麥當勞 (The LOHAS康城)

营业中

休息中

打風多數做咩好？除咗打麻雀，係梗係要醫肚。忽然間8號風球，家中沒有準備食物，唯有落街睇吓有乜嘢餐廳有開，經過麥當勞，發現有蝦寶🤩🤩。太太見到有蝦寶🤩，唔使諗即刻排隊搵位。打風排隊人龍真係誇張，足足等咗大半個鐘頭先有得拎。我哋叫咗兩個魚柳蝦寶2人餐$99，麥當勞限時漢堡包最好食嘅係哈寶同埋將軍漢堡，必食的。😂😂😂之前食過菠蘿蝦寶餐，好Flash好夾，今次魚柳蝦寶餐，兩種味道，兩種口感Max埋一齊，不得了🤩🤩

每次薯條都是淋的，外不脆，有時候仲好像炸不透，個心好似唔夠熟，請改善。我認為不是放耐了，一接手已經見到係淋和軟的，可能是炸的問題，希望麥當勞再培訓員工炸薯條的技巧。

叫咗個餐去到見到好多人周圍行吓之後個A PP話俾我聽有餐攞去到麥當勞現場，職員竟然話未有餐攞得住但係個A PP顯示係有得攞餐麻煩可唔可以人手分配得好啲同埋明知好多人買嘢嘅時候就安排多啲食材最緊要係連個A PP都可以撳錯掣出錯嘅？出到餐先可以撳掣㗎嘛！

今日外賣自取，要咗兩個魚柳包走醬加一個正常，共三個魚柳包，仲有其他食物和飲品！ 等待過程中，聽到佢哋話欠走醬包，只好繼續等候。最後見到佢哋放埋兩個包入袋，以為任務完成！攞嘢走人！點知返到屋企先發現少了一個正常魚柳包！又要回頭去攞，一來一回，又要浪費了30分鐘，乜都凍哂淋哂！希望各位老麥的員工，專心工作，把基本做好！

見今日麥當勞有$10，九件麥樂雞優惠。趁下午茶時段用app落單，唔使5分鐘已經有得拎。一盒揀咗芥末醬、另一隻揀咗燒烤醬味。個人覺得芥茉醬同麥樂雞比較夾，燒烤醬味就太濃，點完之後會蓋過麥樂雞嘅味。麥樂雞都熱辣辣，味道同size 和平日差唔多，一人食九件真係好滿足😋

一年一度，平日冇乜機會食佢嘅早餐，今日明知多人都照嗌。用app落單，首先error, 應該有食物售罄，要從頭再落單，足足俾咗兩次錢先成功落單。呢度要讚一讚，麥記個app自動退款都尚算做得好快。平時大概10至15分鐘就有得拎，今日完全唔係嗰回事啦，大概半個鐘先收到通知有得攞。但原來係假嘅，最後再等多15分鐘，即係足足用咗九個字先成功拎到。不過今日情況係有啲特別嘅，平時買就快好多。兩個人每人嗌咗一個珍寶早餐，雖然多order, 但質素都算保持到。大部份食物都係熱辣辣。今次熱香餅特別揀咗朱古力醬試吓，都唔算太甜，ok呀。不過如果趕時間，又真係唔好揀1月1號食呢個早餐😂

一早起床突然諗起好耐冇食過麥當勞嘅豬柳蛋通粉，就決定返工前去食返個早餐，我去到麥當勞就喺自助購買機買咗一份豬柳蛋早餐🥣🥰🥰，我坐喺中間個四人位，呢間麥當勞可能係新開冇幾耐，所以鋪面都好清潔整齊，員工對顧客嘅態度都好有禮貌，個早餐除咗有豬柳蛋通粉仲有一塊薯餅，另外配咗一杯牛奶🥛，個通粉啲湯味度適中，入邊蛋好有蛋香味，豬柳唔會太油膩，薯餅好香脆，再配埋杯牛奶，整體配搭上嚟好完美❤️😋，食完個早餐之後好醒神😉

康城商場開業一年多計劃睇戲前 食lunch看到多啦a夢廣告 就衝入去麥當勞 原來今次推出一個海洋滋味二人餐 都只是$76是迎接夏天的新餐包裝好可愛 全部都是多啦a夢的頭像套餐包括了兩個菠蘿蝦堡包裝盒好大體😙好可愛吸引不少小朋友大人們慕名而來 不少人外賣回家一打開 包裝紙也是可愛的多啦a夢主角就是菠蘿蝦堡 大大個炸蝦脆卜卜 炸到黃金色 厚厚的菠蘿應該罐頭製成 但甜甜的 好食😋配上平時正常的薯條🍟和大橙汁可愛的卡通麥當勞餐

☀️ 芝味Good Morning!▫▫▫▫▫🍽 菜式介紹:❝ 菠蘿雞肉芝味捲早晨套餐 $35 ❞ 🔸4/5▫▫▫▫▫🔴食評:香港麥當勞McCafé 🔸又有新菜式推出啦! 今日我試了全新的 菠蘿雞肉芝味捲早晨套餐🌟，熱辣辣的捲餅，包著香甜多汁的菠蘿和邪惡的拉絲芝士，鹹香並重，非常惹味😍，咬一啖，即時醒神，好好吃呀配上黑咖啡或拿鐵，只需$35咋明天一齊試下啦~