麥當勞 (屯門時代廣場)

营业中

休息中

因為喺大會堂有活動嘅關係，午餐只能喺呢度衝衝忙忙食尐嘢就算，叫左個雙層芝士孖寶餐，薯條轉左薄薯脆。薄薯脆用一個折起嘅紙杯裝住，滿滿的一杯，而且同個名好附合，一塊嘢切得好薄，食落有尐食薯片嘅感覺，真係好脆，但又唔會好似袋裝薯片咁咸，好聽尐就似即炸嘅薯片。但就好碎。題外話，小妹去到時，正好係佢地嘅繁忙時間，唔知係唔係忙得有尐攰，所以將小妹話堂食撳左外賣。而執餐嘅姨姨，將小妹杯可樂執左杯雪碧，小妹共叫左兩個超值餐同一個小童餐，其中一個超值餐要轉粟米，但依然俾左薯條我

有留意嘅人都知道今次出嘅抹茶新地已經唔係第一次登場，只係之前對佢好感唔大所以冇試過。今日同小朋友去屯門公園放完電，想買個雪糕氹下自己同時又氹下小朋友咁，平平地就中左入麥當勞。最愛嘅紫薯新地已落左畫，可惜之餘買左2個新地筒同小朋友一人一個，我個係抹茶新地筒，因為覺得紫薯新地味道如此另人念念不忘，抹茶都應該唔會差得去邊。新地筒一拎到手已經有好感，新地明顯夠凍，所以成個形都好靚，唔會話有啲溶左咁。一入口果然有好濃厚嘅抹茶味，加埋新地本嘅奶味,感覺好清新，之後仲有少少真係飲左杯抹茶後嘅回甘。但第二第三啖食落去時就會發現妹仔大過主人婆，奶味搶過左抹茶味個頭。所以呢個抹茶新地應該都係試過就算，唔會好似紫薯新地咁令小妹一再回味

有日放工經過M記門口時候見到有新雪糕，就是大熱紫薯系列，我就買了一個來吃,雪糕比以前甜咗好多，紫薯味不太突出，價錢只是5元,我覺得它的紫薯雪糕只是一般，我覺得紫薯不是什麼都好吃｜味道紫薯雲尼拿雪糕，雪糕味道太甜了 。味道真的一般服務OK價錢5元

好耐無食麥記，但之前睇到有新包出爐，仲要行美式口味，話主廚推介，一於星期日朝早去試。叫完，等左10分鐘，有少少慢。個包上到手，仲係熱嘅。開左包裝，雞絲好幼，似係醬多d，而炸洋蔥圈炸濃左，變左黑色。味道黎講，個包皮鬆軟，不似平時的麥記飽。而包上面都有芝麻，食到少許芝麻味。至於包身，未食前，是聞一聞會聞到Rosemary 嘅香味。食落去食到有香草味淡淡地，唔咸。 個雞絲醬食落去係辣辣地，千島醬味，配合埋個甜洋蔥圈，的確幾好食。同埋，跟餐，我免費轉左栗米。栗米粒粒都好甜好飽滿。實在食完好滿足。總括而言，the burger tasted nice 35.8嘅性價比實在係高。依家講起其實都想食多次。返食指數:4粒(最多5粒) 。

今日返工前見有時間，去麥當勞散買左豬骨湯豬柳蛋扭扭粉返公司食豬骨湯好香濃，唔會太稀，鹹度適中，豬柳煎得岩岩好，唔會太燶，隻蛋又唔會煎到過熟，扭扭粉份量OK，而且仲有粟米，整體黎講都好食不過$20.3就貴左少少，但我唔食薯餅，無理由買套餐如果薯餅可免費轉粟米就好啦！

麥當勞每次推出新口味雪糕，都會成為熱話。今年試過芒果味、柯華田味、黑芝麻味，好壞參半。不過只是$5.5一杯新地筒，即使有伏，一試又何妨?寒流將至，麥記此時推出凍冰冰雪糕，是有點冒險。只是這次的口味是人見人愛的紫薯呢，未推出已吸引眾人注意了。首天推出的關係，甜品亭有人龍，不過大部分人都選新地筒，不用等太久。粉紫色的雪糕又美又浪漫，走在街上輕易吸引到途人的目光，加上蒙奇奇新年主題，很可愛呢!這紫薯味十分讓人驚喜，每一口紫薯香挺濃，而且還隱隱約約吃到烤蕃薯的香氣，是幻覺嗎?便宜如此，當然不期望它是真紫薯吧，只是能做到假得來味道像真，軟雪糕滑溜依然，是真．美味的!這紫薯新地筒，可說是麥記年度佳作了!

