麥當勞 (欽州街)

营业中

休息中

外賣早餐同男朋友一齊食~用點餐機點完餐就行過去mc cafe睇下有咩野食,順便等攞餐~點知聽到有個女人同收銀嗰個姐姐講話記著執齊啲野食比佢, 上次執唔齊返去比人鬧, 本來我都係聽完就算。聽到叫號, 我問個姨姨係咪齊啦? 佢冇應我。我拎到個餐都大概望下有冇咁多樣野。我點左個扭扭粉餐, 珍寶套餐同埋一個男朋友特別想食嘅麥芝蛋包。我大概望到有碗粉, 有個熱香餅盒同一個脹脹哋嘅紙袋, 就以為個袋係袋住個麥芝蛋包, 冇仔細打開個袋就走左。返到去打開個袋先發現佢竟然執漏左個包,個袋入面得兩塊薯餅😑, 又行返十分鐘返去拎返個麥芝蛋包, 再行返返去食🤦🏻‍♀️個呀姐拎包比我嗰陣雖然有講唔好意思, 但佢係黑面嘅🌚啲野食凍左冇咁好食就一定㗎啦, 諗返個呀姐啲態度更差, 食個早餐又漏野又要睇人面色🙄經過今次教訓,下次買外賣都係要記得開袋check😌

麥當勞間唔中會推出期間限定嘅包，今次蝦堡嚟啦，好味嘅程度趁住推出一定要再試。今日用麥當勞手機訂餐，訂魚柳蝦堡餐配增量裝脆薯格再加埋新推出嘅熱帶菠蘿特飲，有減$3優惠。呢期Wechat 有推廣優惠，我再用埋Wechat 俾錢，抵上加抵。先講魚柳蝦堡包，果然無失望，係好好味，生菜很新鮮，魚同蝦堡都很夾，脆薯格好鬆脆，今次呢款菠蘿特似，比想像中好啊，因之前試其他款都太甜，呢款反而感覺很清新，唔太甜。整體唔錯，真係希望蝦堡經常推出就好啦！

呢篇食評俾咗個負皮，其中大部份係關於個雪糕嘅，餘下嗰部份係關於麥當勞排隊處理安排。是日肚腩男行街經過見到途人揸住個藍色雪糕，就一於試下新野啦。首先排隊已經10幾人，買完呀姐就會叫你入去嘆住冷氣等。點知入到去塞滿20幾人個個揸住張飛好似輪街症咁樣樣等雪糕。等唔係問題，可惜佢唔係叫Number嘅。佢個方法去排隊再比張飛仔雪糕姐姐為你即場煉製，所以避免唔到插隊嘅人同您爭雪糕。等左10幾分鐘，好似去街市咁迫返出嚟，終於有機會品嚐藍色雪糕啦。一奶落去就知奶野，鹹味同甜味撞埋一齊根本就係唔夾！感覺就係好似食咗一口即溶嘅鹽係口，甜味焗住爆唔到出黎，越食越鹹食左三啖好唔容易搵到垃圾桶，諗都唔諗黎手揼咗佢。總結唔係樣樣味係可以夾埋，個人感想哩個期間限定真係伏野

其實呢杯雪糕冇想像中咁伏！呢杯#海鹽雪糕 比雲呢拿味鹹少少。 一般雪糕唔會甜得來又有少少鹹味！而且顏色都幾特別！朱古力cone就冇得挑剔㗎啦！同埋佢個價錢，只係10幾蚊！10幾蚊有呢個質素其實真係唔可以再怨啲咩㗎啦！

由於小妹經常性的不會早起，錯過了早餐的時間為左依個新口味我決定較好鬧鐘去排隊咁我有download到McDonald’s app 買套餐有得送細橙汁今日食珍寶套餐好滿足首先係薯餅好耐都無食過喇，好似有小小縮水2.要用提子醬搽包包拉緊係如果有蜜糖點依塊漢堡排就好了蛋滑，加左黑椒同鹽超好味我建議搽左花生醬先倒煉奶會好啲我依家先知豆漿係熱的，正好可以暖暖身，不太甜可以n call唔錯既選擇Happy morning by this breakfast

細細個既童年回憶 脆皮朱古力終於番番黎啦🤣 一開始頭個幾日真係排到傻 條隊......個脆皮堅係脆😂 再加埋本身個雪糕都係朱古力 一流👍🏻希望之後一路都會有得食啦😎

榴槤麥旋風直捲全城，上次都未食到就已經斷哂巿，有食過的同事都話好好食，所以今日放工就立即走去有甜品站的麥當勞。未到已經聞到榴槤味，去到，嘩，勁多人排，起碼有30個。但為左一試，所以走左埋去排，一路排都好擔心會唔會到我果陣就賣哂。好在仲有得食。原本$25杯，可以揀加唔加醬，聽聞係一定要加，所以我揀左加$15的濃厚版。一拎到杯麥旋風，果然係好重的榴槤味，先吃未加果肉的普通版，好香好滑好夠味，不過又真係太少，難怪個個都話要加濃厚版，我加左一盒都好似唔夠咁。不過，唔知係未因為太多人排隊，麥同工一路準備D麥旋風，所以有D溶溶地。食完齒夾留香，好滿足。不過$40/杯就有少少貴~

今日完成左自己目標，所以獎勵自己新野：試下先樣本都唔錯10元啊，想食紫薯⋯⋯Oreo細心為我做期待中買到啦，紫薯味濃郁，好香，食埋窩夫筒好香好脆口好好味，下次都會食

