡的味道不同雖然兩個都是手撕字開頭但味道完全不同連個sauce的味都不同不是只有雞和豬的分別薯條就和上次一樣於是就不多寫了(其實比上次醎點但只是quality control問題基本上一樣就不寫了)美式手撕烤豬堡★★★(★☆)☆麵包很重牛油香牛油味真的很重很香包裏夾着的菜有蕃茄和紅生菜從上圖也能看出菜mix了沙律醬豬肉乾乾地質感有點像乾火腿豬肉好重蕃茄醬味有些微Mc Donald’s獨有的黑椒辣和美式手撕雞堡不同不是重點黑椒base而是蕃茄base比較重蕃茄味…查看更多

Mc Donald’s29/4那天為了換mario帽給我的公仔戴(帽太小頂我戴不了應該是給小朋友戴的)小不點買了兩個美式手撕雞堡餐一個給我弟一個給我因為我二姐喜歡吃雞於是叫我嘗嘗好吃的話介紹給她但感覺這個包很快就沒有了一個月也沒到就換了美式手撕烤豬堡但我覺得那個sauce應該差不多味只是雞轉了豬所以也將食評照放上來換到了的mario帽粗薯條★★☆☆☆普通Mc Donald’s薯條的粗版味道與普通Mc Donald’s薯條一樣只是質感粗點薯條軟賴賴一點也不脆(這可能要看運氣有時在Mc Donald’s 能吃到即炸的雖然要等一會兒但Mc Donald’s實在太有效率了通常的都炸了很久所以軟賴賴)較特別的是因為連薯皮切能吃到薯皮的香味薯條本身沒什麼味只有淡淡的薯皮味因為沒落什麼味粉(我不喜歡吃蕃茄醬除非用真蕃茄作的醬所以我通常吃薯條是不點蕃茄醬的薯條有沒有味道我最清楚)美式手撕雞堡★★☆☆☆用雞胸肉作的有沙律醬和少少生菜但主醬汁醎醎地有點像板燒雞腿包少少黑椒辣過重感覺很Mc Donald’s的味道很味精炸洋蔥圈炸得不夠脆炸粉仲有點硬硬地總的來說味道太Mc Donald’s一貫的黑椒味了有點失望覺得Gabriel Choy弄的那個沒可能是這個味道所以不太喜歡沒有推介我姐吃…查看更多

功夫熊貓又黎啦，今次同「麥當勞」當然係又有新搞作啦！當中最吸引到小肥o既就係熊貓沖製o既「McCafe特濃咖啡新地Affogato」。咖啡新地單售$16.3，包有一大杯雲尼拿味o既軟雪糕及一細杯特濃咖啡，認真抵玩。特濃咖啡份量剛好可以倒哂入杯雪糕新地入面，滿得黎唔會瀉，果然係有啲Chinese Kongfu呀吓！。軟雪糕個杯底入面原來暗藏朱古力碎，杯新地可以話係集甘甜香脆軟滑於一身，美味非常，不過個人覺得如果特濃咖啡份量可以加多倍就更加理想啦！功夫熊貓，XO仔好鍾意你呀！…查看更多

同honey喺「神虎」食完碗漿糊拉麵，腸胃極不滿足，二人就決定去老麥食甜品，一解肚裡之愁。灣仔區麥當勞多的是，唯獨合和中心嗰間可賺取The East Club分數，所以就算要行遠少少都會揀合和分店。合和地點方便，位於三樓o既麥當勞最近加咗個McCafé區，環境光鮮企理，格調亦高檔不少 。有一點好奇怪，大板上並冇列出雪糕甜品o既種類，我地結果要問不甚友善o既收銀姐姐攞紙餐牌黎睇，先搵到麥旋風等招牌甜品款式 。普通人有情飲水飽，小肥胃口大啲，要同情人分杯雪糕新地sweet sweet 先冇咁餓！個人其實比較鍾意食朱古力味，但愛人情迷士多啤梨味，所以就順從她意。哈，意外地，個士多啤梨味新地又幾討好wor，軟雪糕香甜軟滑，甜甜o既醬汁好清新，而且冇朱古力咁溜，入面又有粒粒果蓉，$7杯真係美味又抵食 ！嘻嘻，XO仔原本叫咗杯汽水飲，但眼見honey飲佢嗰杯士多啤梨奶昔飲到津津有味，結果都忍唔住試咗佢好多啖 ！小肥平時唔會飲奶昔，皆因唔想變中肥，估唔到老麥杯奶昔咁好味，好似飲緊杯少甜士多啤梨軟雪糕咁，清甜香滑，消暑佳品，$7.2一杯，絕對超值！難得與情人有空拍拖，晚餐卻吃下兩碗低水準拉麵，大失雅興，幸好麥當勞就喺附近，其兩款士多啤梨味新地及奶昔為我地帶來甜蜜o既驚喜 ，心情得以變佳，雅致亦得以尋回。…查看更多

今天獨個兒午餐，因為貪方便隨意走進了麥記，叫了最不用經大腦的巨無霸餐。由於近日心火盛，於是將薯條轉為沙律，怎料收銀姐姐說現在只能改粟米粒。想了想，幫襯了如此多年，還從未吃過這出品，倒又不妨試試。回到公司打開袋子，驚覺原來這麼大盒。打開一看，見盒底已盛了一潭水，胃口即時大減。再嚐嚐味道，發現竟然點點鮮甜也沒有，而且溫度不冷不熱，煞是奇怪。巨無霸仍是老樣子，勝在夠大件，算是挽回了少少分數罷。…查看更多

是日，一早要同公司出去合和辦事。約好的人一早已在合和的老麥等，我們遲來了一點點，也順便的，在麥記吃個早餐，再上去找律師做野。我已經是第二份早餐，因為要陪經理去食而令到我又要吃多一份。既然要在老麥陪食，咁我一樣乏味的，叫我幾乎次次都會食的，豬柳蛋漢堡。人不多的時候，麥當勞的員工會好用功的去包靚個包包。而在這一個人部份人已返晒工的時段，出來的包包是特別的公整的。不過，味道就是一樣的連鎖味道，不需多說。就是因為一已經不多，薯餅早炸起，炸得剛好夠脆，油隔晒，所以夠脆又不油，不錯的。奶茶，就覺得佢奶味未夠，不夠好飲。…查看更多