麥當勞 (星光行)

营业中

休息中

以前由於工作關係，麥當勞早餐絕對係我必食之選，因為選擇多選擇之外，水準每一間都差唔多。已經3年因為疫情關係，屋企樓下剩係得麥當勞同埋大家樂，所以麥當勞就成為咗我每個星期必食幾Tang嘅餐廳。麥當勞間唔中就會推出一啲特別嘅套餐，特別嘅選擇，每一次都唔差㗎 ！就好似之前佢哋推出嘅麥炸雞，絕對唔俾其他舖頭差！尖沙咀附近都諗唔到要食啲乜嘢，咁梗係一定要食麥當勞啦。麥當勞啲麥樂雞真係好好味道，同氣炸鍋整出嚟嘅急凍食品完全唔同。最緊要而家汽水都幾大杯，呢個價錢有咁嘅質素都幾公道。最新推出嘅焦糖朱古力批，又係令我一是難忘！朱古力批，又係令我一是難忘！

好耐無食過麥當勞，今日收早心血來潮想食，估唔到都幾多人買，都等咗一陣仔。買咗以家最新款嘅：煎蛋安格斯套餐/漢堡包皮鬆軟有彈性，這款安格斯牛沒有額外調味更多，所以食到牛肉原汁原味。配這款扁平的煎蛋 跟以往厚厚的蛋是很不一樣，加上醬汁洋蔥，幾fresh。鹽味焦糖朱古力批/我心想以為會好甜，原來不會，像80%朱古力，配搭鹽味焦糖有少許咸調味，好夾。中薯粉配和風紫菜調味粉/Shake shake 薯條不是常常有，難得有我喜歡的紫菜味，依然都係咁好食，勁香，又不會太多鹽好咸。

上堂後有d肚餓，去麥當勞醫下肚先，普普通通食左個麥樂雞餐$20幾蚊就食到，平價之選食左咁多年麥樂雞就覺得無咩特別，不過加埋食極唔厭嘅甜酸醬，香脆美味，濃濃地肉汁出晒黎最後加返杯凍可樂同薯條，真係正

⭐️麥當勞🍔♫˚♪• ♫˚♪• ♫˚♪• ♫˚♪•♫˚♪• ♫˚♪• ♫˚♪• ♫˚♪• ♫每次麥當勞廣告新品時，我的內心總是蠢蠢欲動著，都看起來都好好吃，新鮮又有趣！尤其是甜品的麥旋風及任何一種pie 呀😆以前住台灣時好少有不同口味嘅甜品呀！❤️今次餐點❤️1.焦糖朱古力麥旋風有朱古力粉及焦糖糖漿唔會太甜，加上招牌麥當勞嘅雲呢拿雪糕🍦完美融合在一起，最近雖然過中秋了但天氣還是很熱，一定要點一份試一下👍2.鹽味焦糖朱古力批好驚訝，以為焦糖同埋朱古力會好甜添！竟然唔會，而且真係有淡淡鹹味，這次朱古力不是用超甜的口味，讓人在享受甜點的同時又降低一些罪惡感了😆

今次返工好趕時間去嗱嗱臨買咗個豬留漢堡餐食完趕返工豬柳蛋漢堡平時鍾意食豬柳蛋漢堡係因為鍾意食佢個包同埋唔會好似炸雞扒咁用油煎食起上嚟罪惡感亦唔會好高薯條唔知係咪今次係月頭所以用新油今次啲薯條炸得好食香脆內軟 唔錯奶茶同平時飲嘅麥當勞奶茶一樣都係好飲

見天氣好熱求其買咗個芒果雪糕 $6但係個味道好似一般太甜好濟不過勝在夏天有得涼冷氣 甜筒可以解熱另外都叫左個麥樂雞餐 一如既往地平同好脆新鮮滾熱辣 最鍾意就係加埋甜酸醬一齊食！

行過路過天口咁熱近近地，整返杯芒果係假架啦～好似食緊鳳仙咁6蚊，冇要求啦當用黎降下温都要啦唔加果pat jam係明智我見其他人食到瞇咁樣應該中伏最好食都係阿華田加脆脆

