麥當勞 (集成中心)

营业中

休息中

個套餐要用$40買。個包裝賣相好認真。有香港峰味。個包有洋蔥但食落唔覺會流眼淚。個吉豬炸到金黃色。一啖咬落去好重吉列豬扒味。麥記無出過吉列豬扒包。值得推介要試試。因為個峰呆系列作有限期出售。想食親手買。

鋒味安格斯煎蛋肉醬包🐮🥚🍔.鋒味M記推出以來評語好壞參半，咁就不如親身試一次💁🏻‍♀️其實個包又幾唔錯，塊安格斯牛外表乾爭爭但咬落裡面係兩個樣，係juicy啊😍肉醬個味都整得好足都真係提昇左香味，不過M記煎蛋小編一向麻麻地所以唔寫了🤣.至於Shake shake薯條🍟好多人試過都麻麻，的確係唔太突出，似鹹版BBQ味完全食唔出燒味在那🤔但平心而論已經好過上次明太子味.....總結係試一次就算因為成個餐加大埋勁貴囉😅

環境3分：正常麥當勞格局，一邊買飛，一邊拎嘢食，正常三分。衛生4分：衛生算正常麥當勞水平，落左單由食物部預備食物，紙盒同紙袋都乾乾淨淨，可以畀四分。服務3分：响快餐店落單後自取食物，正常無服務，都係三分。味道4分：1)      個橙汁酸到呢，先扣佢一分。2)      麥當勞個薯條不嬲都幼身軟熟，熱辣辣就最好味，加返佢一分。3)      麥樂雞呢就夠熱夠脆，Ｄ雞肉又爽又多汁，再加多分。抵食1分：家下開心樂園餐仲貴過D特價包，話就話送個玩具，但Ｄ玩具貨色好普通，細路哥食仲分分鐘唔夠飽，所以扣佢兩分。

3月又係櫻花🌸盛開的季節。除咗視覺上要飛轉京都，欣賞一下櫻花雨之外。留喺香港都可以用味覺享受櫻花季節。麥當勞出新餐，當然立即去試一試，加HK$7.5即可加大的Shake Shake 薯條及大大杯系列飲品。🌸櫻花的迷人粉紅，淨係包裝已經俘虜我的心。櫻花蝦味調味粉(さくらえび🦐seasoning) 搭配Shake Shake薯條🍟香脆的薯條 + 獨特櫻花蝦香味，令人無法抗拒！係和風紫菜以外，另一吸引人一試再試的味道👍🏻🍍菠蘿蝦堡🍔酸甜醒胃的菠蘿片➕炸得香脆蝦餅，多種口感。配埋新鮮生菜、蛋黃醬味道清新。值得一讚👍🏻的是佢選擇咗用扭紋芝麻包，鬆軟好吃。不過👎🏼要一彈的是外賣回家發現個包變咗形，啲饀走晒位。要花點時間先排返靚個包，啲醬汁要流晒出嚟。所以為免影響食慾相片欠奉。白桃特飲 白桃口味加上雜果，都幾清新。

下午茶時段，行入麥當勞想買杯雪糕食， 掙扎緊買阿華田雪糕定tabasco辣朱古力新地， 但本著大無畏的冒險精神， 就把心一橫買咗一杯辣朱古力新地！試過喺屋企附近買朱古力新地，結果得好少朱古力醬，所以喺度單時特意要多醬， 結果大家有目共睹...omg...不過我並冇後悔自己嘅決定， 因為辣味原子朱古力醬， 正正因為多醬， 整杯雪糕相當夠辣， 喉嚨愈食愈熱， 同時又食緊冰涼的雪糕， 簡直是冰火交融！食到落底都係醬， 鍾意食辣嘅朋友一定要叫多醬， 否則可能不夠辣。講到底辣味雪糕真係第一次食， 今次係麥當勞期間限定產品嘅成功之作， 支持佢推陳出新， 繼續畀驚喜我哋！

Fell victim to what I thought was a new burger but then discovered I had already eaten it before in 2014.I felt that the burger tasted like chicken satay and the crispy coating was exactly the same as the coating that you find in Singaporean style cereal prawns.The bun was much better and the strong tasting romaine lettuce had more flavour along with the cucumber that it complemented the chicken patty nicely.It is basically an improved version of the The Samba burger served in June 2014 because