今晚係深水埗行街睇下電腦野，咁睇完就去麥記食野啦見出左10蚊有1塊大雞扒同汽水，咁就試下啦！出奇地塊雞扒仲好食過d包裡面塊雞，起碼唔會好乾，仲有肉汁可能因為呢間人流多，加上無自助落單機，所有人買野食同攞野食都要排隊，所以收銀處基本上一定有人排隊，都唔會見到無人排嘅時候亦都可能人多關係，食物都去得好快，所以連薯條都係要即炸，所以難得地食到熱辣辣嘅薯條同雞扒啦

又係就腳食，深水埗黃金隔離間老麥今期麥麥推新包，麥癮發作試咗個泰式脆洋蔥安格斯牛漢堡個包軟熟，隻醬汁都幾酸嘅，鍾情酸沙律醬嘅朋友應該會喜歡。至於個130克嘅安格斯漢堡扒的確算厚，30幾蚊有咁嘅厚度，有牛嘅味道，算好好。而且，蛋係可以選擇蒸/煎蛋，老麥服務日日進步另外，夏日炎炎跟餐加10蚊，點埋個oreo焦糖巴菲試吓食完好飽足，有oreoOreo同埋Oreo 凍焦糖拉絲真係好可愛當軟雪糕溶完，焦糖仲溶緊，個口感味道一流。

星期的早上 自然醒來是最美好的一件事即時令我諗到就係mcdonald 秒秒鐘歡聚歡笑仍在早餐時間 何不來一客mc breakfast 呢?本來想點珍寶早餐 食個熱香餅但忽然想飲一杯latte 那。。。。McCafe吧其實我都會常喝latte McCafe 的咖啡其實比好多所謂cafe 更有心更有質數 以一杯20多元的價錢 係性價比高的店舖重點係佢比一般cafe易搵 更多分店店員可能知道我未食早餐 佢都好有禮貌咁up selling 我最後揀左小龍蝦碎蛋牛角包牛角包 雖然係prepared product 但都不差 很有口感的小龍蝦肉 配合車打芝士 份外濃郁而latte 亦都入口順滑 不苦不濃 這樣的一個麥當奴早餐 explore my weekend !!!! thanks God make me wake early!!

McDonald's 密密送服務真係愈來愈過份，今次破紀錄，要我等成個半鐘先送到﹗ 遲咁多都諗算數啦，點知杯雪糕送到上我屋企嘅時候已經開始溶，仲要D 朱古力漿流到個膠杯外圍周圍都係，食落一D雪糕口感好稀，咩事呀﹖ 請McDonald's改善一下佢地外賣服務嘅質素好嗎﹖

上次試完雞肉白漢堡，今次就黎試試牛肉黑漢堡。唔知係咪因為白漢堡味道普通，所以今次對黑漢堡既期待不大，平常心對待。😄今次既外皮黑包依然係無味道既包，其實黑白漢堡既外形係吸引到我既，不過味道就非常普通。今次既餡係牛肉，汁係黑椒汁，不過都係好少汁，個人比較偏好多汁juicy d 既。入面除左有牛肉🐂🍔外仲有2細塊煙肉，少許蔬菜。比起白漢堡，黑漢堡好似比較得我心😊今次除左試黑漢堡仲試左椰子批，個包裝我好中意，係黑白波點，感覺好時尚，可以襯衫😆咬落去個下，d 餡必出黎，味道偏甜，不錯，不過我最愛還是紅豆批和芋頭批❤❤，內裡我嫌椰子肉唔夠多，得非常少既椰子肉，唔仔細品嘗既話，可能仲唔知有椰子肉。總而言之，嘗試了一次就👌，可以一試既新包。

如果你係半夜2點想搵個地方, 求其正正常常天飽個肚, 麥當勞永遠不會讓你失望, 也永遠不會有驚喜.今次食將軍漢堡餐, 其實我幾鍾意食, 因為佢醬汁唔會太濃味. 但係唔知點解永遠要將d醬出到個包邊都係. 但今日出奇地所有醬汁竟然係個包入面. 可能夜媽媽冇咁忙. 好野!! 希望佢地以後都做到呢個效果.

　　我偶爾會光顧麥當勞，吃的一般都是魚柳包餐，一來份量較輕，別的包的話，吃了會很飽膩；二來是因為魚柳包餐比較便宜。　　今天恰好下班後要上課，而麥當勞最新推出的系列之一是激辛芥末魚堡，我今天突然想吃日式芥末，又不想光吃魚柳包，反正平常都吃到，芥末魚堡的供應期可能有限，於是想試試。　　這間麥當勞經常都是人頭湧湧的，因為位處黃金商場附近，時間恰好又是下班放學的傍晚時分，所以十分熱鬧，幸好服務員十分勤快，一個人也比較容易找到座位。　　我要的是芥末魚堡餐配熱朱古力奶。因為廣告說是極辣，所以我咬第一口的時候不夠大啖，小口地嘗試，第一口的確感到有點辣，但我揭開魚柳包，便感到很失望，奶綠色的醬汁只有一點兒，因為醬汁集中在包的一邊，沒有覆蓋到整片魚柳，因此吃起來就感到很乾，醬汁的味道其實不太濃，倒是有新鮮感，敗筆卻是不夠多，所以太乾。　　魚柳比普通魚柳包的大了三份之一，芝士也因為魚柳的熱度而微溶，證明包夠熱，包也夠鬆軟，生菜絲夠爽脆，整個配搭其實是可以的，差就差在醬汁太少。　　薯條也有點遜色，因為炸得太乾，而且好像放涼了。　　總結一句：一試無妨！