尖沙咀呢邊嘅麥當勞我其實好少過嚟，今日都係純粹同朋友經過就入嚟食吓嘢，但比我發覺左一樣嘢好特別，就係唔知點解呢度嘅薯條好食過我喺馬鞍山麥當勞食嘅薯條，係咪因為馬鞍山嘅麥當勞客人比較少，所以質素差啲呢？係咪旺區嘅麥當勞流轉得快啲所以啲薯條又熱辣辣、又香，等我試多幾間先，睇吓我嘅理論係唔係正確

平時下午唔知食咩，就一定會選擇McDonald’s!!! 因為平靚正！今日都係例牌食炸雞餐，尖沙咀人流多，新鮮炸起既炸雞同薯條特別好食，又脆又juicy❤️❤️❤️

逢星期一至五有超值早晨優惠每次都會揀火腿扒芝士漢堡加熱咖啡火腿扒芝士漢堡包軟熟香口芝士溶芯好吸引咖啡都唔錯每日返工必叫尖沙咀分店店員都好好對比起其他分店醒目好多

香蕉朱古力批（$9)賣相：🐧🐧🐧🐧味道：🐧🐧🐧🐧朱古力批以特制迷你兵團紙盒包裝，制作簡單可愛。朱古力批外型與蘋果批無異，朱古力外皮乾身香脆，非常吸引。味道方面，朱古力外皮酥脆不油，朱古力味足。內餡一半為香蕉果蓉，一半為朱古力醬，剛好各佔一半並未刻意攪勻。朱古力醬甜度偏高，朱古力味頗為香醇，配合新鮮香甜的香蕉果蓉，味道頗夾不會突兀。🐧❤️結語：新鮮配搭又味道不錯的期間限定，值得一試。

琴日行街行行下開始覺得肚餓，所以就忍吾住去左就近嘅M記High 個Tea就繼續行落去-入到M記就見到新promote 緊嘅Chocolate Banana麥旋風同埋批，上次試過麥旋風後，至衰無影相，只能夠講大寫三個字「伏到爆」 ，又甜又濕又黑忟忟一 pat pat 咁吾知以為自己食緊啲吾知咁一樣，果然照片可以係照騙。。。-今次親叫左香蕉朱古力批，出奇地又好ok喎可能因為炸過嘅關係所以吾會好「淋啤啤」，反而外皮好脆身爽口，亦都好夠朱古力味，一啖咬落去入面好juicy 好多香蕉餡，口感比雪糕豐富好多亦有返啲層次-香蕉餡味道好濃郁，雖然無香蕉粒，但係勝在吾會好甜，香蕉味本身同朱古力味都好夾，吾會互搶風頭，好好嘅mix and match-一個正，一個伏，就打過和啦今次

終於番嚟啦(⁎⁍̴̛ᴗ⁍̴̛⁎) 期待咗好耐🥹！真係好鍾意蝦煲堡啊！又香脆又juicy🥰麵包鬆軟！啲醬都好好味！仲會有生菜喺入面！一啲都唔怕會油膩😌再配埋薯條，可樂！夠晒滿足

疫情期間，為咗保護自己安全，都係外賣安全啲，近來見到麥當勞出咗個新包，係期間限定既蝦堡，係蝦！蝦！蝦！重要嘅事要講三次，為左想試真d蝦堡既肉，仲特登叫左無菠蘿既版本，諗住一試便知龍與鳳。點知，希望愈大失望越大，外賣打開個包，oh my god，個包皮又壓扁了又皺，睇到都無咩食慾，咬完落個包，的確見到兩三隻完整既蝦，其餘既都係蝦膠？打成既蝦餅，食落口感好似梅梅地，d千島醬味又太濃蓋過蝦既味道，總的來說，配搭同食材口感都有改善空間，不過⋯⋯應該唔會試第二次了。跟餐優惠配埋個新嘅香蕉朱古力麥旋風，香蕉🍌味唔多覺，更唔好期待有香蕉蓉/香蕉肉出現，但加左香蕉朱古力糖漿既雪糕，甜度高出平日既麥旋風幾倍，食多兩啖，發覺單吃雪糕底仲好，最後剩下d醬膩到唔敢食了。

個人食漢堡包🍔最鍾意️一定係食蝦堡❤麥當勞最近推出左三款蝦堡 超開心🥳炸蝦餅外脆內爽口彈牙🦐再配埋酸甜多汁嘅菠蘿一齊食🍍可以解油膩感之餘 仲更清新✨好有夏天嘅感覺😝