M記雪糕 士多啤梨新地加紅豆派士多啤梨醬新地加紅豆派$11 買一送一優惠 $11兩個 復活節優惠價 直至7/4個人覺得太甜 有 甜到漏的感覺到加上士多啤梨醬汁同好多糖既紅豆蓉既紅豆派。個派係好脆好熱，新鮮整既就一定，但係真唔得太甜了。新地又會因為個派太熱又會熔。評分：6.5/10

今日比平時早咗返屯門,趁有時間去麥當勞吃下早餐，早上的麥當勞有不少人光顧，只是排咗5分鐘左右，今次叫了豬柳蛋包+豆漿(17元),我覺得個包冇以前咁好吃，好似縮水咗,豆漿反而幾好味,我已經少去麥當勞了,麥當勞徐了早上套餐較平之外，其他時間又貴又唔好吃，它勝在分店多，我每天放工見到它大排長龍食物水準豬柳蛋包,個包比以前硬咗些小，豬柳同蛋亦麻麻地豆漿，這個幾好味服務我覺得一般環境燈光好暗，地方尚算適中價錢17元,不太貴番吃少在早上吃麥當勞

我甚少吃M記的早餐，我不會為了早餐早起身,有日起身返工,比平時早了起身,返到屯門仲有時間吃早餐，就去了公司附近M記,我叫咗豬柳漢堡餐(24元),我好耐冇吃薯餅,我覺得薯餅冇以前咁好吃，我覺得薯餅炸得太乾了,豆漿又幾好飲，有好濃郁豆漿味道，豬柳包就一般,成個早餐整體一般,環境就一般 ,自從更改排隊買餐，比以前等耐,亦都好混亂，這個眞是麻麻食物水準豬柳漢堡，味道一般,個包覺得太乾薯餅，我覺得不太好吃豆漿，這個幾好飲服務我覺得自從改了買餐方法，真的麻麻,比以前仲慢咗價錢24,不算貴番吃間中先來

我十分愛吃雪糕，特別是綠茶系列更加喜歡，最近知道麥當勞推出新出雪糕系列，我當然不放過買來試下吃,連續2日買了不同系列來試下 ,抹茶扭紋覺得太甜,抹茶味道好淡，只有一個甜字,反而新地系列就幾好吃，都是甜啦,覺得好有重抺茶味道，十分香濃，2個來講，新地較為好吃味道:抹茶扭紋較甜,抹茶味較淡,新地系列有些小甜有好重抺茶味服務:我覺得OK價錢:我覺得不算太貴

近期M記出現左個新版「新地」「新地蘋果脆」 本身唔食M記既，因為都係肉類之類，我唔好但係有甜品，我點都會試 新地蘋果脆就「名」而言，絕對係合格！因為真係有「新地」，有你所選既味道，仲有蘋果批，真係脆 就「樣」而言，有D FAIL 喎 將D dressing 放曬一邊，其實就組係分開食，不過就放一齊咁解我更加希望見到佢係好似個poster 咁 就「價」而言，大家可以唔買～之前有張「A/B區」既優惠卡（我唔知點叫張野 ）如果A區揀DOUBLE 新地（味道仲可以兩溝！）有D分店仲可以要綠茶紅豆味B區揀兩個蘋果批，賣單應該係$15左右除開都係$5/一款食物，但係新地份量會多D！仲可以自己DIY，用返蘋果批去「點」新地，咁新地米冇咁易溶！ 總括黎講，如果你同我一樣，貪新鮮，鍾意試搞笑野，有冒險精神真係可以比$10試下

今次再來時代廣場McDonald's，這次買了雞亦餐，餐飲就熱奶茶，可能今日人流較多排隊買完再要等，雖然人流較多不過服務員也有禮貌，找了坐位坐下來品嚐覺得雞亦整得香脆而溫度就熱辣辣味道一流，薯條也脆口熱度適中，奶茶也滑稽不會有苦澀味所以覺得好飲，這個餐都幾好 I' m loving it !

今日出來市中心經過屯門時代廣場嘅McDonald's,在這商場嘅McDonald's已經有成約25年記得讀小學時同朋友仔來過這裡開生日會，現在鋪位雖然唔同咗及無以前咁大間不過現在裝修就漂亮過以前光顧嘅人流都幾多排隊排咗一會兒就0rder咗1個足3兩漢堡餐，餐飲就要凍奶茶，足3兩漢堡包一食落去就覺得牛肉味幾濃而麵包也鬆軟熱度也適中可能現在即叫即做所以比起20幾年前好味道好多，而凍奶茶就冲得夠滑比起其他餐廳好飲好多,因為唔會有苦嘅味道，而這𥚃雖然人流多但環境清潔也保持得衛生，可能係這個商場嘅我同我嘅兒時玩得埋嘅朋友仔及同學仔都一起來過品嚐過，所以我對這裡嘅McDonald's 特別Loving it。

是次又用優惠卡buy 1 free1 的甜品~~朋友揀 double 新地(可可) 點知明明話要麥旋風配聰明豆,點知又比左oreo ......可能係oreo受歡迎多了....慣左手勢吧??無同個職員嘈喇..... 每人$6.1~好抵呀~ ice-cream尚軟滑的...層次感很豐富!!

多年來。將軍漢堡可算是最愛之一。畢竟甜甜的燒汁實在難以抗拒，麥當勞大部份的包種都是乾的。重推的第一天給自已買來一個過過口癮，老實說，近年的包包賣相確實有點醜，生菜醬汁一紙都是，而且製作包的時候都是upside-down製作，所以又要反過來吃，總之就是一手都係汁。幸好現在的通通都是即叫即製，拉上補下算了吧。自已沒有吃過玉子的一款，因為總覺得燒汁跟那蛋不會配合，而且一包有兩種醬又是怪怪的，還是忠於原味，如果稍後時間有Double將軍應該會吃得更開心。期待期待。