麥當勞 (已結業)

出左麥旋風咁耐一直只會買oreo味今晚去奧海城買野俾朋友仔路過身痕想食雪糕平時唔飲咖啡既我突然都想試意大利咖啡味既麥旋風但說時遲那時快朋友仔已經叫左唔想兩個一樣唯有改叫聰明豆味估唔到意大利咖啡味係咁好架wor只有咖啡香味食完又唔會一陣酸味好好味反而我個聰明豆好唔得只得一個甜字建議麥記應該delete呢個口味啦咁甜好唔健康架同時應該加番個好味d既favour啦

好多年無食過麥旋風早幾日突然想食要左oreo味雪糕一如以往重甜味奶味加左oreo餅更甜但又幾好味喎不過當麥記不斷轉型變24小時加左d新款食物時唔想想點樣o係現有產品上再增加口味呢?

試左新o既至尊漢堡，一打開見到個包，望已經知道佢乾，食埋就梗肯定。醬汁冇乜特別，芝士冇味，一食只食到蕃茄o既味。夜晚九點後去24小姐營業既M記，買呢個新套餐送一罐Zero 可樂。

批身係蘋果批o個種外面夠脆唔會油淋淋中間既紅豆餡唔太甜ok但就太過溶如果有番d淋左既粒粒紅豆增加左口感會更美味不過食時要小心唔係好似我咁會辣親咀想起好幾年前麥記仲出過一種粟米批唔知幾時輪到佢回歸呢?

今朝睇戲前黎食個早餐因為我想食粥既關係朋友仔就黎買個早晨全餐陪我去foodcourt食食物都係咁啦唔多講最impress只係薯餅好脆服務真係好抵讚餐飲話要奶茶佢會自動俾濃香奶茶而且又會自動執多杯水俾你

飯tastic出左咁耐都未試,琴日終於同媽咪細妹一齊試下…唔!一致認為比想像中無咁好味…個飯唔夠脆又唔夠野味,好似好淋既感覺,反而件雞好脆好好食!因為唔算好味而又幾貴,我地都唔會再試!但係佢個餐可以轉菠蘿片或者粟米呢點幾好,因為我地怕熱氣時可以唔食薯條,我地食左菠蘿片,可惜太酸…

本來想番炒車品品, 但原來好遲先開門架,唯有去對面的麥記....試下個飯tastic先, 同男友一人叫一款,我試的是炸雞, 由於我的嘴角損左,要食得好小心, 估唔到竟然要拆開咁多層來食, 失去左食rice burger 的原意添....果層飯唔係普通炒飯, 係加左d薑汁的(個人認為),但味道都幾好! 男友話個牛肉飯tastic 好淡, 我試左一啖,係korean 牛肉, 同果個清新滋味卷一樣的牛肉呀!但我覺得都ok, 唔係好淡。而家叫呢個餐可選唔要薯條, 要粟米or 鮮菠蘿片,我地試左, 普普通通啦, 街邊d 杯装牛油粟米好食d,菠蘿片就地門罐頭菠蘿片好食d......哈哈.....p.s. 呢間麥記好細, 又有人搞生日會, 好嘈!!!

第一次食, 係o向日本. 日本飯白雪雪, 好粘, 好香口. 個飯煎得香脆, 剩食舊飯都好正!!一見廣告話麥當當有rice burger, 就即刻去試食.我叫左脆雞o個隻. 先講夾底o既生菜同Lettuce(紫紫地色o個隻呢). 本人唔係咁鍾意食Lettuce, 而且切得好粗身. 個雞係OK既.個飯有D似臘味飯, 好油. 開頭食o個陣, 都覺得幾香. 食到一半就已經好滯. 好辛苦至食晒一個rice burger. 呼~~~我諗我就唔會再食喇. 建議要試食的朋友(尤其是細食o既女性), 最好同人share, 無咁肥膩...

好正呀, 又唔太甜, 熱'la la', 有芋頭粒在內, 好紅豆批同蘋果批, 必試!

天冷冷, 要食下熱野,試試麥記新出既通粉早餐先,結果係點?係唔係好掂喎!粉好似比較硬,同茶餐廳既係無得揮呀!不過以快餐店質素去比較既話,就可以接受囉!不過都係試一次就夠,下次都係食番我既至愛熱香餅好d—唔係,係好好多!

哈哈, 紅豆批出左咁耐, 今日先第一次食咋. 係好味播! 紅豆餡料似係濃稠版o既紅豆沙, 甜味適中, 批略帶鹽味, 正! 值得翻炒!

食完晚飯, 朋友見我仲係悶悶不樂, 就再請我食雪糕. 見我未試過芒果脆筒, 就試下呢個.個脆皮真係有d似鳯仙, 不過又幾好食喎. 呢間分店唔算好慷慨, 所以好快就食完.食完甜品, 心情係咪好d? 係好d喎! 不過大半係因為朋友o既體貼, 小半係甜品啦...

細個時太鍾意食M 記早餐(一個星期食5次...!!)搞到後來食怕左...隔左勁耐冇食後，又俾佢既勁sharp香草雞扒早餐廣告吸引左去再食~　可惜事實證明，廣告都係呃人既...實情係新既香草雞扒又肥又鞋，份量又唔多...　比較而言，傳統既早晨全餐會好少少囉...雖然炒蛋則仍然都係實同冇味，但至少份量都多d嘛~ Btw，橙汁都好酸... 食早餐，我覺得有更多好既選擇~! 　* 扣分另一原因:我係特登早起去食架...~_~"

試左奇妙泰椒醬同蜜糖芥末醬, 前者都幾辣, 後者就同坊間買到o既蜜糖芥末差唔多味. 我覺得後者同炸雞味道較配合, 但係媽咪就覺得前者辣得黎好開胃.

上次麥記出呢個dessert時我無試過, 但係家姐就話好好食. 今次出返, 家姐第一時間就扯左我去買黎食. 佢話今次呢個比上次細杯左好多喎!我覺得個杯味道都okay o既, 不過就唔駛麥記去買, 自己整都得. 另外如果藍莓轉做藍莓醬, 濕d會好味d. 仲有, 如果佢可以加多d cereal會更佳!