依排麥當奴成日在報紙上送Coupon, 同事拎左，一齊去買McCafe.Lunch time多人係常識吧，我地前面有兩個人，我地5個人，後面嗰個人表現得好唔耐煩，勁望又走上前問員工係咪得counter俾到錢，搞到我地order 都唔安落。 我地order都用$5現金券，點知拎出單時，發現無減，我個同事話由佢啦，後面人唔耐煩吖，我覺得這件事唔係我錯，要出聲，最後就拎返五蚊！Iced cappuccino要左Skimmed milk 走cream, 所以有啲plain,唔太苦，咖啡味出， 奶泡唔係好夠多，返到公司，我自己加左啲朱古力粉響面調味，好似好飲啲！同事的阿華田凍飲，個面舖滿脆阿華田糖。依件事教導左我地，有時我地要響適當既時候出聲，爭取左唔得一件事，唔爭取就一定無～

今個冬天，搵一個肯捱麥記的女友人，談何容易？都係食自己罷啦⋯真係食自己WO，今期新野係北海道三文魚漢堡，又係魚，好親切呀(My name is Fish)，唔係唔幫襯下呀。 北海道三文魚雞肉火腿堡，個名有夠長，以過往既戰績，賣相緊有啲差距，廣告鬼咁精美，實物就鬼咁hea，合乎理想與現實既標準，三文魚，有三文魚餅味外脆內魚肉鬆化都合格，雞肉火腿大片正常野，醬太少，菜唔新鮮，不果不失普通呀。 柚子胡椒風味shake shake薯條 ，唔太食得出咩味，好迷網既感覺，微柚子味，要shake多幾野食多幾條先食得出少少，有柚子味甜甜地又有胡椒味，似甜又有鹹，名副其實釋式薯條，堅好玄呀。

前晚打籃球前閒來無聊一個人逛街，經過“牡丹樓”見到今期推介的脆脆珍寳黑椒漢堡，份量十足，身為牛魔王的我當然心郁郁想入去試一個。今期推介嘅脆脆珍寶黑椒漢堡套餐可以加$5加大升级Shake shake 薯條，小弟當然不惶多讓，一於試埋！脆脆珍寶黑椒漢堡到手，坦白說賣相欠奉，驟眼看外形有點似巨無霸，三塊麵包裡頂層放了幾塊粟米片和洋蔥碎，四塊漢堡扒配上黑椒汁及半溶芝士，望落感覺messy。一啖咬落去濃濃黑椒香湧入口腔，半溶的芝士加上肉汁滲進味蕾，那四塊漢堡扒口感夠哂份量，完全滿足了作為牛魔王的渴求；唯那幾塊粟米片有點敗筆，因其放在肉塊上難免吸收了肉汁，變得軟韌，影響口感，基本上是畫蛇添足，不加更佳。而那Shake shake 薯條小弟選了和風紫菜味，放入袋中shake勻後紫菜碎沾滿薯條，入口紫菜味濃，味道偏甜但感覺味精很重，味道尚算可以但試一次便夠了。綜觀這個新口味漢堡味道和口感都是有質素的，對於我這個漢堡控來説真是十分吸引，每一啖都實實在在的大滿足，雖然十分邪惡但仍是不能自控。尤幸是自己獨個兒用餐，在沒有其他人干預下可慢慢享受著啖淡滋味，幸福滿滿的，這便是一個人的浪漫吧。

本來想吃紫薯系列，誰知原來要有甜品部的麥當勞才有。那既然一場來到~沒理由空手而回嘛，所以見到有北海道紅豆新地($9)都照試下。反正也是之前沒吃過  紅豆還算多吧，而且粒粒分明~醬不算太甜夾埋雪糕來吃不錯。就是明明大冷天下吃~還是溶得超快 Orz 整體其實普普通通，試過一次便可以了。

從前兩口子或一家人外出食飯，往往會為食什麽菜、去那兒食而頭痛。現在偶爾獨個兒吃飯反而更隨意輕鬆，而“牡丹樓”更是單人飯堂的方便之選，簡單快趣，一個套餐有齊麵包飲品小食，雖然較爲單調，但勝在夠經濟唔駛煩，加上它現時定期推出一些期間限定的新款式，為枯燥的餐單增添一點點新意。最近剛試過新推出的北海道三文魚 · 牛堡，睇賣相同廣告形容得頗吸引，三文魚造成吉列魚扒，外脆內軟。配上明太子醬，加埋我至愛的牛肉漢堡扒，配搭都幾新鮮；回看實物，賣相六成相似，吉列三文魚扒外皮不夠香脆，可能放耐了或不是即炸的關係吧。牛肉漢堡扒質素一般，該餐廳的一貫水準；生菜絲雜亂周圍跌是死症，唯獨明太子醬較有驚喜，酸甜幼滑得嚟滲出淡淡鹹香，與三文魚扒的海鮮味很夾，整體味道唔差，可以一試。雖然Junk Food對健康唔係咁好，但邪惡食品永遠都是最誘人的，一個人偶一為之應該問題不大吧！

最近孤家寡人，自己一個人食飯的時候多了，發覺自家一人食飯也有好處，雖然一次過不能試太多唔同款色嘅食物，但就是自主性大了，喜歡食甚麼菜，甚麼款式，甚麼份量，都是自己話事，有時諗番選擇時的心路歷程都幾得意，因兩個人一齊討論時都會有問有答，但一個人選擇時就會在心裡自問自答：“我今天中午食咗咩？”“今晚食漢堡好唔好呢？薯條會唔會熱氣呢？”“究意食A餐定B餐好呢？隔離個A餐睇落好正喎，但B餐配搭又好吸引……”透過腦海中的問答題，尋找自己的決定，沒有任何外在因素或別人意見阻撓，純粹憑自己的意向行事，難得的任性時刻，就好好享受吧！今晚一樣經過腦海裡的一輪角力，決定去一試最近Christian創作推介的瑞士芝味足三両。漢堡包一向是我這個牛魔王的至愛，而今次這個款式，包身感覺比一般其他的大及鬆軟，漢堡扒當然亦較一般的厚，配埋蒜蓉蛋黃醬，蘑菇及瑞士芝士，確是很吸引。食落漢堡扒想當然的質素一般，算是有肉汁但不會太豐盈，芝味亦未有想像般的濃，加上此餐廳的一向弊病，一打開包裝紙生菜片東歪西倒，賣相欠奉，正所謂色香味，色字行頭，賣相唔討好已大打折扣。好在蒜蓉蛋黃醬做得出色，酸酸的濃香惹味，令到個包口感夠rich；

今日不是食包做早餐，食左呢3片熱香餅，其實早餐heavy d都OK既，因為一定可以消耗返3片熱香餅加埋coffee 16蚊其實都幾OK丫但因為購買時間已經過左最繁忙既時間，仍然係沖定放涼先俾客就不太好所以都強調2次要熱既即磨既3片原整熱香餅配以楓糖其實真係好開心呢，暖暖加綿綿，再加上甜甜，不是它才可以做到如果杯coffee不用提完再提先有熱coffee就更好了

為咗要氹班細姪仔女開心，「小肥爸B」不時都要出盡法寶找尋新玩意，當中最唔少得o既就係Hello Kitty產品；得知麥當當有新公仔換，當然係要馬上抽空食快餐啦 ！真係唔係好記得自己對上一次幾時食老麥，不過就可以肯定集城間分店有裝修改動過。一入門口除咗覺得光猛衛生咗之外，購買部好明顯轉咗形式。以前客人喺收銀處落完單就喺隔離排隊等食物，而家新系統就分拆咗個電腦化o既「食物領取部」出黎。收銀機前不再現人龍，但就多咗好多食客散亂地企係螢光幕旁等食物，感覺好似以前更為整齊，更有系統。可能收銀姐姐工作清閒咗，其態度都寬容咗不少，臉帶笑容之餘，亦常道出感謝句語，有禮得很 ，而忙得團團轉o既領取部同事則手腳不停，對答機會近乎零。XO仔細閱牆上o既餐牌先知原來麥當勞為迎接羊年而新推出咗一系列o既賀年食品，所以就揀咗個意頭最好o既「招財分享盒」 黎試。供應期至2月22日o既「招財分享盒」單點價為$32.5，套餐價為$41.2，套餐加配價則為$28。每盒包有4件麥樂雞、2件香烤雞翼、2件脆香雞翼、1包泰式辣醬及1盒蜜糖芥辣醬。小肥對招財寶盒內之雞肉食物非常滿意 ，有感各有各好味，飽肚又抵食！麥樂雞一

最新推出的batman餐，個包非常惹味，一層黑椒汁煎雞蛋少許辣，夾少許洋蔥再配兩塊牛肉，牛肉好juicy，包夠鬆軟，薯條加4蚊有一包暖的芝士醬及煙肉味脆脆伴薯條撈勻來吃，好像吃焗芝士煙肉薯仔一樣的美味再配以咖啡，趕走近排的悶氣。